Luanët afrikanë do të ndeshen përballë Algjerisë në finalen e 19 korrikut, ndërsa do të vuajnë mungesën e madhe të Kalidu Kulibali. Kartoni i verdhë që mori në rastin e penalltisë së shkaktuar i kushtoi finalen e madhe mbrojtësit të Napolit.

28-vjeçari ka shprehur në rrjetet sociale kënaqësinë e kualifikimit, por edhe mërzitjen për humbjen e mundësisë për të luajtur në finale.

“Një finale që i jep gëzim gjithë popullit dhe ndihemi krenarë për këtë arritje. Do të jetë e dhimbshme të mos luaj, por do të jem përkrah vëllezërve të mi për të shkruar historinë”, shkruan Kulibali në faqen e tij në Twitter.

È una finale che dà gioia a un intero popolo e noi ne siamo orgogliosi. Sarà doloroso non giocarla. Ma sarò ugualmente al fianco dei miei fratelli per scrivere la storia: allez lions ????

?? #SENTUN 1-0 ??#AFCON2019       #KK ??

? @caf_online pic.twitter.com/WIYFwTScNH

— Koulibaly Kalidou (@kkoulibaly26) July 14, 2019

Mbrojtësi senegalez diskutoi problemet me racizmin, të punuarit me Karlo Ançelotin dhe garën dramatike për titullin e sezonit të kaluar.

DOPIETA NDAJ KIEVOS – “Nuk shënoja prej më shumë se një viti.  Do doja që të thoja se dopieta më e rëndësishme do të jetë kundër Arsenalit, por le t’i lëmë fjalët. Për të kaluar më tutje do të na duhet shumë pëqendrim. Do të kem të gjithë qytetin pas vetes”

ANÇELOTI – “Është një njeri i qetë, që na ka dhënë mentalitetin e duhur. Është një trajneri që i mësuar me këto lloj ndeshjesh, ka fituar jashtëzakonisht shumë, por në fund jemi ne që futemi në fushë dhe për çdo gabim faji bie mbi ne”.

RACIZMI – “Mendoj shpesh për çfarë më ndodhi në Milani (koret raciste në ndeshjen kundër Interit), por ajo ngjarje më ndihmoi të rritem si njeri. Gjithmonë kam forcë brenda vetes për t’i dalë kundër racizmit, por kam mësuar se reagimi në fushë nuk është i duhuri

HIGUAIN – “Ai ishte dhe vazhdon të mbetet një kampion. Ndoshta bëri zgjedhjet e gabuara. Këtu ai ishte një zot”.

TITULLI I VITIT TË KALUAR – “Ishte një javë e vështirë, ku ndodhi gjithçka. Por na duhet të tregohemi të sinqertë, Juventusi ishte skuadra më e fortë dhe titullin e humbëm për shkak të disa ndeshjeve të këqija”.

Tashmë gjithçka ka ndryshuar dhe siç raporton “AS”, braziliani ka ndërruar mendje dhe kërkon të qëndrojë. Kështu mendojnë në Spanjë, pasi 30-vjeçari tundohet akoma nga ideja për të provuar një ekjsperiencë të re dhe për të luajtur përsëri me CR7.

Drejt largimit duket Rafael Varan, por Reali ka gati zëvendësuesin. Dëshira e madhe quhet Kalidu Kulibali, por Napoli po reziston fort. Senegalezi është një nga pikat më të forta të ekipit dhe Karlo Ançeloti as që ka ndërmend të heqë dorë nga shërbimet e tij. Kulibali ka një klauzolë largimi prej 150 milionë eurosh, duke nisur nga viti 2020.

Paratë nuk janë problem për Realin, që është gati të sakrifikojë për të transferuar 27-vjeçarin në Madrid. Zyrtarë të klubit spanjoll kanë hedhur hapin e parë siç citon “Il Mattino”. Ata janë takuar me agjentin e lojtarit

Atmosfera në stadium ishte e zjarrtë dhe ultrasit napolitanë nuk pushuan asnjë moment gjatë gjithë ndeshjes. Të pranishëm në stadium ishin dhe disa familjarë e miq të Kulibalisë, i cili i kishte ftuar për ndeshjen kundër bardhezinjve të Alegrit.

Plot 46 persona ishin nisur nga Franca dhe 27-vjeçari ka vendosur të paguajë të gjitha shpenzimet: biletat e avionit, akomodimin në hotel, biletat e ndeshjes dhe darka e shijshme me të gjithë pas humbjes së hidhur. Kulibali ka dashur që asnjë prej tyre të mos shpenzojë asgjë dhe ia ka dalë, duke kryer një gjest shumë të bukur.

