kalendari

La Liga “ndez motorët”, mësohen datat për “El Clasico”-n

Sport Ekspres — Thu, 04 Jul 2019 12:54:55 +0000

Sezoni i ri i La Ligës spanjolle do të nisë me datë 18 gusht dhe do të ulë siparin me 24 maj. Shorti është hedhur dhe ekipet kanë mësuar kundërshtarët e parë. Kampionët e Barcelonës do ta nisin në transfertën baske kundër Atletiko Bilbaos, që është edhe përballja më e fortë e javës së parë.

Në transfertë e nis edhe Real Madrid. Djemtë e Zinedin Zidan do të udhëtojnë drejt Galicisë për t’u ndeshur me Selta Vigon vendase, ndërsa Valencia-Real Sociedad është një tjetër përballje e fortë.

Java e parë e sezonit 2019/2020

Disi më të lehtë do ta ketë ekipi i Diego Simeones. Atletiko Madrid e nis kampionatin në shtëpi dhe do të presë Getafen javën e parë.

“El Clasico” e parë midis Barcelonës dhe Realit do të zhvillohet javën e 10-të me 27 tetor në Camp Nou, ndërsa sfida e kthimit në Madrid do të luhet me datë 1 mars, që korrespondon me javën e 26-të.

29 shtatori do të na dhurojë derbin e Madridit midis Realit dhe Atletikos (java e shtatë) në Wanda Metropolitana, ndërsa sfida e Santiago Bernabeut do të luhet me datë dy shkurt.

? ¡Apunta la fecha de #ElClásico de #LaLigaSantander 2019/20!

? JORNADA 10 ?
? JORNADA 26 ? pic.twitter.com/E5S0Ccklxh

— LaLiga (@LaLiga) July 4, 2019

Java e fundit e Serie A, njoftohen ndryshime për ditën dhe orën e ndeshjeve

Sport Ekspres — Mon, 20 May 2019 12:07:57 +0000

Java e fundit e Serie A është padyshim e një rëndësie të veçantë, pasi kanë mbetur shumë enigma për t’u zbuluar, me katër ekipe që luftojnë për dy vende në Champions dhe pesë ekipe që rrezikojnë mbijetesën, ku në fund një do të bashkohet me Frozinonen dhe Kievon e rënë në Serie B.

Kalendari për këtë javë ishte lënë fillimisht që të gjithë takimet do të luheshin të dielën në orën 15:00, por me një lajmërim të dhënë së fundmi, federata italiane ka sqaruar se kalendari ka pasur një ndryshim.

Të shtunën do të luhet Frozinone-Kievo, një ndeshje që luhet vetëm për statistika. E diela do të nisë në orën 15:00 me Torino-Lacio dhe do të vijojë në orën 18:00 me Sampdoria-Juventus. Më pas, të gjithë takimet e tjera do të luhen në orën 20:30 në mbrëmje.

Java 38

E shtunë, 18:00 Frozinone – Kievo
E dielë, 15:00 Torino – Lacio
E dielë, 18:00 Sampdoria – Juventus

E dielë, 20:30

Atalanta – Sasuolo
Bolonja-Napoli
Kaliari-Udineze
Fiorentina-Xhenoa
Inter-Empoli
Roma-Parma
Spal-Milan

Edhe një dilemë në të Dytën, e diela dita e së vërtetës

Sport Ekspres — Thu, 16 May 2019 10:21:45 +0000

Në javën e parafundit, Kategoria e Dytë nuk mundi të zbardhte të gjitha verdiktet e këtij sezoni, ku mbeti pa u përcaktuar vetëm skuadra kryesuese në Grupin B. Ka rreth pesë javë që rokada mes Shkumbinit e Devollit ka sjellë kureshtje dhe e ka bërë edhe më të fortë garën mes tyre. Të dielën zbardhen të gjitha dilemat.

Në Grupin A Tërbuni kryesues luan në transfertë në Librazhd, kurse Luzi 2008 i vendit të dytë pret Adën. Gramshi luan një 90 minutësh të lehtë me Kukësin B në Tiranë. Partizani B-Internacionali është “derbi’ i kryeqytetit, ndërsa Vllaznia B e mbyll në “Reshit Rusi” me Tiranën B.

Në Grupin B vetëm Përmeti-Butrintizhvillohet të shtunën. Devollit kryesues pret në fushën e vet Tepelenën, ndërsa Shkumbini merr tri pikë në tavolinë me Termin e tërhequr nga gara. Maliqi pret Skraparin, Delvina Albpetrolin si dhe luhen Naftëtari-Memaliaj e Këlcyra-Gramozi.

AGRON KAJA

KATEGORIA E DYTË-JAVA 26

Superiorja drejt fundit, FSHF zbardh planin e finaleve

Sport Ekspres — Tue, 14 May 2019 19:14:47 +0000

Java e 34 në kampionatin shqiptar të futbollit e ka një finale, atë mes Tiranës dhe Kastriotit në “Selman Stermasi”. Një sfidë që me shumë gjasa vendos dhe fatet e sezonit për të dyja skuadrat, që po luftojnë javë pas jave për të shmangur rënien nga Kategoria.

Takime tjera interesante, janë padiskutim dy sfidat Teuta-Partizani dhe Kukësi-Skënderbeut. “Demat” me titullin në xhep, kanë premtuar një kampionat të drejtë dhe seriozitet maksimal, ndërsa “Djemtë e Detit” do të synojnë vetëm fitoren për të arritur në Kupat e Europës.

Në Vlorë, luhet një tjetër takim Europe, pasi Flamurtari pret ekipin e Laçit. Një duel shumë i fortë dhe shumë delikat për të dyja skuadrat. Flamurtari vjen pas një humbjeje në Krujë kundër Kastriotit, ndërsa Laçi vjen me bateritë e karikuara dhe me një 3-0 në tavolinë përballë Kamzës.

KATEGORIA SUPERIORE – JAVA 34
E shtunë, më 18 MAJ, ora 16:30

Teuta-Partizani
Kukësi-Skënderbeu
Flamurtari-Laçi
Tirana-Kastrioti

Kategoria e Parë: Java e festës dhe dy pikëpyetjeve, ka një plan

Sport Ekspres — Mon, 13 May 2019 19:20:54 +0000

Kategoria e Parë mbyllet më 18 maj 2019. Të shtunën prej orës 16:00 zhvillohen përballjet e fundit dhe do të mësohen edhe skuadrat që do të shkojnë në “play-out”. Sikurse dihet, Tomori e Vora kanë rënë në Kategorinë e Dytë, kurse Vllaznia e Bylisi do të garojnë sezonin e ardhshëm në Superiore.

Shumica e ndeshjeve në fundjavë do të jenë për të respektuar kalendarin. Në Grupin A, Dinamo-Besëlidhja dhe Vllaznia-Erzeni janë përballjet në pesëshen e parë, kurse në “play-out” pritet me interes Shënkolli-Veleçiku. Lezhjanët mund të shpëtojnë direkt nëse mposhtin koplikasit. Iliria duket e shpëtuar, duke pasur parasysh që pret në shtëpi Vorën e rënë nga kategoria.

Në Grupin B Bylisi do kërkojë të festojë ngjitjen në Superiore me një fitore ndaj Besës, skuadrës me të cilën rivalizoi për kreun këtë sezon. Në Orikum vendasit presin Egnatian, kurse Lushnja e ka mbyllur kampionatin për këtë sezon. Tomori-Pogradeci në pesëshen e dytë është një shëtitje, kurse Elbasani-Turbina është vendimtare për skuadrën që do të luajë ndeshje shtesë për mbijetesën.

AGRON KAJA

KATEGORIA E PARË – JAVA 26
E shtunë, 18 maj 2019, ora 16:00

Grupi A | Play-off
Dinamo-Besëlidhja
Vllaznia-Erzeni
Korabi pushim

Grupi A | Play-out
Shënkolli-Veleçiku
Ora 16:00 | Iliria-Vora
Burreli pushim

Grupi B | Play-off
Oriku-Egnatia
Bylis-Besa
Lushnja pushim

Grupi B | Play-out
Tomori-Pogradeci
Elbasani-Turbina
Apolonia pushim

Kategoria e Parë: Shëtitjet e radhës dhe finale mbijetese, ja sfidat

Sport Ekspres — Sat, 11 May 2019 08:03:17 +0000

Kategoria e Parë do t’i luajë sot prej orës 16:00 të gjitha ndeshjet e javës së 29-të. Skuadrat e të dyja grupeve në zonën Play-off i kanë mbyllur llogaritë e tyre me kampionatin dhe ndeshjet e këtyre javëve kanë qenë formalitet. Ndryshe në zonën Play-out, ku ende nuk janë përcaktuar verdiktet përfundimtare.

Kështu, në grupin A Besëlidhja pret Korabin, ndërsa Erzeni pret në fushën e tij skuadrën e Dinamos. Në zonën Play-out të këtij grupi, Vora kërkon fitoren e shpresës me Shënkollin. Veleçiku kryesues pret Burrelin, dy skuadra që ende nuk e kanë shmangur mbijetesën. Vllaznia kryesuese është pushim.

Në zonën Play-off të Grupit B, dy ndeshjet Besa-Oriku dhe Egnatia-Lushnja do t’u shërbejnë skuadrave për të aktivizuar më shumë lojtarë të rinj. Në zonën Play-out do të luhet një sfidë e vështirë në Cërrik, Turbina-Tomori. Të dyja skuadrat rrezikojnë mbijetesën, me beratasit më poshtë në renditje. Ndërkohë që Pogradeci-Apolonia mbetet një ndeshje ku luhet kreu i renditjes në këtë zonë të Grupit B.

AGRON KAJA

KATEGORIA E PARË – JAVA 27

Grupi A | Play-off
E shtunë, 11 maj 2019
Ora 16:00 | Besëlidhja-Korabi
Ora 16:00 | Erzeni-Dinamo
Vllaznia pushim

Grupi A | Play-out
E shtunë, 11 maj 2019
Ora 16:00 | Vora-Shënkolli
Ora 16:00 | Veleçiku-Burreli
Iliria pushim

Grupi B | Play-off
E shtunë, 11 maj 2019
Ora 16:00 | Besa-Oriku
Ora 16:00 | Egnatia-Lushnja
Bylis pushim

Grupi B | Play-out
E shtunë, 11 maj 2019
Ora 16:00 | Turbina-Tomori
Ora 16:00 | Pogradeci-Apolonia
Elbasani pushim

Kategoria e Parë: Sërish ndryshim orari, luhen vetëm finale mbijetese

Sport Ekspres — Wed, 08 May 2019 11:58:14 +0000

Kategoria e Parë luhet sërish në një ditë, ndërkohë që ka ndryshuar sërish orari. Një javë më parë të gjitha takimet nisën prej orës 17:00, kurse këtë herë luhet prej orës 16:00. Gara është e hapur vetëm në pesëshet e dyta, ku mbeten të përcaktohen ekipe që bien direkt dhe kush do të luajë ndeshje shtesë.

