Fillimisht u desh të transportohej në spital portieri i Honved, pasi u përplas dhe duhej ndihmë e specializuar mjekësore. Në shtesa ndodhi ngjarja memë e rëndë.

Tifozët e Kraiova goditën me flakadan arbitrin Hunter dhe u desh që autoambulanca të futej në fushë dhe arbitri nga Irlanda e Veriut mori ndihmën mjekësore.

Ndeshja nuk mund të ndalej nga frika e trazirave dhe në fund vendasit iu gëzuan kualifikimit në turin e tretë të Europa League. Gjatë momentit të goditjes së arbitrit pati tension mes lojtarëve dhe protagonist ishte edhe Kamer Qaka.

BREAKING: Here's the video of the crazy incidents in Craiova, where Northern Irish ref Hunter was hit in the head by a lighter, after a flare exploded right next to him. He went off injured. Game was seconds away from getting called off, but the local police couldn't… pic.twitter.com/gpW0RAzh6k

— Emanuel Ro?u (@Emishor) August 1, 2019

Mesfushori ka një klauzolë në kontratën e tij, që e lë të lirë për një shifër të tillë. Prosport në Rumani raporton se pas Çikaldau janë vënë disa klube, pas ndeshjeve shumë të mira të zhvilluara me Kroacinë dhe Anglinë.

Kraiova përfiton shumën e 4 milionë eurove, pasi 1 milionë shkojnë për Vitorul që zotëron 20% të kartonit. Klubi që sivjet bleu Kamer Qakën, e ka blera Çikaldau për shumën e 850 mijë eurove. Tanimë mesfushori pritet të shitet dhe Qaka shikohet si lojtari që do e zëvendësojë atë në mesfushën e Kraiovas.

“Faleminderit Kamer Qaka. Erdhi te Poli Iashi në qershor të vitit 2017 dhe pas një sezoni mjaft të mirë u ftua në kombëtaren e Shqipërisë, çka më pas u shoqërua edhe me transferimi te FCSB. Më pas u kthye te Poli Iashi dhe tani transferohet te Universitatea Kraiova”, shkruan klubi rumun.

KUSHTET E TRANSFERIMIT – Qaka ka nënshkruar një kontratë 4-vjeçare ne opsion rinovimi edhe për një tjetër sezon. Paga e mesfushorit do të jetë e njëjtë, 10 mijë euro në muaj. Poli Iashi nuk përfiton asgjë, pasi shumën prej 150 mijë eurosh që ka marrë nga Universitatea Kraiova do duhet t’i kalojë FCSB.

Këta të fundit e kishin shitur për 200 mijë euro, por kishin marrë vetëm 50 mijë verën e shkuar. Kështu, ata kanë shlyer borxhin dhe FCSB shpreson që në të ardhmen Qaka të shitet sërish për shkak se zotërojnë ende 10% të kartonit.

 

View this post on Instagram

 

Kamer Qaka brenda 1 viti: Qershor 2018 – transferim tek Steaua për 375.000 euro ? Gusht 2018 – u kthye te Poli Iasi për 200.000 euro ? Qershor 2019 – transferim tek Universitatea Craiova për 150.000 euro ? #qaka #universitateacraiova

A post shared by Sport Ekspres (@sport.ekspres) on Jun 3, 2019 at 1:17pm PDT

“Kartonët që dëmtojnë skuadrën paguhen nga lojtarët, sidomos kur janë në sasi të mëdha dhe pa justifikim. Për këtë arsye, Qaka ka marrë shumë gjoba. Ai nuk e ka më mendjen te futbolli, por te merkatoja. Nuk jep maksimumin në stërvitje dhe për pasojë as në ndeshje. Faji i menaxherëve, që shkatërrojnë futbollistët. Nëse vijon kështu, do kalbet në stol dhe askush nuk do e dojë më”, shprehej Ambroze.

Reagimi sa duket ka qenë i menjëhershëm, pasi Kamer Qaka e ka nisur titullar ndeshjen që Poli Iashi po luan me Konkordian në shtëpi. Një lajm i mirë për mesfushorin, i cili sezonin e shkuar ka qenë një nga më ët mirët dhe në verë FCSB bleu kartonin e tij.

