Rivaliteti për fitimin e titullit kampion ishte i madh gjatë sezonit të kaluar. Në fund triumfuan djemtë e Guardiolës me një pikë më shumë, ndërsa nuk munguan “thumbimet” mes palëve.

Kështu ka ndodhur sërish dhe atmosfera e këtij dueli fantastik është rritur në maksimum. Jurgen Klop u shpreh përpara disa ditësh së janë vetëm 4 klube, që mund të bëjnë çfarë të duan ekonomikisht: Real Madrid, Barcelona, Mançester Siti dhe PSG.

Deklarata e trajnerit të The Reds nuk është pëlqyer aspak në kampin e kampionëve. “Qytetarët” kanë reaguar gjatë ditës së sotme dhe fjalën e ka marrë Omar Berrada, drejtues i Sitit.

“Jemi befasuar nga fjalët e Klop. Nuk jemi të zemëruar, por na duket gjë kurioze që theksohet fakti se sa shpenzojmë ne në merkato. Kur shpenzonin ata, për ne ishte gjithçka ok. Nuk e kuptoj se pse duhet të merren me punët e të tjerëve. Gjithkush shpenzon aq sa e sheh të arsyeshme. Të shprehesh se ne, Barcelona, Reali dhe PSG shpenzojmë nga 200 milionë sterlina çdo vit është nuk është aspak korrekte”, përfundon Berrada.

Gjatë prononcimit pas ndeshjes Jurgen Klop është ndalur edhe te gjendja e lojtarëve të dëmtuar: Xherdan Shaqirit dhe Nabi Keitas. Të dy janë rikuperuar dhe ndihen gati për të zbritur në fushën e blertë.

“Shaqiri dhe Keita kanë kryer një seancë stërvitore me ekipin. Ata nuk janë këtu, por do të vijnë nesër. Shpresoj që të luajnë disa minuta në ndeshjen e së mërkurës kundër Lionit”, theksoi trajneri gjerman për “Liverpoolfc.com”.

Sivjet të gjithë do të japin gjithçka në kampionat. Titulli kampion mungon në qytet prej vitit 1990 dhe djemtë e Klop do të bëjnë më shumë se maksimumin për ta fituar pas 30 vitesh.

Dëshira e madhe e trajnerit quhet Frenk Riberi. 36-vjeçari u largua nga Bajerni pas 12 vitesh dhe vazhdon të jetë akoma lojtar i lirë. Klop është një fans i madh i francezit dhe ka qenë gati t’i ofrojë një kontratë.

L’Equipe zbulon edhe shkakun e mos arritjes së akordit. Asnjë lojtar nuk është larguar dhe nuk është liruar një vend i lirë për Riberi. Tifozët janë të ndarë sa i përket kësaj mundësie.

Ka nga ata që janë kundër dhe nuk e shohin Liverpulin si një vend “pensionistësh”, ndërsa të tjerë janë entuziastë dhe besojnë ende te kualiteti i Riberi, pavarësisht se 36 vitet mbi supe bëjnë të veten.

Jürgen Klopp was interested in bringing in Franck Ribéry to Liverpool this summer depending on what happened with his squad. But since there has been little movement in the Liverpool attack, no place has been freed up for Ribéry to join. Klopp is a big fan of Ribéry [@lequipe] pic.twitter.com/YU0FNOpN3S

— Bayern & Germany (@iMiaSanMia) July 27, 2019

52-vjeçarit gjerman i përfundon kontrata me Liverpulin në verën e vitit 2022. Drejtuesit e kampionëve të Europës i kanë ofruar rinovimin, sigurisht me rritje rroge, por ai nuk e ka pranuar. Nuk ka nevojë për panik dhe Klop e shpjegon në këtë mënyrë vendimin e tij.

“Nuk arrij ta imagjinoj ditën që nuk do të jem më trajneri i Liverpulit, por nuk ka ndonjë rëndësi të madhe. Nuk dua të gjendem kurrë në një pozitë ku njerëzit ndihen të bezdisur nga fakti që unë jam akoma aty. Kjo është e vërtetë. Në futboll ekziston kjo lloj ndjesie, sepse duhet të jesh gjithmonë në pozita fitoreje. Tani gjithçka po shkon vaj, të shohim sa do të zgjasë.

Kam edhe tre vite kontratë dhe gjithçka po ecën për mrekulli. E adhuroj këtë skuadër. Grupi është i mirë dhe ka moshën e duhur për të bërë gjëra të mëdha. Pronarëve ju pëlqen puna ime dhe mua më pëlqen ajo çfarë po bëjnë ata. Nuk do të largohem para mbarimit të kontratës. Kemi kohë për të marrë një vendim, nuk është momenti ta bëjmë tani“, përfundon Jyrgen Klop nga universiteti i Notre Dame.

Pavarësisht kritikave të shumta, trajneri italian arriti t’i rikthente “Blutë e Londrës” në Champions dhe fitoi Ligën e Europës, duke mbyllur me sukses sezonin. Sarri është ulur tani në stolin e Juventusit, ndërsa diçka nga mënyra e tij e të luajturit ka mbetur në kampionatin anglez.

Liverpuli nuk ka një lojtar me karakteristika të tilla, por Klop ka një ide. I përzgjedhuri i gjermanit për atë rol është Adam Lalana. Dëmtimet nuk e lejuan 31-vjeçarin të ishte protagonist në sezonin e kaluar, por i riu pritet të jetë ndryshe për anglezin.