Në Grupin A Besëlidhja pret Korabin, kurse Erzeni Dinamon. Vllaznia kryesuese këtë javë është pushim. Në Play-out, Vora përballet me Shënkollin dhe do tentojë të mbajë gjallë shpresat për mbijetesë. Veleçiku kryesues pret Burrelin, me matjanët që synojnë të marrin të paktën një pikë. Iliria është pushim.

Në Grupin B, Besa-Oriku dhe Egnatia-Lushnja janë sfida që u shërbejnë skuadrave për të aktivizuar lojtarë të rinj. Në Play-out Turbina-Tomori është sfidë vendimtare. Fitorja synohet nga të dyja skuadrat, me beratasit që duan të ndezin shpresën për qëndrim në të Parën. Pogradeci-Apolonia është përballja tjetër në program. Elbasani është pushim.

AGRON KAJA

KATEGORIA E PARË – JAVA 26
E shtunë, më 11 maj 2019, ora 16:00

Grupi A | Play-off
Besëlidhja-Korabi
Erzeni-Dinamo
Vllaznia pushim

Grupi A | Play-out
Vora-Shënkolli
Veleçiku-Burreli
Iliria pushim

Grupi B | Play-off
Besa-Oriku
Egnatia-Lushnja
Bylis pushim

Grupi B | Play-out
Turbina-Tomori
Pogradeci-Apolonia
Elbasani pushim

Kategoria e Dytë në fushë, shtatë përballje në program

Sport Ekspres — Sun, 05 May 2019 07:20:28 +0000

Një ditë më parë u zhvilluan katër ndeshje të Kategorisë së Dytë, kurse sot luhen pjesa tjetër e përballjeve. Veçohet takimi Tirana B-Tërbuni në grupin A dhe pukjanët do tentojnë të vulosin rikthimin në Kategorinë e Parë. Partizani B, rivali i tyre, është pushim, kurse Gramshi luan në transfertë me Vllazninë B. Takimi mes Luzit dhe Internacionalit luhet për statistika.

Në Grupin B, Devolli kryesues pret në Bilisht skuadrën e Mamaliajt, ndërsa Shkumbini në Peqin përballet me Skraparin. Naftëtari-Albeptroli dhe Maliqi-Delvina janë dy ndeshjet e tjera në këtë grup dhe skuadrat vendase shikohen si favorite për të triumfuar.

AGRON KAJA

KATEGORIA E DYTË-JAVA 24

Grupi A | Java 24
E shtunë, më 4 maj 2019, ora 17:00
Kukësi B-Ada 2-3
Sopoti-Klosi 3-1
E diel, më 5 maj 2019, ora 17:00
Luzi 2008-Internacional
Vllaznia B-Gramshi
Tirana B-Tërbuni
Partizani B e Spartaku pushim

Grupi B | Java 24
E shtunë, më 4 maj 2019, ora 17:00
Përmeti-Gramozi 3-1
Butrinti-Tepelena 2-1
E diel, më 5 maj 2019, ora 17:00
Maliqi-Delvina
Shkumbini-Skrapari
Naftëtari-Albpetroli
Devolli-Memaliaj
Këlcyra pushim

Kategoria e Parë: Mbijetesa mban gjallë garën, sytë në Burrel e Berat

Sport Ekspres — Sat, 04 May 2019 07:32:26 +0000

Kategoria e Parë, ashtu si Superiorja zhvillohet sot e gjitha në një orar. Ndeshjet luhen prej orës 17:00. Gara tani është zhvendosur te pesëshet e dyta, pasi ende nuk janë përcaktuar skuadrat që do të garojnë sezonin e ardhshëm në Kategorinë e Dytë.

Në pesëshen e parë të Grupit A, veçohet “derbi” i Veriut: Besëlidhja-Vllaznia. Shkodranët e kanë siguruar kreun e grupit, ndërsa te Besëlidhja duan vendin e dytë. Në Kamzë do të luhet ndeshja Korabi-Dinamo, kurse Erzeni është pushim. Në zonën Play-out, Shënkolli-Iliria është një finale mbijetese, ndërsa Burreli me Vorën kërkon të largojë hijet e mbijetesës. Miqtë nga ana tjetër synojnë të mbeten në garë.

Egnatia-Bylis dhe Lushnja-Oriku janë sfida për statistika, ndërkohë që sytë janë nga skuadrat që synojnë qëndrimin në të Parën. Tomori pret Elbasanin dhe Apolonia skuadrën e Turbinës, dy ndeshje që pritet të jenë shumë të luftuara. Pogradeci këtë javë është pushim.

AGRON KAJA

KATEGORIA E PARË – JAVA 26

Grupi A | Play-off
E shtunë, 4 maj 2019
Ora 17:00 | Besëlidhja-Vllaznia (Në Lezhë)
Ora 17:00 | Korabi-Dinamo (Në Peshkopi)
Erzeni pushim

Grupi A | Play-out
E shtunë, 4 maj 2019
Ora 17:00 | Shënkolli-Iliria (Në Shënkoll)
Ora 17:00 | Burreli-Vora (Në Burrel)
Veleçiku pushim

Grupi B | Play-off
E shtunë, 4 maj 2019
Ora 17:00 | Egnatia-Bylis (Në Rrogozhinë)
Ora 17:00 | Lushnja-Oriku (Në Lushnje)
Besa pushim

Grupi B | Play-out
E shtunë, 4 maj 2019
Ora 17:00 | Tomori-Elbasani (Në Berat)
Ora 17:00 | Apolonia-Turbina (Në Fier)
Pogradeci pushim

Kategoria e dytë në fundjavë, zbardhet plani i Federatës

Sport Ekspres — Wed, 01 May 2019 11:46:25 +0000

Ndeshjet e javës 24 në Kategorinë e Dytë janë planifikuar që të luhen në fundjavë dhe prej orës 17:00. Nga dy ndeshje janë planifikuar të luhen të shtunën për çdo grup, ndërkohë që ndeshjet e tjera do të zhvillohen të gjitha ditën e diel.

Në grupin A, të shtunën do të luhen Kukësi B-Ada dhe Sopoti-Klosi. Të dielën do luhen tre ndeshje, ndërsa Partizani B dhe Spartaku janë pushim. Si kryendeshje e kësaj dite mbetet sfida Tirana B-Tërbuni, pasi pukjanët kryesojnë Grupin A dhe u duhet fitorja e sigurisë. Vllaznia B ka në dorë ndalimin e rivalëve të Tërbunit, Gramshin, ndërsa Luzi 2008 pret në shtëpi Internacionalin.

Në Grupin B, të shtunën zhvillohet Përmeti-Gramozi dhe Butrinti-Tepelena, kursa të dielën Devolli kryesues pret Memaliajn në Bilisht. Shkumbini rival përballet me Skraparin në Peqin. Naftëtari-Albpetroli është ndeshja e dy ish-rivalëve në Superiore e në të Parën, ndërsa Maliqi pret Delvinën.

AGRON KAJA

KATEGORIA E DYTË-JAVA 24

Grupi A | Java 24
E shtunë, më 4 maj 2019, ora 17:00
Kukësi B-Ada
Sopoti-Klosi
E diel, më 5 maj 2019, ora 17:00
Luzi2008-Internacional
Vllaznia B-Gramshi
Tirana B-Tërbuni
Partizani B e Spartaku pushim

Grupi B | Java 24
E shtunë, më 4 maj 2019, ora 17:00
Përmeti-Gramozi
Butrinti-Tepelena
E diel, më 5 maj 2019, ora 17:00
Maliqi-Delvina
Shkumbini-Skrapari
Naftëtari-Albpetroli
Devolli-Memaliaj
Këlcyra pushim

E Para të shtunën, finale mbijetese në… orar ndryshe

Sport Ekspres — Wed, 01 May 2019 07:58:20 +0000

Javët e mbetura të Kategorisë së Parë luhen të gjitha në një ditë dhe në një orar. Kështu, java e 26-të zhvillohet të shtunën prej orës 17:00. Në Grupin A veçohet “derbi” Besëlidhja-Vllaznia. Lezhjanët janë në luftë për vendin e dytë, ndërsa shkodranët i kanë mbyllur llogaritë me kampionatin.

Korabi pret Dinamon në kërkim të pikëve të munguara, ndërsa Erzeni është pushim. Në zonën Play-out, takimi Shënkolli-Iliria merr statusin e kryendeshjen për mbijetesë, ndërsa Burreli pret Vorën dhe do kërkojë pikët e mbijetesës. Veleçiku është pushim.

Në Grupin B vëmendja më e madhe përqendrohet në zonën Play-off, ku Tomori pret Elbasanin dhe Apolonia Turbinën. Në lojë janë tre skuadra për mbijetesë, ndërsa Pogradeci është pushim. Në zonën në Play-off, ndeshjet Egnatia-Bylis dhe Lushnja-Oriku janë sfida revanshi për pikë nga skuadrat pritëse, ndërsa Besa është pushim.

AGRON KAJA

KATEGORIA E PARË – JAVA 26

Grupi A | Play-off
E shtunë, 4 maj 2019
Ora 17:00 | Besëlidhja-Vllaznia (Në Lezhë)
Ora 17:00 | Korabi-Dinamo (Në Peshkopi)
Erzeni pushim

Grupi A | Play-out
E shtunë, 4 maj 2019
Ora 17:00 | Shëkolli-Iliria (Në Shënkoll)
Ora 17:00 | Burreli-Vora (Në Burrel)
Veleçiku pushim

Grupi B | Play-off
E shtunë, 4 maj 2019
Ora 17:00 | Egnatia-Bylis (Në Rrogozhinë)
Ora 17:00 | Lushnja-Oriku (Në Lushnje)
Besa pushim

Grupi B | Play-out
E shtunë, 4 maj 2019
Ora 17:00 | Tomori-Elbasani (Në Berat)
Ora 17:00 | Apolonia-Turbina (Në Fier)
Pogradeci pushim

Kategoria e Dytë me sfida interesante, plani i javës së 23-të

Sport Ekspres — Wed, 24 Apr 2019 08:56:26 +0000

Ndeshjet e javës së 23-të në Kategorinë e dytë do të luhen edhe këtë herë në dy ditë. FSHF ka planifikuar që dy ndeshje nga Grupi A dhe tre ndeshje nga Grupi B të luhen të shtunën (27 prill), kurse të tjerat zhvillohen të dielën. Të gjitha sfidat luhen prej orës 16:00.

