Klop ka arritur të grumbullojë 183 vota, kundrejt 139 të Funkel. Një çmim më se i pritshëm ky për strategun e Liverpulit, që me skuadrën e tij arriti të fitojë Champions League dhe të jetë vetëm 1 pikë larg sezonit perfekt, për të fituar dopietën. Kjo është hera e tretë që Klop e merr këtë çmim pas viteve 2011 dhe 2012.

“Nuk mund të them asgjë rreth asaj që ekipet e tjera po bëjnë. Nuk e di se si e arrijnë këtë. Ne duhet të paguajmë faturat, na vjen keq. Të gjithë duhet ta bëjnë këtë. Kemi investuar mjaft para në këtë ekip. Ne si klub nuk jemi në këtë vend imagjinar ku mund të marrësh gjithçka që do.”

“Nuk mund ta bësh vazhdimisht. Duket sikur ka katër klube në botë që mund ta bëjnë vazhdimisht. Real Madridi, Barcelona, Siti dhe PSG. Çfarëdo që ata kanë nevojë, e marrin. Kjo nuk është një kritikë. E di se si njerëzit do e marrin si të tillë. Do kujtojnë se jam xheloz, por nuk jam aspak i tillë”, përfundoi strategu.

Sezonin e shkuar serbi regjistron 20 ndeshje si titullar, duke shënuar 5 gola dhë 1 asist. Shifra mjaft të mira këto, duke parë se Grujiç është mesfushor difensiv. Një lojtar i kompletuar që nuk ndalon së vrapuari dhe ka një goditje “vrastare”.
Duke parë moshën e Xhejms Milner, i riu shumë shpejt mund të kthehet nën urdhërat e Klop. Në një intervistë Grujiç shprehet se ka biseduar me Klop dhe trajneri ja ka bërë gjërat të qarta. Gjermani i është shprehur se nëse luan rregullisht me Hertën, sezonin e ardhshëm do të kthehet në “Anfield”.

“Isha në Liverpul për disa teste mjekësore. U ulëm dhe biseduam me Klop për mua. Kontrata më Liverpul është deri në vitin 2023. Të dy ramë dakord në ato që u thanë. Arrita të bëj mirë në Berlin, por lëndimet më ngadalësuan mjaft. Trajneri tha se është mirë për mua të qëndroj në Bundesligë edhe një sezon tjetër. Kur shoh ndeshje të mëdha të Liverpulit, gjithmonë e kuptoj që i përkas një klubi të madh dhe dua të luaj atje. Nëse bëj 34 ndeshje të mira me Hertën, shanci për të ardhur në ‘Anfield’ është i madh”, u shpreh Grujiç.

Starrixh nuk ka arritur të mundë konkurencën e Firminjos dhe Divok Orixhi. Ndërkohë, Moreno ka ngelur në hije nga shkëlqimi i Robertson. Të dyve u skadon kontrata këtë verë dhe do të largohen si lojtarë të lirë. Edhe Klop ka folur për largimin e dy prej lojtarëve, që kanë kontribuar shumë në ringritjen e Liverpulit.

“Daniel dhe Alberto janë lojtarë që unë i gjeta këtu. Kontributi i tyre në këtë ekip është i madh dhe i pamohueshëm. Moreno është një lojtar që jep shpirtin në fushë dhe rrezaton vetëm pozitivitet. Starrixh mund të konsiderohet si një prej të mëdhenjve të këtij klubi. Ai ka shënuar gola që e kanë mbajtur gjallë këtë klub”, u shpreh Klop.

Gjithsesi, gjermani njihet për personalitetin e drejtpërdrejtë dhe përgjigjet epike që jep. Strategu i liverpul përgënjeshtron gjithçka dhe nuk i lë mediet të fantazojnë shumë. Ai shprehet se të gjitha ato që thuhen në media rreth kësaj janë broçkulla. I pëlqen mjaft Serie A, por nuk ka në plan ta lërë Liverpulin.

“Sigurisht Serie A është një kampionat që më pëlqen. Por të gjitha ato që thuhen rreth Juventusit janë broçkulla. Nuk ka asgjë të vërtetë në ato që shkruhen. Nuk do e lë Liverpulin. E njoh kampionatin italian. E ndjek dhe më pëlqen, por do të qëndroj në Liverpul”, tha prerë 51-vjeçari.

Megjithatë Klop pretendon se vendimi i tij për të mos e diskutuar blerjen e Ramos nuk ka lidhje me incidentin e finales së vjetshme.

“Ka 0.0% shance që Serxho Ramos të luajë për Liverpulin. Nuk ka asnjë lidhje me atë çka ndoshi në Kiev sezonin e shkuar. Edhe sikur ne ta kishim fituar Championsin dhe Ramos të kishte shtrënguar duart me të gjithë lojtarët tanë, ne nuk do të interesoheshim për të. Ai thjesht nuk është profili i lojtarit, që unë kërkoj”, u shpreh Klop.

32-vjeçari më parë ka luajtur me klube si Totenhem, Milan, Shalke, Ajntraht Frankfurt apo Borusia Dortmund. Me verdhezinjtë ai është aktivizuar në kohën kur në krye ishte Jurgen Klop, me të cilin do të takohet nesër në “Camp Nou” në gjysmëfinalen e parë të Champions Ligës.

Gjatë intervistës, Boateng tregoi pengun më të madh në karrierë. Ai u shpreh se e kuptoi shumë vonë se është themelore të jesh me këmbë në tokë për të marrë vendimet e duhura. Nëse do e bëntë këtë do të luante 10 vite rresht me një klub të madh. Me sa e njeh Klopin shprehet se ai e di mirë atë çka duhet të bëjë që lojtarët të japin maksimumin për të. Lojtari më i mirë është Zlatan Ibrahimoviç. E admiron ambicien e tij.

