Mbrojtësi është një nga më të mirët në qarkullim dhe Napoli e vlerëson shumë. Ai ka një klauzolë prej 150 milionë eurosh, që aktivizohet sezonin e ardhshëm. Presidenti De Laurentis e lë atë të shkojë vetëm për një shifër prej më shumë se 100 milionë euro.

“Le Parizien” raporton se klubi francez është i gatshëm t’i japë aq para, çka do të thotë se mbetet vetëm marrëveshja me lojtarin. 27-vjeçarit i duhet të zgjedhë mes klubeve gjigante në Spanjë, Francë apo Angli. Sipas kësaj medie, një transferim në Francë do i pëlqente shumë yllit napolitan. Familja e tij ka dhënë aprovimin për të jetuar në një qytet si Parisi.

Mbrojtësi senegalez diskutoi problemet me racizmin, të punuarit me Karlo Ançelotin dhe garën dramatike për titullin e sezonit të kaluar.

DOPIETA NDAJ KIEVOS – “Nuk shënoja prej më shumë se një viti.  Do doja që të thoja se dopieta më e rëndësishme do të jetë kundër Arsenalit, por le t’i lëmë fjalët. Për të kaluar më tutje do të na duhet shumë pëqendrim. Do të kem të gjithë qytetin pas vetes”

ANÇELOTI – “Është një njeri i qetë, që na ka dhënë mentalitetin e duhur. Është një trajneri që i mësuar me këto lloj ndeshjesh, ka fituar jashtëzakonisht shumë, por në fund jemi ne që futemi në fushë dhe për çdo gabim faji bie mbi ne”.

RACIZMI – “Mendoj shpesh për çfarë më ndodhi në Milani (koret raciste në ndeshjen kundër Interit), por ajo ngjarje më ndihmoi të rritem si njeri. Gjithmonë kam forcë brenda vetes për t’i dalë kundër racizmit, por kam mësuar se reagimi në fushë nuk është i duhuri

HIGUAIN – “Ai ishte dhe vazhdon të mbetet një kampion. Ndoshta bëri zgjedhjet e gabuara. Këtu ai ishte një zot”.

TITULLI I VITIT TË KALUAR – “Ishte një javë e vështirë, ku ndodhi gjithçka. Por na duhet të tregohemi të sinqertë, Juventusi ishte skuadra më e fortë dhe titullin e humbëm për shkak të disa ndeshjeve të këqija”.

Në shënjestër ka vënë një prej mbrojtësve më të mirë të momentit, Kalidu Kulibali. Për senegalezin “djajtë e kuq” janë gati të bëjnë një çmenduri. Sipas “The Sun”, pritet të ofrojnë një shifër, që arrin 110 milionë eurot. Kulibali me paraqitjet e tij e ka futur veten në katërshen e më të mirëve të Botës.

Për më të mirët duhet të paguash dhe në Mançester e dinë mirë këtë. Nëse Napoli e lejon këtë lëvizje, do të regjistrohej një rekord i ri për shifrën e transferimit të një mbrojtësi. Për momentin 85 milionë eurot e transferimit të Van Dijk qëndrojnë në vendin e parë.

Në mbrëmjen e sotme, tifozët e skuadrës së Napolit u solidarizuan me lojtarin, duke shprehur mbështetjen e tyre me anë posterave të ndryshëm, ose letrave ku ishte printuar portreti i 27-vjeçarit.

I veçantë ishte dhe veprim i mbrojtësit algjerian, Fauzi Gulam, i cili krehu nxehjen para takimit me fanellën e shokut të tij të skuadrës.

Siç citon “The Times”, Junajtid ka gati një ofertë prej 90 milionë sterlinash për 27-vjeçarin. Klubi anglez dëshiron ta ofrojë qendërmbrojtësin në merkaton e janarit, ndërsa ky i fundit mund të vazhdojë të luajë në Champions, pasi rregulli i ri e lejon aktivizimin me dy ekipe gjatë një sezoni.

Megjithatë, Napoli vështirë të heqë dorë nga Kulibali. Kundër është dhe Karlo Ançeloti dhe tifozët, të cilët e adhurojnë “murin” e mbrojtjes. Murinjo nuk dorëzohet dhe ka gati rreth 100 milionë euro, por, ndonjëherë, as paratë nuk mjaftojnë…

27-vjeçari është ndër më të mirët në rolin e tij dhe ofertat nuk i kanë munguar. E fundit vjen nga Anglia dhe, siç citon “Corriere dello Sport”, Mançester Junajtid ka ofruar 103 milionë euro për kartonin e tij. Murinjo po kërkon medoemos një mbrojtës kalibri, i cili bën dhe liderin e repartit.

