?? | From Turin to the Toffees… #EFC pic.twitter.com/LYaVAuMimg

— Everton (@Everton) August 4, 2019

Shitja e 19-vjeçarit do të sjellë të paktën 30 milionë euro në arkat e klubit torinez. Tek Everton Ken do konkurrojë për një vend në formacion me anglezin Kalter-Levin dhe turkun Cenk Tosun, konkurrentë të një niveli më të ulët në krahasim me emrat e shumtë të sulmit të Juventusit.

Në kontratën e dakordsuar mes palëve nuk ka një klauzolë riblerjeje nga ana e Juventusit.

Nuk bëhet fjalë për një blerje të menjëhershme, por për një huazim me të drejtën e blerjes në fund të sezonit. Një opsion që Juventusin nuk e favorizon, pasi i duhen para në mënyrë direkte, por nuk ka zgjidhje tjetër. Më parë edhe Aaston Vila interesohej për Perin, por ata zgjodhën të blejnë Tom Heton nga Bërnlej.

Klubi anglez e ka bërë të qartë që nuk e lëshon sulmuesin pa 83 milionë euro. “Calciomercato”, raporton se ky çmim është i papërballueshëm për financat e Interit që përveç shumës rekord do i duhet të plotësojë dhe kërkesat e futbollistit.

Pas këtij vendimi të drejtuesve zikaltër, fokusi i Interit shkon te boshnjaku i Romës, Edin Xheko. 33-vjeçari është një opsion shumë më i lirë, megjithëse mosha e madhe nuk jep garanci për të ardhmen, por për Konten, Xheko shikohet si një zgjidhje e përkohshme.

Keni fituar gjithçka në karrierën tuaj. A ndiheni i kënaqur me këto që keni arritur?

Vendosa të bëja një ndryshim vitin e kaluar. Lashë Realin pasi doja një motivim më shumë për karrierën time pas gjithë atyre që fitova në Madrid. Ishte një ndryshim i detyrueshëm, pasi besoja dhe besoj se kisha shumë më shumë për t’i thënë fansave, klubit tim të ri. Tani ndihem i motivuar dhe më pëlqen situata ku ndodhem. Natyrisht titujt janë gjëja që mua më shijon më shumë. Në sezonin e kaluar, falë zotit fitova tre të tillë: Kampionatin, Kupën me Juventusin dhe Ligën e Kombeve me Portugalinë. Kështu që mund të them se ishte një vit super.

A mund të jetë ky viti i Juventusit?

Çdo vit është viti i Juventusit, Realit, Barcelonës, por në një kompeticion si Champions League ka vetëm një fitues. Mund të marr shembullin e Barcelonës. Sa para kanë shpenzuar në pesë vitet e fundit duke blerë lojtarë të njohur dhe nuk e kanë fituar dot Champions-in. Nuk funksionin kështu. Juve është përforcuar tejmase. Jemi një ekip që mund të luftojmë denjësisht për trofeun. Megjithatë, ka shumë faktorë që hyjnë në mes. Shorti, grupet, forma e lojtarëve, dëmtimet dhe fati. Por gjithmonë kam thënë që s’duhet të fiksohemi pas Champions-it.  Juventusi do ta fitojë Championsin. Nëse jo këtë vit, të shpresojmë që vitin tjetër ose dy vite nga tani. Këtë e them duke marrë mënyrën se  si punohet dhe si planifikohet për të ardhmen.

Dëgjojmë që Sarri do t’iu caktojë një rol me liri të plotë në fushë. Ç’mund të na thoni për këtë?

“Shikoni, kjo s’mund të ndodhë pasi është kundër konceptit të skuadrës. Unë kam detyrat e mia: Mbuloj hapësira, ushtroj presion dhe shumë të tjera. S’mund të qëndroj vetëm në sulm dhe të bëj çfarë të dua. Vetëm duke duke qenë njësh me skuadrën mund të fitojmë gjëra të rëndësishme”.

Keni thënë që do luani deri në moshën 40-vjeçare. Do ta mbani këtë premtim?

“S’jam i shqetësuar për këtë gjë. Gjithçka do të varet nga si do ndihem në vitet në vazhdim. Është çështje motivimi, pasi në aspektin fizik, nuk kam pasur kurrë probleme. E trajtoj veten mirë, prandaj mendoj se do të jetë diçka psikologjike. Shpresoj të mos kem probleme derisa të mbush 40 vjeç, por edhe sikur të ndodhë, s’ka asnjë problem. Jeta e tillë është, çdo fillim e ka një fund”.

Po flitet për shumë për një kalim te Nejmar te Barcelona?

“Nuk e di ç’do të ndodhë. Është një lojtar i madh me të cilin kam raporte shumë të mira. Flitet për shumë për të, sikur e kërkon Reali, Barcelona dhe Juventusi, por unë mendoj se këto janë thjesht fjlë mediatike. Është  e kuptueshme pasi emri i Nejmar shet shumë. Unë mendoj se ai do qëndroj në Paris. S’po kalon një moment të mirë, por nëse nuk dëmtohet më jam i sigurt që do t’i rikthehet gëzimi. Dëshiroj që të luajë sa më shumë, pasi ka kaluar kohë të këqija”.