GABIMI- Të kesh mendjen e duhur në futboll është thelbësore. Kur isha 18 vjeç do të kisha dashur një agjent apo të afërm, që të më udhëhiqte në vendimet e mia. Do të më ndihmonte të kuptoja gabimet. Është keqardhja ime më e madhe. Po të kisha marrë vendimet e duhura do të kisha qenë një lojtar që kisha luajtur 10 vite rresht me një klub të madh si Reali, Barcelona apo Junajtid.”

JURGEN KLOP- “Ai e di mirë se çfarë duhet të bëjë që lojtarët të jenë gati ‘të vdesin’ për të. E bënte në Dortmund dhe tani po bën të njëjtën gjë në Liverpool. Me Klopin të gjithë lojtarët e ekipit të ndihen të rëndësishëm.”

IBRAHIMOVIÇ- “Me të ndihesha menjëherë i qetë. Ibra është një udhëheqës. Kurrë nuk kam takuar një person më ambicioz se ai. Nëse humbiste në stërvitje, ai nuk të fliste me gojë për katër ditë”, përfundoi sulmuesi i Barcelonës.

Ku ka lindur Jyrgen Klop?

Kam lindur në një fshat të vogël të quajtur Glaten në veri të Pyllit të Zi. Kur linda unë qyteti kishte 1200 banorë. Kam kaluar një fëmijëri të mrekullueshme. Rinia ishte disi e mërzitshme, por fëmijëria ishte brilante”.

A është Jyrgen Klop i zemëruar ?

Shumë rrallë. Nuk më ndodh shpesh, megjithëse e di që dukem sikur jam shpesh i zemëruar gjatë ndeshjeve. Nuk më zgjat shumë. Fëtyra ime duket e tillë dhe kjo i ngatërron njerëzit.

Sa gjuhë flet Jyrgen Klop ?

Mund të flas dy gjuhë e gjysmë. Flas rrjedhshëm gjermanisht e anglisht, ndërsa mund të kuptoj frëngjisht ose të bëj biseda të thjeshta, siç kam bërë këtë vit me Nabi Keita, i cili në fillim nuk dinte mirë anglisht. Megjithatë jam shumë i zoti përsa i përket dialekteve gjermane. Do doja të flisja më shumë gjuhë, por nuk kam kohë. Dejan Lovren flet shumë gjuhë. Ai flet rrjedhshëm kroacisht, anglisht, gjermanisht, di dhe pak spanjisht e portugalisht. E shikoj në stërvitje i ndërron gjuhën shpesh në varësi të personit me të cilin po flet.

Cili është ushqimi i preferuar i Jyrgen Klop?

Kesshpecle! Është një gatim lokal në Gjermani, Austri dhe Zvicër. “Kese” në gjermanisht i thonë djathit,  ndërsa Shpecle është një lloj paste e trashë. Mamaja ime e gatuante shumë mirë. Në moshën 19-vjeçare fillova të moj jetoj më me prindërit dhe sa herë rikthehesha mamaja ime  ma përgatiste gjithmonë.

Kush do ta aktor do ta luante Jyrgen Klopin në një film?

Do preferoja Bred Pitin. Është më i pashëm se unë, por në filma gjithmonë zbukurohen njerëzit. Do të doja ta takoja një ditë. Gruaja ime e pëlqen shumë gjithashtu. Gjithsesi shpresoj që mos të ketë kurrë një film.

A luan Jyrgen Klop “Fortnite” ?

Jo kurrë. Nuk më pëlqejnë këto lojëra. Brezi im luante tenis në “atari”. Nuk ishte diçka shumë interesante, nuk e luaje dot për shumë kohë. Djemtë e mi kur ishin të vegjël luanin “Mario Cart”.

A përdor Jyrgen Klop rrjete sociale?

Jo! E di që ka disa llogari nën emrin tim, por ata nuk janë të mijat. Nuk e kam kuptuar kurrë se përse njerëzit postojnë foto të mëngjesit të tyre ose gjëra të tilla. Unë nuk jam i interesuar për jetën private të njerëzëve të tjerë dhe njerëzit s’duhet të interesohen për jetën private time.

Çfarë makine nget Jyrgen Klop?

Opel Insignia me motor nafte. Kam nënshkruar një marrëveshje me Opelin. Është një makinë shumë e lezetshme. Në Angli njihet me emrin “Vauxhall”.

Cili është filmi i preferuar i Jyrgen Klop?

“Forrest Gump” ! Pa asnjë pikë dyshimi. Është histori, është art, nuk e di çfarë të them. Tom Hanks në më të mirën e tij. Mu deshën 10 vite që të mos ta mendoja për të vetëm si Forrest Gump derisa e pashë në një film tjetër. Filma të tjerë të preferuar janë seritë e Rokit. Kur doli për herë të parë “Rocky” në vitet 80-të të gjithë ishim duke menduar për gjëra të mëdha në jetë, por nuk ishin dhe aq të aftë. Më pas doli “Rocky” që ishte një person me aftësi ose fillim të mirë, por më pas gjithçka ecën mirë për të. I dha një brezi të tërë shpresmë pas gjithçka ecën mirë për të. I dha një brezi të tërë shpresë. Pra Forrest Gump është numër 1 më pas “Rocky”, por edhe filma të tjerë aksion si “Bourne Identity” ose seritë e “James Bond”, madje kam takuar njërin prej aktorëve, Daniel Craig, i cili është tifoz i Liverpulit.

Si e ka transformuar Jyrgen Klop Liverpulin?