“Adam është një tip lojtari që mund të luajë në rolin e organizatorit përpara mbrojtjes, në një rol të ngjashëm me Zhorzhinjon te Çelsi. Le të shpresojmë që Sarri të mos i shohë ndeshjet tona, përndryshe do ta bënte një ofertë për Lalanën”, shprehet Klop për “Goal”, duke buzëqeshur.

Kampionati mungon prej vitit 1990 dhe djemtë e Klop do të bëjnë maksimumin për t’ia dalë. Sipas “Le10Sport”, trajneri gjerman po insiston të rikthejë Filip Kutinjon në Anfield. Braziliani u largua nga Liverpuli te Barcelona janarin e vitit 2018, por nuk u përshtat kurrë te kampionët e Spanjës.

27-vjeçari është gati të rikthehet aty ku “shpërtheu”. Barcelona mund ta bëjë Kutinjon pjesë të marrëveshjes së rikthimit të Nejmar në Katalunjë. Nëse nuk ndodh diçka e tillë, Liverpuli do të hidhej në sulm për ta rikthyer përsëri në ekip, aty ku Kutinjo kaloi pesë sezone të bukura.

Legjenda e futbollit gjerman u shpreh për patriotin e tij se është një prej trajnerëve më të mirë në botë dhe e ftoi t’i bashkohej Bajernit të Mynihut.

Përgjigja e 51-vjeçarit, i cili ka një kontratë deri në vitin 2022 me The Reds, ka lënë vend për një mundësi të tillë, por jo tani.

“Unë e pëlqej Franc dhe ai më pëlqen mua, por kam një kontratë të gjatë me Liverpulin. Gjithsesi, si Bajerni dhe Dortmundi kanë trajnerë shumë të mirë. Se çfarë mund të ndodhë pas pesë vitesh apo më shumë, nuk e di”, thekson Jurgen Klop.

Si fillimi Klop tregoi për emocionet e sfidës si dhe mallkimin që më në fund u thye. Më pas, numri një i stolit të Liverpulit u pyet për sa i përket suksesit dhe se kujt ia dedikon. Tekniku menjëherë u përgjigj se e gjitha kjo i dedikohej familjes së tij.

“Mbi të gjitha i dedikohet familjes time. Për shtatë vite me radhë kemi shkuar në pushime me një medalje argjendi. Tani do të shkojmë me medaljen e artë, që duket vërtet e bukur!”

Ekipi i Klop do tentojë të fitojë për herë të gjashtë në histori trofeun më të rëndësishëm për klube, ndërsa Spurs për herë të parë. Trajneri gjerman ka folur për faqen e UEFA-s.

Dy finalet e para i ka humbur dhe kjo është e treta. Në të parën dështoi përballë Bajernit kur ishte në stolin e Dortmundit, ndërsa vjet e mposhti Reali në Kiev. Tani është momenti i së vërtetës, por Klop nuk e nënvlerëson aspak ekipin e Poçetinos, përkundrazi.

“Liverpuli dhe Totenhemi e njohin shumë mirë njëri-tjetrin. Përveç kësaj, është një finale dhe duhet të përgatitemi duke studiuar pikat e forta dhe të dobëta të kundërshtarit. Në këtë aspekt nuk ka asnjë ndryshim me finalet e tjera. Nëse jemi në formë, është e vështirë për t’u përballur me ne, por e njëjta gjë vlen edhe për Totenhemin.

Një fjalë e urtë gjermane thotë: ‘E treta, e vërteta’. Kur isha te Mainci dështova dy herë për të ngjitur ekipin në Bundesligë. Herën e tretë ia dola. Shpresoj që kështu të ndodhë edhe në finalen e Champions Ligës”, përfundon Jurgen Klop.

Finalja e tretë për Jurgen Klop dhe e para për Mauricio Poçetinon. Gjermani i The Reds ka dështuar kundër Bajernit në vitin 2013 (drejtonte Dortmundin) dhe me Real Madridin vitin e kaluar. E trete e vërteta i thonë, por do të ishte shumë e rëndë një tjetër disfatë.

Zhoze Murinjo e di mirë, luan bukur me fjalët dhe shton presionin ndaj Klop. Edhe finalja e Ligës së Europës do të jetë e gjitha angleze. Arsenali do të luajë kundër Çelsit në Baku dhe kjo është diçka fantastike për futbollin ishullor.

KLOP – “Nëse Jurgen fiton, do të ishte një arritje e madhe për të. Ndryshon puna nëse nuk ia del. Të humbësh finalen e tretë të Champions Ligës, do të ishte shumë, shumë e rëndë. Ai është një djalë shumë pozitiv për momentin dhe mendon vetëm për ta fituar trofeun”. shprehet portugezi.

FINALET ANGLEZE – “Është diçka speciale. Do të kemi dy klube angleze fituese të trofeut dhe një finale Superkupe e gjitha angleze. Kur je trajner dhe po përgatitësh për një finale Championsi ka gjithmonë një aspekt negativ, që është mundësia e humbjes së finales,”, përfundon Murinjo.

