20-vjeçari anglez kishte udhëtuar drejt vendit të tij për të kaluar disa momente me familjen, por ai nuk është rikthyer në Gjermani. Shkaku? Hinds ka humbur pasaportën dhe diçka e tillë e ka penalizuar për t’u rikthyer në klubin e “Ujqërve”.

Volfsburgu nuk e beson një gjë të tillë dhe nuk ka toleruar fare. Kontrata me sulmuesin është prishur dhe ky i fundit tashmë gjendet pa pasaportë, por dhe pa ekip.

“Për shkak të mungesës së paautorizuar prej disa javësh, lojtari nuk ka më një kontratë pune me ekipin tonë”, deklaron klubi gjerman në një komunikatë zyrtare të publikuar në rrjetet sociale.

Jorg Shmatdke, drejtori i përgjithshëm i Volfsburgut, sqaron situatën dhe veprimin e klubit, duke deklaruar: “Pavarësisht kërkesave të përsëritura, futbollisti nuk i ka përmbushur detyrimet e tij kontraktuale dhe ne nuk e tolerojmë një sjellje të tillë.”

VfL Wolfsburg has parted with Kaylen Hinds. The club has reacted to the forward’s unauthorised absence of several weeks by terminating his contract with immediate effect ?? https://t.co/5RzUiskw8P | #VfLWolfsburg pic.twitter.com/dVFzuXbMEc

— VfL Wolfsburg EN (@VfLWolfsburg_EN) September 6, 2018