Cilët mendoni se do të jenë favoritët për Champions-in e vitit të ardhshëm ?

“Shoh të njëjtat skuadra, pavarësisht merkatos që bëjnë. Real, Barcelona, Atletiko, Juve, Bajern dhe Liverpul.  Ka dhe disa të tjerë, por këto shikoj kryesoret. Barcelona dhe Real kanë më shumë para nga të gjithë, Siti gjithashtu mund të jetë pjesë e favoritëve, por në futboll nuk fitojnë gjithmonë favoritët”.

Thuhet se ju keni luajtur një rol shumë të rëndësishëm në transferimin e De Ligt?

“Jo, nuk e besoj. Më vjen mirë që ma bëtë këtë pyetje. Në finalen e “Nations League”, bëmë një bisedë, që është diçka normale që e bëjnë të gjithë futbollistët. Ajo duhet të qëndronte mes nesh në fushë, por ai është 19 vjeç dhe e tha thjesht si një shaka. Gjithsesi, unë kurrë s’kam dhe s’do influencoj trajnerin ose drejtuesit për merkaton. Megjithatë, e vërteta është që jam shumë i gëzuar që ai është pjesë e jona tani”.

A imagjinoni dot jetesën në Madrid në të ardhmen ?

Sigurisht që po. E kam thënë dhe më parë, që është një qytet që na pëlqen të gjithëve, nuk e përjashtoj si mundësi. Tani për tani jam i fokusuar në Itali dhe të Juventusi ndihemi shumë mirë, por nuk i dihet kurrë. Në këtë qytet kemi përjetuar momente shumë të mira dhe sigurisht që mund të vij këtu për të jetuar në të ardhmen. Të shohim. Tani duhet të mendojmë për të shijuar të tashmen”.

Marota do synojë shitjen e menjëhershmë të Ikardit te Napoli. Qëllimi është mbledhja e fondeve për të siguruar para, në mënyrë që të ofrojnë një propozim më të madh se Paratiçi e Nedved për Lukakun. Për momentin bëhet fjalë për një propozim prej 50 milionë eurosh.

Mediet raportojnë se pas shëtitjes Kieza ka ndaluar për të biseduar me krerët e klubit, Xho Baron, Xhankarlo Antonjoni dhe drejtorin e ri teknik Dario Daineli. Pas bisedës ai është dukur i mërzitur dhe duket se do e ketë shumë të vështirë të kalojë në Torino këtë verë.

“Nuk jam unë drejtori sportiv, ndaj mos më pyesni nëse Pogba do të vijë apo jo. Ne e pëlqejmë shumë si lojtar, por nuk e di si është situata aktuale. Pol Pogba është një lojtar i Mançester Junajtid, prandaj nuk dua të flas më për këtë temë”, përfundoi trajneri i ri i Juventusit.

Niveli i alkoolit në gjakun e francezit e kishte tejkaluar në mënyrë të frikshme limitin lejuar sipas ligjeve italiane me një rezultat prej 1.7 gram alkool për litër. Ndër të tjera mësohet se Trezëge ka bërë rezistencë për të shmangur testimin e alkoolit, por në fund është detyruar t’u bindet urdhrave të policisë italiane.

Shtyrë nga alkooli i tepërt që kishte konsumuar, ish-futbollisti ka filluar të shajë policit duke iu thënë: “Jeni një tufë lypësish të mbaruar, nuk fitoni as 2000 euro në muaj“. Së fundmi mësohet te Trezëge ka lënë qelitë e paraburgimit, por për të marrë mbrapsht patentën do i duhet të presë me muaj.

“Transferimi i De Ligt nuk ishte një çështje se cili e klub e dëshironte më shumë. Juve është thjesht klubi më i mirë për të. Është shumë e rëndësishme që një mbrojtës të provojë të luajë në kampionatin italian. Këtu mund të mësojë nga më të mirët në botë”.

“Ky hap ishte i nevojshëm për karrierën e tij. Padyshim ndër mbrojtësit e rinj në moshë është më i mirë në botë. Tani i duhet pak kohë për të treguar se mund quhet edhe më i miri në rang botëror. Përsa i përket disiplinës dhe mentalitetit, do thosha që ia kalon edhe lojtarëve si Pavel Nedved. Më kujton Ibrahimoviçin kur ishte i ri, për shkak se të dy janë njerëz ambicioz”.

Megjithëse, 21-vjeçari sa ka mbërritur te Juventusi, në Itali kanë filluar të qarkullojnë lajme që flasin për një mundësi huazimi të Demiral te skuadra e Milanit. Hapsirat për turkun te Juve nuk janë të shumta. Kielini, Bonuçi, Rugani dhe së shpejti De Ligt, janë konkurrenca e frikshme të cilët do të duhet që Demiral të luftojë për minuta.