Njerëzit e kërkojnë këtë në “Google”?! Do doja të shikoja përgjigjet, do ishte interesante (qesh). Nuk e di, erdha këtu dhe gjeta një “gjigant të fjetur”. Gjendja në klub ishte mirë, por jo në më të mirën, diçka normale pasi diçka kishte çuar keq më përpara. Në fillim nuk ndryshova shumë gjëra, mësova shumë mbi klubin në atë periudhë. Më pas ndryshuam hap pas hapi. Ndryshimi më i madh për mendimin tim është atmosfera në qendrën stërvitore, të gjithë e dashurojmë të shkojmë aty. Jemi të gjithë shumë të afërt, dimë gjithçka për njeri-tjetrin. Kjo na bën që të futemi në fushë e të mos luftojmë vetëm për veten tonë, por edhe për familjet tona e tifozët. Kjo është baza. Pjesa tjetër ka të bëjë me futbollin. Të gjithë e dinë që unë nuk jam gjeni. Sa më shumë lojtarë të mirë të marrin, aq futboll më të mirë mund të luajmë. E pëlqejmë shumë situatën ku ndodhemi tani. Asgjë nuk ka mbaruar, jemi në rrugën e duhur dhe kemi shumë përpara vetes.

Konfirmime të tjera vijnë orët e fundit nga Franca. Zërat për zënkën mes Salah dhe trajnerit të tij kanë shkuar edhe në Paris, çka shton edhe më shumë dyshimet që kjo të ketë ndodhur vërtetë. Avokati i Salah është munduar të mohojë gjithçka, por pa rezultat, pasi gjërat sa vijnë e vihen në dukje. Ku ka zë nuk është pa gjë, thotë populli.

Sipas mediave franceze, Reali i Madridit do të futet në garë për të siguruar egjiptianin, pasi siç dihet ai është një nga të pëlqyerit e Zidanit. Kjo situatë padyshim ndodh në momentin më të keq të mundshëm, ku Liverpuli po lufton në dy fronte. Barcelona është kundërshtari për t’u mundur në Champions dhe në Premier Ligë është në një “kacafytje” të vazhdueshme me Sitin e Guardiolës për trofeun që i mungon prej 23 vitesh.

Ata kanë 88 pikë kur janë edhe tre ndeshje për t’u luajtur, shumë pikësh kjo që nuk është arritur kurrë që nga ndryshimi i formatit të kampionatit anglez në vitin 1992. Para këtij viti ishin 42 raunde për t’u luajtur, ndërsa tani 39 . Të kuqtë kanë mundësi ta çojnë në 97 pikë rekordin e tyre.

Skuadra që i afrohet këtij rekordi është ajo e Rafa Benitez në 2009. Atë vit përfunduan të dytët. Nëse Liverpul kalon shifrën e 90 pikëve do të thyente rekordin e të gjitha kohërave të klubit. Rekordi i vendosur në vitin 1988 është shënjestra e radhës për djemtë e Klopit, që pretendojnë t’i kthejnë tifozëve titullin pas 29 vitesh thatësirë.

Zënka duket të ketë qenë aq e rëndë sa ylli i të kuqve të vendosë largimin nga klubi. Liverpuli do të bëjë maksimumin për ta mbajtur dhe për ta bindur të qëndrojë. Të shumtë janë klubet që e duan Salah me Barcelonën dhe Realin e Madridit në krye.

Megjithatë, Madridi nuk shihet si një opsion shumë i mundshëm sepse atje ai do të gjente Ramos, me të cilin gëzon marrëdhënie të ndera pas atij dëmtimi që spanjolli i shkaktoi sulmuesit në finalen e Championsit të kaluar.

Ky sezon i Salah nuk ngjan shumë më atë të kaluarin. Ai ka shënuar 22 gola në 45 ndeshje. Në vitin e shkuar ai u rendit i dyti pas Mesit në garën për Këpucën e Artë me 44 gola në 52 paraqitje, ndërsa sivjet është në garë për fitimin e titullit kampion dhe Champions Ligës.

Pas fitores së djeshme “The reds” arritën të mbanin kreun e renditjes me një pikë para Sitit me një ndeshje më pak për djemtë e Guardiolës. Shumë i kënaqur ka qenë Jurgen Klop. Gjermani ka mbetur i shtangur nga supergoli i egjiptianit. Gjithashtu thekson se edhe goli i Mane ishte mjaft i bukur, pasi erdhi nga një aksion manual. Klopit ky triumf i kujton përmbysjen e madhe në Europa League kundër Dortmundit të disa viteve më parë.

“Më la pa fjalë. Nuk mendova asgjë në atë moment, por di që isha shumë i lumtur, pasi e dija që topi do të përfundonte në rrjetë sepse isha në një kënd të favorshëm për ta parë aksionin. Ishte një gol fantastik, por nuk dua t’i heq merita as golit të parë, pasi edhe ai ishte shumë i bukur gjithashtu. Mu kujtua menjëherë ndeshja ndaj Dortmundit që fituam 4-3, ku në vend të Henderson ishte Milner dhe në vend të Manes që shënoi ishte Lovren.”

Sipas teknikut gjerman, ajo është ndeshje më e pafat që ka parë në jetën e tij, pasi PSG u eliminua edhe pse ishte skuadra dominuese ndaj Junajtid në të dyja takimet.

“E di se nuk është aspak e lehtë të fitosh kaq shumë ndeshe në kampionat. Të paktën do të jenë kampion të Francës. PSG-ja u eliminua nga Champions-i në një ndër ndeshjet më të pafata që kam parë në jetën time”.

“Po e shikoja nga televizori dhe po mendoja: Uaau, kjo nuk është mundur, si mund ta humbin këtë ndeshje. Eliminimi ndaj Barcelonës dy vite më parë është ndryshe, pasi në ato përballje PSG-ja ishte skuadra më e mirë vetëm në takimin e parë, ndërsa kësaj here ata dominuan në të dy ndeshjet. Është diçka krejtësisht e rrallë”.

Gjatë pyetjes gazetari dashur pa dashur vuri në pikëpyetje impenjimin e skuadrës në ndeshje, duke thënë se ekipi u duk i kënaqur me barazimin për shkak se nuk rrezikoi duke futur më shumë sulmues në fushë. Kjo pyetje solli një reagim epik të trajnerit gjerman.

