Jurgen Peqini

Mezani: Presim sërish afrime nga Superiorja, Gjilani do Europën!

Sport Ekspres — Thu, 04 Jul 2019 13:55:32 +0000

I fundit futbollist shqiptar që po provohet te Gjilani në IPKO Superliga në Kosovë, është Jurgen Peqini, sulmuesi që sezonin e kaluar e mbylli me Erzenin e Shijakut në Kategorinë e Parë. Këtë e konfirmoi për SportEkspres.com trajneri i skuadrës dardane, Gentjan Mezani, i cili në këtë skuadër ka marrë edhe lojtarë të tjerë nga Shqipëria.

“Këto ditë kam në provë Jurgen Peqinin, i cili ka luajtur sezonin e kaluar me Erzenin. Për mua vlerat e tij janë të mira dhe pres që të tregojë cilësitë e tij më të mira si sulmues. Janë vetëm ditët e para dhe nuk mund të jap një konkluzion përfundimtar. Shikoj se deri tani ka gjendje të mirë fizike”, theksoi fillimisht Mezani.

Tekniku vlonjat pret edhe të tjerë futbollistë te kjo skuadër, që në sezonin e kaluar kaloi vështirësi për mbijetesë. “Gjilani pret të tjerë futbollistë nga Shqipëria. Me drejtuesit kemi si objektiv hyrjen në grupin e skuadrave që synojnë Europën. Te Gjilani janë edhe portieri Shkëlzen Ruçi, mbrojtësit Erlis Frashëri e Oltion Rapa, si dhe mesfushori anësor Bedri Greca”, përfundoi Mezani.

AGRON KAJA

Gjilani do sulmues, “ish”-i i Teutës zbarkon në provë

Sport Ekspres — Wed, 03 Jul 2019 09:04:52 +0000

Gjilani është në kërkim të një sulmuesi dhe drejtuesit po punojnë të gjejnë një cilësor që t’i ndihmojë në arritjen e objektivave. Skuadra e drejtuar nga Gentian Mezani ka bërë disa përforcime cilësore, kryesisht nga Superiorja.

Së fundmi në Gjilan ka mbërritur edhe një sulmues dhe ai është Jurgen Peqini. Futbollisti nga Elbasani ishte pjesë e Erzenit në pjesën e dytë të sezonit të fundit. 20-vjeçari u aktivizua në dhjetë ndeshje me shijakasit dhe realizoi vetëm një gol.

Peqini ka spikatur me moshat e Elbasanit dhe më pas kaloi në ekipin e parë, duke shënuar katër gola. Teuta i ofroi kontratë dhe me durrsakët realizoi tre gola në 6 ndeshje (1 titullar). Te “djemtë e detit” sulmuesi nuk pati hapësira, ndërkohë që këtë verë u la i lirë dhe tashmë po provon të bindë Mezanin t’i bëjë një vend te Gjilani.

Erzeni përforcohet në sulm, Teuta zyrtarizon huazimin

Sport Ekspres — Sun, 06 Jan 2019 14:07:54 +0000

Teuta mendon të rritë edhe të rinjtë, ndaj edhe ka vendosur të huazojë një prej sulmuesve që këët sezon nuk ka pasur hapësira. Ai është Jurgen Peqini, autor i tre golave në Superiore me fanellën e durrsakëve një sezon më parë.

Futbollisti nga Elbasani do të kalojë tek Erzeni, aty ku në verë u huazua edhe mesfushori Jonatan Lajthia. Peqini, vetëm 20 vjecc, do të ketë mundësinë të luajë dhe të rritet, për t’u rikthyer në verë sërish te Teuta.

Tashmë klubi durrsak edhe e ka sinjalizuar këtë lëvizje, teksa njofton: “Klubi i Teutës zyrtarizon marrëveshjen me KF Erzenin për sulmuesin 20-vjeçar Jurgen Peqini, i cili është huazuar për gjysmën e mbetur te sezonit tek Erzeni”.

https://www.instagram.com/p/BsS6HfynH5t/?utm_source=ig_web_copy_link

Erzeni merkato te Teuta, planifikohen tre lëvizje

Sport Ekspres — Mon, 31 Dec 2018 18:52:42 +0000

Erzeni po mendon për lëvizjet do të do të bëjë në merkato gjatë janarit dhe deri më tani tre janë emrat e futbollistëve që pritet të bëhen pjesë shijakasve. Njëri prej tyre është sulmuesi Vjali Mahmuti, 22-vjeçari që para pak kohësh u largua nga Bylisi dhe më parë është aktivizuar me Ilirinë e Fushë-Krujës.

Por në Shijak po përgatiten edhe për të tjera afrime. SportEkspres.com mëson se Myslim Ramilli do të rikthehet tek Erzeni. Mesfushori sezonin e shkuar ka qenë te Besa dhe tashmë do të veshë sërish fanellën e shijakasve.

Në planet e Erzenit është edhe sulmuesi Jurgen Peqini. Ky i fundit është pjesë e Teutës, por te durrsakët i mungojnë hapësirat dhe një kalim nën urdhrat e Stojkut do të jetë një lëvizje e mbarë. Futbollisti 20-vjeçar këtë sezon ka luajtur vetëm në Kupë dhe ka shënuar dy gola.

Vjet Peqini debutoi në Superiore, madje edhe shënoi tre gola. Ai luajti në total në gashtë ndeshje dhe vetëm njërën prej tyre e nisi nga fillimi. Sulmuesi në të shkuarën ka luajtur në Kategorinë e Parë edhe me Elbasanin, duke shënuar 4 gola në 12 takime të luajtura me verdheblutë.