Sulmuesi tregon dy anët e personalitetit të trajnerit dhe mënyrën e veçantë sesi sillej me të. E vlerëson shumë besimin e tij. “Klop besoi te unë kur isha 17 vjeç. Më vjen për të qeshur kur e shoh sesa i natyrshëm është para mediave angleze. Është aq origjinal dhe thotë çdo gjë që mendon. Por kjo nuk është e gjithë pjesa e personalitetit të tij. Ka një anë tjetër mjaft të egër.”

“Kur isha një adoleshent dhe nuk jepja maksimumin, ai më afrohej dhe bërtiste me gjuhën e tij të rëndë. Pas stërvitjes më merrte menjanë dhe më thonte: ’Mario si je ti? Flasim pak për jetën, çfarë po ndodh?’. Ai dinte gjithmonë si të sillej me mua. Ka një personalitet të veçantë”, u shpreh Gëce për ish-trajnerin e tij.

Kësaj radhe, Klop shpreson që të jetë një histori ndryshe dhe Liverpuli i tij, do të synojë të fitojë Ligën e Kampionëve pas plot 13 vitesh, përballë “komshinjve” të Totenhemit. Një finale e gjitha angleze, për të cilën Klop ndihet shumë optimist: “Në Gjermani, kemi një shprehje: ‘E treta, e vërteta’. Kur isha te Mainc, e humbën ngjitjen në një Kategori më lart, dy herë. Herën e tretë, ia dolëm. Shpresoj që të jem i suksesshëm herën e tretë dhe në Champions League. Gjatë këtyre viteve, kemi eliminuar skuadra të mëdha, jemi me meritë në finale. E dimë ccfarë kemi arritur të gjithë së bashku dhe me të drejtë ndihemi optimistë”, përfundoi strategu gjerman.

Gjermani është një person origjinal dhe i çiltër, i cili thotë gjithmonë atë që mendon. Trajneri i “The Reds” nuk i kursen kritikat ndaj UEFA-s për kalendarin e ngjeshur, iu del në krah tifozëve të Liverpulit e Totenhemit dhe nuk arrin ta kuptojë se pse finalja e Ligës së Europës do të zhvillohet në Baku të Azerbajxhanit.

“Me 1 qershor luajmë finalen e Ligës së Kampioneve, ndërsa me 6 qershor zhvillohet një turne i mrekullueshëm i quajtur Liga e Kombeve. Të gjithë u habitën me mua kur thashë që ky kompeticion nuk është një ide e mirë. Tani, surprizë, dy ekipe angleze janë në finalen e Ligës së Kampioneve.

Kështu po vrasim futbollin. Trajneri i Anglisë nuk ka faj. Të planifikosh një gjë të tillë dhe të surprizohesh nga fakti që 4 skuadra angleze luajnë në finalet europiane… ky është një plan interesant.

Agjencitë e udhëtimit dhe hotelet nuk janë budallenj. Madridi është i shtrenjtë dhe ky është një problem për tifozët, por të paktën finalja nuk do të zhvillohet në anën tjetër të botës.

Zhvillimi i finales së Ligës së Europës në Baku më duket një vendim i çuditshëm. Nuk e kuptoj se çfarë hanë në mëngjes organizatorët kur i marrin këto vendime. Madridi duhet të përgatitet për 200 mijë anglezë. Qytetet e finaleve duhet t’i ulin pak çmimet. Le të kushtojë dhoma 100 sterlina, por jo 2700! Jam gjithmonë në anën e tifozëve“, përfundon trajneri gjerman i Liverpulit.

Gjithashtu për tifozët e të dyja skuadrave janë vendosur në dispozicion vetëm 12 mijë bileta gjithsej. Një numër gati i papërfillshëm për një staduim me 68700 vende. Jurgen Klop ka folur rreth kësaj, duke prekur edhe idenë se tifozët do duhet të fluturojnë 9 mijë kilometra. Ai i etiketon si të papërgjegjshëm zyrtarët e UEFA-s, që kanë marrë vendimin që finalja të luhet në Baku. Klop shprehet se ata duhet të mendojnë edhe këtë pjesë.

“Këta zotërinj që marrin vendime, nuk e di se çfarë ushqimi hanë në mëngjes. Nuk e kam idenë sesi tifozët do të shkojnë atje, është një udhëtim i lodhshëm dhe nuk ka një fluturim të rregullt. Këto vendime duhet të jenë më të më të menduara dhe të arsyeshme. Duket një veprim i papërgjegjshëm, nuk e di si e bëjnë këtë”, u shpreh Klop.

Ndërkohë kryeministrja e krahason momentin e saj më situatën në të cilën Liverpul ndodhej gjatë gjysmë finaleve ndaj Barcelonës, ku më pas triumfoi.

“Ndiej një frymëzim nga fitorja e Liverpul ndaj Barcelonës. Kur të gjithë na thonë se Evropa na ka vënë poshtë dhe duhet të pranojmë humbjen, unë mendoj se në të vërtetë në mund të triumfojmë nëse shkojmë të gjithë së bashku, si djemtë e Klopit mbrëmë”, u shpreh Tereza Mei.

Kështu jo vetëm breza futbollistësh do të frymëzohen nga ajo çka bëri Klop me djemtë e tij, por edhe politika tenton të kopjojë besimin, këmbënguljen, bashkëpunimin dhe vendosmërinë, që ata treguaan në fushë. Dhe ajo që e shton madhështinë e tyre është se e arritën këtë ndaj një superfuqie si Barcelona e Leo Mesit. Me siguri kryeministres angleze do i bënin mjaft mirë disa leksione nga një profesor si Jyrgen Klop.