“RAI Sport” raporton se për të bërë të mundur këtë dëshirë të Juventusit, duhet dhe leja e Sasuolos, e cila ka vendosur një klauzolë specifike në rast huazimi të lojtarit. Aktualisht në skuadrën e Milanit ndodhen vetëm 3 qendërmbrojtës: Romanjoli, Kaldara, Musakio.

https://twitter.com/Footy_Headlines/status/1151107086237032448

Shkak për këtë është bërë një marrëveshje që drejtuesit e Juventusit kanë firmosur me kompaninë japoneze “KONAMI”, e cila tani ka ekskluzivitetin e përdorimit të emrit në video-lojën e saj “PES 2020”.

Megjithatë, një lajm i mirë është se emrat dhe paraqitja fizike e lojtarëve nuk do të preket, pra në video-lojë do të mungojë vetëm emri dhe stema e klubit.

OFFICIAL: Juventus will be known as Piemonte Calcio in FIFA 20 after signing a deal with PES ?

How the tables have turned… pic.twitter.com/lVkW1Wmuqq

— FourFourTwo (@FourFourTwo) July 16, 2019

Megjithatë është mëse e qartë që në skuadrën aktuale të Bajernit mungon një “plan B”. Largimi i Sandro Vagner në janar ka lënë kampionët e Gjermanisë pa një sulmues rezervë, por sipas medies gjermane “Sky Sports”, kjo problematikë do të marrë zgjidhje këtë verë.

Drejtuesit e klubit bavarez dëshirojnë të rikthejnë në Mynih sulmuesin Mario Mandzhukiç. Ardhja e Kristiano Ronaldos në Torino dhe dalja në skenë e talentit Moise Ken ka bërë që situata e kroatit te Juventusi të ndryshojë ndjeshëm.

Gjithsesi transferimi i Mandzhukiç në Mynih nuk do të jetë pa kosto për Bajernin. Kontrata e sulmuesit me Juventusit zgjat edhe për dy sezone dhe italianët nuk njihen si një klub që bëjnë ulje në tregun e transferimeve.

Sipas “Corriere dello Sport”, Juventusi ia ka ofruar mesfushorin PSG-së. Ish-klubi i Matuidi duhet të paguajë 15 milionë euro për të rikthyer futbollistin në Paris. Drejtori i PSG-së Leonardo u shpreh pak ditë më parë se e vlerësonte shumë 32-vjeçarin.

Në rast rikthimi te PSG, Matuidi nuk do të gëzojë më pozitën e viteve më parë ku ishte një lotjari padiskutueshëm në formacionin e kampionëve. Mesfushorit do i duhet të qëndrojë në stol duke pritur radhës pasi vendet e titullarëve janë prenotuar nga emra si Verrati, Paredes dhe Herrera.

Gazeta e njohur holandeze “De Telegraaf” ka zbuluar një detaj interesant mbi negociatat midis klubeve. Një vit më parë De Ligt në praninë e të atit ka marrë pjesë në një takim me drejtuesit e Ajaksit, ku në këmbim të qëndrimit në Holandë edhe për një sezon u ra dakord që klubi nuk do të bëhej pengesë nëse për të do të vinte një ofertë në rangun e 50 milionë eurove.

Mirëpo interesi i madh për lojtarin ka bërë që te Ajaksi të tundohen dhe të shkelin këtë marrëveshje verbale. Sipas “De Telegraaf” raporti i lojtarit me drejtuesit e klubit ka pësuar një krisje të thellë, por kompromisi mbetet vetëm çështje kohë. De Ligt do të mbërrijë në Torino, kjo është e sigurt.

ZGJEDHJA  – “Të zgjidhja Interin ishte e thjeshtë. Në fillim fola me Marotën, më pas me presidentin me të cilin ndaj ambicien për të kthyer Interin si më parë. Fakti që Marota është ka rolin e drejtorit ishte një diçka që më shtyu, ai më njeh mirë të mirat dhe të metat e mija”.

DIFERENCA ME JUVENTUSIN – “Jam në një ndër klubet më të mëdha të botës. Nuk duhet të vendosim limite pa filluar akoma kampionati. Nuk dua të përdor alibi.  E dimë të gjithë që në vitet është krijuar një hendek ndaj Juventusit, por edhe Napolit. Për ta zvogëluar këtë hendek duhet të punojmë më mirë se të tjerët duke dhënë gjithçka. Në fund do të shohim se çfarë do të ndodhë”.

