Megjithatë, ky duel rezultoi sprova më e madhe në karrierën e 21-vjeçarit. Gjithçka lidhet me një dëmtim që Uldedaj pësoi gjatë raundit të katërt. Boksieri pësoi një frakturë në dorë dhe në një moment i kërkoj trajnerit Dirk Dzemski që të dorëhiqej nga dueli, por kjo gjë nuk u pranua nga gjermani, i cili inkurajoi boksierin e tij për të vazhduar duelin vetëm duke përdorur dorën e majtë.

Një mesazh mirënjohjeje për Uldedajn ka ardhur nga vetë presidenti i Republikës së Shqipërisë, i cili përgëzoi lezhjanin e pamposhtur për fitoren 11-të në karrierë.

Eventi do të zhvillohet në qytetin e Magdeburgut, ndërsa organizimi kryhet nga “SES Boxing” një kompani e drejtuar nga promotori i famshëm gjerman Ulf  Shtajnfort, i cili ka nën menaxhim dy atletët shqiptarë.

32-vjeçari Krasniqi, i cili ka një rekord prej 49 fitoresh (17 nokaut) do të ndeshet me gjermanin Stefan Hertel, ndërsa lezhjani Uldedaj i pamposhtur (Uldedaj) do të ketë përballë polakun Kristof  Tvardovski, i cili vjen me një rekord prej 6 fitoresh dhe një humbje.

Dueli për titullin “WBO YOUTH“ – “Kundërshtari ishte shumë i vendosur për ta fituar titullin. Nuk kishte ardhur në Tiranë për shëtitje. Ishte një boksier tipik argjentinas, kishte një stil loje shumë luftarak. Luante pak pisët. Më bëri përshtypje arbitri, që nuk i bëri qortim për goditje në shpine dhe mbas koke. S’kisha asnjë dyshim që do fitoja. Po them diçka që se kam thënë më parë. Dy javë para duelit kam pësuar një ftohje të lehtë që ndikoi pak në formën time gjatë duelit”.

Eventi – “Ishte një event i standardeve europiane, që s’kishte ndodhur kurrë më parë në Shqipëri. Të gjithë të pranishmit kanë ngelur të impresionuar. Dua të falënderoj babain dhe xhaxhain tim, që siguruan që çdo gjë të shkonte sipas planit”.

E ardhmja – “Tani kam si synim unifikimin e titujve Junior. Për këto tituj mund të konkurroj deri në moshën 24-vjeçare, më pas do synoj fitimin e një titulli të mirëfilltë kampion bote. Tani do pushoj pak dhe mbas festave të fundvitit do kthehem në Gjermani. Në ring pres të rikthehem në mars ose prill”.

Idhulli – “Aleksandr Usyk është një ndër idhujt e mi. Është një boksier fantastik. Nuk besoj se do të më jepet shansi për t’u ndeshur me të, pasi kur të jem gati për atë rang botëror, Usyk do ta ketë lënë boksin, pasi është në moshë madhe. Është shpallur boksieri më i mirë në botë në renditjen peshë për peshë”

Luan Krasniqi – “Luan Krasniqi ishte i pranishëm në duelin tim. Ai ka qenë një mbështetje shumë e madhe për mua. Madje mund të them një sekret. Gjatë kohës kur isha në ring dëgjoja në çdo moment këshillat e tij dhe më pas këshillat e trajnerit”.

Urimet – “Më vjen keq ta them këtë, por Shqipëria nuk i kushton shumë vëmendje sportit. Nuk e di pse ndodh kjo gjë. Kam marrë më shumë urime nga Kosova dhe Gjermania”.

Kundërshtari u tregua agresiv në raundet e para, por gjithçka u menaxhua nga Uldedaj, i cili e rrëzoi fillimisht argjentinasin në raundin e katërt.

Uldedaj u ndesh për herë të parë në karrierën e tij në Shqipëri. Dueli u zhvillua në sallën “Feti Borova” pranë Tirana Olimpik Park në prani të publikut shqiptar, ku nuk mungoi dhe një legjendë si Ish-boksieri nga Juniku, Luan Krasniqi.

Kjo është fitorja e dhjetë në po kaq duele për boksierin shqiptar. Titulli WBO junior është i dyti për Uldedajn, i cili në muajin shkurt fitoi titullin ndërkombëtar gjerman në peshën cruiserweight.

Fituesi i duelit do të shpallet i titullit titullin kampion bote “WBO Junior” në peshën “Cruiserweight” (deri në 90.7 kg). Boksieri lezhjan vjen në këtë përballje si i pamposhtur me një rekord prej 9 fitoresh, dy prej të cilave me nokaut. Kundërshtari argjentinas është gjithashtu i pamposhtur me një rekord prej 7 fitoresh.

Sot është organizuar dhe konferenca për shtyp, ku Uldedaj ka folur para medieve. Sportisti ka treguar se është i emocionuar që do të ketë mundëisnë që performojë para publikut të tij.

“Dua të tregoj veten te populli shqiptar aftësitë e mia. Është një hap drejt titullit WBO”.

“Si është të ndeshem në Shqipëri, në shtëpinë tim? Është herë e parë në boksin profesionist që zhvillohet një ndeshje e tillë. Është diçka e veçantë. Kam mbështetje nga familja dhe shumë miq, çka është një shtysë shumë e madhe”.

“Dua të përqendrohem vetëm te ndeshja e radhës dhe më pas do të mendojmë për të ardhmen”.

