Megjithatë, vendimi i klubit në lidhje me abonetë vjetore i ka befasuar jo pak “besnikët” e Paderbornit. Klubi i ngjitur në elitë regjistron abonetë më të shtrenjta në të gjithë Bundesligën!

Sipas “Sky.de”, plot 225 euro duhet të paguajë një ultras i Paderbornit për të ndjekur ekipin e zemrës në ndeshjet shtëpiake. Në vend të dytë renditet Dortmundi me 219 euro, ndërsa kampionët e Bajernit kanë vendosur një çmim prej 145 eurosh, pra 80 euro më lirë se rekordmenët e Paderbornit.

Gladbah-Shalke 04 është përballja më e zjarrtë e javës së parë, por nuk mbetet pas as dueli Ajntraht Frankfurt-Hofenhejm. Debutim historik edhe për Union Berlin, ekip që ngjitet për herë të parë në elitën e futbollit gjerman në 56 vite histori.

So it shall begin ?

Which encounter catches your eye? pic.twitter.com/CpjCIBoFrg

— Bundesliga English (@Bundesliga_EN) June 28, 2019

Kryeqytetasit do të presin Lajpcigun në një përballje tepër të vështirë. Transferta aspak të thjeshta edhe për dy klubet e tjera të ngjitura në Bundesligë, Këlnin dhe Paderbornin. Të parët udhëtojnë drejt Volfsburgut, ndërsa të dytët drejt Leverkuzenit.

Në shtëpi do të nisë sezoni i ri për verder Bremen dhe Milot Rashicën, të cilët do të ndeshen me Fortuna Dyseldorfin.

JAVA E PARË

Bajern Mynih – Herta Berlin
Borusia Dortmund – Augsburg
Bajer Leverkuzen – Paderborn
Gladbah – Shalke
Volfsburg – Këln
Ajntraht Frankfurt – Hofenhejm
Verder Bremen – Fortuna Dyseldorf
Fraiburg – Mainc
Union Berlin – RB Laipcig

7? pic.twitter.com/11YCgA5A1y

— #MEIS7ER (@FCBayern) May 18, 2019

Të dy lojtarët do të largohen nga ekipi dhe nuk mund ta mbyllnin aventurën e paharrueshme me gjigantin gjerman pa shënuar gol. Pavarësisht kritikave dhe një sezoni të vështirë, Niko Kovaç arriti të shkruante emrin në historinë e Bajernit me titullin e fituar.

Duartrokitje edhe për Dortmundin. Verdhezinjtë nuk treguan forcën e duhur në sprintin final, por zhvilluan një sezon fantastik. Fitorja 0-2 në fushën e Gladbahut nuk solli titullin, por rivaliteti me Bajernin ishte emocionues dhe gjithçka u zgjidh në javën e fundit.

Leverkuzeni siguroi tre pikë të arta në kryeqytet përballë Hertës vendase dhe sezonin e ardhshëm do të marrë pjesë në Champions Ligë. Në Ligën e Europës përfunduan Gladbahu, Volfsburgu dhe Ajntrahti i Frankfurtit, ndërsa humbja në Mainc ishte fatale për Hofenhejmin.

Me gol e mbyllën edhe dy lojtarët shqiptarë. Milot Rashica shënoi golin e nëntë në kampionat në fitoren 2-1 të Verderit kundër Laipcigut, ndërsa Elvis Rexhbecaj shënoi golin e dytë në Bundesligë këtë sezon në triumfin 8-1 të Volfsburgut.

Gladbah-Dortmund 0-2
(Sanço 45’, Rojs 54’)

Bajern Mynih-Ajntraht Frabkfurt 5-1
(Koman 4’, Alaba 53’, Sançes 58’, Riberi 72’, Roben 78’ / Haler 50’)

Dyseldorf-Hanover 2-1
(Henings 56’, Karaman 61’ / Myler 78’)

Fraiburg-Nuremberg 5-1
(Terraxino 7’, Ualdshmid 34’, Petersen 54’, 56’, Grifo 61’ / Louen 69’)

Herta Berlin-Leverkuzen 1-5
(Lazaro 34’ / Haverc 28’, Alario 38’, 72’, 88’, Brandt 54’)

Mainc-Hofenhajm 4-2
(Brosinski (pen) 66’, Boetius 83’, 90’, Mateta 90+3’ / Belfodil 12’, Kramariç 34’)

Shalke-Shtutgart 0-0

Verder Bremen-Laipcig 2-1
(Rashica (pen) 35’, Pixarro 88’ / Mukiele 86’)

Volfsburg-Augsburg 8-1
(Vergost 21’, 37’, 55’, Knoçe 41’, Ginçzek 57’, Rexhbecaj 60’, Brekalo 85’, Danso (aut) 89’ / Shiber 81’)

Goli i nëntë në Bundesligë për 22-vjeçarin, i cili numëron edhe pesë asiste të kthyera në gola nga shokët e skuadrës. 1-0 është mbyllur pjesa e parë për Verderin, që shpreson të mbajë këtë rezultat dhe të shpresojë në një frenim të rivalëve për të siguruar një vend në Ligën e Europës.

