Djali i yllit të Juventusit luan me ekipin U9 të bardhezinjve. Talenti nuk i mungon, përkundrazi e ka me shumicë. Sportingu po e kërkon ta marrë zyrtarisht vogëlushin dhe ta rrisë vetë.

Njësoj si të atin, i cili u rrit në akademinë e Sportingut, luajti një vit me ekipin e parë dhe më pas u transferua te Mançester Junajtid i Aleks Fergusonit për të shkruar një nga historitë më të bukura të futbollit.

8-vjeçari është i talentuar, driblon kundërshtarët, ka një të djathtë të frikshme dhe në ndeshjen kundër Luçentos, që përfundoi me rezultatin 5-1, Kristiano Zhunior shënoi një poker golash që në ndeshjen e parë. Interesi dhe kurioziteti për të është i madh dhe nën praninë e së ëmës, Xhorxhinës, djaloshi ishte i papërmbajtshëm. Të vegjlit e kanë më të lehtë për t’u ambientuar dhe 8-vjeçari është përshtatur mirë me shokët e rinj dhe trajnerin.

Kris, siç e thërrasin shokët, duket në rrugën e duhur për të ndjekur gjurmët e të atit dhe mban numrin shtatë në bluzë. Dy gola i shënoi gjatë pjesë së parë, një me të majtën dhe tjetrën me të djathën, ndërsa Kristiano Zhunior nuk u ndal as në pjesën e dytë duke shënuar dhe dy gola të tjerë për të kompletuar pokerin e golave.