Në Grupin A, Ada-Sopoti dhe Spartaku-Kukësi B janë dy ndeshjet që e çelin këtë javë të 23-të. Luzi 2008 dhe Internacional Tirana do të jenë pushim. Në ndeshjet e tjera veçohet sfida në Pukë mes Tërbunit kryesues dhe Partizani B. Gramshi ka në program sfidën me Tirana B, kurse Klosi me Vllazninë B.

Në Grupin B, të shtunën do të luhet “derbi” i prefekturës së Beratit, Skrapari-Naftëtari. Gramozi-Butrinti është ndeshja tjetër e kësaj dite në këtë grup. Memaliaj-Përmeti përballen në “derbi” dhe të dielën Shkumbini kryesues do të luajë në transfertë me Delvinën. Devolli i vendit të dytë e ka pushim dhe dy ndeshjet e tjera janë Albpetroli-Këlcyra dhe Tepelena-Maliqi.

AGRON KAJA

KATEGORIA E DYTË-JAVA 23

Grupi A | Java 23
E shtunë, më 27 prill, ora 16:00
Ada-Sopoti
Spartaku-Kukësi B
E dielë, më 28 prill, ora 16:00
Klosi-Vllaznia B
Gramshi-Tirana B
Tërbuni-Partizani B
Luzi e Internacional pushim

Grupi B | Java 23
E shtunë, më 27 prill, ora 16:00
Skrapari-Naftëtari
Gramozi-Butrinti
Memaliaj-Përmeti
E dielë, më 28 prill, ora 16:00
Albpetrol-Këlcyra
Delvina-Shkumbini
Tepelena-Maliqi
Devolli pushim

Kategoria e Parë “mbledh” javën e 25-të, vetëm një ndeshje të dielën

Sport Ekspres — Tue, 23 Apr 2019 21:34:11 +0000

Java e 25-të e Kategorisë së Parë është planifikuar që ndeshjet t’i luajë shumicën e ndeshje ditën e shtunë, 27 prill 2019. Përjashtim bën Dinamo-Vllaznia, që do të luhet të dielën më 28 prill në Pezë-Helmës. Gjatë kësaj jave nuk ka ndryshime të orarit të zhvillimit të ndeshjeve dhe bie në sy nisja e tyre nga ora 16:00.

Në Grupin A, në zonën Play-off, veçohet ndeshja e dy të mëdhave në futbollin shqiptar: Dinamo-Vllaznia. Me rivalitet pritet sfida e ditës së shtunë, Korabi-Erzeni. Në Play-out, Vora pret Veleçikun, në një përballje delikate për tri pikët, ndërkohë që Iliria përballet me Burrelin në Fushë-Krujë.

Në Grupin B, zona Play-off, dy transferta interesante të kryesuesve. Bylisi luan me Orikun në Orikum, kurse Besa në Lushnje. Asnjëra nga skuadrat pritëse nuk ka objektiva në këto sfida. Ndryshe është situata në zonën Play-out të këtij grupi, ku Elbasani pret Apoloninë në fushën e tij, ndërsa në Cërrik, Turbina vendase synon tre pikët ndaj Pogradecit.

AGRON KAJA

KATEGORIA E PARË-JAVA 25

Grupi A | Play-off
E shtunë, 27 prill 2019
Ora 16:00 | Korabi-Erzeni (Në Peshkopi)
E dielë, më 28 prill 2019
Ora 16:00 | Dinamo-Vllaznia (Në Pezë)
Besëlidhja pushim

Grupi A | Play-out
E shtunë, më 27 prill 2019
Ora 16:00 | Iliria-Burreli (Në Fushë-Krujë)
Ora 16:00 | Vora-Veleçiku (Në Pezë)
Shënkolli pushim

Grupi B | Play-off
E shtunë, më 27 prill 2019
Ora 16:00 | Lushnja-Besa (Në Lushnje)
Ora 16:00 | Oriku-Bylis (Në Orikum)
Egnatia pushim

Grupi B | Play-out
E shtunë, më 27 prill 2019
Ora 16:00 | Turbina-Pogradeci (Në Cërrik)
Ora 16:00 | Elbasani-Apolonia (Në Elbasan)
Tomori pushim

Kategoria e Dytë: 12 ndeshje në fundjavë, dy janë finale

Sport Ekspres — Wed, 17 Apr 2019 09:08:39 +0000

Java e 22-të e Kategorisë së Dytë do të luhet të shtunën dhe të dielën, në datat 20 dhe 21 prill. Të gjitha takimet zhvillohen prej orës 16:00. Të shtunën do të luhen tre ndeshje në Grupin A dhe dy ndeshje në Grupin B, ndërsa ditën e diel pjesa tjetër.

Në Grupin A, ditën e shtunë Kukësi B përballet në Pezë-Helmës me Internacional Tiranën, ndërsa Sopoti pret Spartaku. Në “Skënder Halili” Tirana B ka në program ndeshjen me Klosin, kurse ditën e diel kryendeshja për kreun është Partizani B-Luzi 2008. Tërbuni kryesues pret Gramshin, ndërsa Vllaznia B Adën e Velipojës.

Në Grupin B, Naftëtari-Delvina dhe Tepelena-Gramozi janë dy sfidat që do të luhen ditën e shtunë. Një ditë më ndeshja më tërheqëse luhet mes Maliqit e Shkumbinit kryesues. Devolli pret në fushën e tij Albpetrolin, skuadër që kërkon ngjitje në renditje. Dy ndeshjet e tjera, Këlcyra-Skrapari dhe Butrinti-Memaliaj, u japin mundësinë skuadrave vendase të ngjiten në renditje. Përmeti do të jetë pushim, pasi duhej të ndeshej me Termin e tërhequr nga gara.

AGRON KAJA

Grupi A | Java 22
E shtunë, më 20 prill, ora 16:00
Kukësi B-Internacional
Sopoti-Spartaku
Tirana B-Klosi
E diel, 21 prill 2019
Vllaznia B-Ada
Tërbuni-Gramshi
Partizani B-Luzi 2008

Grupi B | Java 22
E shtunë, më 20 prill, ora 16:00
Naftëtari-Delvina
Tepelena-Gramozi
E diel, më 21 prill, ora 16:00
Maliqi-Shkumbini
Këlcyra-Skrapari
Devolli-Albpetroli
Butrinti-Memaliaj
Përmeti pushim

Plani i Kategorisë së Parë, java e 24-t zhvillohet në dy ditë

Sport Ekspres — Wed, 17 Apr 2019 08:18:12 +0000

Në këtë fundjavë do të luhen ndeshjet e javës së 24-t të Kategorisë së Parë dhe FSHF-ja ka vendosur që ato të luhen në dy ditë dhe në orare të ndryshme. Duke ju referuar kalendarit, vetëm ndeshjet Play-out të Grupit B do të luhen ditën e diel, të dyja në orën 15:00, ndërsa të shtunën luhen të gjitha ndeshjet e tjera.

Në Grupin A, të shtunën në ora 15:00 Vllaznia pret Korabin, një ndeshje festive. Një orë më pas, Erzeni përballet në “Tofik Jashari” me skuadrën e Besëlidhjes. Pesëshja e dyte sjell sfida inetersate. Shënkolli i vendit të fundit pret Burrelin kryesues, ndërsa Veleçiku-Iliria u jep mundësi vendasve që të marrin pikët e sigurisë për mbijetesë. Vora këtë javë është pushim.

Në Grupin B, zona Play-off, Bylisi e ka të lehtë sfidën me Lushnjen në shtëpi. Besa, e renditur e dyta, do të presë Egnatian, por më parë pret të mësojë vendimin e Komisionit të Disiplinës. Në zonën Play-out, Tomori synon maksimumin ndaj Apolonisë në stadiumin “Tomori”, ndërkohë që Pogradeci ka në dorë fatet e Elbasanit. Turbina këtë javë është pushim.

AGRON KAJA

KATEGORIA E PARË / Java 24

Grupi A | Play-off
E shtunë, më 20 prill 2019
Ora 15:00 | Vllaznia-Korabi (Në Shkodër)
Ora 16:00 | Erzeni-Besëlidhja (Në Shijak)
Dinamo pushim

Grupi A | Play-out
E shtunë, më 20 prill 2019
Ora 16:00 | Veleçiku-Iliria (Në Shënkoll)
Ora 16:00 | Shënkolli-Burreli (Në Shkodër)
Vora pushim

Grupi B | Play-off
E shtunë, më 20 prill 2019
Ora 16:00 | Bylis-Lushnja (Në Ballsh)
Ora 16:00 | Besa-Egnatia (Në Kavajë)
Oriku pushim

Grupi B | Play-out
E diel, më 21 prill 2019
Ora 15:00 | Pogradeci-Elbasani (Në Pogradec)
Ora 15:00 | Tomori-Apolonia (Në Berat)
Turbina pushim

Finale në të Parën: Sytë në Kavajë e Cërrik, luhen 7 përballje

Sport Ekspres — Sat, 13 Apr 2019 07:00:09 +0000

Sot rikthehet Kategoria e Parë dhe luhen shtatë përballje të javës së 23-të. Spikat përballja e kreut mes Besës dhe Bylisit në Kavajë, por ka edhe të tjera ndeshje mjaft interesante në garën për mbijetesë. E diela sjell një përballje mjaft të rëndësishme, me Erzenin që do mundohet të shtyjë festën e Vllaznisë.

Në Grupin A Besëlidhja-Dinamo është ndeshja tjetër e pesëshes së parë. Në Play-out, Veleçiku-Shënkolli është sfida më delikate për mbijetesën e të dy skuadrave, ndërsa Vora pret Ilirinë. Skuadra e Rezart Mahos nuk ka rrugëzgjidhje tjetër veç fitores.

Egnatia dhe Oriku përballen në Berat, një ndeshje që rrogozhinasit duan ta fitojnë për ta mbyllur kampionatin në vendin e tretë. Në Play-out, në Cërrik përcaktohet njëra skuadër që nuk mund të mbijetojë në të Parën, e po kështu, transferta e Tomorit në Pogradec do flasë shumë për beratasit.