“Jam shumë i zhgënjyer nga pyetja juaj, jashtëzakonist shumë. Ne nuk po luajmë PlayStation. Vërtetë mendoni se nuk sulmuam aq sa duhet sot? Ti kujton se nëse fus një sulmues tjetër në fushë, loja do të ndruyshojë. E them përsëri, t’i mendon se futbolli është si në PlayStation, por në të vërtetë nuk është aspak ashtu”.

“Duhet të bësh gjërat e duhuara në momentin e duhur. Ne nuk mund të fillojmë lojën me 4 ose 5 sulmues. Sigurisht ka momente kur duhet të marrësh përsipër risqe, por s’duhet të harrojmë se luajmë në  Premier Ligë dhe mund të ndëshkohesh është e rëndësishme që të mbajmë veten në kontroll. Katër pika ndaj Evertonit dhe Junajtid në dy përballje janë rezultate të mira për mendimin tim. Tani do luajmë ndeshjet e mbetura si ndjekës, dhe për mua kjo gjë nuk është problem”, përfundoi Klop.

Në përfundim të ndeshjes një kapës topash i Evertonit, jo më shumë se 15 vjeç vendos të luajë me nervat e Jyrgen Klop duke e duartrokitur në mënyrë ironike.

Did that Everton ballboy just sarcastically clap Jurgen Klopp?! ????? pic.twitter.com/4cVQq4CDFh

— Soccer AM (@SoccerAM) March 3, 2019

Tekniku gjerman e vëren veprimin e fëmijës dhe i afrohet afër dhe i thotë disa fjalë me fytyrën e ngrysur, por kapësi i topave vazhdon të duartrokasë. Pas pak sekondash Klop e kupton se ra pre e ngacmimin dhe ikën drejt tunelit duke qeshur.

Pavarësisht se Liverpuli i tij kaloi në avantazh me një gol të parregullt, Klop kapet me arbitrin e ndeshjes dhe ka këndvështrimin e tij për atë që ndodhi ndaj londinezëve “Shënuam në pjesën e parë, tani më thonë që goli paska qenë ‘off-side’. Kjo shpjegon paksa pjesën e dytë, sepse mendoj se arbitri u informua në pushimin e ndeshjes”, tha gjermani për “Sky Sports”.

Klop shton më tej: “Më pas pamë situata të çuditshme. Arbitri nuk bëri gabime të mëdha, por e ndalte shpesh ndeshjen dhe ia ulte ritmin. Kjo gjë natyrisht nuk na ndihmoi. Nëse dikush gabon në pjesën e parë, nuk duhet ta zgjerojë hendekun, duke gabuar sërish në pjesën e dytë”.

Duke analizuar ndeshjen, trajneri i Liverpulit pranoi dobësitë e skuadrës së tij. Mungesat ishin disa dhe më së shumti rëndonin ato të Uijndalum dhe Henderson. “Nuk ishte përformanca jonë më e mirë, pasi përballë kishim edhe një kundërshtar të vështirë. Është një barazim i merituar që ne do e marrim tani”, shtoi Klop.

Në fund gjermani tha: “Të shohim kush do jetë gati për fundjavën e ardhshme dhe të vazhdojmë përpara. Bëmë disa ndryshime në formacion gjatë javës dhe kjo nuk ndihmon në ritmin. Kjo i bën gjërat më të vështira. Disa lojtarë nuk ishin në ditën e tyre më të mirë, por kjo ka ndodhur edhe më parë dhe do të ndodhë përsëri edhe në të ardhmen. Do të merremi edhe me këtë pjesë”.

Rivaliteti për titullin kampion është i egër, por Luis Van Gal zgjedh ekipin e Klopit. Trajneri holandez ishte pjesë e Mançester Junajtid për dy vite, ndërsa bëri maksimumin për të rikthyer “djajtë e kuq” në shinat e duhura pas largimit të Aleks Ferguson.

Ai fitoi vetëm një “FA Cup” me Junajtid për t’i lënë vendin më pas Zhoze Murinjos. Van Gal shpjegon arsyet e kësaj zgjedhje, vlerëson shumë të dy ekipet e vendeve të para si dhe tregon ndryshimin midis Jurgen Klop dhe Pep Guardiolës.

DUELI – “Nëse do të më duhej të vija bast, do të zgjidhja Liverpulin, sepse ata kanë një mbrojtje më solide se Mançester Siti. Sa i përket aspektit kualitativ, Liverpuli nuk është favorit, pasi lojtarët më të talentuar i kanë kundërshtarët e tyre. Por, Guardiola ka një pikë të dobët, sepse i stërvit ekipet e tij vetëm në aspektin sulmues. Është e tmerrshme kur lojtarët e tij duhet të mbrojnë.”

TRAJNERËT – “Liverpuli di të mbrojë më mirë se Siti. Klop e ka transformuar ekipin në një makinë luftarake, si në sulm dhe në mbrojtje, pavarësisht faktit nëse topi zotërohet nga ata, apo jo. Kjo është ajo çfarë i mungon ekipit të Guardiolës. Siti ka ide të mrekullueshme për futbollin dhe në fushën e blertë janë të shkëlqyer, por nuk kanë shpirtin e duhur. Më pëlqen të shoh Sitin duke luajtur, por Klop e bën Liverpulin të luajë në një mënyrë absolutisht fantastike.”

Trajneri i “The Reds” ka folur në konferencën për shtyp, duke e nisur me rinovimin e Xho Gomez. Mbrojtësi 21-vjeçar është i dëmtuar, por klubi ka vendosur ta shpërblejë me një zgjatje kontrate deri në vitin 2024. Klop është i lumtur për një fakt të tillë, ndërsa flet dhe për ndeshjen e zjarrtë kundër Napolit.