Dy zëvendësimet e trajnerit Klop ishin “arkitektët” e golit të fitores. Xherdan Shaqiri ishte njeriu asist, i cili me krosimin e tij gjeti Origin, që u tregua i saktë me kokë, duke i dhënë fitoren të tijve. Pas ndeshjes, Klop ka folur pikërisht në lidhje me këta dy lojtarë.

“Mund të më thoni çfarë të dëshironi për ata dy lojtarë. Nuk i kam aktivizuar shpesh. Shaqirin jo shpeshherë. E kam marrë këtë vendim, ndoshta të gabuar. Është e mrekullueshme që ata të dy arritën ta bënin këtë. Ishte më të vërtetë një moment i madh”, përfundoi gjermani.

Diçka e tillë e argëton dhe Nik nuk përton ta mbajë lojën kur dikush i kërkon të bëjë një foto me të apo t’i dhurojë ndonjë autograf. E shtuna është dita më e bukur e javës. Baristi vishet si trajneri gjerman dhe të gjithë surprizohen kur e shohin.

“Më pëlqen të jem njeri i famshëm. Kam punuar si korrier për 5 vite dhe shumë njerëz ma vinin në pah ngjashmërinë me Klopin. Tani zbavitem nga ky krahasim. Unë jam vetëm një barist, ndërsa njerëzit më ndalojnë në rrugë për fotografi ose autografe. Diçka e tillë më pëlqen shumë. E shtuna? Vesh uniformën e trajnerit dhe bëj shaka me klientët dhe tifozët”, përfundon sozia e trajnerit të “The Reds”.

Trajneri që riktheu titullin te Siti pas shumë vitesh, sot në krye të stolit të kombëtares italiane, ka dhënë një koment pikant për Jyrgen Klop. Trajneri gjerman është ndër më të mirët në botë, futbolli i tij është plot pasion dhe emocione, por trofetë nuk mungojnë.

Klop ka dërguar tre herë Liverpulin në finale, duke i humbur të treja, ndërsa ky është sezoni i katërt në krye të legjendës angleze. “Ne i ekzagjerojmë shumë gjërat në Itali. Klop rrezikon të mbyllë vitin e katërt pa trofe, por ky sezon ka qenë fantastik për Liverpulin. Megjithatë, në Itali është ndryshe dhe nuk duron kush kaq gjatë. Këtu do e vrisnin, por të kalonte 4 sezone pa fituar trofe”, përfundon Roberto Mançini.

OFFICIAL: Liverpool have confirmed Naby Keita will be out for two months and will miss the African Cup of Nations after suffering an adductor injury in Wednesday’s defeat against Barcelona. pic.twitter.com/56jpc2aME9

— Squawka News (@SquawkaNews) May 3, 2019

Gjithashtu, një lajm tronditës ky edhe për kombëtaren e Guineas, që humbet lojtarin më të rëndësishëm për Kupën e Afrikës, e cila do të nisë në fundin e muajit të ardhshëm.

Reagime të shumta ka pasur mbi këtë çështje, sa që së fundmi, Bazeli ka bërë një postim që e ka shtuar akoma më shumë gallatën dhe humorin në lidhje me Jurgen Klop. Klubi i famshëm zviceran e ka refuzuar publikisht gjermanin, duke thënë se janë të nderuar që ai do të vijë në Zvicër, por që theksojnë që janë të lumtur me trajnerin aktual.

“Jemi të nderuar që Klop është i interesuar për të vijuar karrierën e tij në Zvicër dhe që shumë persona i kanë sygjeruar klubin tonë për punën e tij të ardhshme. Gjithsesi, ne jemi të lumtur me trajnerin aktual”, përfundonte postimi i Bazelit.

We feel honoured that Mr. Klopp seems to be interested in continuing his career in Switzerland – and that so many of you have suggested FC Basel as his next employer – but we’re very happy with our current manager #FCBasel1893 #zämmestark ? https://t.co/NQssg39g35

— FC Basel 1893 ?? (@FC_Basel_en) May 2, 2019

Lidhur me këtë deklaratë ka reaguar një ndër ikonat e Liverpulit, ish-kapiteni Xhejmi Karrager. Ky i fundit është shfaqur i revoltuar për atë që Klop kishte thënë, duke u shprehur se Kutinjo e Suarez nuk mund të quhen kurrësesi legjenda të klubit nga “Anfield”.
“Klop bëri një gabim të madh duke cilësuar si legjenda të Liverpulit Kutinjon dhe Suarezin. Ata nuk janë. Liverpuli ka shumë lojtarë që kanë fituar tituj e medalje të shumta. Për të marrë statusin e legjendës duhet të bësh shumë më shumë. Kontributi që ata kanë dhënë nuk vihet në dyshim, por nuk mund të quhen legjenda.”

Braziliani ishte në dyshim për takimin e sotëm dhe fillimisht ishte thënë se do të ishte i gatshëm, por sipas raportimeve të fundit duket se për sulmuesin janë shuar shpresat, të paktën për ta nisur ndeshjen si titullar.

Firmino do të provojë të paktën të jetë i gatshëm në stol, në mënyrë që mund të futet në fushë për të ndihmuar ekipin e tij, por edhe kjo gjë vështirë se mund të ndodhë. Dëmtimi muskular ende nuk është rikuperuar dhe Klop do t’i duhet të bëjë pa një lojtar shumë të rëndësishëm mbrëmjen e sotme.

