Për të nderuar disa prej tyre, “Tifozat Kuq e Zi” kanë ndarë disa çmime. Një prej sportistë që ka bërë mjaft mirë këtë vit është Eklent Kaçi. 19-vjeçari nga Laçi është numri një në Europë dhe në botë në bilardo dhe sot është nderuar me çmimin “O Sa Mirë Me Qenë shqiptar”. Një çmim më se i merituar për të, i cili gjithnjë ka përfaqësuar vendin tonë në të gjitha kometicionet ndërkombëtare.

Po ashtu prezent është edhe kapiteni i Kombëtares Lorik Cana, i cili po ashtu ka marrë çmimin “O Sa Mirë Me Qenë shqiptar”, por njëkohësisht i ka premtuar se do të zhvillohet një ndeshje mes Shqipërisë dhe TKZ-së.

Kaçi luajti dje gjysmëfinalen e turneut “WPS 3RD SERIES – RYO RACK CLASSIC CHAMPIONSHIP”, ku nuk ka mundur dot të mbrojë trofeun e marrë pak kohë më parë në World Pool Series, pasi nëështë renditur i treti, duke u mundur nga Skaj Uduard me rezultatin 2-1 (6-7, 7-5, 7-5). Amerikani në fund arriti të fitojë turneun që luhej në disiplinën 8-Ball, raporton sportal.al.

World Pool Series 3 nisi për Kaçin me turin e parë të fituar, pas ishte fituesi në fuqi i këtij turneu. Për të kaluar në çerekfinale ai mposhti fillimisht Jorge Rodriguez me rezultatin 11-7, ndërsa më pas të njëjtin fat pati edhe britaniku Imran Majid, një nga konkurrentët më të fortë në këtë turne.

Në 1/16 Kaçi u përball me Kris Melling, me të cilin pati një përballje të fortë. Setin e parë e fitoi britaniku – kampion bote dy herë – me rezultatin 6-4, ndërsa në të dytin bilardisti kurbinas fitoi me vështirësi 7-6. Në setin final Kaçi ishte i pandalshëm duke fituar 6-0.

Në çerekfinale Kaçi u përball me Mario He, bilardist austriak që ka eliminuar Ralf Soquet, gjermanin e mirënjohur të sportit të bilardos. Një ndeshje mjaft e bukur, teksa në setin e parë dy bilardistët luftuan deri në setin e fundit dhe Kaçi triumfoi 7-6. Në setin e dytë nuk kishte shumë histori, pasi laçiani, disa herë kampin në Shqipëri, fitoi me rezultatin 6-1.

Në gjysmëfinale me Skaj Uduard ishte një betejë shumë e fortë, që zgjati pesë orë dhe në fund 18-vjeçari Kaçi u “dorëzua”.

Setin e parë Kaçi e fitoi 7-6, ndërsa në të dytin Uduard triumfoi 7-5. Raundi final ishte në duart e bilardistit shqiptar, që arriti ta çojë lojën deri në 4-1, por amerikani Uduard përmbysi gjithçka të 7-5 dhe më pas fitoi trofeun, duke mundur Darren Apleton 2-0 në finale.

Në këtë turne mori pjesë edhe bilardisti tjetër shqiptar Besar Spahiu, që u eliminua që në fazën e parë të turneut, pasi u mund 11-8 fillimisht nga Xhoni Arker, ndërsa më pas nga Ualed Maxhid 9-5.

Marrë nga: www.sportal.al