Gjithsesi, vështirë të ndodhë diçka e tillë, sepse Volfsburgu dhe Hofenhejmi po fitojnë ndeshjet e tyre.

Pranë golit ishte edhe Levandovski, por goditja e polakut u ndal në shtyllë. Djemtë e Kovaç do të presin Ajntrahtin e Frankfurtit ndeshjen e fundit dhe mjafton një barazim për të fituar Bundesligën.

Dortmundi vuajti shumë për të mposhtur Dyseldorfin në shtëpi. Pulisiç zhbllokoi shifrat katër minuta përpara fundit të pjesës së parë. Gol dhe lot për amerikano-kroatin, i cili do të largohet në fund të sezonit drejt Çelsit.

Pjesa e dytë nisi me emocione. Miqtë barazuan shumë shpejt me anë të Fink, i cili u ndihmua edhe nga gabimi i portierit vendas. Gjashtë minuta më pas Dortmundi u rikthye në avantazh me anë të Dilejnit.

Në minutën e 58-të, arbitri akordoi penallti për miqtë me ndihmën e VAR-it. Për fatin e mirë të verdhezinjve, Lukebakio dërgoi topin jashtë, ndërsa Dyseldorfi mbeti me një lojtar më pak shtatë minutat e fundit.

Shtesat dhuruan edhe nga një gol për çdo ekip. Gëce trefishoi shifrat, ndërsa Kounacki shënoi golin e dytë për miqtë në sekondat e fundit. Javën e ardhshme Dortmundi udhëton drejt Gladbahut dhe shpreson te një fitore e Ajntrahtit të Frankfurtit në Bavari për të fituar titullin kampion.

Gara për vendin e katërt vazhdon të jetë e ashpër deri në javën e fundit, ndërsa Hanoveri vulosi rënien nga kategoria bashkë me Nyrembergun. Shanse për të qëndruar ka Shtutgarti që do të zhvillojë dy ndeshje play-out me vendin e tretë në Bundesliga 2.

Augsburg-Herta Berlin 3-4
(Han 10’, Gregorish (pen) 50’, 70’ / Platenhard 47’, Grujiç 66’, Kalu 75’, 90+3′ (pen))

Leverkuzen-Shalke 1-1
(Haverc 31’ / Burgstaler 47’)

Dortmund-Dyseldorf 2-1
(Pulisiç 41’, Dilejni 53’ / Fink 47’)

Hanover-Fraiburg 3-0
(Anton 39’, Bebou 51’, Ualas 81’)

Hofenhajm-Verder Bremen 0-1
(Egestein 39’)

Nyremberg-Gladbah 0-4
(Dërrmiç 56’, Muhl (aut) 63’, Hazard 65’, Zakaria 80’)

Laipcig-Bajern Mynih 0-0

Shtutgart-Volfsburg 3-0
(Kastro 45+1’, Donis 55’, Didavi 83’)

Robert Levandovski zhbllokoi ndeshjen në minutën e 27-të. Polaku shfrytëzoi një krosim të Kimish dhe goditi saktë me kokë, duke gjetur golin e 22 në kampionat. Vendasit nuk u ndalën dhe dyfishuan 5 minuta përpara fundit të pjesës së parë.

Gorecka lëshoi një goditje të bukur nga jashtë zonës dhe topi përfundoi në rrjetë. Miqtë reaguan dhe arritën të shkurtonin rezultatin në pjesën e dytë.

Braziliani i ardhur nga stoli, Xhonatas u tregua i saktë nga pika e penalltisë, ndërsa pas katër minutash u ndëshkua dy herë me të kuqe, duke lënë Hanoverin me një lojtar më pak.

Bajerni gjeti sërish golin me Frenk Riberi. Francezi veproi bukur në krahun e majtë në minutën e 84-ët dhe vulosi fitoren e ekipit të tij me golin e shënuar. Ky trepikësh e ngjit Bajernin në kuotën e 74 pikëve, 5 më shumë se Dortmundi që luan pas një ore në transfertë kundër Verder Bremen.