Gjermani deklaroi se Camp Nou nuk është një tempull futbolli, por thjesht një stadium. Lidhur me këto fjalë, ditën e sotme ka reaguar klubi katalanas, i cili me një postim në llogarinë zyrtare në “Twitter” kanë shkruar:

This is Camp Nou?
Our home. Our temple. Our fortress.??
?#BarçaLFC
??#WeColorFootball pic.twitter.com/UnmX7GSK80

— FC Barcelona (@FCBarcelona) April 30, 2019

“Ky është Camp Nou. Shtëpia jonë. Tempulli ynë. Fortesa jonë.” Qartazi një përgjigje për deklaratat e Jurgen Klop. Sfida ka nisur të luhet që jashtë fushe, nesër fjalën e marrin lojtarët.

Sipas trajnerit gjerman, një përballje e tij do të vinte herët apo vonë dhe shpreson që ekipi i tij të paraqitet sa më mirë. Gjithashtu, Klop shton se e di që Liverpuli nuk do të jetë favorit në Spanjë, por që do të jetë një ndeshje fantastike.

“Camp Nou është thjesht një stadium. Është tmerrësisht i madh, por nuk është tempull futbolli. Përballja me Barcelonën do të vinte herët a vonë. Sheh ekipet e tjera që vuajnë në Camp Nou dhe tani e provojmë ne. Natyrisht, ne shpresojmë të luajmë mirë, edhe pse e dimë mirë që nuk jemi favoritë. Do jetë një ndeshje fantastike për gjithë tifozët”.

Lidhur me garën për titullin kampion, së fundmi ka folur edhe trajneri i “The Reds”. Jurgen Klop ka deklaruar se një rezultat të tillë e priste në derbi dhe se tani ekipi i tij duhet të fitojë të paktën dy ndeshjet e ardhshme, që titulli të vendoset në javën e fundit.

“Ishte rezultati që prisja. Junajtid u përpoq me sa mundësi kishte, sidomos në pjesën e parë, por ata nuk mund ta përballojnë Sitin për 95 minuta. Tani jemi një pikë larg tyre dhe e dimë që na duhet të fitojmë dy ndeshjet e ardhshme, që gjithçka do të vendoset në javën e fundit”, përfundoi Jurgen Klop.

Në kuadër të takimit, ka folur Jurgen Klop. Trajneri i Liverpulit ka thënë një frazë që ka bërë bujë të madhe, teksa ironizon formën e Mançester Junajtid, duke thënë se nuk pret asgjë nga “djajtë e kuq”.

“Derbi i Mançesterit është një ndeshje që nuk kemi gjë në dorë dhe me sa po shoh edhe Junajtid nuk ka gjë në dorë. Sa ishte rezultati ndaj Evertonit, 3-0 apo 4-0?”

Safe to say Jurgen Klopp isn’t expecting any help from Manchester United! ? pic.twitter.com/nSw2rOf6Qp

— Goal (@goal) April 22, 2019

Ndoshta me këto fjalë, gjermani shpreson që edhe të zgjojë inatin e lojtarëve të Junajtid.

Në daljen për shtyp për takimin e nesërm, trajneri Jyrgen Klop u pyet në lidhje me humbjen e pësuar në vitin 2014, kur në drejtim të Çelsit ishte Zhoze Murinjo, ndeshja kjo që i dha fund garës për titull në atë sezon.

HUMBJA E 2014-ës – “Nuk është e rëndësishme që të bisedojmë për të shkuarën. Ka kaluar shumë kohë, gjithçka ka ndryshuar. Kemi plot arsye për të qenë optimist para kësaj sfide. Djemtë kanë bërë shumë deri tani. Jemi ende në luftë për titullin dhe kjo është një gjë brilante”.

HAZARD – “Më duhet të hedh në fushë 13 lojtarë kësaj radhe, dhe dy prej tyre do të merren vetëm me Hazardin. Duhet të mos ta lëmë të shkëlqejë. Na duhet të lexojmë lojën, pasimet etj. Në situata një kundër një, nuk mund ta mbrosh atë. Në ditën e tij ai mund të jetë lojtari më i mirë në botë. Ka pasur një karrierë brilante deri më tani dhe s’ka mbaruar ende. Më pëlqen kënaqësia që ka në lojë, shpejtësia forca”, tha Klop.

“Jam i lumtur. Na pret një ndeshje intensive në Portugali me siguri. Shënuam dy gola të bukur dhe kontrolluam lojën. Luajtëm mirë edhe pse në pjesën e dytë e ulëm ritmin. Është një rezultat fantastik.”

“E dinim se do të na duhej ta luanim dhe ndeshjen e dytë. Na duhet të përgatitemi dhe të luftojmë përsëri, më pas të shohim se çfarë do të ndodhë. Porto do të përpiqet me 100% e saj, ndaj na duhet të jemi gati dhe jam i sigurt që jemi gati.”

“Henderson ishte fantastik sonte. Goli i dytë ishte një gol klasi. Tani na duhet të luajmë ndaj Çelsit në fundjavë dhe më pas përsëri ndaj Portos.”