SKUADRA DHE KAMPIONATI – “Kam gjetur një skuadër me një bazë të shëndoshë besoj se do bëjmë mirë. Jam ndër ata njerëz që besoj se mund të fitoj edhe nëse më jepet 1% shans. Në tetë vitet e fundit ka qenë një skuadër në krye që ka bërë një kampionat tërësisht të vetin. Në sezonin tim të parë te Juventusi e mora skuadrën pas dy sezoneve në vend të shtatë dhe dolëm të parët, pavarësisht se kundër kishim një Milan shumë të fuqishëm. Te Çelsi mbërrita pasi skuadra ishte renditur në vend të 11-të dhe fituam kampionatin. Me Italinë munda Spanjën që atëherë ishte kampione bote. Asgjë s’është e pamundur, por duhet punuar në fushë, merkato dhe në mentalitet. Tifozëve u premtoj se tentojmë gjithçka”.

VËNIA NË SHITJE E IKARDIT DHE NAINGOLAN – “ Morëm kohë së bashku me klubin për vendosur. Unë do të jem gjithmonë në i vendosur përkrah vendimeve të klubit. Jemi të bashkuar”.

Dy blerjet me kosto 0 kanë krijuar një ngjeshje në repartin e mesfushës, ku i bashkohen lojtarëve si Pjaniç, Emre Xhan, Bentakur, Kedira dhe Matuidi.  Në këto rrethana drejtuesit e Juventusit duhet të vendosin se cilët lojtarë do të largohen për t’u liruar vend blerjeve e reja.

Sipas së përditshmes italiane “Tuttosport”, kryesia e klubit torinez u ka komunikuar mesfushorëve Blez Matuidi dhe Sami Kedira se nuk janë më planet e skuadrës. Të dy futbollistët janë në një moshë madhore (32 vjeç) dhe nuk shihen si lojtarë të perspektivës.

Sipas gazetës italiane klubi do të ndërprerë me marrëveshje kontratën e Kedirës, që t’i mundësojë futbollistin gjerman hapjen e negociatave për një kontratë në kampionatin amerikan. Matuidi është vënë në shitje dhe për momentin klubi më i interesuar është Monako.

Në një postim në rrjetin social Twitter, Nikolas shkroi: Higuain në Itali luan vetwm me Juventusin. Mbeten edhe dy  vite kontratë dhe do respektohen. Tw dielë të mbarë të gjithëve.

Higuain in Italia giocherà solo nella Juventus. Restano due anni di contratto e saranno rispettati. Buona domenica a tutti.

— nicola higuain (@NicolaHiguain) June 30, 2019

Gjatë javëve të fundi kanë qarkulluar lajme se për “El Pipitan” interesohen shumë klube kineze, merkato e të cilëve hapet gjatë muajit gusht. Paga e madhe e lojtarit ka stepur shumë klube, ndërsa mosha e madhe bëhet një pengesë për blerjen e kartonit.

Portieri 40-vjeçar ka rënë dakord që të pranojë statusin si zgjedhje e dytë dhe në ditët në vijim do të vijë zyrtarizimi. Një ndër të parët që ishte vënë në dijeni të kësaj lëvizjeje ishte portieri i njohur spanjoll Iker Kasijas, i cili me anë të postimi në twitter paralajmëroi në mënyrë koduar transferimin e Bufon.

Los fichajes de la @juventusfc los hace Houdini. Magia pura… ? pic.twitter.com/iCrV8Zvaps

— Iker Casillas (@IkerCasillas) June 25, 2019

PERIN – Me ardhjen e Bufon natyrshëm që s’ka më vend në stol për Matia Perin. 26-vjeçari kërkohet me ngulm nga skuadra e Romës dhe negociatat për shitjen e kartonit kanë filluar.

Në Napoli lajmet rreth Sarrit po shqetësojnë gjithnjë e më shumë tifozët. Rivaliteti i garës për titull ka sjellë që raporti mes tifozerive të dy klube të përkeqësohet. Vetë sulmuesi Lorenco Insinje, e pranon se zyrtarizimi i Sarrit në stolin e Juventusit do të përjetohet si një tradhti nga tifozët e Napolit.

SARRI – “Për momentin këto jam spekulime që nuk i pëlqej. Sarri bëri shumë për ne lojtarët, por edhe për të gjithë napolitanët. Është një profesionist dhe ka të drejtë të bëjë zgjedhjen e tij, megjithatë kalimi te Juventusi do të dhembë. Do të jetë si një tradhti për ne napolitanët kur të behet zyrtare”.

KOMBËTARJA ITALIANE – “Po ndërtojmë një grup të mirë, do bëjmë çmos që të kualifikohemi. Jemi Italia dhe e meritojmë që të jemi pjesë e Europianit”.

Presidenti Roman Abramoviç nuk gëzon një raport të mirë te teknikun italian. Ndërprerja e bashkëpunimit duket se është një dëshirë e ndërsjellë, megjithatë rikthimi i italianit në Serie A nuk mund të kryhet me kaq lehtësi.

Pengesa më e madhe për Sarrin është fakti që për momentin tregu nuk ofron alternativa të bindëse qe mund të zëvendësojnë. Krahas këtij problemi, Çelsi pritet të shfrytëzojë interesin e madh të Juventusit duke i kërkuar kampionëve të Italisë një komision për të lënë të lirë 60-vjeçarin.