Aurelio De Laurentis e ka refuzuar një ofertë të tillë dhe e ka bërë të qartë që Napoli nuk shet asnjë lojtar në janar. Kulibali ishte një ndër kërkesat e vetme të Karlo Ançelotit, kur erdhi te Napoli. “Kulibalinë e dua në skuadër”, insistoi trajneri dhe presidenti është i detyruar të refuzojë një shifër të madhe si oferta e Murinjos.

Problem mbetet rroga e lojtarit, i cili përfiton 3.5 milionë euro në sezon me kontratën e re. Junajtid nuk e ka problem t’i dhurojë një rrogë shumë herë më të lartë, por afrikani nuk do të lëvizë nga Napoli. Të paktën në janar, pasi vera është larg dhe nuk dihet çfarë ndodh.

Sigurisht, që kjo ofertë e “djajve të kuq” është refuzuar nga presidenti i Napolit Aurelio De Luarentis, i cili nuk ka ndërmend ta lëshojë mbrojtësin pa 100 milionë Euro. Interes për senegalezin kanë shfaqur dhe klube të tjera elitare si Real Madrid, Bajerni i Mynihut, Barcelona dhe Mançester Siti.

Interesimi i Zhoze Murinjos për 27-vjeçarin është i hershëm, pasi Mançester Junajtid ka dy vite që përpiqet të blejë kartonin e mbrojtësit, por De Laurentis i ka treguar secilën herë “dritën e kuqe”.

27-vjeçari ndihet shkëlqyeshëm te Napoli dhe është i sigurtë që do të qajë në momentin që do të largohet. Kulibali dhe tifozët shpresojnë që kjo ditë të vijë sa më vonë të jetë e mundur, ndërsa nuk mungojnë dhe elozhet për trajnerin. Ançeloti është një trajner i madh, por më shumë është Karlo. Përulësi dhe mirësi. Vështirë që dikush të flasë ndonjë fjalë të keqe për të, ndërsa Kulibali e sheh si një shembull trajnerin e tij.

RACIZMI – “Ndihem francez dhe senegalez që kur kam lindur, por një vit e gjysmë pasi erdha te Napoli, ndihesha qytetar napolitan. Kur erdha këtu, njerëzit më thonin që në Itali kishte shumë racizëm. Unë doja ta kuptoja vetë një gjë të tillë, por realiteti është ndryshe, edhe pse disa episode ndodhin. Thirrjet ‘buuu’ më fyejnë dhe nuk i pranoj, sepse nuk janë vetëm kundër meje, kundër ngjyrës time të lëkurës. Kjo është ndonjëherë dhe kundër napolitanëve dhe njerëzve të jugut. Më vjen shumë keq për këtë gjë, sepse kur je në një vend ku duhet të përcjellësh ndjenjën e përkatësisë dhe pastaj fishkëllen kundër popullit të jugut, ose bën kore raciste, përfundon duke rënë në kontradiktë me veten.”

“Ju jap një shembull: Kur dikush si Insinje, i cili është një fenomen absolut, ndoshta lojtari më i mirë italian, fishkëllehet në stadiume për faktin që është nga jugu, si duhet ta trajtosh atë kur vesh bluzën e kombëtares? Nuk i kuptoj këto lloj sjelljesh dhe shpresoj që të përmirësohen sa më shpejt. Portieri im i shtëpisë, i cili quhet Çiro, më ka thënë: ‘Kur vjen te Napoli qan dy herë. Kur vjen dhe kur largohesh’. Unë iu përgjigja: ‘Nuk kam qarë kur erdha, por nëse një ditë do të largohem, shpresoj sa më larg të jetë e mundur, e sigurt që do të qaj’. Kishte të drejtë, jam shumë i lumtur këtu. Njerëzit flasin shpeshherë keq për Napolin dhe nuk e dinë se çfarë është Napoli. Kur nuk e përjeton vetë, nuk e kupton asnjëherë.”

BENITEZ-SARRI – “Futbolli i Benitez dhe Ançelotit ngjajnë dhe të dy janë trajnerë fitues. Benitez më bëri të zbuloj futbollin e madh, unë vija nga Seria B e Francës dhe Belgjika, ndërsa Rafa më ktheu në një titullar të Serisë A. Futbolli i Sarrit është i bukur dhe më ka bërë ta shoh futbollin nga një tjetër këndvështrim. Filozofia e tij ishte e fokusuar te taktika, me të gjithçka ishte e parashikuar dhe asgjë nuk i lihej rastësisë. Sot, kur shikoj një ndeshje të ndonjë ekipi, nuk e shoh me syrin që e shihja përpara katër-pesë vitesh dhe i detyrohem Sarrit për këtë gjë.”