“Kam një kontratë me Liverpulin deri në vitin 2022. Askush këtu nuk e ndjen se duhet që bashkëpunimi ynë të marrë fund. As unë, as drejtuesit. Nuk e di deri kur do të qëndroj këtu. Është një rrugë e gjatë përpara. Në thelb, futbolli është i tillë: mundësia duhet të jetë shumë e mirë dhe zgjedhja të bëhet në momentin e duhur”, tha mes të tjerash Klop për “Die Welt”.

Ai e plotësoi mendimin e tij duke shtuar: “Ndjehem krejtësisht i lumtur këtu dhe nuk e ndjej ta kem përfunduar misionin tim. Ekipi ynë ka një moshë mesatare të mirë dhe në mund të punojmë së bashku për një kohë të gjatë”.

“Isha i qetë pas golit të fitores, sepse ishte surprizë e gjithë situata. Pash vetëm goditjen me kokë dhe asgjë tjetër. Nuk e kisha idenë se si topi hyri brenda në portë.”

“Në pjesën e parë patëm shumë raste dhe shënuam një gol të bukur. Pjesën e dytë luajtëm shumë të paqartë dhe nuk u përshtatëm mirë. Pas golit të Totenhem, nisëm të luanim përsëri. Krijuam raste dhe shënuam. Po rivalizojmë ekipin më të fortë në Botë, Mançester Sitin dhe sot luanim  ndaj një ndër më të mirëve në Botë, Totenhemit.”

“E kam thënë dhe më parë, ka 500 mënyra për të fituar një ndeshje futbolli dhe sot ishte shumë e hidhur si fitore. Gjithsesi, kujt i intereson? Jam i lumtur.”

Gjithashtu, për “Sky Sport” ka folur edhe një ndër lojtarët kyç të të kuqve, pikërisht Virxhil Van Dijk, i cili u shpreh: “Ishte një ndeshje e vështirë, ndaj një ekipi mjaft të fortë. E rëndësishme është që morëm tri pikët. Kur vijnë këto momente, asnjëherë nuk dorëzohemi. Për sa i përket titullit, do të provojmë të fitojmë çdo ndeshje deri në fund dhe të shohim”, përfundoi holandezi.

Në Champions Liverpulin e presin dy ndeshje me Porton për një vend në gjysmëfinale. Djemtë e Klopit eliminuan Bajernin e Mynihut dhe duan t’i shkojnë deri në fund këtij kompeticioni.

Trajneri gjerman është ndër më të mirët në botë, por ai është gjithnjë modest. Klop ka folur për “The Guardian”, duke theksuar faktin që klubi nuk do të shpenzojë në verën e ardhshme. Liverpuli nuk u kursye në verën e kaluar dhe ofroi në ekip emra si: Van Dijk, Alison, Shaqiri, Keita dhe Fabinjo.

Klop analizon ekipin e tij dhe atë që pret nga ta. Në fund vetja e tij dhe gjykimet e njerëzve. Tifozët të mbajnë mend kur fiton, por gjermani shpjegon filozofinë e tij dhe çfarë i nevojitet për të qenë i lumtur.

MERKATO – “Nuk dua të them se çfarë do të bëjmë saktësisht, por nuk besoj se ky ekip ka nevojë për momentin për të shpenzuar shumë para. Mënyra më e mirë është mbledhja e një grupi lojtarësh, zhvillimi dhe rritja e tyre e përbashkët dhe qëndrimi për një farë kohe së bashku. Ndoshta ky ka qenë problemi kryesor i Liverpulit në dekadën e kaluar. Ata krijonin ekip të mirë, por lojtarët largoheshin në fund të sezonit. Është e sigurt që kjo gjë nuk do të ndodhë këtë vit.”

EKIPI – “Rritja e Liverpulit është e ndjeshme dhe po hedhim hapa pozitivë. Duhet të fillojmë ta shohim veten, ashtu siç na shohin ekipet e tjera. Kurrë nuk e kisha parë Bajernin të luante në mbrojtje si ndaj nesh. E njëjta gjë ndodhi edhe me Mançester Sitin, kur erdhi në fushën tonë. Ata kanë shumë respekt për ne, ndërsa unë nuk jam i bindur nëse kemi po kaq respekt për veten tonë. Sigurisht që do të vijë në rritje, hap pas hapi. Ja pse isha shumë i lumtur pas fitores me Bajernin. Ne mund të përmirësohemi akoma, uroj vetëm që të jemi bashkë dhe të mos pësojmë dëmtime.”

LAVDIA PERSONALE – “Ju nuk e imagjinoni dot se sa pak më intereson diçka e tillë. Nuk mendoj kurrë për veten, por vetëm për të ndihmuar ekipin që të arrijë suksese. Nuk po tentoj që të mbahem mend për 50 vite. Kjo nuk është presion për mua, por një mundësi. Unë e dashuroj punën time, mendoj se kam një skuadër fantastike dhe kaq më mjafton për të qenë një person i lumtur. Nuk më intereson gjykimi i njerëzve. Zoti do të më gjykojë një ditë dhe kjo është e vetmja gjë që më intereson.”

Sadio Mane (dygolësh) dhe Virxhil Van Dijk ishin autorët e golave për “The Reds”, Liverpuli u mposht vitin e kaluar në finalen e Kievit nga Reali i Madridit dhe sivjet do të kërkojë fitimin e trofeut. Trajneri gjerman komenton shortin që do të hidhet të premten (nesër) në orën 12:00, duke zbuluar emrat e tre ekipeve që nuk i dëshiron përballë.