Plot 12 herë i është treguar i verdhi mesfushorit dhe presidenti i Poli Iashit, Adrian Ambroze, deklaron: “Kartonët që dëmtojnë skuadrën paguhen nga lojtarët, sidomos kur janë në sasi të mëdha dhe pa justifikim. Për këtë arsye, Qaka ka marrë shumë gjoba”.

Mes të tjerave numri një i klubit rumun ka deklaruar se Qaka nuk e ka më mendjen të luajë, madje thekson se duke vazhduar kështu mesfushori do të mbetet në stol dhe kjo normalisht që do e penalizojë atë të transferohet diku tjetër.

“Nuk e ka më mendjen te futbolli, por te merkatoja. Nuk jep maksimumin në stërvitje dhe për pasojë as në ndeshje. Faji i menaxherëve, që shkatërrojnë futbollistët. Nëse vijon kështu, do kalbet në stol dhe askush nuk do e dojë më”, shprehet Ambroze.

Sipas medieve rumune, mëngjarashi do të jetë titullar në  ndeshjen midis  Dinamos së Bukureshtit dhe Iashit . Mbrojtësi i kombëtares sonë ka bindur trajnerin Mirçea Redniç duke fituar balotazhin me mbrojtësin anglez Xhorn Mustou.

Ndeshja e parë e karrierës së 25-vjeçarit në Rumani do ta vërë përballë një tjetër shqiptari. Bëhet fjalë për Kamer Qakën, i cili aktivizohet me skuadrën e Iashit.

“Telekomsport.ro” ka publikuar së fundmi transferimet më të shtrenjta për çdo klub të elitës së futbollit rumun dhe në sy bie edhe emri i Kamer Qakës. Mesfushori shtatshkurtër është pjesë e Poli Iashi, klub që në verë përfitoi nga FCSB plot 400 mijë euro.

Pak kohë aty dhe rikthim tek ish-ekipi. Qaka është shitja më e shtrenjtë e Poli Iashi. Klubi kryeqytetas i Rumanisë, sikurse është raportuar më parë nga mediat, i ka vendosur edhe një klauzolë të çmendur Qakës, që shkon në 20 milionë euro.

LOJTARËT QË KANË KUSHTUAR MË SHUMË PËR ÇDO KLUB TË ELITËS SË FUTBOLLIT RUMUN
14. HERMANSHTADT – Nuk ka shitur lojtarë
13. SEPSI OSK – Nuk ka shitur lojtarë
12. DANUBE KALARASI – 15 mijë Euro (Valentin Alexandru te Pandurii Targu Jiu  në vitin 2016)
11. FC VOLUNTARI – 250 mijë Euro (Hamed Kone te Dibba Fujairah  në vitin 2016)
10. POLI IASHI – 400 mijë euro (Kamera Qaka te FCSB  në vitin 2018)
9. KONKORDIA ÇAJNA – 500 mijë Euro (Adi Popa te FCSB  në vitin 2012)
8. FC BOTOSHANI – 1.4 milionë Euro (Olimpiu Morucan te FCSB në vitin 2018)
7. GAZ METAN – 1.5 milionë Euro (Alexandru Curtean te Poli Timishoara  në vitin 2009)
6. ASTRA – 2.04 milionë Euro (Denis Alibec te FCSB  në vitin 2017)
5. VITORUL KONSTANTA – 3 milionë Euro. (Tudor Baluta te Brajton  në vitin 2019)
4. DINAMO BUKURESHT  – 5.4 milionë Euro (Stefan Radu te Lazio  në vitin 2008)
3. CFR KLUZH – 6.5 milionë Euro (Alvaro Pereira te FC Porto 2009)
2. KRAIOVA – 8 milionë Euro (Alexandru Mitrita te Nju Jork Siti  në vitin 2019)
1. FCSB – 9.5 milionë (Vlad Chiriches te Totenhami në vitin 2013)

Për 90 minuta ishte në fushë Myrto Uzuni në barazimin e Lokomotivës së Zagrebit ndaj Goricës, në shifrat 2-2. Beratasi bëri një paraqitje të mirë, por pa mundur që të kontribuojë në suksesin e skuadrës së tij, që tani ndodhet në vendin e katërt me 31 pikë. Në fushë ishte edhe Lirim Kastrati, i cili la fushën në minutën e 84-ët.