“Kemi bërë një punë të shkëlqyer me trajnerin tim. E kam studiuar kundërshtarin. Një favor për mua është se trajneri im ka qenë mëngjërash dhe them se ja kemi gjetur çelësin”.

“Eksperienca ime dhe e kundërshtarit është thuajse e barabartë”.

“Njërit nga ne numri zero i humbjeve do i ndryshojë. Me mirë të ndodhë me kundërshtarin”.

“Dua që t’ia sjell Shqipërisë këtë titull. Unë garoj për një klub gjerman, por jam shqiptar dhe do garoj me himnin shqiptar”.

Nuk kanë munguar dhe fjalët e promotorit të kësaj ndeshje, Ulf Shtajnfort, i cili ka veçuar faktin se është diçka shumë pozitive që një ndeshje e nivelit të tillë do të organiohet në Shqipëri.  Shtajnfort ka treguar se për sportistin lezhjan është një ngjarje e madhe.

“Jemi të lumtur që kemi ardhur këtu dhe po na mbështesni në këtë projekt i cili është shumë i rëndësishëm”.

“Për Jurgenin është një ngjarje e madhe, pasi do të synojë një titull tejet të rëndësishëm, por përfaqëson edhe Shqipërinë. Uroj që ta rrëmbejë këtë gjerdan të artë”.

“Do të kemi 8 ndeshje boksi, me boksierë të rinj dhe premtues. Është një aktivitet i rëndësisë së lartë”.

“Boksi mund të jetë një dhe biznes familjar, pasi dihet që do të boksojnë dy familje si në rastin konkret, të eventit që do të zhvillojmë ne. Ky sport ka të ardhme edhe në vendin tuaj dhe këtë dua ta veçoj. Rasti konkret është i Uldedajt. Uroj që të kemi një mbrëmje të bukur të shtunën. Të dy janë dy sportistë të pamposhtur dhe kjo premton shumë, për të parë një ndeshje të bukur në një ndeshje që do të zhvillohet për herë të parë në Shqipëri”.

Trajneri Dirk Dzemski ka marrë fjalën më pas, duke theksuar se ai beson shumë te sportisti shqiptar, të cilin e sheh në një të ardhmen me brezin e kampionit, në nivele akoma dhe më të larta.

“Është pa dyshim diçka shumë e mirë për mua që ndeshja bëhet në Shqipëri. Jurgeni ka shanse që ta fitojë trofeun e tij të parë të madh në vendin e tij”.

“Në ndeshje të tilla është e rëndësishme të jesh i qetë. Besoj se Jurgeni do të bëjë më të mirën e tij për të dhuruar një ndeshje emocionuese. Jurgeni ka qenë gjithnjë i qetë dhe i ftohtë, edhe të shtunën do të jetë i tillë”.

“Për të qenë korrekt, e kemi provuar shijen e një kampioni Bote. Deri më tani Jurgeni ka shfaqur vetëm 50% të aftësive të tij. Akoma nuk e keni parë Jurgeni plotësisht, por do të jetë një ditë Kampion Bote në një nga katër disiplinën më të mëdha’.

Nikolas Arganaraz, kundërshtari i Uldedaj ka preferuar që të jetë disi më i rezervuar, duke veçuar vetëm faktin se ai shpreson që në fund të triumfojë ai që e meriton.

“Nuk ka të bëjë fakti se luajmë në Shqipëri. E rëndësishme është që të përqendrohem në maksimum”.

“Nuk më penalizon fakti që jam mëngjarash. Do ndeshem me një boksier të mirë dhe të përgatitur. Uroj të fitojë më i mirë dhe uroj që të jetë një ndeshje sa më e bukur”.

“Ishte një surprizë për mua, por e kemi marrë me shumë seriozitet këtë aktivitet”.

Fituesi i duelit do tw shpallet i titullit titullin kampion bote “WBO Junior” në peshën “Cruiserweight” (deri në 90.7 kg). Boksieri lezhjan vjen në këtë përballje si i pamposhtur me një rekord prej 9 fitoresh, dy prej të cilave me nokaut. Kundërshtari argjentinas është gjithashtu i pamposhtur me një rekord prej 7 fitoresh.

Në një postim në faqen e tij në Facebook, Uldedaj u bën thirrje fansave të tij për ta mbështetur në këtë përballje, që është e para për të në atdhe: Të dashur Miq! Me datë 15 Dhjetor 2018 do të ngjitem në ring për ndeshjen më të rëndësishme të karrierës sime, duke synuar titullin Kampion Bote “WBO Junior”. Mbështetja juaj është forca ime. Ju ftoj të më përkrahni në Olimpik Park Arena Tirana. Me respekt Jurgen Uldedaj.

Çmimet
VIP – 15’000 Lekë
Gold – 5’000 Lekë
Tribunat në sallë – 3’000 Lekë

BILETAT :
tel: +35544508874
online : www.t-ticket.al
Biletaria stadiumit “Selman Stermasi”
Dyqani Joma, ETC
Dyqani Joma, 9 Katshet
Dyqani Macron, Ring Center kati 3
Stadiumi “Loro Borici” në Shkodër
Ngjitur “Hotel Liss” Lezhë “Adi Travel”
Lagjia Gurra në Lezhë

DETAJET E ORGANIZIMIT
11 dhjetor konferenca te Hiilton Garden, ora 15:00
12 dhjetor demostrime te Toptani Shopping center, ora 17:00
14 dhjetor peshimet te Tajvani kati -1, ora 16:00