Liverpulit i duhet fitorja, ndërsa italianët luajnë për dy rezultate. Trajneri gjerman po e pret me padurim nisjen e kësaj sfide, jep mendimin e tij për episodin ndaj Sterling dhe tregon një prapaskenë me presidentin e Napolit, i cili e dëshironte në ekipin e tij kohë më parë.

GOMEZ – “Xho është një lojtar i pabesueshëm. Sezonin e kaluar zhvilloi një sezon fantastik, ndërsa këtë sezon ka qenë i mrekullueshëm. Tani është i dëmtuar, por do të shërohet, nevojitet vetëm durim dhe qetësi. Jam shumë i lumtur për rinovimin e tij, ai është pjesë e grupit dhe jam shumë i kënaqur.”

DUELI – “Nesër duhet të korrigjojmë gabimet e bëra deri tani. Kundër Napolit në ‘San Paolo’ dhe kundër Cërvenës në Beograd nuk kemi luajtur mirë. Megjithatë, në shtëpi kemi bërë paraqitje të mirë dhe nesër duhet të bëjmë dhe më mirë. Mendoj se nëse nuk do të ketë vendime arbitrare kundër nesh, do ia arrijmë të marrim atë që duam. Jemi pjesë e një grupi shumë të vështirë, e dinim këtë gjë, por e kemi akoma mundësinë për të kaluar grupin. Do të bëjmë disa ndryshime taktike, e kemi në dorën tonë kualifikimin, duhet të përfitojmë nga atmosfera e ‘Anfield’ dhe mezi po pres të nisë kjo ndeshje.”

NAPOLI – “Qetësia është thelbësore. Duhet të ruajmë këtë qëndrim, i dimë ndeshjet që na presin dhe Krishtlindja nuk ka ardhur ende. Ndoshta na mungon pak eksperiencë, por e dimë saktësisht se si do të luajmë. Renditja në kampionat nuk ka shumë rëndësi për ndeshjen kundër Napolit. Ata janë një skuadër shumë e mirë dhe kanë një trajner me eksperiencë si Ançeloti. E dimë se do të jetë një ndeshje e komplikuar, ata luajnë mirë futboll. Janë një skuadër tipike italiane, të aftë në mbrojtje dhe të rrezikshëm në kundërsulm. Mezi po pres të përballemi me Napolin.”

STERLING – “E pashë ndeshjen Çelsi-Mançester Siti dhe nuk e dëgjova atë që kishte ndodhur. E vlerësoj shumë reagimin e Sterling, sepse ata që lëshojnë kore racistë nuk meritojnë vëmendje. Incidente të kësaj natyre ndodhin dhe në Gjermani dhe Itali. Këto tipa duhen dënuar, por duhet thënë që 99% e njerëzve nuk janë kështu.”

PRAPASKENA DHE E ARDHMJA – “Kam dhe tre vite e gjysmë kontratë me Liverpulin dhe kur të mbarojnë, ndoshta nuk do të më dëshirojë më kush si trajner (buzëqesh). Italia më pëlqen shumë, si ushqimi ashtu dhe vendi, edhe pse nuk e flas gjuhën. De Laurentis është një tip që t’i thotë gjërat troç. Kur nis e flet të tregon dhe gjëra që unë nuk do ia tregoja askujt. Besoj se ai është i lumtur me Ançelotin, ashtu siç ishte me Sarrin. Mund të them vetëm kaq: jam shumë i lumtur te Liverpuli.”

“Pushtimi” i fushës nuk lejohet në Angli dhe Klop u dënua me 8 mijë sterlina. Veprimi i tij solli kritika të shumta, por kishte dhe nga ata që i dolën në krah. Si mund të përmbash vetën, kur mposht “armiqtë” e urryer të njëjtin qytet me një gol në minutat shtesë?!

Paul Merson, ish-mesfushor i Arsenalit dhe kombëtares angleze, ka lëshuar një deklaratë interesante s ai përket veprimit dhe gjobës së Klop. 50-vjeçari ka folur për “Sky Sport”, duke theksuar se Federata e vendit ishullor bën disa diferencime midis personazheve të ndryshëm.

“Le ta themi në këtë mënyrë: nëse do të ishte Murinjo në vendin e Klopit, portugezi do të ishte dërguar direkt në tribunë, sapo të kthehej në stol. Të gjithë e adhurojnë Klopin, madje dhe tifozët e Mançester Junajtid. Unë kam frikë se Zhoze Murinjon do ta dënonin me 25 ndeshje, nëse do të bënte një gjë të tillë”, përfundon Merson.

“Nuk dua të them që PSG nuk e meritoi fitoren, por…”, vijon Klop, i cili ka rezerva më së shumti për pjesën e dytë të takimit. “Nejmar u tregua i zgjuar. Ai merrte faulle për të ulur ritmin dhe mbi të gjithë duhet të thotë se u tregua tinëzar.  Por shumë lojtarë binin në tokë dhe pretendonin se kishin pësuar dëmtime të rënda. Binin në tokë si të kishin vdekur dhe pas pak ngriheshin direkt sërish”, thotë Klop.

“Mbi të gjitha në pjesën e dytë ka pasur 500 mijë ndërprerje deh arbitri mendon se e ka bërë mirë punën e tij. Ai mund t’i ndëshkonte ata. Nëse rrëzohesh pa asnjë arsye, është karton i verdhë. Kemi të bëjmë me sjellje anti-sportive. Na bënë të dukeshim si kasapë”, përfundoi Klop për “The Sun”.

Tashmë kualifikimi i Liverpulit varet nga ndeshja e fundit me Napolin në shtëpi. Një fitore minimale 1-0 do t’u bënte punë të kuqve, ndryshe do të duhen të realizojnë me dy gola në rast se italianët shënojnë në portën e skuadrës së Klop.

"The 500,000 interruptions were a hurdle." ?

"Tonight they made us look like butchers!" ?