Gjatë orëve të fundit pothuajse në të gjithë mediet italiane ka filluar të përhapet lajmi se lojtari ka gjetur akordin me përfaqësuesit e klubit të Juventusit. Kampionët e Italisë i kanë ofruar mesfushorit serb një kontratë 5-vjeçare, ndërsa shifra që ka bindur lojtarin është ende enigmë.

Tani, negociatat kanë filluar në nivel drejtuesish. Dyshja Anjeli-Paratiçi do të ulet në tavolinë me homologët Tare-Lotito. Vitin e kaluar presidenti i Lacios refuzoi 100 milionë euro për kartonin e serbit, ndoshta kësaj here do t’i ketë ulur kërkesat.

Në një postim në rrjetin social “Instagram”, Nesta shkroi:  “Sot mbaron një eksperiencë e pabesueshme që më lejoi të rritem, teksa bëja punën që dashuroj. Falënderoj klubin e Peruxhës, djemtë e mi dhe tifozët bardhekuq që më mbështetën  përgjatë një me pasion e krenari, në stadium dhe në rrugë”.

https://www.instagram.com/p/Bxumqojo1JY/?utm_source=ig_web_copy_link

Mediet italiane kanë filluar të flasin për skenar ku Nesta mund të emërohet si trajneri i skuadrës së Lacios, ekip ku hodhi hapat e parë të karrierës dhe u kthye në një ndër futbollistët më të mirë në Itali.

Simone Inzagi duket gjithmonë e më pranë largimit drejt Juventusit, çka rrit gjasat për këtë lëvizje. Me Peruxhën, Nesta arriti të kapte fazën play-off edhe pse me një buxhet të limituar.

“Tifozët tanë duam që ta mundim Juventusin, por ata ndihmohen përherë pasi janë padronët e Italisë. Të marrësh një kilogram me makarona dhe të gatuash vetëm 400 gramë spageti është diçka e pakuptimtë. Ne jemi të aftë të bëjmë mirë me shumë pak në dispozicion. Renditemi të dytët me 13 pikë diferencë me Interin, është sikur të jemi një Juventus i dytë”.

“Nuk mund të ketë krahasohemi, kemi resurse krejtësisht të ndryshme. Ata mund të arkëtojnë 5 milionë euro nëse shesin 35 mijë bileta, ndërsa ne arkëtojmë 2 milionë euro kur shesim 40 mijë bileta. E dyta, tifozët kërkojnë që unë të futem në borxhe për të marrë Mesin ose Ikardin, por nuk funksionon kështu. Napoli nuk gëzon një reputacion të mirë, nuk është e lehtë të bindësh lojtarët dhe familjet e tyre që vijnë këtu”, përfundoi De Laurentis.

Notat për 26-vjeçarit nga qenë ndër më të lartat në çdo portal, dhe të mendosh se në fillim të sezonit Gjimishiti nuk ishte ndër të preferuarit e trajnerit Gasperini, i cili në një moment e konsideronte mbrojtësin shqiptar si zgjedhje të pestin në radhë në hierarkinë e qendërmbrojtësve.

“tuttojuve.it” – 7 – (Nota më e lartë bashkë me Iliçiç)

“goal.com” – 6.5 – Në ndryshim nga ndeshje e parë, asgjë nuk shkoi keq. E korrigjoi plotësisht veten.

Berat Djimsiti – 6.5 – Vështirë të surprizohej nga topat e gjatë. Kishte përballë kundërshtarë të rrezikshëm për t’u kontrolluar, por nuk e humbi kurrë busullën.

“eurosport.it” – 6.5 –

“foxsports.it” – 6.5 –

“Whoscored.com” – 7.7 – Vlerësim algoritmik. Nota më e lartë te skuadra e Atalantës, vetëm Kuadrado ia kalon me një diferencë prej 0.1.

Ndeshja filloi me një ceremoni për mbrojtësin Andrea Barzali, i cili luajti ndeshjen e tij të fundit në stadiumin e kampionëve të Italisë. Slloveni Iliçiç u dha avantazhin të tijve, ndërsa goli i barazimit erdhi gjatë pjesës së dytë falë kroatit Mario Mandzukiç.

Për të prerë biletën për në Champions, Atalantës i mjafton të fitojë ndeshjen e fundit, ku presin në Bergamo skuadrën e Sasuolos.

“Kanë mbetur dhe dy ndeshje deri në fund, jemi ende në luftë për objektivat tanë. Alegri? Trofetë që ai ka fituar flasin vetë. Kam pasur një marrëdhënie të veçantë me të, shumë përqafime, shumë zënka dhe shumë të qeshura. Është ndër më të mirët. Të nesërmen meriton lojtarët dhe tifozët do t’i tregojnë mirënjohje. Gjithsesi, tani duhet të mendojmë vetëm për veten. Juventusi e ka treguar në fushë se çfarë janë të aftë të bëjnë dhe çfarë mentaliteti kanë”.