Edhe Sokol Cikalleshi është aktivizuar në ndeshjen mes Gëztepes dhe Bursasporit, që përfundoi me rrjeta të paprekura, në shifrat 0-0. Kavajasi zbriti në fushë në minutën e 83-të, por pa lënë shenjë në këtë takim.

I vetmi që ka gëzuar me skuadrën e tij ka qenë Kamer Qaka. Poli Iashi ka arritur një sukses të thellë në transfertë ndaj ekipit të Konkordias në shifrat 3-6. Mesfushori nuk ka qenë protagonist në asnjë prej golave të skuadrës së tij, por kjo fitore e dërgon Iashin në kuotën e 27 pikëve, po aq sa dhe vendi i gjashtë.

Miqtë kaluan në avantazh në minutën e 9, ndërsa Iasi barazoi shifrat në minutën e 21. Qaka krosoi një top të bukur nga krahu i djathtë dhe afrikani Platini shënoi me kokë.

Kjo pikë e marrë e ngjit Poli Iasin në kuotën e 18 pikëve, duke u renditur në vendin e 11 në kampionatin rumun.

Gazeta Sporturilor ka zbuluar dokumente, ku thuhet se një kompani me qendër në Moldavi ka mbajtur 25% të vlerës së kartonit të Qakës. Prosport Invest SRL është kompania me të cilën Poli Iashi nënshkroi më 10 nëntor të vitit 2017 dhe marrëveshja mes palëve ishte e tillë:

“Kompania në fjalë do të japë shërbime konsulence që klubi të kishte marrëdhënie të qëndrueshme kontraktuale”. Thënë shkurt, do tentohej që Kamer Qaka të qëndronte. Por gjithashtu kjo kompani do të ndihmonte edhe në gjetjen e klubeve të gatshme për ta blerë mesfushorin.

KLAUZOLA – Një nga pikat e marrëveshjes mes Poli Iashi dhe Prosport Invest SRL thotë se kompania do të përfitojë 25% të shumës nëse Qaka do të shitet nga FCSB. Diccka e tillë është e ndaluar me rregullore të FIFA-s.

Palët e treta, në këtë rast kompania moldave, janë të ndaluara në marrëveshje dhe kemi të bëjmë me shkelje të rregullave të FIFA-s për transferimet. Kjo mund të shoqërohet me gjobë për Poli Iashi dhe vlera mund të shkojë deri në 500 mijë euro. Klube si Benfika, Sporting, Rajo Valjekano, Selta Vigo dhe Al Arabi e kanë pësuar nga FIFA për shkak se kanë ndjekur të njëjtën praktikë, duke përfshirë palë të treta në marrëveshjet për transferimet e lojtarëve.

Kamer Qaka u aktivizua për 90 minuta në takimin që Poli Iashi fitoi 1-2 me përmbysje ndaj Astras. Mesfushori u ndëshkua me karton të verdhë në minutën e 83-të, ndërkohë që ekipi i tij luajti prej minutës së 41-të me një lojtar më pak. Llullaku mundoi për Astrën.

Sokol Cikalleshi po merr minuta te Gëztepe, por sërish nuk ka shënuar. Sulmuesi kavajas zbriti në fushë për ekipin e tij në minutën e 63-të, kur ndeshja ishte 2-0 në favor të Erzurum. Skuadra e sulmuesit shqiptar realizoi në shtesë, por doli pa pikë nga kjo transfertë.

Vedat Muriqi është ai që ka shënuar në Superligën turke, madje Bashakshehirit kryesues. Rizespori u mund 2-1 dhe sulmuesi i Kosovës realizoi me një goditje brenda zonës pas një aksioni të bukur të skuadrës së tij. Ujkani vijon të qëndrojë në stol për skuadrën turke.

?Vedat Muriqi’nin skoru 2-1’e getiren golü: pic.twitter.com/gEhUAIUFSA

— CanliSkor.com (@CanliSkor) November 10, 2018

Sipas asaj që raporton “Fanatic.ro”, në ndeshjen e kupës mes Poli Iashit dhe Vitorul, përfaqësues të klubit serb do të jenë në stadium për ta vëzhguar. Por ka edhe lajme të tjera: Real Saragoza i rikthehet interesimit për Qakën. Por tani duket edhe më e vështirë, duke pasur parasysh se ata nuk e blenë në verë dhe FCSB ka paguar 400 mijë euro Qakën dhe kartoni i tij është i shtrenjtë për spanjollët që garojnë në Segunda Division.