“Sigurisht që dua të shmang tre ekipet angleze, por do të pranojmë çdo ekip që na bie. Skuadra ime e adhuron këtë kompeticion dhe duam t’i shkojmë deri në fund”, thekson trajneri Klop.

Gjithsesi, ajo që ra në sy në këtë ndeshje ishte momenti i zëvendësimit të kapitenit Xhordan Henderson, i cili i la vendin Xherdan Shaqirit. Në momentin që u zëvendësua, mesfushori anglez, nuk i dha dorën trajnerit të tij, por u largua menjëherë drejt stolit.

Trajnerët e tjerë me shumë mundësi do ta linin dhe do ta diskutonin më vonë si çështje, por jo Jurgen Klop! Gjermani ka shkuar menjëherë të flasë me lojtarin e tij dhe i ka dhënë dorën, madje dhe duke e qortuar. Tjetër gjest i veçantë nga “i pazakonti” Jurgen Klop.

Great example of how much Jurgen Klopp cares about team culture. Club captain walks by him without shaking his hand when subbed

Easy thing to do-allow him sit down+fine him later.He confronts him straight away so that it isn’t seen as “acceptable”

Brillant by Klopp
?#culture pic.twitter.com/70DAcum0rV

— J.J.Claffey ? P.R.I.D.E Psychology ? (@JamesJClaffey) February 24, 2019

“Ishte një ndeshje e çuditshme. E nisëm me të vërtetë mirë. Më pas, të gjithë dëmtimet e pësuara e ulën ndjeshëm ritmin. Dëmtimi i Firminos ishte katastrofë për ne. Mançesteri luajti me një mesfushë komplet të re. E humbëm ritmin dhe nuk arritëm të riktheheshim në lojë. Ishte një ndeshje pa raste.

Në një kohë kur Mançester është një skuadër që mund të mundet, ne nuk arritëm ta mundnim. Nuk ishim mirë dhe fituam një pikë. Kemi një pikë më shumë dhe të mërkurën luajmë ndeshjen e ardhshme. Duhet të fokusohemi tek ajo ndeshje tani.”

Ndërkohë “SunSport” raporton se Klop ka pasur një debat me arbitrin e ndeshjes, Kevin Friend. Trajneri i të kuqve i është afruar arbitrit dhe i ka kërkuar llogari për gjykimin në fraksionin e dytë të lojës. Ai i ka kërkuar gjermanit të largohet dhe të mos flasë me të.

“Unë nuk mund të flas me ju?!”, ishin fjalët e Klop,  të cilit gjyqtari i takimit iu përgjigj. “Jo tani dhe jo këtu”, raporton “The Sun”. Më pas gjermani e ka etiketuar Friend si arrogant, por e gjitha çka ka ndodhur pas ndeshjes nuk është mbajtur shënim nga arbitri.

Gjithsesi komentet e bëra nga Klop pas ndeshjes pritet të sjellin minimalisht një gjobë të majme për teknikun e Liverpulit. Nuk përjashtohet mundësia edhe për ndonjë pezullim të mundshëm të ish-trajnerit të Dortmundit, por vetëm me një ndeshje.

ÇFARË THA KLOP – “Shënuam në pjesën e parë, tani më thonë që goli paska qenë ‘off-side’. Kjo shpjegon paksa pjesën e dytë, sepse mendoj se arbitri u informua në pushimin e ndeshjes. Më pas pamë situata të çuditshme. Arbitri nuk bëri gabime të mëdha, por e ndalte shpesh ndeshjen dhe ia ulte ritmin. Kjo gjë natyrisht nuk na ndihmoi. Nëse dikush gabon në pjesën e parë, nuk duhet ta zgjerojë hendekun, duke gabuar sërish në pjesën e dytë””, tha gjermani për “Sky Sports” pas takimit me Uest Hemin.

Goli i Liverpulit nisi nga një pozicion jashtë loje, ndërsa në minutat shtesë Origi humbi një rast të pastër, me sulmuesin që ishte në pozicion të parregullt.

Trajnerët Manuel Pelegrini dhe Jurgen Klop shkëmbyen disa fjalë me njëri-tjetrin në fund të ndeshjes. Gjermani i “The Reds” pranoi pas ndeshjes se goli i Mane duhej anuluar, por akuzoi arbitrin për favorizim të ekipit vendas.

Pelegrini ka replikuar me trajnerin e Liverpulit, duke e akuzuar këtë të fundit. Kiliani i kujton Klopit dhe episodin e ndodhur në çerekfinalen e kthimit të Champions Ligës. Ishte 9 prilli i vitit 2013 dhe Dortmundi shënonte dy gola në shtesë për të kaluar më tej.

“Mbrëmë nuk e humbëm ndeshjen, sepse Origi gaboi një rast, ku ishte më shumë se gjysmë metër pozicion jashtë loje. Klop është mësuar të fitojë me gola offside. Më ka ndodhur dhe më parë një situatë e tillë. Ai drejtonte Dortmundin dhe unë Malagën. Ata na eliminuan me një gol 7 metra pozicion jashtë loje, kështu që nuk mund të ankohet për gjykimin“, përfundon Pelegrini.