E ARDHMJA – “Klubi dhe unë i kemi lënë mënjanë bisedimet për të ardhmen, tani jemi të përqendruar te arritja e objektivit tonë. Më pas do të kemi kohë për të diskutuar mbi të ardhmen”.

SUSO – “Është një lojtari i rëndësishëm për ne. Ju gazetarët keni shkruar se unë e kam lënë jashtë dhe ai kishte humbur krejtësisht besimin. Është normale që të ketë ulje dhe ngritje. Milani nuk pasur një lojtar që ka regjistruar mbi 10 asiste në kampionat në 10 vitet e fundit”.

LARGIM I ABATES – “Abate ka qenë pjesë e këtij klubi që fëmijë. E kam rritur me shpulla (qesh). Ndjej keqardhje për të, na ka thënë shumë. Ka pasur një prani të rëndësishme në dhomat e zhveshjes”.

“Vendi i pestë nuk do të ishte aspak një dështim. Nuk e them për këtë për t’i thënë vlera vetes. Po Lacio e Roma ç‘duhet të thonë. Normalisht që në mendjet tona kemi pendesë pasi në dy muajt e fundit e kishin në duart tona fatin. Gjithsesi nuk mund të quhet dështim. Tani do bëjmë të pamundurën për të fituar dy ndeshjet e fundit, më pas të shohim”.

Një vit e gjysmë më vonë të dyja palët duket se kanë rënë dakord që rrugët e tyre të ndërpriten. Media italiane “Sky Sports”, raporton së fundmi se agjenti i lojtarit, Fernado Feliçeviç është takuar me përfaqësues së Juventusit dhe Interit.

Kiliani mbetet një lojtar interesant për shumë ekipe dhe një rikthim në Serie A mund t’i bëjë mirë sulmuesit shtatshkurtër. Një fillim nga e para është pikërisht ajo që i duhet Sançezit, por pengesa e fundit për transferimin e tij është paga marramendëse prej 20 milionë paundësh në vit, që e rendit atë si lojtarin e shtatë më të paguar në planet.

90 minutëshi i sotëm u karakterizua me një lojë me pak raste me të dyja skuadrat që u treguan të kujdesshme gjatë 45 minutave të para të takimit. Në të dytën vendasit filluan të të tregoheshin skuadra më kërkuese deri sa erdhi goli i vetëm i takimit.

Roma 2 – 0 Juventus
Shënues: Florenci 79’, Xheko 90+3’

Sipas kësaj medie, tekniku livornez do të deklarojë largimin e tij nga kampionët e Italisë ditën e nesërme me anë të një komunikate për shtyp.

Ky vendim supozohet të jetë marrë pas një takimi që trajneri i “Zonjës së Vjetër” pati me presidentin Andrea Anjeli. Në rast se ky lajme bëhet realitet, atëherë do t’i hapej rruga rikthimit të Antonio Kontes në stolin e Juventusit, pesë vite nga largimi i këtij të fundit.

Dolores Aveiro ka postuar një foto të birit të saj me një mbishkrim në gjuhën spanjolle që krejtësisht i trilluar dhe qesharak.

“Kristiano është lojtari që ka shpëtuar Juventusin nga rënia dhe i rikthyer ata te fitimi i kampionatit pas 20 vitesh pritje. E pabesueshme. E pabesueshme”, lexohet në mbishkrim, ndërsa mamaja e futbollistit shkruan më poshtë: Krenaria ime, biri im.

Futbollisti i Juventusit flet mbi suksesin e tij, presionin e madh që e shoqëron gjatë çdo ndeshje dhe mundësinë e një të ardhme në rolin e trajnerit.

Njerëzit presin shumë nga ju, si e përballoni këtë presion?
“Ka njerëz që presin shumë nga unë dhe të tjerë që dëshirojnë pafundësisht që unë të humbas një penallti ose të mos bëj mirë në një ndeshje vendimtare, gjithsesi kjo është pjesë e jetës dhe mua nuk më mbetet gjë tjetër përveç se të jem i përgatitur. Nuk e mohoj që ndonjëherë më bezdis kjo gjë. Është e vështirë. Presioni vjen dhe nga shokët e familja. Kjo më motivon natyrisht, por ka ndonjë moment që them: Ju lutem lërmëni të qetë”.

Ju pëlqen më futbolli?
E shikoj futbollin si një mision. Futem në fushë që të fitoj dhe të përmirësohem. Dikur futesha në fushë duke menduar vetëm për driblimet që mund të bëja. Kjo nuk ndodh më. Njerëzit janë gjithmonë duke më paragjykuar. Thonë për shembull: Është 33, 34, 35 vjeç, ka mbaruar. Kjo më bën që t’i provoj të kundërtën”.