Glückwunsch zu 7?0?0? Pflichtspielen, @ArjenRobben??#Robben #MiaSanMia pic.twitter.com/vlhsIRE9qs

— FC Bayern München (@FCBayern) May 4, 2019

Stadiumi shpërtheu në ovacione në minutën e 86-të. Arjen Roben u rikthye dhe zhvilloi ndeshjen e 700-të me bluzën e Bajernit, pavarësisht se pati vetëm pak minuta në dispozicion.

Në ndeshjet e tjera pati fitore vendasish dhe një barazim. Volfsburgu dhe Herta e Berlinit nuk gabuan në shtëpi, ndërsa dueli Gladbah-Hofenhajm përfundoi në një barazim spektakolar 2-2.

Gladbah-Hofenhajm 2-2
(Ginter 73’, Dërmiç / Kaderabek 33’, Amiri 79’)

Bajern Mynih-Hanover 3-1

(Levandovski 27’, Gorecka 40’, Riberi 84’ / Xhonatas (pen) 51‘)

Herta Berlin-Shtutgart 3-1

(Ibisheviç 40’, Duda 45+1’, Kalu 67’ / Gomez 70’)

Volfsburg-Nurnberg 2-0
(Klaus 38’, Tiserand 78’)

Kaq zgjati lumturia e Dortmundit, pasi pjesa tjetër e ndeshjes do të kthehej në “ferr”. Katër minuta pas golit të Gëces, VAR-i ndërhyri dhe akordoi penallti për miqtë. Kalixhuri barazoi shifrat, ndërsa Salif Sane shënoi me kokë në minutë e 28-të, duke gjetur golin e dytë për Shalken.

Pjesa e dytë nisi shumë keq për vendasit. Marko Rojs la Dortmundin me dhjetë vetë në minutën e 60-të. Kapiteni kreu një ndërhyrje të ashpër nga prapa dhe kryesori i tregoi direkt të kuqen.

Goditje dënimi për Shalken dhe eurogol i Kalixhurit. Tensioni te vendasit kapi kulmin dhe tre minuta më pas përsëri karton i kuq. Ulf u ndëshkua dhe Dortmundi mbeti me 9 lojtarë! Belgu Vitsel shkurtoi rezultatin katër minuta nga fundi, por e menjëhershme ishte përgjigja e Embolo, i cili dërgoi përsëri Shalken në avantazh të dy golave.

Në ndeshjet e tjera ra në sy frenimi i Ajntrahtit në shtëpi. Ekipi nga Frankfurti nuk mundi të fitonte përballë Hertës së Berlinit, që luajti me një lojtar më pak 10 minutat e fundit. Dyseldorfi shkatërroi 4-1 Verderin e lodhur nga ndeshja e kupës, ndërsa arritën fitore edhe Laipcigu me Hanoverin. Trepikëshi e konfirmon Laipcigun në vendin e tretë me 64 pikë, pesë më pak se Dortmundi.

Dortmund-Shalke 2-4
(Gëce 14’, Vitsel 85’ / Kalixhuri (pen) 18’, 62’, Sane 28’, Embolo 86’)

Dyseldorf-Verder Bremen 4-1
(Raman 1’, Karaman 22’, Henings 56’, Sutner 73’ / Kruze (pen) 28’)

Ajntraht Frankfurt-Herta Berlin 0-0

Hanover-Mainc 1-0
(Uejdand 66’)

Laipcig-Fraiburg 2-1
(Verner 19’, Forsberg (pen) 78’ / Grifo 66’)

Pjesa e parë nuk pati shumë raste, ndërsa vendasit ndryshuan marsh në të dytën. Miqtë mbeten me një lojtar më pak pas të verdhës së dytë të marrë nga qendërmbrojtësi Milos Veljkoviç në minutën e 58-të. Insistimi i Bajernit u shpërblye në minutën e 75-të. Shyle goditi nga jashtë zonës dhe topi përfundoi në rrjetë pas një devijimi.

Kjo fitore e çon në katër pikë diferencën me Dortmundin ndjekës, që do të luajë nesër në transfertë kundër Fraiburgut. Milot Rashica u aktivizua për 73 minuta, ndërsa Verderi provoi shijen e humbjes në kampionat pas 12 javëve.

Në ndeshjet e tjera, Leverkuzeni siguroi një trepikësh Europe, duke fituar në shtëpi përballë Nyrnbergut. Augsburgu “luajti tenis” me Shtutgartin, të cilin e mposhti 6-0, ndërsa Mainci nuk pati probleme për të siguruar fitoren në shtëpi kundër Dyseldorfit.

