Për SportEkspres.com, sulmuesi deklaron se ai kërkon të luajë vetëm në Kategorinë Superiore, por edhe Kastriotin e falënderon për dy sezone shumë të bukur që kaloi me të. “Me Kastriotin e mbylla dhe i falenderoj për bashkëpunimin e mirëkuptimin. Kam vendosur të luaj në Superioren shqiptare ose në Superligën kosovare, por ende nuk kam ndonjë ekip. Menaxheri im është angazhuar, e besoj këtë javë do jem vendosur në një skuadër”.

Vatnikaj e ka nisur karrierën e tij me Partizanin në sezonin 2013-2014 dhe më pas ka luajtur me Tërbunin, Bylisin e Kastriotin. Në sezonin e fundit me krutanët luajti 19 ndeshje si titullar dhe shënoi vetëm 1 gol. E ardhmja e 24-vjeçarit mbetet mes Kategorisë Superiore dhe Superligës në Kosovë. Te Kastrioti është zyrtarizuar vetëm afrimi i mesfushorit Xhulio Mehmeti, në bisedime janë me Ermir Rezin, Kristi Jotin e Dashamir Xhikën.

AGRON KAJA

GOLI – “Ndjenjë e mirë, një gol që e prisja, ndihem mirë që ia dola dhe tani shpresoj të kem vazhdimësi. Në ndeshjet e fundit miqësore kam luajtur rregullisht, e kam nisur titullar, kam shënuar me Kamzën dhe Teutën. Gjeta golin ndaj Partizanit, pavarësisht se kishim dhe mungesa. Pjesa e parë për ne ishte e mirë, por mungesat bënë të vetën”.

REPARTI I SULMIT DHE MERKATO – “Nuk do thosha që jam i vetmuar përpara. Roger nuk ka qenë në 100%, Henry nuk ka ardhur në formën e vetë më të mirë. Taulanti (Marku), që është alternativë, e ka treguar veten, vjet dhe sivjet. Nuk është se jam vetëm”.

VENDI I FUNDIT – “Renditja bën të vetën, pavarësisht se ne kemi zhvilluar ndeshje të mira. Fati nuk na ka ndihmuar në ndeshje të caktuar. Me shpresë zoti do e ngremë kokë në ndeshjet që kanë mbetur”.

NDESHJA ME LUFTËTARIN – “Ndeshje që ka të bëjë shumë, aty jemi fokusuar në minifazë dhe është objektivi kryesor. Ndoshta e kemi lënë disi pas dore ndeshjen e kupës, pasi nuk ishte objektiv i qartë për ne. Shpresoj që ajo ndeshje të ndryshoj disi pjesën e klasifikimit, që të mos jetë ky hendeku i madh që është krijuar”.

MUNGESA E KAPITENIT ÇELA NË FUNDJAVË – “Çela është kapiten i ekipit. Besoj se trajneri e ka menduar këtë pjesë, dhe ai që do e zëvendësojë Çelën do e bëjë si duhet. Përforcime? Shpresoj, por këto janë punë që i përkasin stafit teknik. Unë kam pjesën e fushës dhe aty duhet të jap maksimumin, duke shënuar”