PROBLEMI – I pari ka të bëjë me faktin që Kamer Qaka është shqiptar dhe Crvena Zvezda do të kishte probleme për tifozët nëse do ta bënte diçka të tillë. Madje është e habitshme se si nuk kanë reaguar deri më tani. Me siguri lajmi në Serbi nuk ka mbërritur ende.

Një tjetër pikë që vlen për t’u përmendur është fakti që Qaka nuk mund të transferohet në asnjë ekip tjetër (përveçse te FCSB) në janar. Rregullorja e FIFA-s është ë qartë: brenda një sezoni një futbollist nuk mund të aktivizohet në më shumë se dy ekipe.

Mesfushori 23-vjeçar së bashku me shokët e skuadrës janë përpjekur të mos dalin pa pikë ndaj kryesuesve të kampionatit, por nuk ia kanë dalë dot. Një gol i Muresan që në minutën e 19-të vendosi fatet e takimit.

Humbje edhe për Herdi Prengën. Ndryshe nga Qaka, mbrojtësi i Inter Zapreshiç nuk u aktivizua për asnjë minutë për skuadrën e tij në Kroaci. Skuadra e tij u mposht nga Rijeka me rezultatin 1-2.

Për të mos mjaftuar kaq, për të është shkruar se ka sharë Steauan, gjë që është mohuar kategorikisht nga 23-vjeçari. “Unë kurrë nuk do ta shaj Steauan. U ndjeva vërtetë mirë atje, me djemtë dhe me stafin. Nuk e di nëse janë mërzitur tifozët, sepse nuk kuptoj mirë”, është shprehur fillimisht Qaka.

Më pas ai ka shtuar: “Nëse u vendos që të mos rri te Steaua, kjo është e gjitha dhe jeta vazhdon. Por unë kurrë nuk i kam sharë ekipet për të cilat kam luajtur”, është shprehur Qaka për “Digi Sport”. Edhe trajneri Flavious Stoikan ka hedhur poshtë lajmet e dala.

“Gjithçka është shkruar se Qaka ka sharë Steauan, nuk është e vërtetë. Gënjeshtra! Unë personalisht kam biseduar me të rreth Steauas, pasi isha i interesuar të dija gjendjen e tij shpirtërore. Ai me sinqeritet më ka thënë: ‘Mister, ndihesha kaq mirë atje…!”. Gënjeshtra, Qaka është një lojtar që nuk sjell shqetësime. Ai nuk është nga ata”, ka thënë mes të tjerash trajneri i Poli Iashi.

Qaka ndihem mirë dhe thekson se nuk është aspak një hap prapa për të: “Jam shumë i lumtur, ndihem si në shtëpi këtu dhe kemi bërë një ndeshje shumë të mirë. Nuk mendoj se rikthimi këtu është një hap prapa, futbolli është i njëjtë kudo”, shprehet mesfushori.

I ngacmuar më tej mbi atë që ndodhi te Steaua, Qaka nuk bën polemika: “Kam vetëm fjalë të mira për të thënë për ata, për trajnerin dhe për këdo. Me presidentin Xhixhi Bekali nuk kam folur shumë, ndaj nuk di çfarë të them rreth tij”.

Për Qakën ka folur edhe Flavius Stoikan, trajneri i Poli Iashi: “Një lojtar i mrekullueshëm për mua, e kam thënë që kisha nevojë për të. Paraqitja e ekipit është rritur me ardhjen e tij. Vërtetë e dëshiroja afrimin e tij, pasi u jep besim të tjerëve dhe bën që të shfaqin kualitetin e tyre”.

23-vjeçari Qaka kthehet në ekipin ku u bë i famshëm dhe fitoi një fanellë në Kombëtare. Tani gjithçka do të nisë nga e para, si një shans i dytë. Marrëveshja është mbyllur. Steaua vendosi ta largojë mesfushorin dhe pavarësisht se në korrik pagoi qindra-mijëra euro, tashmë kartoni do të zotërohet 50 me 50 për qind me Politiknika Iashin.