Augsburg-Shtutgart 6-0
Shënues: Kedira 11’, Han 18’, Maks 29’, 59’, Ritçer 53’, 68’

Leverkuzen-Nyrnberg 2-0
Shënues: Alario 61’, Voland 86’

Bajern Mynih-Verder Bremen 1-0
Shënues: Shyle 75’

Mainc-Dysedorf 3-1
Shënues: Mateta 1’, 87’, Onisivo 67’ / Lukebakio 19’

Fitore shprese edhe për Gladbahun, që fitoi në transfertë përballë Hanoverit. Goli i brazilianit Rafael në pjesën e dytë i dhuroi tre pikët ekipit mik, që renditet në vendin e tretë me një pikë më pak se Ajntrahti i Frankfurtit.

Verderi i Bremenit konfirmoi formën e mirë, duke mposhtur edhe Fraiburgun, ndërsa Milot Rashica, i cili dhuroi asistin e golit të Klasen, fitoi “derbin” me Amir Abrashin. Dy golat të shënuar në minutat e fundit e ngjitën Verderin në vendin e gjashtë, që nuk humbet në kampionat që nga 22 dhjetori i vitit të kaluar. Në ndeshjen tjetër, Leverkuzeni fitoi përballë Shtutgartit me rezultatin 0-1. Goli i talentit Haverc nga pika e penalltisë i dhuroi tre pikë të rëndësishme “Aspirinave”.

Hanover-Gladbah 0-1
(Rafael 53’)

Laipcig-Volfsburg 2-0
(Kampl 16’, Verner 28’)

Shtutgart-Leverkuzen 0-1
(Haverc (pen) 64’)

Verder Bremen-Fraiburg 2-1
(Klasen 77’, Gebre Selasie 85’ / Ualdshmid 90+3′)

]]> https://sportekspres.com/video-rashica-fiton-derbin-me-abrashin-laipcigu-likujdon-volfsburgun/feed/ 0 https://sportekspres.com/murinjo-nuk-fshihet-bundesliga-te-entuziazmon-me-pelqen-dortmundi/ https://sportekspres.com/murinjo-nuk-fshihet-bundesliga-te-entuziazmon-me-pelqen-dortmundi/#respond Wed, 10 Apr 2019 21:08:03 +0000 http://sportekspres.com/?p=254807 Zhoze Murinjo po pret me padurim rikthimin në stol. “The Special One” është i dashuruar pas sfidave të reja. Flitet shumë për të ardhmen e tij. Italia dhe Franca janë dy opsione reale, por portugezi ka shfaqur interes për kampionatin gjerman.

Në një prononcim për “Bild”, Murinjo i “shkel syrin” Borusias së Dortmundit dhe “snobon” Bajernin e Mynihut. Ai tregon një detaj interesant në lidhje me presidentin Vacke, ka një koment për Niko Kovaç, trajnerin e ekipit bavarez, dhe tregon se çfarë i pëlqen më shumë nga Bundesliga.

DORTMUNDI – “E admiroj punën e drejtuesve të Borusias së Dortmundit. Vacke ka besuar tek unë kohë më parë, duke më marrë mendimin për një futbollist dhe një trajner, të cilët i njoh mirë. Unë jam i ndershëm dhe i bëra vlerësimin më të mirë të mundshëm. Që nga ajo ditë kemi patur një respekt të madh për njëri-tjetrin.”

KOVAÇ – “Shpresoj që të qëndrojë, sepse ka punuar shumë për të mbërritur në këto nivele. Është e vështirë të mendosh se Bajerni mund ta humbasë titullin. Ata kanë shumë eksperiencë për të kontrolluar fatin e tyre në Gjermani.”

BUNDESLIGA – “Është një kampionat entuziazmues. Skuadrat po përmirësohen shumë në aspektin taktik. Ka një organizim shumë të mirë dhe stadiumet mbushen plot. Bundesliga është me të vërtetë shumë interesante.”

Duseldorfi siguroi një trepikësh të rëndësishëm në kryeqytet përballë Hertës, ndërsa Volfsburgu nuk pati probleme për të mposhtur Hanoverin e fundosur. Kjo fitore i ngjit “ujqërit” në vendin e gjashtë, duke siguruar për momentin një biletë në Europë.

Laipcigu fitoi me “poker” golash në shtëpinë e “Aspirinave”. Dygolëshi i Haverc nuk i mjaftoi Leverkuzenit, ndërsa miqtë “blinduan” vendin e tretë me këtë fitore.