AGRON KAJA

KATEGORIA E PARË / Java 23

Grupi A | Play-off
E shtunë, më 13 prill 2019
Ora 16:00 | Besëlidhja-Dinamo
E diel, më 14 prill 2019
Ora 15:00 | Erzeni-Vllaznia
Korabi pushim

Grupi A | Play-out
E shtunë, më 13 prill 2019
Ora 16:00 | Veleçiku-Shënkolli
Ora 16:00 | Vora-Iliria (Në Pezë)
Burreli pushim

Grupi B | Play-off
E shtunë, më 13 prill 2019
Ora 15:00 | Besa-Bylis
Ora 16:00 | Egnatia-Oriku (Në Berat)
Lushnja pushim

Grupi B | Play-out
E shtunë, më 13 prill 2019
Ora 16:00 | Pogradeci-Tomori
Ora 16:00 | Turbina-Elbasani
Apolonia pushim

Kategoria e Dytë në dy ditë, ja kalendari i javës së 21-të

Sport Ekspres — Wed, 10 Apr 2019 10:10:55 +0000

Kategoria e Dytë do të luhet sërish në dy ditë dhe java e 21-të nuk ka në program sfida mes skuadrave që kryesojnë të dy grupet. Të gjitha ndeshjet zhvillohen ditën e shtunë dhe të dielën, datë 13 e 14 prill , duke nisur nga ora 16:00.

Në Grupin A, Luzi 2008 që kryeson është pushim, ndërkohë që Tërbuni i vendit të dytë udhëton në një sfidë të vështirë në Klos. Gramshi-Partizani B është kryendeshja e këtij grupi, pasi janë dy skuadra që janë mes pretendentëve të shumtë për kreun. Spartaku-Vllaznia B, Internacional-Sopoti dhe Ada-Tirana B janë sfidat e tjera në këtë grup.

Në Grupin B, Shkumbini kryesues pret Naftëtarin e Kuçovës, ndërsa Devolli luan në transfertë me Skraparin. Maliqi udhëton në Ersekë për t’u ndeshur me Gramozin, kurse Albpetroli duket më i favorizuar i kësaj jave. Përmeti është skuadra që viziton Patosin. Memaliaj-Tepelena është një “derbi” historik i zonës, ndërsa Delvina-Këlcyra, një ndeshje konfirmimi për të dy skuadrat. Butrinti këtë javë është pushim.

AGRON KAJA

Grupi A | Java 21
E shtunë, më 13 prill, ora 16:00
Spartaku-Vllaznia B
Ada-Tirana B
Gramshi-Partizani B
E diel, më 14 prill, ora 16:00
Internacional-Sopoti
Klosi-Tërbuni
Luzi 2008 dhe Kukësi B pushim

Grupi B | Java 21
E diel, më 14 prill, ora 16:00
Albpetrol-Përmeti
Skrapari-Devolli
Delvina-Këlcyra
Shkumbini-Naftëtari
Memaliaj-Tepelena
Gramozi-Maliqi
Butrinti pushim

Kategoria e Parë: Luhet për mbijetesën dhe elitën, plani i finaleve

Sport Ekspres — Mon, 08 Apr 2019 11:40:36 +0000

Kategoria e Parë rikthehet në fundjavë dhe ka ndeshje mjaft të rëndësishme. Sektori i Garave, pranë Federatës Shqiptare të Futbollit, ka përcaktuar edhe oraret dhe shumica e sfidave do të luhen të shtunën. Një ditë më pas është parashikuar të zhvillohet vetëm përballja Erzeni-Vllaznia. Shkodranët kanë mundësi të sigurojnë matematikisht Superioren në dy javët e ardhshme.

Gara kryesisht në grupin A është për mbijetesën, edhe pse ka një farë shkëputje të skuadrave nga Vora e Shënkolli të renditura të fundit. Vora-Iliria dhe Veleçiku-Shënkolli janë finale. Për mbijetesën më e ashpër është gara në grupin B. Sytë janë nga Turbina-Elbasani, ndërkohë që Tomori ka një mision të vështirë në Pogradec.

Ndeshja më e rëndësishme e kësaj jave pa dyshim është ajo mes Besës e Bylisit, programuar të luhet të shtunën prej orës 15:00. Betejë për kreun e klasifikimit. Ballshiotëve do t’u mjaftonte edhe një pikë për të qëndruar i pari, kurse një fitore do i jepte fund garës.

AGRON KAJA

KATEGORIA E PARË – JAVA 23

Grupi A | Play-off
E shtunë, më 13 prill, ora 16:00
Besëlidhja-Dinamo
E diel, më 14 prill, ora 15:00
Erzeni-Vllaznia
Korabi pushim

Grupi A | Play-out
E shtunë, më 13 prill, ora 16:00
Veleçiku-Shënkolli
Vora-Iliria
Burreli pushim

Grupi B | Play-off
E shtunë, më 13 prill, ora 15:00
Besa-Bylis
E shtunë, më 13 prill, ora 16:00
Egnatia-Oriku
Lushnja pushim

Grupi B | Play-out
E shtunë, më 13 prill, ora 16:00
Pogradeci-Tomori
Turbina-Elbasani
Apolonia pushim

Beteja mbijetese, Kategoria e Parë e gjitha në fushë

Sport Ekspres — Sat, 06 Apr 2019 09:04:02 +0000

Faza e tretë e Kategorisë së Parë zhvillon sot javën e 22-të të kampionatit dhe veçohet se në kalendar dy skuadrat kryesuese të grupeve, Vllaznia dhe Bylisi, janë pushim. Takimi Dinamo-Erzeni fillon në orën 15:00, kurse sfidat e tjera një orë më pas.

Në Grupin A pesëshja e parë luan për vendin e dytë. Korabi synon të mundë Besëlidhjen në Peshkopi, kurse blutë e Dinamos Erzenin Këto dy skuadra janë me pikë të barabarta në renditje. Në zonën Play-out veçohet sfida Shënkolli-Vora, dy skuadrat e fundit që janë vetëm 2 pikë larg mes tyre. Në Burrel matjanët presin Veleçikun, në një ndeshje që synohen pikët e sigurisë për mbijetesën.

Në Grupin B, Besa e Kavajës luan në transfertë me Orikun, një mundësi për t’iu afruar Bylisit që këtë javë është pushim. Ndërsa Lushnja-Egnatia mbetet sfidë revanshi për të dyja skuadrat. Në zonën Play-out, ndeshja Tomori-Turbina është shansi i beratasve për t’u larguar nga vendi i parafundit. Në Fier Apolonia dhe Pogradeci përballen në një sfidë prestigji për kreun në pesëshen e dytë.

AGRON KAJA

KATEGORIA E PARË – JAVA 22

Grupi A | Play-off
E shtunë, më 6 prill, ora 15:00
Dinamo-Erzeni
E shtunë, më 6 prill, ora 16:00
Korabi-Besëlidhja
Vllaznia pushim

Grupi A | Play-out
E shtunë, më 6 prill, ora 16:00
Burreli-Veleçiku
Shënkolli-Vora
Iliria pushim

GRUPI B | Play-off
E shtunë, më 6 prill, ora 16:00
Oriku-Besa
Lushnja-Egnatia
Bylis pushim

Grupi B | Play-out
E shtunë, më 6 prill, ora 16:00
Tomori-Turbina
Apolonia-Pogradeci
Elbasani pushim

Kategoria e Dytë vijon “marshimin”, zbardhet plani i javës së 20-të

Sport Ekspres — Tue, 02 Apr 2019 10:08:09 +0000

Java e 20-të e Kategorisë së Dytë është planifikuar të luhet në këtë fundjavë. FSHF-ja ka programuar që Grupi A dhe Grupi B t’i luajnë të gjitha ndeshjet e kësaj jave ditën e diel në ora 15:00, përjashtuar takimin Tepelena-Termi që nuk luhet për shkak të tërheqjes së Termit nga kampionati.

Në Grupin A, nga skuadrat kryesuese vetëm Tërbuni luan në fushën e tij. Luzi 2008 luan në transfertë, kurse Partizani B është pushim. Në Pukë do të jetë Ada rivalja, ndërkohë që skuadra periferike kavajase luan me Kukësin B. Spartaku përballet në transfertë me Tiranën B. Edhe Gramshi, që hyn në grupin e kryesuesve, luan në fushën e tij me Klosin. Në Shkodër, Vllaznia B pret Internacionalin.

Në Grupin B, Shkumbini kryesues luan në transfertë në Këlcyrë, ndërsa Devolli pret në fushën e tij Delvinën. Maliqi dhe Albpetroli që ndjekin kryesuesit, në letër duket se kanë ndeshje të lehta, pasi në Maliq është Naftëtari udhëtues, ndërsa Albpetroli luan në Sarandë me Butrintin. Interesant është takimi Përmeti-Skrapari, ndërsa Gramozi i Ersekës pret në fushën e tij Memaliajn.

AGRON KAJA

KATEGORIA E DYTË – Java 20

GRUPI A
E diel, 7 prill 2019
Kukësi B-Luzi2008     15:00
Vllaznia B-Internacio 15:00
Tirana B-Spartaku 15:00
Tërbuni-Ada                15:00
Gramshi-Klosi             15:00
Partizani B e Sopoti pushim

GRUPI B
E diel, 7 prill 2019
Maliqi-Naftëtari          15:00
Këlcyra-Shkumbini     15:00
Devolli-Delvina 15:00
Përmeti-Skrapari         15:00
Butrinti-Albpetrol 15:00
Gramozi-Memaliaj      15:00
Tepelena pushim

E Para dhe e Dyta në program 11 ndeshje, ja kalendari

Sport Ekspres — Sun, 31 Mar 2019 07:34:56 +0000

E Para vijon garimin dhe sot luhen tre ndeshjet e tjera, të gjitha të grupit A. Vllaznia-Besëlidhja është sfida më interesante e ditës dhe luhet në stadiumin “Loro Boriçi”. Në pesëshen e dytë zhvillohen dy beteja mbijetese, ku Vora e vendit të fundit pret Burrelin dhe Iliria skuadrën e Shënkollit.

KATEGORIA E PARË / Java 21

Grupi A / Play-off
E dielë, 31 mars 2019, ora 15:00
Vllaznia-Besëlidhja

Grupi A / Play-out
Vora-Burreli
Iliria-Shënkolli

Në Kategorinë e Dytë sot luhen të gjitha sfidat e Grupit B dhe nisur nga rivaliteti në renditje, kryendeshja Shkumbini-Devolli është një finale për vendin e parë. Në ndeshjet e tjera, Naftëtari pret në Kuçovë skuadrën e Këlcyrës, një sfidë mbijetese për kuçovarët. Përmeti luan në transfertë me Delvinën, ndërkohë janë në plan edhe Skrapari-Butrinti e Memaliaj-Maliqi.