Për të mbyllur çdo diskutim shërbeu edhe akordi me lojtarin, ku pika më e diskutueshme ishin financat. Qaka pretendonte që të vijonte të paguhej 12 mijë euro në muaj, aq sa përfiton sipas kontratës me Steauan. Te klubi i Iashit ia bën të qartë se nuk mund ta paguanin më tepër se 7 mijë euro.

Pasi u ulën në bisedime, palët gjetën akordin në një rrugë të mesme. Qaka do të përfitojë 10 mijë euro në muaj te Politeknika Iashi, për t’u rikthyer në elementin kryesor të skuadrës. Një mënyrë për të veshur sërish edhe fanellën kuqezi të Shqipërisë.

Por Bekali është i parashikueshëm. Para ndeshjes së fundjavës me Voluntarin u tha se mesfushori do huazohet te kjo skuadër, por zbriti në fushë si titullar me Steauan. Pas ndeshjes, presidenti i ekipit rumun thuri elozhe.

“Si mund ta largoj Qakën pas asaj paraqitjeje të bërë?”. Tashmë situata ka ndryshuar dhe zbulohet gjithçka ndodh. Ndaj Rapidit të Vjenës mesfushori nuk u grumbullua dhe presidenti Bekali tregon se e ka hequr nga lista.

“Qaka është lojtari i parë për t’u larguar. Doja ta dërgoja atë te Poli Iashi, por refuzoi. Kjo është e gjitha, sidoqoftë unë e hoqa nga lista. Unë nuk kam kohë të rris fëmijë”, është shprehur mes të tjerash numri një i Steauas (FCSB).

Poli Iashi do ta donte pas, por në garë ishte edhe Voluntari, kundërshtari i djeshëm i Steauas (FCSB). Joan Andone, menaxheri i përgjiithshëm i Voluntarit, pak kohë më parë tregonte për bisedën me presidentin Xhixhi Bekali për Qakën.

“Kemi pasur një diskutim, do doja shumë ta merrnim. Do të shohim çfarë do të ndodhë saktësisht në vazhdim. Bëhet fjalë për një huazim për një vit, por me një opsion që Steaua mund ta marrë në janar nëse i nevojitet”, deklaronte ndër të tjera në ProSport Andone.

Përgjigja përfundimtare ka ardhur nga vetë Bekali mbrëmë, pas fitores 1-4 që Steaua mori kundër Voluntarit. Qaka luajti për 90 minuta dhe me paraqitjen e tij i ka bindur të gjithë. “Kam thënë që do t’i jap Andone një mesfushor qendror, por jo se do t’i jepja Qakën. Andone e ka pasur gabim. I kam thënë se do të ishte një mes Filip dhe Qakës. Si mundem t’ia jap Qakën pas lojës që bëri ndaj Voluntarit?! Më pëlqen shumë ai lojtar”, ka thënë presidenti i FCSB.

Vjet, emri i Qakës ndoshta u përdor para ndeshjes me Poli Iashi-Steaua. Gjithsesi nuk pati asnjë ndikim, pasi ekipi i mesfushorit (u ndëshkua edhe me karton të kuq) triumfoi në fund me rezultatin 1-0. Sot 23-vjeçari luajti për 90 minuta me Steauan dhe u ndëshkua me karton të verdhë në të 78’. Tani mbetet për t’u parë nëse ishte një strategji e Bekalit për të tërhequr vëmendjen e kundërshtarit.

Në Belgjikë, ndryshe nga Kristal Abazaj, Edon Zhegrova aktivizohet me Genkun, madje edhe shënon. Genku i sulmuesit të Kosovës triumfoi 3-2 ndaj Vaslen Beveren. I riu shënoi golin e parë të takimit me një goditje perfekte në minutën e 20-të.

Pjesa e parë u mbyll 1-0, ndërkohë që Pozuelo nuk shënoi dot më pas nga penalltia për ta dyfishuar avantazhin. Miqtë barazuan dhe kaluan në avantazh me Ampomah. Më parë, kur rezultati ishte 1-1, Genk humbi edhe një tjetër 11-metëërsh.

Trosard, i hedhur në fushë në vend të Zhegrovës, në të 69’ nuk realizoi nga pika e bardhë. Gjithsesi Samata barazoi dhe në të 89’ një autogol i dha fitoren Genkut. Sa shumë ngjarje në 90 minuta.

