“Ah sikur të kishte flokë arbitri!”, Lila e Xhaja “replikojnë” me Osmanin

Sport Ekspres — Thu, 31 Jan 2019 21:13:04 +0000

Tefik Osmani është nga ata të cilit duhet t’i lësh një gazetar ta kontrollojë vetëm ccfarë poston e komenton në rrjetet sociale. Ditën e sotme ia ka krijuar “luksin” të ngacmojë Andi Lila, i cili ka postuar një foto ku shfaqet si kapiten i Janinës duke këmbyer stemat me një lojtar kundërshtar.

Korçarit i kanë shkuar sytë te arbitri i ndeshjes, i cili ishe qeros. “Të kishte flokë edhe arbitri kryesor, do të ishte super foto”, shkruan Osmani. Sigurisht Lila nuk nguron të përgjigjet: Tefik Osmani, pse vetëm ju keni arbitër qeros! (Kridens Meta)”.

Lojës së komenteve i bashkohet edhe gjyqtari i FIFA-s, Juxhin Xhaja: “Andi Lila, nuk e ka mirë me qerosët Tefik Osmani”.

Jorgji në Maltë, Jorgji e Hamiti presin UEFA-n

Sport Ekspres — Tue, 03 Jul 2018 12:02:05 +0000

Jo vetëm Kukësi, Laçi, Luftëtari dhe Partizani kanë angazhime në kompeticionet europiane këtë verë. Edhe arbitrat me stemën e FIFA-s do të drejtojnë takime në kupat e Europës, ndërkohë që momentalisht i konfirmuar është Juxhin Xhaja, i cili do të drejtojë në Maltë ndeshjen mes Gzira dhe Sant Hulia. E para është mbyllur me fitoren e pastër 0-2 të maltezëve.

Asistentë të tij do të jenë Denis Rexha dhe Ilir Tartari, ndërsa i katërt është përzgjedhur Klajdi Kola. Ndeshje luhet më 5 korrik prej orës 19:00. UEFA pritet t’i japë ndeshje edhe Enea Jorgjit dhe Eldorian Hamitit, por ende nuk ka një zyrtarizim se në cilat ndeshje do të drejtojnë.

Xhaja do të duhet të menaxhojë në këtë ndeshje një lojtar të vështirë si Amadu Samb, i cili në të shkuarën ka luajtur në Superiore me Teutën dhe shquhet për kartonët e shumtë që merr. Sezonin e shkuar, edhe pse ka shënuar 21 gola dhe ka fituar “Këpucën e Artë” në Maltë, është ndëshkuar me 14 kartonë të verdhë në 22 ndeshje.