Albpetroli duket si më i favorizuar në përballjen me Tepelenën, një mundësi për të shkurtuar diferencën e pikëve me skuadrat kryesuese. Ende nuk ka konfirmim nëse do të luhet ndeshja Termi-Gramozi, pasi në javën e kaluar tiranasit nuk u paraqitën në ndeshjen me Memaliajn dhe e humbën në tavolinë 0-3. Në Grupin A luhet vetëm ndeshja Ada-Gramshi.

KATEGORIA E DYTË / Java 19

Grupi A
E diel, 31 mars 2019
Ada-Gramshi 15:00

Grupi B
E diel, 31 mars 2019
Delvina-Përmeti          15:00
Shkumbini-Devolli      15:00
Naftëtari-Këlcyra        15:00
Term-Gramozi             15:00
Albpetrol-Tepelena     15:00
Skrapari-Butrinti         15:00
Memaliaj-Maliqi          15:00

E Para dhe e Dyta në fushë, nëntë “betejat” e ditës

Sport Ekspres — Sat, 30 Mar 2019 09:17:48 +0000

Kategoria e Parë vijon dhe sot janë parashikuar të luhen pesë takime, ndërsa të dielën do të zhvillohen tre të tjerat. Të gjitha përballjet nisin prej orës 15:00. E shtuna ka më shumë angazhime në Grupin B, pasi do të luhen të gjitha ndeshjet për Play-off dhe për Play-out, ndërsa në Grupin A zhvillohet vetëm Dinamo-Korabi.

Sot Bylisi pret Egnatian, një mundësi për ballshiotët që të shkëputen edhe me tri pikë të tjera nga Besa. Kavajasit janë pushim, por sot luajnë një miqësore me Flamurtarin. Oriku-Lushnja parashikohet një ndeshje e hapur për dy skuadra që nuk e kanë provuar pikën në fazën e tretë. Në zonën Play-out Pogradeci është pushim, ndërsa Turbina dhe Elbasani kanë shanset për të marrë fitore. Në Cërrik janë fierakët e Apolonisë mysafirë, ndërsa beratasit e Tomorit do të luajnë në Elbasan.

KATEGORIA E PARË – JAVA 21

GRUPI A | Play-off
E shtunë, më 30 mars 2019, ora 15:00
Dinamo-Korabi

GRUPI B | Play-off
E shtunë, më 30 mars 2019, ora 15:00
Bylis-Egnatia
Oriku-Lushnja

GRUPI B | Play-out
E shtunë, më 30 mars 2019, ora 15:00
Turbina-Apolonia
Elbasani-Tomori

Sot në plan janë të zhvillohen edhe katër ndeshje të Kategorisë së Dytë, të gjitha të grupit A. Luzi 2008 synon triumfin në shtëpi me Sopotin, në një ndeshje që parashikohet të jetë e fortë. Partizani B ka një transfertë të veshtirë me Klosin. Tërbuni e ka detyrim fitoren kundër Spartakut në kryeqytet, ndërkohë që në plan është edhe derbi Internacional Tr.-Tirana B.

KATEGORIA E DYTË – Java 19

GRUPI A
E shtunë, 30 mars 2019, ora 15:00
Internacional Tr.-Tirana B
Luzi 2008-Sopoti
Spartaku-Tërbuni
Klosi-Partizani B

AGRON KAJA

Kategoria e Dytë: Javë finalesh, ja përballjet e fundjavës

Sport Ekspres — Thu, 28 Mar 2019 09:01:56 +0000

Kjo javë e Kategorisë së Dytë është planifikuar të luhet në dy ditë, ku më 30 mars luhen katër ndeshje në Grupin A, ndërkohë që më 31 mars luhen të gjitha ndeshjet e Grupit B dhe ndeshja Ada-Gramshi e Grupit A.

Në takimet e tjera, në Grupin A, Luzi 2008 pret në fushën e tij Sopotin e Librazhdit, ndërkohë që Tërbuni luan një transfertë të vështirë me Spartakun e Tiranës. Klosi-Partizani B është ndeshja që për skuadrën e kuqe mund të sjellë kryesimin e grupit. Në Kompleksin “Internacional” kemi një “derbi” mes dy skuadrave të kryeqytetit që renditen në vendet e fundit të tabelës, Internacional-Tirana B.

Në Grupin B, në Peqin është luhet kryendeshja e javës, Shkumbini-Devolli. Naftëtari ka mundësinë të lërë fundin duke fituar me Këlcyrën, ndërkohë që për mbiejtesën luhet edhe Delvina-Përmeti. Skrapari-Butrinti dhe Memaliaj-Maliqi janë ndeshjet e tjera delikate të Grupit B, ndërkohë që Albpetroli synon fitoren kundër Tepelenës, për të shpresuar në shkurtimin e diferencës me kreun.

AGRON KAJA

KATEGORIA E DYTË – Java 19

GRUPI A
E shtunë, 30 mars 2019
Internacional-TiranaB 15:00
Luzi2008-Sopoti 15:00
Spartaku-Tërbuni 15:00
Klosi-Partizani B 15:00
E diel, 31 mars 2019
Ada-Gramshi 15:00
Vllaznia B e Kukësi B pushim

GRUPI B
E diel, 31 mars 2019
Delvina-Përmeti 15:00
Shkumbini-Devolli 15:00
Naftëtari-Këlcyra 15:00
Albpetrol-Tepelena 15:00
Skrapari-Butrinti         15:00
Memaliaj-Maliqi          15:00
Term-Gramozi             15:00

Kategoria e Parë “ndez motorët”, ja plani i fundjavës

Sport Ekspres — Wed, 27 Mar 2019 10:06:08 +0000

Të shtunën dhe të dielën zbresin në fushë ekipet e Kategorisë së Parë. Sektori i Garave pranë Federatës Shqiptare të Futbollit ka përcaktuar edhe programin e ndeshjeve. Kështu, ndeshjet e grupit B do të zhvillohen të gjitha të shtunën dhe kemi përballje interesante. Bylisi kryesues kërkon maksimumin e pikëve kundër Egnatias në shtëpi, kurse Oriku-Lushnja është më shumë për prestigj.

Besa këtë javë është pushim. Betejat për mbijetesën janë mjaft interesante dhe Turbina e Elbasani, dy ekipet e fundit, luajnë në shtëpi me ekipe si Apolonia e Tomori. Pogradeci është skuadra që këtë javë duhet të pushojë. Të shtunën luhet edhe një nga takimet e grupi A, Dinamo-Korabi.

Të dielën luhen tre takime, ku spikat Vllaznia-Besëlidhja. Agim Canaj është ulur në stolin e kuqebluvë, që janë shumë pranë sigurimit të Superiores. Erzeni dhe Veleçiku janë pushim këtë javë. Përballje të forta për mbijetesën. Vora e ka finale për Burrelin, kurse Iliria do tre pikë qetësie kundër Shënkollit.

KATEGORIA E PARË – JAVA 21

GRUPI A | Play-off
E shtunë, më 30 mars 2019, ora 15:00
Dinamo-Korabi

E diel, më 31 mars 2019, ora 15:00
Vllaznia-Besëlidhja

GRUPI A | Play-out
E diel, më 31 mars 2019, ora 15:00
Vora-Burreli
Iliria-Shënkolli

GRUPI B | Play-off
E shtunë, më 30 mars 2019, ora 15:00
Bylis-Egnatia
Oriku-Lushnja

GRUPI B | Play-out
E shtunë, më 30 mars 2019, ora 15:00
Turbina-Apolonia
Elbasani-Tomori

Kombëtarja e liroi “trafikun”, e Para rikthehet të shtunën

Sport Ekspres — Tue, 26 Mar 2019 08:28:17 +0000

Pas dy ndeshjeve të Kombëtares sonë për Euro 2020, futbolli shqiptar do të përqendrohet te kampionatet e të gjitha kategorive, ku Superiorja dhe e Para ishin pushim fundjavën e shkuar. Kjo e fundit i luan të gjitha ndeshjet e javës së 21-të më 30-31 mars, duke nisur nga ora 15:00.

Në grupin A, Vllaznia kryesuese në zonën Play-off pret Besëlidhjen, tashmë pa trajnerin Hasan Lika, por në pankinë me Agim Canajn. Dinamo-Korabi është sfidë ku skuadra dinamovite mendon 3 pikët e para të fazës së tretë, ndërsa Erzeni është pushim. Në zonën Play-out Vora pret Burrelin, një finale mbijetese. Iliria ka shansin të largojë etheve e mbijetesës me një fitore në shtëpi kundër Shënkollit.

Në Grupin B, në zonën Play-off janë ndeshje në letër të lexueshme, ku Bylisi pret Egnatian dhe Oriku luan në fushën e tij me Lushnjen. Besa këtë javë është pushim. Ndryshe janë pozicionet në play-out, ku Elbasani pret Tomorin në një tjetër betejë për mbijetesë, e po kështu Turbina me Apoloninë. Në këtë grup, Pogradeci është pushim.

KATEGORIA E PARË – Java 21

GRUPI A
Play-off
Të shtunën, 30 mars 2019
Dinamo-Korabi 15:00

Të dielën, 31 mars 2019
Vllaznia-Besëlidhja 15:00
Erzeni pushim

Play-out
Të dielën, 31 mars 2019
Vora-Burreli 15:00
Iliria-Shënkolli 15:00
Veleçiku pushim

GRUPI B
Play-off
Të shtunën, 30 mars 2019
Bylis-Egnatia 15:00
Oriku-Lushnja 15:00
Besa pushim

Play-out
Të shtunën, 30 mars 2019
Turbina-Apolonia 15:00
Elbasani-Tomori 15:00
Pogradeci pushim

Kategoria e Dytë vazhdon garën, të dielën betejat e javës së 17-të

Sport Ekspres — Wed, 20 Mar 2019 09:48:23 +0000

Këtë javë nuk do të ketë pushim për skuadrat e Kategorisë së Dytë, edhe pse luan kombëtarja. Kështu, 12 ndeshjet e javës së 17-të do të luhen të gjitha ditën e diel, datë 24 mars 2019. Sërish sfidat do të nisin prej orës 15:00.