Për Qakën u paguan 400 mijë euro, ndërkohë që së fundmi u tentua të afrohej Dan Nistor nga Dinamo e Bukureshtit. Për mesfushorin qendror u ofruan 500 mijë euro dhe kartoni i Qakës, por nuk pati marrëveshje.

Nga ana tjetër Poli Iashi ishte gati ta rikthente pas në formë huazimi. Vetë presidenti Adrian Ambrosie e ka shprehur dëshirën për ta pasur sërish në klubin e tij mesfushorin. Gjithsesi Steaua ka menduar diçka tjetër.

Qaka do të huazohet te Voluntari, klub me të cilin presidenti Xhixhi Bekali ka marrëdhënie shumë të mira. Mbetet zyrtarizimi i marrëveshjes për huazimin e mesfushorit. Për 23-vjeçarin është me shumë rëndësi që të luajë, ndaj edhe kjo lëvizje mund të konsiderohet pozitive.

Poli Iashi, klubi ku ai shkëlqeu një vit më parë, është gati ta rikthejë në skuadër mesfushorin. Vetë presidenti Adrian Ambrosie ka folur për “Gazeta Sporturilor” në Rumani. “ne do të përpiqemi të afrojmë një mbrojtës qendre gjatë kësaj periudhe”, thotë fillimisht numri një i Poli Iashi.

Më tej Ambrosie ka shtuar: “Jemi të interesuar edhe për huazimin 1-vjeçar të Kamer Qakës. Do të ketë më shumë avantazhe nëse ai vjen të luajë këtu, se sa të qëndrojë në stol”.

Qaka ka nënshkruar për 5 vite me FCSB dhe për 23-vjeçarin normalisht që më e mira është që të luajë rregullisht, në mënyrë që të vijojë të mbetet edhe pjesë e kombëtares së drejtuar nga Kristian Panuçi.

Ai ka bërë një ofertë për Dan Nistor, i cili luan gjithashtu si mesfushor qendre. Për lojtarin e Dinamos së Bukureshtit thuhet se janë ofruar 500 mijë euro, plus Kamer Qaka. E çuditshme në fakt, kur Bekali ka qenë vetë ai që ka këmbëngulur për ta afruar mesfushorin e kombëtares.

Veç kësaj, bëhet fjalë për një lojtar të ri dhe që ka një klauzolë të çmendur: 20 milionë euro. Mbetet për t’u parë se si do të rrjedhin ngjarjet, por duket se Qaka mund ta mbyllë aventurën me FCSB që tani, edhe pse ka nënshkruar një kontratë afatgjatë këtë verë.

Man ishte ai që realizoi për Steuan, që e mbylli pjesën e parë në avantazh, kurse Tekseira në të 74’ dyfishoi shifrat. Me këtë triumf rumunët janë me një këmbë në turin tjetër, çka sjell të ardhura të rëndësishme për klubin, që synon faznë e grupeve në Europa League.

Në fushë nga minuta e parë ishte edhe mesfushori Kamer Qaka, i cili në takimin e parë të kampionatit kundër Astra pësoi një dëmtim. U mendua se do të mendonte gjatë fillimisht, por mjekët qetësuan stafin dhe për habi të gjithëve ishte titullar kundër Rudar. Mesfushori shtatshkurtër nuk mundi të shmangë dot një karton të verdhë në minutën e 78-të.

Por për Qakën pati edhe një tjetër problem, pasi la fushën e blertë duke çaluar. Pas një goditjeje të marrë ai nuk mund të luante më dhe pas 31 minutash stafit teknik iu desh ta zëvendësonte. Pati një moment frike për gjendjen e mesfushorit, por tani vijnë lajme të mira.

Sikurse raportojnë mediat në Rumani, mesfushori ka marrë vetëm një goditje, që nuk do ta lërë gjatë Qakën pa luajtur. Ai humbet takimin me Rudar në Europa League, por shpresohet që do të jetë gati për ndeshjen e së dielës, që është mjaft e rëndësishme, pasi bëhet fjalë për derbin me Dinamon e Bukureshtit.

Kështu, trajneri i kombëtares, Kristian Panuçi, gjithashtu mund të qetësohet, pasi mesfushori do të jetë gati për ndeshjet që Shqipëria luan me Izraelin dhe Skocinë në fillim të muajit shtator.