Disa mendojnë se jeni kthyer një lloj roboti?
“Nuk mendoj se njerëzit më shikojnë ashtu, por ka shumë që mendojnë se unë jam një njeri që kurrë nuk ka probleme. Si një njeri që nuk trishtohet kurrë dhe s’ka asnjë shqetësim. Këta njerëz kujtojnë se po të kesh para nuk ke asnjë problem. E kuptoj që këta njerëz nuk mendoj njësoj si unë. Botëkuptimi i tyre është shumë i vogël. Disa prej tyre mezi presin që unë të bëj keq. Jam mësuar me këtë situatë në moshë shumë të re. Në 10 vitet e fundit gjithmonë kam pasur më shumë presion se çdokush tjetër. Fitova Topin e Artë në moshën 23-vjeçare, ndërsa më pas u bëra lojtari më i shtrenjtë në planet kur më bleu Reali”.

Cila është gjëja e parë që bën kur shkon në një klub të ri ?
Thjesht tregohem vetvetja, asgjë më shumë. Disiplina ime mbetet e njëjtë. Një atlet i zgjuar di çdo detaj që mund ta bëj atë më të mirë. Te Juventusi u përshtata në mënyrë perfekte. Ata e panë që unë nuk jam ndër ata që kam vetëm fjalë. Të folurit është diçka krejt tjetër nga të bërit. S’i kam fituar kot 5 Topa të Artë dhe 5 Champions”.

Raporti me Spanjën?
Populli spanjoll më ka trajtuar mirë. Investoj këtu dhe kam dëshirë të hap vende punë për ta, pavarësisht se jam pasur probleme të shumta me institucionet tatimore. Jam larguar me kokën lartë, e di se njerëzit më duan. Ata e dinë sa shumë unë i kam dhënë Realit, sigurisht edhe unë kam marrë shumë mbrapsht. Kur lëviz rrugëve më thonë: Hej, Kristiano hajde në shtëpi, këtu do të jetë gjithmoën shtëpia jote”, më pëlqen kur e dëgjoj këtë.

Përse keni kaq shumë fansa anembanë botës?
“Çdo gjë që kam e kam fituar falë aftësive të mia. Jam njeriu me numrin më të lartë ndjekësve në Instragram pasi shumë persona identifikohen me mua. Mendoj se motivohen nga unë”.

Keni bërë shumë shokë në futboll?
“Mund të them se po, por shiko ka diçka. Jetojmë në një botë të ndërlikuar. Nëse do pyesje një modele a ke shumë shoqe në modele, mund të hamendësosh se po, por në të vërtetë nuk është se ato darkojnë me njëra-tjetrën në shtëpi me modele të tjera”.

Në asnjë intervistë nuk jeni pyetur mbi mundësinë e një të ardhme si trajner ?
“Nuk e përjashtoj si mundësi”.

A e ke menduar që ta lësh futbollin në Barcelonë? Atje ka edhe plazh…
“ (qesh) Barcelona nuk është për mua. Kam shkuar disa herë atje dhe le të themi që njeziët nuk e përqejnë dhe aq shumë Kristianon. Gjithsesi po të marrësh parasysh rivalitetin është normale”.

Një pagë vjetore neto prej 8.5 milionë eurosh dhe 3.5 milionë euro të tjera në formë bonusesh të bazuara në paraqitjet dhe arritjet e klubit. Kohëzgjatja e kontratës do të jetë për 5 sezone.

Interes për Ikardin ka shfaqur së fundmi edhe Mançester Junajtid. Në Angli kanë filluar të qarkullojnë lajme për një ndërrim Lukaku-Ikardi, por situata pritet të qartësohet në muajt në vazhdim.

Një goditje e fortë tokazi nuk i la asnjë shans portierit Samir Handanoviç, i cili ngeli i shtangur në vend. Ky ishte goli i 600-të i Ronaldos në rang klubesh.

Cristiano Ronaldo has just scored his 600th career club goal ?

?? Real Madrid (450)
??????? Man Utd (118)
?? Juventus (27)
?? Sporting CP (5) pic.twitter.com/kjXN1oGEay

— SPORTbible (@sportbible) April 27, 2019

Së fundmi një veprim i futbollistit portugez në rrjetin social “Instagram” lë pak vend për dyshime për situatën e tensionuar midis palëve.

Kanselo ka pëlqyer një koment të bërë nga një përdorues, i cili shkruante “Alegri Out” (Alegri jashtë). Lajmi ka bërë bujë në mediet italiane, ndërsa ende nuk ka një reagim nga ana e lojtarit.

Fanella është ndarë në dy pjesë, njëra e bardhë dhe tjetra e zeza, ndërsa në hapësirën midis tyre është vendosur një shirit ngjyrë rozë, detaj tepër interesant, pasi kjo ngjyrë nuk shfaqej në fanellat e Juventusit prej tri sezonesh.

Natyrisht vëmendje më e madhe e gazetarëve ishte te eliminimi në Champions nga Ajaksi, por për Alegrin tani ka ardhur momenti i festës së titullit kampion.

