Kalidou Koulibaly

Napoli, ofertat dhe Senegali: Rrëfehet Kalidu Kulibali

Sport Ekspres — Mon, 24 Jun 2019 12:53:21 +0000

E ardhmja e Kalidu Kulibali te Napoli nuk është e sigurt. Aurelio De Laurentis po reziston, por ofertat për “murin” e mbrojtjes janë të shumta. Flasim për shifra mbi 100 milionë euro, ndërsa presidenti kërkon të paktën 130 milionë.

Lojtari po luan Kupën e Afrikës me kombëtaren e tij, aty ku Senegali e nisi me një fitore kundër Tanzanisë kompeticionin. Kulibali ka folur pas fitores së parë, duke u përgjigjur edhe në lidhje me të ardhmen e tij.

“Të gjithë flasin për të ardhmen time, por unë e kam mendjen vetëm te Senegali. Objektivi im është që të arrij diçka të madhe me kombëtaren time. A do të qëndroj te Napoli? Nuk e di, por besoj se do të qëndroj. Nuk dua të flas për të ardhmen time, dua të flas për Senegalin tim. Jam 200% i përqendruar te Kupa e Afrikës, bashkë me 15 milionë senegalezët“, përfundon mbrojtësi afrikan.

Situata bëhet serioze, oferta nga Anglia tundon Napolin

Sport Ekspres — Sat, 22 Jun 2019 09:33:35 +0000

Aurelio De Laurentis dhe Karlo Ançeloti nuk duan ta shesin Kalidu Kulibali, i cili është ndër 2-3 qendërmbrojtësit më të mirë në botë për momentin. Megjithatë, ndryshon situata për një ofertë mbi 100 milionë euro.

Interesimi kundrejt senegalezit është i madh dhe oferta e fundit do e fusë Napolin në dilema. Sipas raportimeve të mediave angleze, Mançester Siti ka gati një surprizë për klubin italian. Drejtuesit e “qytetarëve” ofrojnë 120 milionë euro për kartonin e 28-vjeçarit.

Një shifër e konsiderueshme, që do mbushte arkat e nënkampionëve të Italisë dhe që do ju mundësonte atyre të investonin në disa lojtarë të ndryshëm, Hames Rodrigez mbi të gjithë. Por jo vetëm, Napoli do të riniste sulmin për Lozanon e PSV-së dhe do paguante klauzolën prej 36 milionë eurosh për Manolas të Romës, i cili do të ishte zëvendësuesi i Kulibali.

Objektivi i madh i Liverpulit, Klop kërkon ndihmë nga një shqiptar

Sport Ekspres — Tue, 18 Jun 2019 11:24:54 +0000

Jyrgen Klop dëshiron të formojë një mur të pakalueshëm në mbrojtje. Kampionët e Europës po kërkojnë një mbrojtës për ta vendosur të krah të Van Dijk. Preferenca e madhe është Kalidu Kulibali.

Senegalezi i Napolit është ndër qendrat më të mira në botë. Drejtuesit e Liverpulit kanë nisur kontaktet me Fali Ramadanin, agjentin shqiptar të 27-vjeçarit.

Për Kulibali interesohen edhe Juventusi, Real Madrid dhe Mançester Junajtid. Ankandi për të nis nga shuma 110-120 milionë euro. Liverpuli po synon të bindë lojtarin nëpërmjet agjentit të tij dhe më pas mund të formojë dyshen më të fortë në botë në qendrën e mbrojtjes.

Sarri te Juventusi? Napoli i trembet “tradhtisë” së radhës

Sport Ekspres — Mon, 17 Jun 2019 11:37:18 +0000

Tifozët e Napolit nuk e kanë pritur aspak mirë kalimin e Mauricio Sarrit te Juventusi. Jo të gjithë, por pothuajse të gjithë i kanë vendosur menjëherë epitetin klasik të “tradhtarit”. Kampionët e Italisë urrehen pa masë në Napoli dhe ulja e trajnerit të tyre të dashur në stolin bardhezi është e papranueshme.

Megjithatë, “tradhtia” mund të thellohet dhe situata mund të bëhet më e dhimbshme. Juventusi synon edhe Kalidu Kulibali. Senegalezi është shtylla e mbrojtjes së ekipit të Ançelotit dhe idhull i tifozërisë.

Kalidu Kulibali

Napoli as që ka ndërmend ta shesë. Frika më e madhe është se mos 27-vjeçari bindet nga Sarri dhe vendos ta ndjekë atë në Torino. Nëse ndodh diçka e tillë, Napoli do të detyrohet ta shesë. Por jo më pak se 130 milionë euro. Aktori kryesor po qëndron në heshtje, vendos fjala e tij.

Një fantazist latin për Napolin, mbesin “thatë” Milani dhe Interi

Sport Ekspres — Sat, 25 May 2019 10:21:29 +0000

Real Madrid bëri gati 90 milionë euro për Kalidu Kulibali, por Napoli refuzoi ofertën. Mbrojtësi senegalez, i cili ka agjent shqiptarin Fali Ramadani, është ndër më të fortët në botë në rolin e tij dhe presidenti De Laurentis as që ka ndërmend ta shesë.

Klubi ka nisur negociatat edhe për rinovimin e Kajehon, ndërsa është pranë blerjes së De Paul. Argjentinasi i Udinezes është një nga emrat më të kërkuar në merkato. 9 gola ka shënuar sivjet fantazisti friulan, i cili bën mirë edhe krahët e sulmit.