Të njëjtën gjë mendon dhe “muri” i mbrojtjes, i cili është i përqendruar te ndeshja me Torinon dhe nuk tundohet nga interesimi i madh. Në një prononcim për “Rai”, 27-vjeçari tregon objektivin e tij kryesor. Ai tregohet modest kur e krahasojnë si një nga tre mbrojtësit më të fortë në botë për momentin dhe zbulon se dëshiron të përmirësohet me… Napolin e tij.

“Më vjen mirë që klube të mëdha interesohen për mua. Por, për momentin, jam i përqendruar në fushën e blertë dhe dua të tregoj se jam shumë i fortë. Nuk e di nëse jam ndër mbrojtësit më të fortë në botë, sepse unë po mendoj vetëm të përmirësohem. Që kur jam pjesë e Napolit kam qenë gjithmonë i interesuar për t’u përmirësuar me këtë bluzë mbi supe. Duhet të vazhdoj në këtë mënyrë dhe këtu kam shumë stimuj që më bëjnë të eci përpara“, përfundon lideri i prapavijës së ekipit të Ançelotit.

Dy ndeshje pezullim, njëra u shlye kundër Bolonjës, por Napoli shpresonte ta kishte të gatshëm për ndeshjen me Lacion. Një gjë e tillë nuk ka ndodhur dhe Kulibali do të mungojë përballë formacionit të Inzagit.

Vendimi nuk i ka pëlqyer Napolit dhe Aurelio De Laurentis nuk përmbahet. Presidenti i Napolit sulmon sistemi, i vjen turp dhe ndihet keq për mbrojtësin e tij dhe kërcënon me largim, nëse Federata nuk nis e tregohet e ashpër për zgjidhjen e çështjes së racizmit.

“Edhe një herë sistemi, i kuptuar si një organizatë, tregoi se nuk di të ndryshojë, duke dënuar viktimën. Më vjen turp që jam pjesë e këtij sistemi nga i cili do të dal shpejt, nëse Federata nuk do të përdorë grushtin e hekurt kundër racizmit. Kulibali u poshtërua më shumë nga kjo çështje. Ndihem i ofenduar për të. Gjykata e Apelit preferoi të zbatonte ligjet, kur duhet t’i interpretonte ato. Ky vendim është një demonstrim i mëtejshëm i papjekurisë dhe verbërisë.”

“Çfarë do të kisha ndryshuar? Nuk do e tërhiqja ekipin në ndeshjen kundër Interit. I njoh dobësitë e futbollit tonë dhe kam pranuar të luaj me këto rregulla, edhe pse janë të gabuara. Por kjo nuk më pengon të luftoj që këto rregulla të bëhen moderne.”

27-vjeçari preferohet shumë nga Mançester Junajtid dhe Reali i Madridit, klube që do të garojnë fort për shërbimet e afrikanit. Napoli nuk dëshiron ta shesë, ndërsa presidenti De Laurentis ka refuzuar një ofertë prej 95 milionë eurosh për Kulibalinë.

“Mançester Junajtid është gati t’i japë fund ferrit të racizmit për Kulibali”, shkruan në titullin e saj anglezja “The Mirror”, që vazhdon të rrisë dozat.

“Kulibali dëshiron të largohet nga Italia. Do të ketë një duel Man Utd-Real Madrid për shërbimet e tij.” De Laurentis dhe Ançeloti nuk dëshirojnë të heqin dorë nga qendërmbrojtësi, por gara anglezo-spanjolle mund të rrisë çmimin e tij dhe Napoli mund ta pranojë ta shesë Kulibalinë.

Djajtë e Kuq vazhdojnë të jenë të interesuar për qendërmbrojtësin dhe trajneri Solskjaer theksoi se klubi i ka gati paratë për të bërë një blerje “big” në merkaton e janarit. Por, përveç bindjes së Napolit, Junajtid i është shtuar dhe një rival në garën për mbrojtësin.

“Il Mattino” raporton se dhe Reali i Madridit është i interesuar për “murin” e Napolit. Florentino Perez e sheh atë si një përforcim shumë cilësor, ndërsa Napoli kërkon të paktën 90 milionë sterlina për kartonin e lojtarit, pavarësisht dëshirës së madhe për ta mbajtur në ekip Kulibalinë.

Maradona është i fundit që i është bashkuar korit të njerëzve të futbollit, të cilët kanë shprehur solidaritetin dhe mbështetjen e tyre për Kalidu Kulibali, mbrojtësin e Napolit që ra pre e ofendimeve raciste nga ana e tifozëve të Interit.

“Kam luajtur shtatë vite me Napolin dhe jam ofenduar dhe unë me kore raciste nga disa tifozëri. I mbaj mend akoma pankartat ‘Mirë se të vish në Itali’. Ndihem edhe më shumë napolitan dhe sot dëshiroj të jem pranë Kulibali. Shpresoj që ky episod të shënojë një kthesë për të eliminuar njëherë e përgjithmonë racizmin nga futbolli. Ju përshëndes të gjithëve”, përfundon komenti i Diego Maradonës.