The referee had Jürgen Klopp baffled tonight…

? @DesKellyBTS pic.twitter.com/CtA2TWkWeF

— Football on TNT Sports (@footballontnt) November 28, 2018

Vetë trajneri Klop e ka dhënë lajmin, duke theksuar se Shaqiri do të ketë mundësi të tjera për të luajtur me skuadrën e Liverpulit, por kjo në këtë sfidë. Tekniku i “The Reds” beson se lojtari i përfaqësueses së Zvicrës, por me origjinë shqiptare do ta mirëkuptojë këtë vendim. Sigurisht që nga Serbia ka pasur shumë ngacmime, ku thuhej se do i rezervohej një pritje e ashpër lojtarit nga gjilanasit, ndaj klubi ka menduar që të mos e lërë të udhëtojë në këtë ndeshje.

Kujtojmë që Shaqiri festoi me shqiponjë në Kupën e Botës kur i shënoi gol Serbisë. Ky veprim solli shumë reagime dhe nuk duhet harruar se dhe në Angli, në ndeshjen e fundit mes Liverpulit dhe Cervena Zvezdën serbët e ofenduan edhe në shqip Shaqirin.

Të besuarit e Unai Emeri janë në vendin e katërt në kuotën e 22 pikëve, ndërkohë ekipi i Klop ka katër pikë më shumë dhe ndan kreun e renditjes me Mançester Sitin. “The Reds” i kanë bërë një nisje mjaft të mirë kampionatit, teksa janë ende të pamposhtur pas 10 ndeshjesh dhe do të provojnë të qëndrojnë të tillë edhe pas pasdites së nesërme.

Pikërisht për ndeshjen e nesërme në kampin e kuq kishte disa pikëpyetje për sa i përket lojtarëve që nuk do të jenë të gatshëm për trajnerin gjerman. Ky i fundit në konferencën e sotme ka konfirmuar se mesfushorët Xhordan Henderson dhe Nabi Keita nuk kanë mundur të rikuperohen dhe do të mungojnë përsëri këtë javë.

Dy mungesa mjaft të rëndësishme për Klop, i cili duhet të bëjë pa kapitenin e ekipit dhe pa një nga blerjet më të rëndësishme të verës. Gjithsesi, alternativat nuk janë të pakta, pasi Fabinjo i ka ndezur motorrët që javën e shkuar, ku luajti titullar në sfidën ndaj Cervenës në Champions dhe në sfidën në kampionat ndaj Kardif, të dyja ndeshje të fituara me rezultatet respektive 4-0 dhe 4-1.

“Ai është plotësisht mirë. nëse Nuk po feston, unë nuk e di nëse ai është mërzitur për faktin se nuk ka shënuar shumë këtë sezon. Nuk kemi folur për këtë çështje, të jem i sinqertë. Ju gjithmonë e pyesni atë për të njëjtën gjë dhe pastaj unë nuk mund të shkoj dhe t’i them: ‘Si ndiheni për shkak se nuk keni shënuar shpesh?’. Unë nuk jam i çmendur, Gjithçka është në rregull”, u shpreh Klop për mediat pas ndeshjes.

Trajneri gjerman është i bindur se nuk ka asnjë problem për Salah dhe deklaron: “E pashë atë duke festuar, por unë nuk mund ta shoh fytyrën e tij nga një distancë aq e largët. E di që është mirë dhe e pashë fytyrën e tij kur e zëvendësova”.

Këtë fundjavë Liverpul do të luajë ndaj Hadërsfilld në transfertë. Një ndeshje që shihet si delikate, pas edhe lajmeve për dëmtimet e Mohamed Salah, Nabi Keita, si dhe Van Dijk. Gjithsesi, lajmet e këqija për Klop duket se nuk paskan përfunduar, teksa listës së dëmtimeve i shtohet dhe sulmuesi Sadio Mane. Senegalezi është dëmtuar në sfidën ndaj Sudan në dorën e majtë dhe siç raportohet nga kombëtarja e vendit të tij, sulmuesi do të mungojë për ndeshjen e sotme në transfertë, përsëri ndaj Sudanit.

Gjithsesi, pritet të shihen ekzaminimet e tjera që do të bëhen kur Mane të mbërrijë në Liverpul, pas ndeshjes së sotme që kombëtarja e tij do të luaj, pasi trajneri i Senegalit deklaroi se Mane do të udhëtojë me skuadrën pavarësisht se nuk do të jetë në dispozicion. Me Salah, Van Dijk, Keita dhe Mane të dëmtuar, misioni i sfidës ndaj Hadërsfilld bëhet akoma më i vështirë për të besuarit e Jurgen Klop.

Lëv preferon të përballet me kombëtare të forta, diçka që ia lejon Nations League. Trajneri gjerman e kupton shqetësimin e trajnerëve të klubeve, por ai mbron kompeticionin e ri gjatë konferencës për shtyp para ndeshjeve kundër Holandës dhe Francës.

“Për ne dhe për mua si trajner, Nations League është një shpikje e mirë, sepse luajmë kundër kombëtareve të mëdha. Ky është një kompeticion që vlen për diçka dhe për mua është më e rëndësishme të përballemi me më të mirët, sesa kundër kombëtareve të shteteve të vogla. Trajnerët e klubeve ndonjëherë nuk i pëlqejnë pushimet e ndeshjeve ndërkombëtare, sepse shumë lojtarë të Liverpulit, Bajernit të Mynihut, ose Mançester Sitit largohen. Kjo gjë nuk iu jep mundësinë trajnerëve të stërvitin normalisht skuadrat e tyre“, përfundon Hoakim Lëv.

Ajo që po bën edhe më shumë përshtypje në këtë fillim sezoni, është se braziliani ende nuk ka arritur të debutojë në Premier Ligë. Në 6 javët e para, mesfushori ka qenë në stol në vetëm 3 sfida dhe lidhur me këtë temë ka folur dhe trajneri Klop. Tekniku gjerman ka habitur jo pak, teksa ka thënë se Fabinjo mund edhe të debutojë pas 6 muajsh, pasi i duhet të jepet kohë.