“Fatmirësisht të nesërmen kemi mundësi për të siguruar titullin. Na duhet të shikojmë para dhe ta lëmë pas zhgënjimin. Sapo të fitojmë kampionatin do të fillojmë të planifikojmë për të ardhmen me kthjelltësi dhe pa ndikimin e emocioneve”.

DËMTIMET – “Perin dhe Kedira e kanë mbyllur sezoni, ndoshta edhe Mandzhukiç. Dibala do të mungojë për tri javë, ndërsa Duglas Kosta dhe Kaseres për 10 ditë. Kielini mund të jetë gati për ndeshjen me Interin, ndërsa Barzali ndihet më mirë”.

“Juventusi luan për të fituar çdo kompeticion. Në çerekfinale nuk ishim në formën më të mirë. Humbëm dhe eliminimi ishte i drejtë. Ajaksi bëri një ndeshje të jashtëzakonshme. Ata luajtën më mirë në Amsterdam, ndërsa ne luajtëm më mirë në Torino. Çuditërisht rezultati ne penalizoi”.

RONALDO – “Ronaldo ka pasur një sezon të jashtëzakonshëm dhe do të luajë ndeshjen e nesërme. Kristiano plus Juventus nuk do të thotë që Champions-i është i garantuar. Ai është e ardhmja e Juventusit. Në këtë moment është i qetë, natyrisht dhe i zhgënjyer si të gjithë ne. Gjithsesi, tani s’na hyn më në punë të flasim për Champions-in”.

Trajneri aktual Masimiliano Alegri u shpreh në përfundim të takimit të së martës se nuk ka ndërmend të largohet nga kampionët e Italisë, qëndrim ky që ishte i njëjtë me atë të presidentit Andrea Anjeli.

Gjithsesi, situata pritet të qartësohet gjatë muajve në vazhdim. Konte fillimisht duhet të mbyllë njëherë e mirë gjyqin me klubin e Çelsit, ku kërkon të dëmshpërblehet për shkarkimin nga skuadra londineze me 23 milionë euro. Ky proces gjyqësor zgjat prej thuajse 1 viti.

Lavdërimet për De Jong nuk munguan as nga kampi i Juventusit. Ish-lojtari i njohur Andrea Pirlo zbuloi për “Sky Sports” se e kishte pikasur prej disa kohësh talentin e 21-vjeçarit dhe ia kishte sugjeruar drejtuesve të kampionëve të Italisë.

“De Jong është një lojtar shumë i mirë. E ndjek prej kohësh atë dhe ia kam rekomanduar Juventusit disa herë, por në skenë u shfaq Barcelona që veproi më mirë e më shpejtë duke e blerë atë”, tha Pirlo.

Në intervistën e dhënë fill pas ndeshjes për televizionin holandez “Veroninca”, Ten Hag ndau me gazetarët arsyen e problemeve që skuadra e tij ndryshoi krejt fytyrë gjatë pjesë së dytë.

SUKSESI – “Jam shumë krenarë për këta djem dhe sigurisht për stafin tim. Kjo nuk erdhi falë meje, por falë skuadrës. Jam duke harruar shumë emra, por këtë po arrijmë së bashku”.

PJESA E PARË – “E patëm të vështirë të përballonim presionin e ushtruar nga ata gjatë pjesës së parë. Po vraponin shumë ishte një futboll tejet luftarak, por ne ishim të mirëorganizuar dhe nuk u lamë të na dëmtonin, por në krahun tjetër nuk është se po u bënim ndonjë dëm atyre”.

DOMINIMI NË TË DYTËN – “Në pjesën e dytë pashë që mund të përmirësoheshim në disa gjëra. Filluam të luanim me dy mesfushorë para mbrojtjes dhe më pas po luanim më shumë futboll dhe e vumë Juventusin në presion të madh, ata s’po dinin si të reagonin dhe na linin shumë hapësira. Patëm tre ose katër raste të pastra për shënim, por ishte bukur që golin e gjetëm me një goditja standarde”.

GOLI I DE LIGT – “Ishte një plan i mirëmenduar pas atij goli. Gjithçka shkoi në mënyrë perfekte ashtu siç e kishim menduar. Lase Shëne ishte perfekt me ekzekutimin. Kësaj radhe ishte një ndeshje krejt tjetër krahasuar me Realin. Në Madrid kundërshtari kërkonte të luante më shumë futboll në fazën sulmuese në krahasim me Juventusin dhe na erdhën shumë shpesh afër portës sonë. Reali nuk ushtronte presion në mënyrë kaq agresive, kjo na lehtësonte lojën”.

SITI APO TOTENHEM – “Si fillim duhet ta shijojmë këtë moment. Kemi treguar se mund të përballojmë stile të ndryshme loje. Jemi duke kaluar limitet vazhdimisht, loja e këtij grupi sa vjen e rritet. Një sfidë tjetër do të na dali përpara dhe mezi po e presim”, përfundoi Ten Hag.