Ajntrahti është një nga ekipet më në formë në Gjermani. Rebiç dhe Joviç ishin autorët e fitores së artë përballë Shalkes. Emocione të forta në Gelserkishen. U desh minuta e nëntë shtesë që ekipi nga Frankfurti të gjente golin e fitores.

Arbitri akordoi katër të tilla, por Shalke mbeti me dhjetë lojtarë dhe u desh ndërhyrja e VAR-it për të akorduar penallti për miqtë. Luka Joviç u tregua i saktë nga pika e penalltisë dhe konfirmoi Ajntrahtin në vendin e katërt, që përkthehet kualifikim në Champions.

Leverkuzen-Laipcig 2-4
(Haverc (pen) 11’, 23’ / Sabitzer 17’, Verner 64’, Frosberg (pen) 71’, Kunha 83’)

Herta Berlin-Duseldorf 1-2
(Grujiç 41’ / Raman 35’, 61’)

Shalke-Ajntraht Frankfurt 1-2
(Serdar 21’ / Joviç 13’, Joviç (pen) 99′)

Shtutgart-Nyrnberg 1-1
(Kabak 75’ / Pereira 42’)

Volfsburg-Hanover 3-1
(Stefen 32’, 71’, Rousilon 78’ / Uejdant 30’)

Gjiganti gjerman mposhti Maincin me rezultatin 6-0, ku ra në sy Hames Rodrigez me një trigolësh shumë të bukur dhe goli i parë i Alfonso Dejvis, talentit 18-vjeçar që u fut në fushë si zëvendësues.

Kjo fitore e rikthen Bajernin në krye. Bavarezët dhe Dortmundi kryesojnë me nga 60 pikë, por ekipi i Kovaç ka golavarazh më të mirë. Gara për titullin kampion do të jetë shumë e luftuar deri në fund, pavarësisht se ndeshja direkte e 6 prillit në “Allianz Arena” do të vendosë shumë për ekipin fitues.

Bajern Mynih-Mainc 6-0
(Levandovski 3’, Rodrigez 33’, 51’, 55’, Koman 39’Dejvis 70’)

Vendasit udhëhiqnin 3-0 deri 15 minuta përpara fundit të ndeshjes, por djemtë e Nagelsman shënuan tri herë brenda 12 minutash, duke lënë të shtangur tifozët e zjarrtë të verdhezinjve.

Sanço bëri gjithçka mirë në minutën e 32-të, kombinoi me Pizçek dhe lëshoi një diagonale të pakapshme për portierin mik. Vrulli i Dortmundit nuk u ndal dhe Gëce dyfishoi shifrat dy minuta përpara fundit të pjesës së parë.

Portugezi Guerrero shënoi golin e tretë pas një aksioni shumë të bukur dhe të gjithë nisën festën. Hofenhajmi u ringjall dhe tronditi vendasit me tre gola rresht, duke siguruar një pikë të artë. Belfodil ishte heroi i miqve me anë të një dygolëshi të shënuar, ndërsa rrjetën e gjeti dhe çeku Kaderabeg.

Kjo pikë e ngjit Dortmundin në kuotën e 50 pikëve, ndërsa Bajerni mund të përfitojë dhe një fitore e ekipit të Kovaç përballë Shalkes do e shkurtonte diferencën në 5 pikë.

I njëjti rezultat u regjistrua dhe në përballjen Fraiburg-Volfsburg. Nga ana tjetër, Gladbahu u turpërua në shtëpi nga Herta e Berlinit. Kryeqytetasit fituan 0-3, ndërsa goli i parë i shënuar nga Kalu ishte fantastik. Fitore e rëndësishme për Hanoverin, që mposhti në shtëpi rivalin për mbijetesë, Nurnbergun 2-0, ndërsa dueli mes Laipcigut dhe Ajntrahtit u mbyll pa gola.

Gladbah-Herta Berlin 0-3
(Kalu 30’, Duda 56’, Selke 76’)

Dortmund-Hofenhajm 3-3
(Sanço 32’, Gëce 43’, Guerreiro 67’ / Belfodil 75’, 87′, Kaderabeg 83’)

Fraiburg-Volfsburg 3-3
(Grifo 37’, Peteresen 70’, Ualdshmid 88′ / Rousilon 11’, Veghorst 63’, Stefen 74’)

Hanover-Nyrnberg 2-0
(Myler 45+5’, 77’)

Laicig-Ajntraht Frankfurt 0-0