VIDEO | Kagaua “rilind” në Turqi, realizon dopietë në tre minuta

Sport Ekspres — Sun, 03 Feb 2019 19:13:51 +0000

Debutimi i Shinji Kagauas me fanellën e Beshiktashit nuk mund të kishte shkuar më mirë. Japonezi gjeti golin e parë me klubin turk vetëm 15 sekonda pasi u aktivizua nga stoli i rezervave në ndeshjen ndaj Antaliasporit që u mbyll me fitoren 6 – 2 të skuadrës nga Stambolli.

Për ta bërë akoma më të pabesueshëm debutimin, 29-vjeçari gjeti golin e dytë pas tre minutash, kësaj radhe me anë të një goditje standarde nga një distancë e konsiderueshme.

Në katër muajt e mëparshëm te Dortmundi, Kagua u aktivizua në vetëm dy takime nga trajneri zviceran Lysjen Favre, mesa duket vendimi për t’u transferuar në Turqi ka qenë i goditur.

Kagaua e pranon, “divorci” me Dortmundin tashmë një fakt

Sport Ekspres — Tue, 27 Nov 2018 16:37:20 +0000

Atmosfera te Borusia e Dortmundit është1 si kurrë më parë. Verdhezinjtë janë në vend të parë me 9 pikë diferencë nga kampionët në fuqi të Bajern Mynihut. Por, ka dhe nga ata lojtarë të pakënaqur nga aktivizime e pakta.

Një ndër ta është mesfushori japonez Shinji Kagaua, i cili është shprehur në një intervistë me një medie në vendlindje, se situata e tij te Dortmundi është e papranueshme për të dhe zgjidhje sipas tij për këtë problem është largimi drejt një kampionati tjetër.

Ky është sezoni i shtatë i 29-vjeçarit me Dortmundin dhe përgjatë viteve Kagua ka krijuar një raport shumë të afërt me tifozerinë e Dortmundit. Spanja është destinacioni i preferuar i lojtarit, por gjithçka në lidhje më të ardhmen e tij do të vendoset në javët e parë të merkatos së janarit.