“Fabinjo duhet të jetë sa më i natyrshëm dhe këtë gjë po bën pak e nga pak. Që një lojtar të përmirësohet, pasi ka ndryshuar ambient dhe kampionat duhet 6 muaj. Kjo është. Ne nuk duhet të ndryshojmë personalitetin e lojtarëve, ata duhet të jenë të natyrshëm. Është normale që i duhet kohë. Nuk ka asnjë problem tjetër”, ka përfunduar Klop.

Fabinjo është aktivizuar vetëm në Champions, në sfidën ndaj PSG, por dhe në atë ndeshje u aktivizua në minutën e 90-të.

Trajneri i Liverpulit, Jurgen Klop, ka folur për kundërshtarin e radhës dhe nuk i kursen superlativat për homologun italian, Mauricio Sarri, i cili i dha fund aventurës me Napolin, për t’u ulur në stolin e “Bluve të Londrës”. Çelsi po luan një futboll ndryshe dhe më argëtues dhe kjo është merita e Sarrit, i cili gëzon respektin maksimal nga ana e trajnerit të Liverpulit.

ÇELSI – “Nuk e di pse njerëzit flasin gjithmonë për ne, ose Mançester Sitin si skuadrat kandidate për titull dhe harrojnë Çelsin. Ata janë një ekip me përvojë, të cilët kanë fituar titullin, madje 80% prej tyre, e kanë fituar dy herë dhe dinë se si fitohet Premier Liga. Kanë një grup shumë të mirë dhe janë një skuadër të madhe.”

SARRI – “Ai ka bërë ndryshimin më të madh të sistemit të lojës që kam parë dhe kjo ka ndodhur në një kohë të shkurtër, wow. Çelsi ka ndryshuar komplet stilin, çfarë trajneri! E admiroj që nga koha kur drejtonte Napolin, ku luante një futboll spektakolar dhe po e bën dhe këtu një gjë të tillë, pavarësisht se në fazën përgatitore nuk i kishte të gjithë lojtarët në dispozicion. Sarri gëzon respektin tim maksimal dhe më duhet ta pranoj se deri më tani ka bërë një punë shumë të mirë.”

Në pushimin mes pjesëve, Jurgen Klop vendosi ta ndërroje, duke aktivizuar Milner në vendin e Shaqirit. Trajneri gjerman ka folur pas ndeshjes për lojtarin me origjinë shqiptare dhe ka shpjeguar vendimin e tij.

“Është puna ime ajo që ndonjëherë, duhet t’u jap lojtarëve lajme, që jo të gjithë kanë dëshirë t’i dëgjojnë. Kështu ndodhi në pushimin e ndeshjes. Shaqiri është një djalë i shkëlqyer dhe nuk pati asnjë lloj problemi. Zakonisht nuk i shpjegoj shkaqet e zëvendësimeve në pushimin mes pjesëve, por mendoj që sot duhet ta jepja një shpjegim të tillë.

Gjithsesi jam i kënaqur që e kam në skuadër dhe goditja e tij e dënimit ishte fantastike. Çfarë gjuajtje! Dhe pasimet e tij ishin të mira. Por, skuadra nuk është mësuar me atë çfarë bëmë sot. Duhet të ishte më e vështirë për Shaqirin, i cili është një lojtar i ri në skuadrën tonë, por nuk ndodhi kështu. Ai punoi dhe dha shumë.

Pati disa probleme në fazën defensive, por nuk mund të mos jem i kënaqur për fazën sulmuese. Duhet të bëjmë ndonjë modifikim të vogël, por Shaqiri u tregua i aftë dhe jam shumë i lumtur”, përfundoi Jurgen Klop.

Ndeshja e sotme mes Liverpulit dhe Sauthempton ka qenë shumë e veçantë për 51-vjeçarin. Ishte ndeshja e 600 si trajner profesionit për Klop, i cili ka një bilanc mjaft pozimit, pasi ka mundur që të fitojë 296 ndeshje, të barazojë 158 dhe të humbasë 146 .

Gjermani ka drejtuar vetëm 3 skuadra gjatë karrierës së tij, teksa ka drejtuar Maincin për shumë vite në fillim të karrierës. Më pas mori drejtimin e Dortmundin, për të ardhur në fund tek Liverpul. Klop njihet më shumë për grindën e tij dhe mënyrën e festimit që është mjaft shpërthyes.

Kompania në fjalë ka zgjedhur Liverpulin për episodin e radhës dhe në klub është pëlqyer kjo ide. Aprovimin për një gjë të tillë e ka dhënë dhe pronari i Liverpulit, Xhon Henri, i cili e ka parë me sy pozitiv interesin e bashkëpatriotëve të tij.

Por, Jurgen Klop mendon ndryshe dhe ka vënë veton kundër kësaj ideje siç citon “Daily Mail”. “Shumë ekspozim mediatik që mund të shkatërrojë përqendrimin e skuadrës”, ka qenë arsyeja e Klop, i cili preferon të punojë larg kamerave. Prezenca e tyre ka një tjetër rrezik, sepse mund të influencojë në sjelljen dhe qëndrimin e lojtarëve të ndryshëm, duke i bërë ata që të dalin jashtë kornizave të realitetit.

Klop ka refuzuar të pranojë ofertën e Amazon, të cilët kanë gati klubin e radhës me të cilin do të punojnë. Amerikanët kanë zgjedhur Bajernin e Mynihut dhe “basti” për fitimin e titullit do të jetë më i thjeshtë, sepse vështirë që bavarezët mund të dështojnë në fitimin e Bundeligës.

Ditën e nesërme Liverpuli i Klop pret në stadiumin e saj, Sauthempton. Tekniku gjerman u prononcua për mediat angleze ditën e sotme dhe u pyet më së shumti për çështjen e Mohamed Salah, të cilin Klop në sfidën e fundit ndaj PSG e zëvendësoi fill pas gabimit që egjiptiani shkaktoi, që solli dhe golin e barazimit të përkohshëm të francezëve.