ANÇELOTI – “Ançeloti më befason me përulësinë që ka ende, pavarësisht se ka fituar gjithçka. Dëshiron të fitojë akoma dhe kjo dëshirë nuk i mungon kurrë. Iu jep të gjithëve besim dhe nuk besoj se do të dëgjoni ndonjëherë një lojtar të flasë keq për trajnerin. Shpresoj të fitojmë diçka me Ançelotin. Ai është një person fantastik dhe gruas time i them shpesh që në moshën e tij, shpresoj të jem një person si ai.”

Pikërisht tekniku portugez në merkaton e verës kërkoi nga drejtuesit që të sillnin në “Old Traford” një qendërmbrojtës, por dëshira e trajnerit nuk u plotësua, teksa Junajtid nuk ishte dhe aq aktiv merkaton e fundit. Gjithsesi, 55-vjeçari duket se i ka bindur drejtuesit që në merkaton e ardhshme në Mançester të afrohet një mbrojtës dhe kërkimet nga ana e Murinjos tashmë kanë filluar.

Gjatë ndeshjeve të kombëtareve, trajneri portugez ishte në sfidën mes Malit të Zi dhe Serbisë, për të vëzhguar mbrojtësin serb të Fiorentinës, Milenkoviç, i cili vlerësohet nga ekipi vjollcë me një çmim të paktën 45 milionë euro. Ndërkohë, Murinjo duket se nuk ka në shënjestër vetëm serbin, pasi mediat angleze së fundmi raportojnë se tekniku luzitan kërkon mbrojtësin e Napolit, Kalidu Kulibali.

Mbrojtësi senegalez së fundmi rinovoi kontratën e tij me Napolin, por Junajtid mendohet se do të tentojë të hyjë në negociata me klubin italian për një afrim të mundshëm të afrikanit. Kulibali më parë është aktivizuar në Belgjikë me Genk, ku në vitin 2014 kaloi në Itali te Napoli, për shumën e 8 milionë eurove.

“Kemi bërë keq në ndeshjet e vjetshme jashtë shtëpisë në Champions dhe nesër do të jetë e vështirë. Duam të luajmë mirë, e dimë që është e vështirë ta nisësh mirë në Champions dhe mbi të gjitha në Beograd. Marakana është lojtari i 12-të në fushë për Crvena Zvezdën”.

RIVALITETI – Pavarësisht se Liverpuli dhe PSG shihen si favoritë, Kulibali bën të qartë objektivin e Napolit: “Ne do të bëjmë pjesën tonë dhe nuk e nënvlerësojmë Crvena Zvezdën. Do bëjmë gjithçka për të kaluar grupin. Vjet nuk e bëmë diçka të tillë dhe sivjet duhet të jetë një objektiv për ne. E përsëris, do bëjmë gjithçka për të kaluar në raundin tjetër”.

BESIMI TE ANÇELOTI – “Shumë. E dinim se ishte e vështirë të ndryshosh, por jemi në rrugën e duhur. Kemi ende punë për të bërë dhe nesër nis Champions-i, që është diçka tjetër. Në kampionat kemi humbur tre javë përpara dhe së fundmi kemi bërë mirë. Tani është momenti të kthejmë faqen”.

“Skuadra më e kujdesshme në kampionat se në Champions? Është një problem i së shkuarës, Ndoshta keni të drejtë, por tani do t’i kushtojmë vëmendje të gjitha kompeticioneve. Mezi presim të luajmë, pasi Champions-i është një ëndërr për çdo fëmijë”.

GJENDJA FIZIKE – “Jam mirë, ndihem mirë dhe i lumtur që jam te Napoli. Për mua është një moment shumë pozitiv në jetën time. Pas kampionatit botëror e dija që ishte e vështirë për të nisur kampionatin, por u mundova të plotësoj të gjitha kërkesat e trajnerit sa më shpejt të ishte e mundur. Ai më ka ndihmuar shumë dhe kjo është shumë e rëndësishme”.

FRIKA MË E MADHE – “Mua më tremb ambienti, por e dimë se do të jetë shumë e vështirë. Ky stadium është mitik dhe ata kanë një skuadër të fortë. Nuk do duhet të nënvlerësojmë asgjë, edhe sepse kur të tërheqin tifozët gjithçka bëhet shumë më e vështirë”.

27-vjeçari ka firmosur deri në vitin 2023 me një rrogë prej 3.5 milionë eurosh në sezon, ndërkohë që klauzola e shitjes së tij është 100 milionë euro.

Kulibali u ble nga Genku në vitin 2014 dhe paraqitjet e tij kanë ardhur në rritje nga ndeshja në ndeshje. Presidenti është i kënaqur me të dhe ka vendosur t’ia shpërblejë duke i rinovuar kontratën. “Kulibali ka rinovuar me ne”, konfirmon De Laurentis për “Corriere dello Sport”.