Juri Tielemans

Talenti belg: Ja pse refuzova Junajtid për “Dhelprat”

Sport Ekspres — Thu, 11 Jul 2019 21:38:44 +0000

Juri Tielemans u konfirmua si lojtar i Leister Sitit pas një viti të kaluar në huazim te “Dhelprat”. Talenti belg ishte në pronësi të francezëve të Monakos. Klubi nga principata pranoi ta shesë në “King Power Stadium” për plot 45 milionë euro.
Për të interesohëj edhe Mançetser Juanjtid, megjithatë djaloshi është “dashuruar” me Leisterin dhe nuk e mendoi shumë zgjedhjen e tij. Në një intervistë ai shprehet se vendosi që pa filluar pushimet se cila do të ishte “shtëpia” e tij për sezonin e ardhshëm.

“I dhashë kohë vetes për t’u menduar. Megjithatë, pas ndeshjeve të fundit me kombëtaren kisha vendosur gjithçka. Pjesa e dytë e sezonit në Leister shkoi shumë mirë për mua dhe ekipin. Doja të vazhdoja të luaja nën një atmosferë pozitive dhe në një klub me ambicie”, u shpreh 22-vjeçari.

ZYRTARE | Leister nuk kursehet, 45 milionë euro për mesfushorin belg

Sport Ekspres — Mon, 08 Jul 2019 16:24:23 +0000

Liester Siti ka thyer rekordin e klubit duke paguar 45 milionë euro për kartonin e futbollit belg Juri Tielemans. Mesfushori 22-vjeçar bindi drejtuesit e klubit anglez gjatë qëndrimit 6 mujor në Angli, ku u huazua nga Monako.

Ekipi nga Principata ka arritur të nxjerrë një fitim të konsiderueshëm për futbollistin belg të cilin e blenë dy vite më parë nga Anderleht për 25 milionë euro.

Welcome back, Youri! ?

— Leicester City (@LCFC) July 8, 2019

Interes për Tielemans shfaqi dhe Mançester Junajtid, por në fund “djajtë e kuq” u tërhoqën duke u fokusuar te lojtarë të tjerë. Me Tielemans në klub Leister Siti ka ndërtuar një mesfushë interesante ku krahas belgut të talentuar kanë emra si nigeriani Ndidi ose i riu anglez Çuduri.

Gati të bëhet “Djall”, një belg për mesfushën e Junajtid

Sport Ekspres — Sat, 08 Jun 2019 07:32:17 +0000

Junajtid e ka vendosur se së pari duhet të stabilizojë mesfushën. Pas afrimit të Daniel Xhejms nga Suonsi në “Championship”, Solskjaer është pranë një tjetër mesfushori të talentuar. Juri Tielemans do të jetë objektivi i radhës ën “Old Trafford”. Mesfushori këtë sezon e ka kaluar në Leister Siti.
Me “Dhelprat” ai ka treguar një nivel të lartë dhe ka rënë në sy të Solskjaer. Belgu është pronë e klubit të Monakosë. Ai erdhi në vitin 2017 nga skuadra e Anderlehtit për shifrën e 25 milionë eurove. Përveç Junajtid, pas tij është vënë edhe Poçetino. Totenhem gëzon një buxhet shumë të shëndoshë dhe do të futet në furishëm në merkato. Megjithatë, për momentin “Djajtë” kanë avancuar më shumë.

Talenti i datëlindjes 1997 është i grumbulluar me kombëtaren belge për eleminatoret e “Euro 2020”. Ai ka thënë diçka rreth të ardhmes së tij. Nuk përmend asnjë emër klubi, por siguron se do të lëvizë këtë verë dhe ka disa oferta.

“Do të shohim se në cilin klub do të luaj. E vetmja gjë që mund t’ju them tani është se gjërat po lëvizin. Shumë klube kanë treguar interes, por do i shqyrtojmë dhe do vendosim. Junajtid dhe Totenhem janë skuadra shumë të mëdha. Është ngacmuese teksa dëgjon që ato emra interesohen për ty. Më krijon shumë besim në vetvete. Gjithsesi, unë mendoj vetëm të jap maksimumin në ndeshjen e radhës”, u shpreh Tielemans.