Rodrigo De Paul

Shumë klube interesohen për shërbimet e 25-vjeçarit. Interi dhe Milani janë midis tyre, por Napoli ka arritur t’i parakalojë të gjithë. Udineze kërkon 35 milionë euro, ndërsa De Laurentis mund të përfshijë në tratativë dhe njërin mes Ounas dhe Verdit.

Mançester Junajtid-Kulibali, Napoli refuzon ofertën e frikshme

Sport Ekspres — Tue, 21 May 2019 15:27:27 +0000

Mançester Junajtid është gati të hapë thesin për të përforcuar repartin më delikat për ta, mbrojtjen. Megjithatë “Djajtë e Kuq” po hasin vështirësi për të sjellë një mbrojtës të madh. Pas rezistencës së egër të Leisterit për Herri Meguajer vitin e kaluar, vjen “telenovela” Kulibali këtë merkato. Napoli ka vendosur të mos pranoje asnjë çmim poshtë 130 milionë eurove.
Sipas “The Sun”, 95 milionë euro të ofruara nga Junajtid janë refuzuar ngapresidenti De Laurentis. Me sa duket të kaltrit nuk duan të heqin dorë nga ylli i tyre dhe synojnë ta ngrenë sa më shumë çmimin për të larguar skuadrat që interësohen për të. Kulibali është një nga mbrojtësit më të mirë në botë dhe një trajner si Ançeloti nuk e pëlqen aspak një skuadër, që shet lojtarët kryesorë.

Për momentin nuk ka pasur asnjë reagim apo preferencë nga lojtari sepse nëse do të kishte një këmbëngulje për t’u larguar, çmimi do të ulej ndjeshëm. Mos kualifikimi në Champions për vitin e ardhshëm nuk e tundon 27-vjeçarin të shkojë në “Old Trafford”. Një ofertë nga një klub i madh si Barça apo Real Madrid di i trazonte shumë ujërat mes lojtarit dhe Napolit.

Qetësohet Ançeloti, Napoli vlerëson “yllin” e ekipit

Sport Ekspres — Sat, 06 Apr 2019 18:11:42 +0000

Napoli do të presë Xhenoan në shtëpi nesër, ndërsa të enjtën zhvillohet në Angli ndeshja e parë kundër Arsenalit në Ligën e Europës. Kalidu Kulibali është një nga mbrojtësit më të fortë në botë dhe është normale që të ketë shumë interes për të.

Oferta të shumta kanë mbërritur për senegalezin, por Napoli nuk ka ndërmend të marrë parasysh asnjë prej tyre.

Të paktën deri në vitin 2020. “Muri” i repartit difensiv rinovoi deri në vitin 2023, por klauzola e largimit prej 150 milionë eurosh aktivizohet në fund të sezonit të ardhshëm.

Sipas raportimeve të “Rai Sport”, drejtuesit e klubit kanë vendosur t’i dyfishojnë rrogën Kulibalisë. Ai përfiton 3.5 milionë euro në sezon, ndërsa tashmë do të përfitojë 7 të tilla. Një lajm i mirë për Karlo Ançelotin, i cili do e ketë në dispozicion 27-vjeçarin, të paktën deri në fund të sezonit të ardhshëm.

Klauzola e veçantë e Kulibalisë, Reali gati të mbushë arkat e Napolit

Sport Ekspres — Fri, 29 Mar 2019 10:36:47 +0000

Napoli pagoi vetëm 7 milionë euro te klubi i Genkut në vitin 2014 për të siguruar shërbimet e Kalidu Kulibali. Senegalezi është rritur shumë që nga ajo periudhë dhe sot është ndër më të mirët në botë në rolin e tij.

Të shumta kanë qenë ofertat për qendërmbrojtësin, por Napoli i ka refuzuar të gjitha. Aurelio De Laurentis rinovoi gushtin e kaluar me lojtarin deri në vitin 2023. Presidenti vendosi një klauzolë në kontratën e re, që do të hyjë në veprim në merkaton e verës.

Kush dëshiron shërbimet e 27-vjeçarit duhet të paguajë plot 150 milionë euro. Kjo vlen vetëm për klubet e huaja dhe jo ato italiane. Sipas lajmeve që vijnë nga Spanja, Reali nuk trembet nga kjo klauzolë dhe është gati ta paguajë.

“Nëse Varan vendos të largohet, Zidan dëshiron Kulibalinë si zëvendësues”, shkruan “AS” sot. Afrikani pëlqehet shumë nga trajneri francez dhe Perez do të ishte gati për të përforcuar ekipin me një mbrojtës të nivelit të lartë si Kulibali.

Sarri me tone të forta për çështjen e racizmit: Janë budallenj!

Sport Ekspres — Thu, 27 Dec 2018 17:02:41 +0000

Çështja e racizmit në futboll është diçka që diskutohet prej kohësh, por që kurrë nuk ka mundur të shmanget apo të zhduket. Shembull konkret, ishin koret ndaj Kalidu Kulibali një natë më parë në “San Siro”, në sfidën mes Interit dhe Napolit.

Lidhur me çështjen e racizmit ka reaguar, Mauricio Sarri. Ish-trajneri i Napolit, i cili e ka pasur dhe nën urdhrat e tij Kulibalin, ka folur për mediat angleze, duke thënë se ai grup tifozësh që janë racistë, janë budallenj.

“Së pari dua të flas për klubin tim. Nuk dua ti fus të gjithë në një thes, sepse 99% e fansave tanë janë të mrekullueshëm. Në çdo komunitet, mendoj se ka budallenj. Kështu, që të gjithë së bashku duhet të luftojmë ndaj njerëzve budallenj, por jo ndaj fansave të Çelsit”.