Gjermani është shpirti i Liverpulit dhe Van Dijk rrëfen për “The Mirror”, bisedën e parë më trajnerin e ri dhe sekretin e harmonisë dhe lumturisë te Liverpuli. Trajneri është i veçantë, stërvitjet janë sfilitëse, shpeshherë tregohet dhe i ashpër me kritikat përpara të gjithëve, por e gjitha kjo po jep frytet e saj.

KLOP – “E mbaj mend mirë bisedën me Klop sapo erdha te Liverpuli. Klubi pagoi shumë për kartonin tim, por trajneri më qetësoi. ‘Të gjitha gjërat e mira kushtojnë’, më tha Klop. Unë mendoj se ai është unik dhe nuk është thjeshtë një trajner. Ai menaxhon gjithçka dhe është një nga shkaqet pse zgjodha Liverpulin. Vjen gjithmonë në stërvitje duke buzëqeshur dhe është i lumtur kur të sheh. Mjafton të shohësh përqafimet që të jep gjithmonë para dhe pas ndeshjes. Kjo gjë të bën të ndihesh shkëlqyeshëm.”

STILI I PUNËS – “Nëse dikush bën gabime, ai di të tregohet dhe i ashpër. Ta thotë gjithçka në sy në publik përpara të gjithëve. Kjo është diçka e rëndë, por në të njëjtën kohë e pranojmë, sepse ka të drejtë. Mendoj se jam përmirësuar shumë falë tij. Gjithçka që flitet për të është e vërtetë. Klop të bën të punosh shumë. Gjatë fazës përgatitore dëgjon vetëm një fjalë nga goja e tij: ‘vrapo, vrapo, vrapo pa pushim’. Diçka klasike për një gjerman. Kur mendon se ka mbaruar gjithçka, ai të kërkon dhe më shumë. Dëshiron shpejtësi dhe intensitet. Në fillim e kisha të vështirë, por tani e kuptoj se ajo gjë më ka ndihmuar. Ajo punë e vështirë më ka përmirësuar, jo vetëm mua, por të gjithë lojtarët. Gjëja më e bukur e Liverpulit është që në çdo ndeshje vijnë të gjithë legjendat e klubit për të na ndjekur, madje Keni Daglish më dhuroi numrin e tij kur erdha këtu.”

Objektivi i “The Reds”, duket të jetë mesfushori i talentuar i Shalke 04, Ueston MekKeni. Amerikani po bën një sezon fantastik me blutë nga Gelsenkirsheni, ku ka spikatur jo pak, madje ka gjetur rrugën e golit dy herë. Për mesfushorin thuhet që Liverpuli ka bërë gati 20 milionë sterlina.
Gjithsesi, në rast të një refuzimi nga ana e ekipit gjerman, ekipi i kuq duket se do të tentojë të arrijë marrëveshjen për sezonin e ardhshëm, duke i ofruar lojtarit amerikan një parakontratë. 20-vjeçari është rritur me moshat e Shalke 04, ndërsa prej dy sezonesh aktivizohet me ekipin e parë.

Skocezi, i cili bëri dhe një paraqitje të shkëlqyer ndaj kombëtares sonë në “Loro Boriçi”, duke shënuar një dopietë, duket se është preferenca kryesore e trajnerit gjerman të “The Reds”. 27-vjeçari është aktivizuar në të gjithë karrierën e tij me Sëlltikun dhe ka një kontratë të vlefshme deri në vitin 2022.
Drejtuesit nga “Anfield”, pritet që të bëjnë një ofertë në drejtim të ekipit skocez, por gjasat më të mëdha janë që, Forrest të vishet i kuq për sezonin e ardhshëm. Kartoni i mesfushorit vlerësohet të paktën 8 milionë sterlina, që nuk pritet të jenë problem për Liverpulin, duke parë që është një kërkesë e numrit një të pankinës.

Në fund të ndeshjes pati momente tensioni midis mbrojtësit Sokratis të “topçinjve” dhe sulmuesit Salah. Greku akuzonte egjiptianin për simulim në penalltinë e golit të pestë për vendasit, ndërsa holandezi Van Dijk ndërhyri në mbrojtje të shokut të tij të skuadrës.

“E pashë Sokratis t’i shkonte Salahut në mënyrë të ashpër. E akuzonte se kishte simuluar dhe i thoshte se duhet t’i jepte fund rrëzimeve në tokë. Natyrisht që të gjithë shkuam për të mbrojtur shokun tonë. Dukej sikur po ‘luftonim’ dhe po ziheshim, por nuk ishte kështu. Unë i mbroj shokët e mi gjithmonë dhe kështu duhet të sillet çdokush brenda një grupi”, komenton Virxhil Van Dijk.

Mendimin e tij e ka shprehur dhe Jurgen Klop, i cili insiston se Salah nuk ka simuluar dhe ky koncept nuk ekziston në ekipin e tij. Penallti është gjithmonë kur arbitri e jep të tillë dhe trajneri e mbyll komentin e tij me faktin që “The Reds” kanë një bilanc negativ në vitet e fundit sa i përket penalltive të fituara.

“Nuk mendoj se është e nevojshme të shohim gjak në fushë për të akorduar një penallti dhe për të thënë që ishte penallti. Kontakt kishte, Salah nuk është një lojtar që simulon dhe as ne nuk jemi. Arbitri vendosi për penallti, kështu që ishte. Në tre vite e gjysmë kemi patur më shumë penallti të pa dhëna sesa të dhëna”, sqaron trajneri gjerman i Liverpulit.