Në Grupin A, sfida kryesore mbetet Vllaznia B-Luzi 2009, ndërkohë që Tërbuni kryesues pret në Pukë skuadrën e Internacionalit. Partizani B ndeshet me Kukësin B, një ndeshje e lehtë për të kuqtë. Klosi-Ada duket si një “derbi” për t’u larguar nga fundi i renditjes. Gramshi pret në fushën e tij Spartakun e Tiranës, në një sfidë mes të barabartësh.

Në Grupin B luhen 7 ndeshje, ku Shkumbini kryesues udhëton në Përmet, ndërkohë që Devolli i vendit të dytë pret skuadrën e Naftëtarit. Ndeshje interesante do të luhet në Maliq, me vendasit që përballen me Këlcyrën. Memaliaj pret Termin, kurse Tepelena luan me Skraparin. Në Delvinë luhet “derbi” i zonës, Delvina-Butrinti.

AGRON KAJA

KATEGORIA E DYTË – Java 17

GRUPI A
E diel, 24 mars 2019
Partizani B-Kukësi B 15:00
Vllaznia B-Luzi2008 15:00
Tërbuni-Internacional15:00
Gramshi-Spartaku 15:00
Klosi-Ada 15:00
Tirana B e Sopoti pushim

GRUPI B
E diel, 24 mars 2019
Maliqi-Këlcyra 15:00
Devolli-Naftëtari 15:00
Përmeti-Shkumbini 15:00
Butrinti-Delvina 15:00
Tepelena-Skrapari 15:00
Gramozi-Albpetrol 15:00
Memaliaj-Termi 15:00

Ndeshjet e javës së 20-të, finalet e së Parës luhen në dy ditë

Sport Ekspres — Wed, 13 Mar 2019 12:56:47 +0000

Të shtunën Kategoria e Parë do të rinisë me ndeshjet e javës së 20-të. Kalendari i kësaj jave sjell ndeshje të forta, kryesisht në luftën për mbijetesë. Ndeshjet e zonës Play-off në të dy grupet janë planifikuar të luhen të shtunën, ndërsa ato të zonës Play-out zhvillohen të gjitha ditën e diel.

Duke nisur nga Grupi A, në Play-off luajnë Vllaznia-Dinamo dhe Erzeni-Korabi, ndërsa Besëlidhja është pushim. Në Shkodër duket sfidë që favorizon Vllazninë, ndërkohë që Erzeni ndaj Korabit ka mundësinë e tri pikëve të para në fazën e tretë. Në Play-out dy sfidat vendosin shumë për mbijetesën. Veleçiku pret Vorën dhe Burreli sfidon Ilirinë, ndërsa Shënkolli është pushim.

Në Grupin B, dy ndeshje të zonës Play-off favorizojnë vendasit. Bylisi pret Orikumin dhe Besa në stadiumin e saj Lushnjen, ndërsa Egnatia është pushim. Në zonën Play-out, Pogradeci në fushën e tij duket favorit ndaj Turbinës, e po kështu Apolonia që pret në Fier skuadrën e Elbasanit. Tomori është pushim këtë javë dhe të gjitha ndeshjet do të nisin në orën 15:00.

AGRON KAJA

Ndeshjet-Java e 20-të

GRUPI A
Play-off
Të shtunën, 16 mars 2019
Vllaznia-Dinamo 15:00
Erzeni-Korabi 15:00
Besëlidhja pushim

Play-out
Të dielën, 17 mars 2019
Veleçiku-Vora 15:00
Burreli-Iliria 15:00
Shënkolli pushim

GRUPI B
Play-off
Të shtunën, 16 mars 2019
Bylis-Orikumi 15:00
Besa-Lushnja 15:00
Egnatia pushim

Play-out
Të dielën, 17 mars 2019
Pogradeci-Turbina 15:00
Apolonia-Elbasani 15:00
Tomori pushim

Raundi i 25-të dhe Kupa e Shqipërisë, mësoni përballjet e javës

Sport Ekspres — Mon, 04 Mar 2019 09:24:32 +0000

Pas mbylljes së javës 24-t në Superiore, është zbardhur dhe kalendari për ndeshjet e javës së 25-të, që do të luhen në vetëm dy ditë. Ndryshe nga javët e tjera, ndeshjet e javës së 25-të do të luhen vetëm të premten dhe të shtunën.

Ditën e premte, do të luhen dy sfida në orën 18:00. Partizani pret Teutën në kryeqytet, ndërsa Kukësi udhëton drejt Korçës, ku do të përballet me Skënderbeun. Ndërsa të shtunën, të tria sfidat do të luhen në orën 14:00. Kastrioti-Tirana, Laçi-Flamurtari dhe Luftëtari-Kamza do të përplasen kundër njëra-tjetrës.

Para ndeshjeve të javës së 25-të, do të luhen në mesjavë ndeshjet e para të çerekfinaleve të Kupës së Shqipërisë. Partizani ndeshet me Luftëtarin ditën e martë, ditë kur dhe Teuta pret Kukësin në “Niko Dovana”. Ndërsa të mërkurën, do të luhen dy sfidat e tjera: Kamza-Skënderbeu dhe Tirana-Laçi.

Gjysma e së Parës në fushë, sytë në Peshkopi e Fier

Sport Ekspres — Sat, 02 Mar 2019 08:51:33 +0000

Me formulën e re që Kategoria e Parë po përdor në fazën e tretë, të gjitha skuadrave u përgjysmohen pikët dhe renditja mes tyre ngushtohet. Kjo i rrit mundësitë për ngjitjen në tabelë, por edhe i zbeh ndeshje të veçanta në të cilat do luajnë skuadrat që kanë dalë nga objektivat e tyre të sezonit.

Sot nis gjithçka dhe mbetet për t’u parë se çfarë do të ndodhë. Në një vit elektoral dhe me shumicën e klubeve që menaxhohen dhe financohen nga bashkitë, do të jetë e vështirë të shmangen shëtitjet nëpër fushë, apo aktivizimi i të rinjve sipas “oreksit” dhe interesit të klubeve të caktuara.

Java e 19-të në Grupin A rezervon përballjen Korabi-Vllaznia. Shkodranët duan rikthimin në Superiore, kurse Korabi nga ana tjetër luan për një darkë speciale të premtuar nga trajneri Dorian Bubeqi. Një sfidë prestigji për dibranët. Besëlidhja-Erzeni është një sfidë që do përcaktojë “hijen” e Vllaznisë, por luhet nesër.

Për të kaluar te skuadrat që luajnë për mbijetesë, Iliria dhe Burreli presin respektivisht Veleçikun e Shënkollin dhe fitoret shtëpiake do u bënin punë pë t’iu larguar Vorës së vendit të fundit edhe më shumë.

Në Grupin B, Bylis kryesues dhe Besa ndjekëse, luajnë në transfertë të dielën. Sot luhet vetëm një takim në pesëshen e dytë të mbijetesës. Apolonia pret Tomorin, një ndeshje delikate për vetë përplasjet e fundit që kanë pasur dy klubet kohët e fundit.

KATEGORIA E PARË – Java 19

GRUPI A
PLAY-OFF
Datë 2 mars 2019
Korabi-Vllaznia           15:00
Datë 3 mars 2019
Besëlidhja-Erzeni        15:00
Dinamo pushim
PLAY-OUT
Datë 2 mars 2019
Iliria-Veleçiku 15:00
Burreli-Shënkolli         15:00
Vora pushim

GRUPI B
PLAY-OFF
Datë 3 mars 2019
Lushnja-Bylis              15:00
Egnatia-Besa               15:00
Oriku pushim
PLAY-OUT
Datë 2 mars 2019
Apolonia-Tomori         15:00
Datë 3 mars 2019
Elbasani-Pogradeci     15:00
Turbina pushim

Betejat e së Dytës, FSHF përcakton planin e javës së 16-të

Sport Ekspres — Thu, 28 Feb 2019 17:17:54 +0000

Ndryshe nga ndeshjet e kaluara, java e 16-të e Kategorisë së Dytë është vendosur të luhet në dy ditë. FSHF-ja ka vendosur për t’u luajtur ditën e shtunë nga një ndeshje për secilin grup, ndërkohë që të gjitha sfidat e tjera do të luhen ditën e dielë, duke nisur nga ora 15:00.

Në Grupin A, ndeshja e ditës së shtunë është Partizani B-Sopoti, që do të luhet në kompleksin “Internacional” në Pezë Helmës. Memaliaj-Skrapari është takimi i grupit B, që luhet të shtunën. Të gjitha ndeshjet e Kategorisë së Dytë për javën e 16-të do të nisin në orën 15:00.

AGRON KAJA

KATEGORIA E DYTË – Java 16

GRUPI A
E shtunë, 2 mars 2019
Partizani B-Sopoti       14:00
E diel, 3 mars 2019
Vllaznia B-Kukësi B 14:00
Tërbuni-Luzi 2008      14:00
Klosi-Internacionali    14:00
Ada-Spartaku              14:00
Tirana B e Gramshi pushim

GRUPI B
E shtunë, 2 mars 2019
Memaliaj-Skrapari 14:00
E diel, 3 mars 2019
Maliqi-Devolli 14:00
Përmeti-Këlcyra 14:00
Butrinti-Naftëtari 14:00
Tepelena-Shkumbini 14:00
Gramozi-Delvina 14:00
Termi-Albpetrol 14:00

“Ringu” i javës së 19-të, Kategoria e Parë njeh veç beteja

Sport Ekspres — Mon, 25 Feb 2019 11:08:42 +0000

Pas ndeshjes së djeshme Besëlidhja-Korabi 3-0, Kategoria e Parë e formatoi tërësisht kalendarin e fazës së tretë në të dy grupet, A dhe B. Duke qenë një fazë ku skuadrave iu përgjysmuan pikët e dy fazave të para, tashmë “ringu” është i haur. Kjo do ta rritë më tepër rivalitetin, kryesisht në të dy ekstremet: Në Play-off për vendin e parë dhe në Play-out për vendin e fundit.

Vetëm +6 pikë është Vllaznia nga Erzeni i vendit të dytë dhe shkodranët nuk do të kenë “autostradën” e dy fazave të para. Në javën e 19-të luan me Korabin në transfertë, e duke qenë se Erzeni do të luajë në Lezhë ndaj Besëlidhjes, shpresat e shkodranëve janë për të mbajtur kreun me këtë diferencë, e pse jo edhe ta thellojnë. Në Play-out për këtë grup luajnë skuadrat që do t’i shkëputen edhe më shumë Vorës të vendit të fundit. Të katërta luajnë të shmangin vendin e parafundit.

Në Grupin B, Bylis e Besa luajnë në transfertë dhe me ndeshjet e tyre për javën e 18-të nuk pritet ndonjë ndryshim në renditje. Gjithsesi, Egnatia ka në dorë tri pikët për Besën, për të mos e rritur diferencën me Bylisin kryesues. Në Play-out interesant është çifti Apolonia-Tomori, pasi në javën e 16-të në Berat, mes tyre pati shumë problematika që u shoqëruan me ndëshkimin e beratasve në dënime e heqje pikësh. Nëse Elbasani fiton me Pogradecin, shtohen ethet e për vendin e parafundit tek ekipet e tjera.

AGRON KAJA

KATEGORIA E PARË – Java 19

GRUPI A
PLAY-OFF
Të shtunën, 2 mars 2019
Korabi-Vllaznia 14:00
Besëlidhja-Erzeni 14:00
Dinamo pushim
PLAY-OUT
Të shtunën, 2 mars 2019
Iliria-Veleçiku 14:00
Burreli-Shënkolli 14:00
Vora pushim

GRUPI B
PLAY-OFF
Të shtunën, 2 mars 2019
Lushnja-Bylis 14:00
Egnatia-Besa               14:00
Oriku pushim
PLAY-OUT
Të shtunën, 2 mars 2019
Elbasani-Pogradeci     14:00
Apolonia-Tomori         14:00
Turbina pushim

Renditja dhe kalendari i javës 24, gjithçka nis me derbin

Sport Ekspres — Sun, 24 Feb 2019 16:14:51 +0000

Dy sfidat e sotme, Kukësi-Kamza dhe Kastrioti-Laçi mbyllën javën e 23-të të Kategorisë Superiore. Një javë që pa shumë gola, por dhe disa lëvizje në tabelën e renditjes.

Humbja e Teutës bëri që durrsakët të zbresin në vendin e tretë, me Kukësin që i merr pozitën e dytë pas fitores kundër Kamzës. Këta të fundit mbesin në vendin e fundit dhe pas pikës së marrë nga Kastrioti kundër Laçit, tashmë i shohin krutanët 4 pikë larg.

Renditja pas javës së 23-të

Ndërsa kalendari i javës së ardhshme rezervon disa sfida shumë deçizive për skuadrat. Gjithçka nis ditën e premte, me derbin mes Tiranës dhe Partizanit që ngre siparin. Sfidë shumë delikate për të dyja skuadrat.

Të shtunën, në fushë zbresin katër skuadra. Kukësi pret Luftëtarin, ndërsa Teuta përplaset me Skënderbeun, një tjetër sfidë shumë interesante. Edhe dita e diel rezervon dy sfida. Kamza pret Laçin në orën 14:00, ndërsa Flamurtari-Kastrioti në orën 17:00 mbyll javën e 24 në Kategorinë Superiore.

Sytë nga Superiorja, renditja dhe kalendari i fazës së tretë për pretendentet

Sport Ekspres — Sat, 23 Feb 2019 16:09:56 +0000

Ndeshjet e sotme ishin të fundit për fazën e dytë në Kategorinë e Parë të futbollit dhe renditja e skuadrave që synojnë të ngjiten në Superiore nuk është se ka ndryshuar gjatë kësaj faze. Faza e tretë pritet të jetë shumë më e luftuar, pasi ekipet i kanë të qarta objektivat e tyre.

Në Grupin A, kalendari dhe renditja nuk janë përcaktuar ende, pasi ditën e nesërme (e diel), do të luhet sfida mes Besëlidhjes dhe Korabit.

Në Grupin B, Bylisi udhëheq dhe renditja është e tillë: Bylis me 21 pikë, Besa 18, Egnatia 16, Lushnja 14 dhe Oriku me 14 pikë.

KATEGORIA E PARË, KALENDARI I FAZËS SË TRETË

Superiorja nuk ndalet, zbulohet plani i javës së 23-të

Sport Ekspres — Mon, 18 Feb 2019 16:41:09 +0000

Java e 22-të në Superiore dhuroi shumë ndeshje të bukura, me Teuta-Kukësi që mund të cilësohet si ndër më të bukurat e sezonit. Skuadra durrsake arriti të përmbysë nënkampionët në pjesën e dytë, duke triumfuar 2-1. Progni realizoi supergol, ndërsa Arapi me golin e tij të parë me fanellën e Teutës bëri që goli i Rexhinaldos në pjesën e parë të mos kishte vlerë. Edhe takimi mes Tiranës dhe Luftëtarit ishte një sfidë shumë e bukur, me bardheblutë që morën një pikë në limite falë një “perle” të Kobina.

Në sekondat e fundit, edhe Kastrioti mposhti Kamzën, duke bërë që Ernest Gjoka të mos jetë më trajner i skuadrës periferike të kryeqytetit. Flamurtari mposhti pastër 2-0 Skënderbeun, me këta të fundit që po mundohen ende të kuptojnë se pse Oto Xhon e shtyu topin drejt rrjetës në pozicion të parregullt. Kryesuesit e Partizanit u frenuan në Laç, me kurbinasit që morën një fitore minimale 1-0 dhe mbajtën të hapur luftën për titullin kampion.

Edhe java e 23-të pritet të ketë shumë ndeshje të bukura, me kampionatin që është futur në fazën më të nxehtë të tij. Sfida e parë do të luhet të premten, mes Skënderbeut dhe Tiranës në Korçë. Luftëtari-Teuta dhe Partizani-Flamurtari do të përplasen ditën e shtunë. Dilema më e madhe është kush do të jetë në krye të pankinës së Kamzës në takimin kundër Kukësit të dielën. Në të njëjtën ditë, do të përplasen edhe Kastrioti kundër Laçit, një sfidë shumë delikate për të dyja skuadrat.

Kalendari

Ndeshjet-Java e 23-të

E premte, 22 shkurt 2019
Skënderbeu – Tirana 18:00

E shtunë, 23 shkurt 2019
Luftëtari – Teuta 14:00
Partizani – Flamurtari 17:00

E dielë, 24 shkurt 2019
Kukësi – Kamza 14:00
Kastrioti – Laçi 14:00

Renditja

Kategoria e Dytë rikthehet pas dy muajsh, ja kalendari

Sport Ekspres — Wed, 13 Feb 2019 12:36:28 +0000

Pas dy muaj ndërpreje, edhe pesë ditë duhen për të rinisur gjysma e dytë në Kategorinë e Dytë. Java e fundit është luajtur më 16 dhjetor 2018 dhe pikërisht të dielën më 17 shkurt 2018 do të rinisë gjysma e dytë e sezonit për 26 skuadrat pjesëmarrëse.

Kështu, të dielën Tërbuni kryesues në Grupin A pret skuadrën e dytë të Kukësit, ndërsa Luzi 2008 i vendit luan në transfertë me Klosin. Gramshi dhe Ada janë pushim, ndërsa Partizani B pret një rivale në renditje, Vllazninë B. Një sfidë kryeqytetase rezervon ky start me çiftin Spartaku-Internacionali. Tirana B-Sopoti është sfida që çel ndeshjet e këtij grupi të shtunën, ku librazhdasit vijnë si një nga pretendentët për kreun.

Në Grupin B, Shkumbini kryesues luan në transfertë në Memaliaj. Devolli i vendit të dytë do të jetë sfidues ndaj Butrintit në Sarandë. Maliqi i vendit të 3-të në renditje pret Përmetin, ndërsa Abpetroli luan në fushën e tij me Skraparin. Naftëtari udhëton në Ersekë për t’u ndeshur me Gramozin, ndërsa Tepelena pret Këlcyrën, një nga skuadrat që pretendon kreun e këtij grupi. Termi-Delvina është ndeshja tjetër që do të luhet në këtë grup.

AGRON KAJA

KATEGORIA E DYTË – Java 14

GRUPI A
E shtunë, 16 shkurt 2019
Tirana B-Sopoti 14:00
E diel, 17 shkurt 2019
Partizan B-Vllaznia B 14:00
Tërbuni-Kukësi B 14:00
Klosi-Luzi 2008 14:00
Spartaku-Internacion.14:00
Gramshi dhe Ada pushim

GRUPI B
E diel, 17 shkurt 2019
Maliqi-Përmeti 14:00
Butrinti-Devolli 14:00
Tepelena-Këlcyra 14:00
Gramozi-Naftëtari 14:00
Memaliaj-Shkumbini 14:00
Termi-Delvina 14:00
Albpetrol-Skrapari 14:00

E Para njeh planin për javën e 17-të, Bylisi e Besa në një ditë

Sport Ekspres — Wed, 13 Feb 2019 08:58:18 +0000

Java e 17-të e Kategorisë së Parë është e parafundit për fazën e dytë. FSHF-ja ka menduar që si zakonisht shumica e ndeshjeve të zhvillohen ditën e shtunë, datë 16 shkurt 2019. Dy takime janë planifikuar për ditën e diel, kokretisht Bylisi-Tomori dhe Lushnja-Besa. Nisur nga vendosja e 10 çifteve në këtë javë, tetë prej tyre do të luhen në fushat e skuadrave që kërkojnë mbijetesën.

Në Grupin A, Vllaznia do të luajë në transfertë me Vorën e fundit në këtë grup, një sfidë që për vorakët ka vlerë mbijetese. Burreli pret në fushën e tij Veleçikun. Në Shënkoll do të jetë një transfertë e vështirë për Erzenin dhe po kështu transferta e Besëlidhjes në Fushë-Krujë me Ilirinë vendase. Në takimin Korabi-Dinamo, që do të luhet në Peshkopi, favoritë janë dibranët për një trepikësh që do t’u jepte më shumë siguri për të qenë pjesë e pesë skuadrave të para në këtë grup.

Në Grupin B, të dielën Bylisi pret Tomorin në “Adush Muça”. Të dyja skuadrat vijnë pas fitoreve një javë më parë, ndërsa Besa luan në transfertë me Lushnjen në të njëjtën ditë dhe orar. Një ndeshje që do të përcaktojë shumë për renditjen e tyre. Takimi Turbina-Egnatia do të zbardhë enigma për të dyja skuadrat, ndërsa në Fier do të jetë sfida Apolonia-Orikumi që i ndan skuadrat në pozicionet e tyre për pesëshen e parë, ose të dytën në këtë grup. Elbasani-Pogradeci luhet të shtunën dhe kjo ndeshje nga elbasanllinjtë vlerësohet sa gjithë sezoni.

AGRON KAJA

KATEGORIA E PARË – Java 17

GRUPI A
Datë 16 shkurt 2019
Burreli-Veleçiku          14:00
Vora-Vllaznia 14:00
Korabi-Dinamo           14:00
Iliria-Besëlidhja           14:00
Shënkolli-Erzeni          14:00

GRUPI B
Datë 16 shkurt 2019
Turbina-Egnatia          14:00
Elbasani-Pogradeci 14:00
Apolonia-Oriku           14:00
Datë 17 shkurt 2019
Bylis-Tomori               14:00
Lushnja-Besa              14:00

Plani i javës së 16-të, Kupa detyron FSHF-në ta shtrijë në dy ditë

Sport Ekspres — Wed, 06 Feb 2019 10:35:14 +0000

Ndërkohë që do të luhen edhe tre javë nga faza e dytë e Kategorisë së Parë, ndryshe nga javët e kaluara, FSHF-ja ka përcaktuar datat e zhvillimit të ndeshjeve për javën e 16-të të shtrirë në dy ditë. Pesë ndeshje janë planifikuar që të luhen ditën e shtunë datë 9 shkurt 2019, kurse pesë të tjerat ditën e dielë 10 shkurt, një mundësi kjo jo vetëm për pjesën e transmetimit televiziv, por edhe për t’i dhënë më shumë kohë përgatitjeje skuadrave që marrin pjesë në turin e dytë të Kupës së Shqipërisë.

Në Grupin A, të shtunën do të luhen vetëm dy ndeshje. Veleçiku pret Erzenin, skuadër që në javën e kaluar i shkaktoi humbje Vllaznisë kryesuese në këtë grup, ndërsa në Burrel do të jetë Korabi përballë matjanëve. Ditën e diel do të luhen tri ndeshjet e tjera të këtij grupi, ku kalendari duket jo i favorshëm për Shënkollin, Ilirinë e Vorën që do të luajnë në transfertë ndaj Vllaznisë, Dinamos e Besëlidhjes.

Ndërkohë, tre ndeshjet e Grupit B të cilat do të luhen ditën e shtunë: Besa-Egnatia, Lushnja-Elbasani dhe Oriku-Turbina duken si sfida që orientojnë skuadrat vendase drejt pesë të parave në këtë grup. Të dielën janë dy sfida shumë përcaktuese: Tomori-Apolonia është shanci për të dyja skuadrat që të ngjiten në renditje drejt pesë skuadrave të para, ndërsa në Pogradec, Bylisi do të kërkojë konfirmimin në kreun e këtij grupi. Të gjitha ndeshjet do të nisin në orën 14:00.

AGRON KAJA

KATEGORIA E PARË – Java 16

GRUPI A
Datë 9 shkurt 2019
Veleçiku-Erzeni 14:00
Burreli-Korabi             14:00
Datë 10 shkurt 2019
Vllaznia-Shënkolli       14:00
Besëlidhja-Vora          14:00
Dinamo-Iliria               14:00

GRUPI B
Ndeshjet-Java e 16-të
Datë 9 shkurt 2019
Besa-Egnatia               14:00
Lushnja-Elbasani 14:00
Oriku-Turbina             14:00
Datë 10 shkurt 2019
Tomori-Apolonia 14:00
Pogradeci-Bylis           14:00

Çfarë ndryshoi në Superiore dhe plani i javës “BlackJack”

Sport Ekspres — Sun, 03 Feb 2019 16:32:38 +0000

Java e 20-të në kampionatin shqiptar të futbollit pa shumë rezultate surprizë, fitore të dy skuadrave kryesuese dhe lëvizje të shumta në fundit e tabelës. Gjithçka nisi me një barazim 1-1 mes Tiranës dhe Teutës, me skuadrën durrsake që la dy pikë të rëndësishme sa i takon ndjekjes së kreut. Tirana dhe trajneri Mema ishin të kënaqur me këtë barazim dhe në javët e fundit po grumbullojnë pikë të rëndësishme.

Këto dy pikë të lëna e mbajnë sërish Teutën në vendin e tretë, por shkëput kontakt me dy klubet e kreut, Partizanin dhe Kukësin. Të dyja këto ekipe kanë fituar takimet e tyre të kësaj jave, të dyja në transfertë.

Partizani mposhti 0-1 Kamzën me shumë probleme, ku mjaftoi një gol i Asanit. Këto tri pikë e çojnë Partizanin në kuotën e 43 pikëve, duke shkuar sërish +5 nga Kukësi. Verilindorët bënë detyrën përballë Flamurtarit dhe arritën të marrin një fitore 1-2 në Vlorë, një ndeshje shumë e kontestuar. Megjithatë, golat e Et’hemit dhe Rrocës i dhanë një triumf të rëndësishëm verilindorëve.

Lëvizjet më të mëdha janë bërë në fundin e tabelës. Kastrioti mposhti Skënderbeun 2-1 dhe kjo fitore e dytë radhazi i çon krutanët në kuotën e 16 pikëve, duke lënë në vend të fundit ekipin e Kamzës, që u mposht sot nga “Demat e Kuq”. Fitorja e Luftëtarit përballë Laçit i mban gjirokastritet larg zonës së ftohtë dhe tashmë janë +4 nga dy vendet e fundit.

Zona e Evropës nuk ka shumë ndryshime. Teuta ruan vendin e tretë me 4 pikë më shumë se kurbinasit e Laçit, me këta të fundit që nuk arritën të shfrytëzonin hapin fals të “Djemve të Detit” përballë Tiranës. Me distancën e pikëve që është ngushtuar mes skuadrave, gjysma e dytë e sezonit pritet të jetë shumë më e luftuar se dy fazat e para.

JAVA 21 – Të shtunën, Teuta do të presë Kamzën në Durrës, një sfidë me objektiva shumë të ndryshme. Durrsakët shihen dukshëm favoritë dhe duke parë problemet e shumta që ka Kamza, fitorja për ta nuk shihet si problem.

Me të njëjtin orar, Partizani pret Kastriotin në kryeqytet dhe duke parë formën e mirë që po kalojnë krutanët, pritet të jetë një sfidë shumë interesante për “Demat”. Gjithsesi, kryesuesit shihen si favoritët për të triumfuar.

Të dielën, Kukësi do të luajë kartat përballë Tiranës në nevojë të pikëve. Bardheblutë kanë kaluar javë pozitive dhe pritet të jetë një sfidë e vështirë për Kukësin, që vazhdon të ndjekë Partizanin. Luftëtarit pret Flamurtarin në Gjirokastër, ndërsa java do të mbyllet me sfidën Skënderbeu-Laçi.

Kategoria Superiore – Java 21

E shtunë, më 9 shkurt
Ora 17:00 | Teuta–Kamza
Ora 17:00 | Partizani-Kastrioti

E diel, më 10 shkurt
Ora 14:00 | Kukësi-Tirana
Ora 14:00 | Luftëtari-Flamurtari

E henë, më 11 shkurt
Ora 18:00 | Skënderbeu-Laçi

Rinis Kategoria e Parë, ja kalendari dhe oraret e javës së 15-të

Sport Ekspres — Wed, 30 Jan 2019 12:41:14 +0000

Pas më shumë se 40 ditë ndërprerje nga zhvillimi i ndeshjeve të javës së 14-të, të shtunën dhe të dielën më 2 dhe 3 shkurt 2019 do të luhen 10 ndeshjet e Kategorisë së Parë, Grupet A dhe B. Dhe e veçanta e ndehjeve të kësaj jave vjen nga Grupi A, ku takimi Iliria-Burreli është lënë për tu zhvilluar të mërkurën më 6 janar 2019, ora 14:00, e kushtëzuar kjo edhe për faktin se të shtunën në “Redi Maloku” të Fushë Krujës do të luhet takimi i javës së 20-të të Superiores, Kastrioti-Skënderbeu.

Ndërkohë, të gjitha ndeshjet e tjera në të dy grupet e Kategorisë së Parë, A dhe B do të luhen ditën e shtunë datë 2 shkurt 2019, ato do të nisin nga ora 14:00. Sfida Erzeni-Vllaznia do të luhet në stadiumin e Peqinit, ndërsa Vora-Dinamo luhet në Kompleksin Sportiv “Internacional” në Pezë Helmës.

AGRON KAJA

GRUPI A
Ndeshjet-Java e 15-të
E shtunë, 2 shkurt 2019
Vora-Dinamo              14:00
Shënkolli-Besëlidhja 14:00
Erzeni-Vllaznia 14:00
Korabi-Veleçiku          14:00
E mërkurë, 6 shkurt 2019
Iliria-Burreli                14:00

GRUPI B
Ndeshjet-Java e 15-të
E shtunë, 2 shkurt 2019
Apolonia-Pogradeci    14:00
Turbina-Tomori           14:00
Egnatia-Oriku 14:00
Elbasani-Besa              14:00
Bylis-Lushnja 14:00

Java e 20-të e Superiores do të luhet në tri ditë, ja kalendari

Sport Ekspres — Mon, 28 Jan 2019 08:40:57 +0000

Menjëherë pasi është mbyllur java e 19-të, në FSHF kanë përcaktuar kalendarin e zhvillimit të ndeshjeve për javën e 20-të të Kategorisë Superiore. Edhe kjo javë është menduar të luhet në tri ditë, duke e nisur ditën e premte me sfidën Tirana-Teuta, e cila është përcaktuar për orën 18:00, në të cilën të dyja skuadrat vijnë me rezultate ndryshe nga java e kaluar.

Të shtunën më 2 shkurt do të luhen dy ndeshje të tjera, të cilat nisin në orën 14:00 me sfidën Kastrioti-Skënderbeu, ndërkohë që në orën 17:00 në stadiumin “Flamurtari” të Vlorës, Kukësi do të matë forcën me Flamurtarin vendas. Ditën e dielë të dyja ndeshjet do të nisin në orën 14:00, dhe veçohet ajo mes Kamzës e Partizanit, ndërsa në Laç, vendasit presin Luftëtarin.

Partizani kryeson renditjen e 19 javëve me 40 pikë, i ndjekur nga Kukësi me 35 pikë, ndërkohë që Kastrioti mbyll renditjen me 13 pikë.

Ndeshjet-Java e 20-të

E premte, 1 shkurt 2019
Tirana-Teuta 18:00

E shtunë, 2 shkurt 2019
Kastrioti-Skënderbeu 14:00
Flamurtari-Kukësi 17:00

E dielë, 3 shkurt 2019
Kamza-Partizani 14:00
Laçi-Luftëtari 14:00