Klop deklaroi se me Salah çdo gjë shkon mirë dhe se gjithashtu nuk është i shqetësuar në lidhje me formën e sulmuesit. Trajneri i Liverpul shtoi dhe se golat do të vijnë me kohën dhe rëndësi ka se Salah po luan mirë.

“Në anën mbrojtëse Salah ishte i jashtëzakonshëm në dy ndeshjet e fundit. Kjo do të thotë gjithçka për mua sepse tregon se është gjithmonë i gatshëm të punojë për ekipin. Ka gjithmonë futbollistë që nuk shënojnë, por janë në gjendje të mirë dhe luajnë mirë. Të gjithë presin çdo ndeshje nga “Mo”,kjo dhe për shkak të sezonit të kaluar. Ne duam që ai të shënojë sa më shpesh të jetë e mundur. Me Salah gjithçka është në rregull, me të vërtetë. Ai humbi topin para se të pësonim golin e dytë kundër PSG-së, por kjo nuk ishte arsyeja që e zëvendësova. Ndihem mirë me të, mendoj se e njëjta gjë vlen dhe për të. Në fund të sezonit ne do të shohim se si është, jo në fillim”, përfundoi Jurgen Klop.

Të dy klubet kanë si objektiv fitimin e Champions. Liverpuli ishte pranë arritjes së madhe në sezonin e kaluar, por dështuan në finale përballë Realit të Madridit. Jurgen Klop flet për ndeshjen dhe zbulon një detaj interesant sa i përket kësaj përballje.

“Kemi kryer një merkato të mirë. Ne e dinim se për çfarë përforcimesh kishim nevojë dhe arritëm të merrnim lojtarët që donim. Kompeticioni i ri është në prag dhe ne jemi më të uritur se kurrë. Mund t’iu them që do e ndiqja këtë sfidë më PSG, edhe nëse nuk do të isha trajner i Liverpulit dhe kjo është 100% e sigurtë”, përfundon trajneri gjerman.

Liverpuli ka bërë një nisje të mirë në kampionat duke fituar pesë ndeshjet e para. Diçka e tillë nuk ndodhte që nga viti 1990, kur “The Reds” fituan Premier Ligën për herë të fundit. Atmosfera në ekip është e shkëlqyer dhe Liverpuli dëshiron të fitojë Championsin dhe të rikthehet te fitimi i kampionatit, që mungon prej 28-vitesh.

Shtatë ndeshje “ferri” për të kuqtë, që pas Totenhemit do të duhet të presin në “Anfield” PSG-në në Champions. Klop është pyetur për sa i përket gjendjes së ekipit dhe se si të kuqtë po i përgatisin këto sfida.

NDESHJA E VJETSHME KUNDËR TOTENHEM-  “Në sfidën e sezonit të kaluar ne gabuam, pasi vinim nga një fitore ndaj Mariborit me shifrat 7-0. Luajtëm ndaj Totenhemit një sfidë të një niveli krejt tjetër. Ne kemi mësuar nga gabimet tona. Çdo sfidë është e ndryshme në mënyrën e saj dhe do të mundohemi të japim më të mirën ditën e nesërme”.

NDRYSHIMET – Gjithashtu trajneri gjerman konfirmon se i duhet me patjetër të bëjë rotacion pasi janë të detyruar të luajnë gati çdo 3-4 ditë. “Sigurisht që duhet ta bëjmë një gjë të tillë. Është një gabim i madh në qoftë se mendojmë për të gjitha sfidat bashkë. Ndeshjet do t’i marrim një e nga një, duhet te jemi te fokusuar. Është mëse e qartë se me numrin e ndeshjeve që do të kemi, do të shikojmë edhe se si do të reagojë çdo lojtar në situata të caktuara. Më pas do të vijnë ndryshimet dhe rotacioni”.

RIVALITETI NË MBROJTJE – Një çështje që shihet e nxehtë ne kampin e kuq është dhe dueli Gomez-Lovren, me anglezin që ka bërë një fillim sezoni mbresëlënës. “Gomez është një djalosh që ka potencial të madh dhe jam i lumtur me formën e tij. Gjithashtu ka një marrëdhënie mjaft të mirë me Van Dijk. Unë shpresoj që Lovren të kthehet sa më shpejt të jetë e mundur, pasi sa më shumë lojtarë të jenë në dispozicionin tim aq më mirë është”.

FABINJO – Në përfundim Klop foli dhe për Fabinjon, i cili akoma nuk po gjen hapësira tek Liverpul. “Nuk është mirë të thuhet që Fabinjo nuk po përfshihet, ai vjen nga një stil loje tjetër nga një ligë tjetër. Ka nevojë për kohën e tij”, ka përfunduar tekniku gjerman.

Gabimet janë normale, por e rëndësishme është t’i marrësh me filozofi dhe diçka të tillë ka bërë trajneri i të kuqve. Jurgen Klop, përveç cilësive si trajner ka vlera si njeri dhe lojtarët e tij e vlerësojnë shumë. Ai motivon ekipin në mënyrë perfekte dhe mjafton të flasë pak për të larguar tensionin dhe mendimet negative në skuadër.

Minjolet, Karius dhe tashmë Alison Beker. Gafat e portierëve të Liverpulit janë të shumta, por trajneri i Liverpulit është inteligjent dhe arrin të mbrojë lojtarët e tij, në stilin e tij. Në një prononcim për “Daily Mail”, trajneri gjerman ka befasuar me deklaratën e dhënë për gafën e gardianit të portës.

“Nëse duhet të jem i ndershëm, mund të them që jam shumë i lumtur me gabimin e Alison. Jam i lumtur që gabimi erdhi kaq shpejt, sepse do të kalonim kohën duke pritur për një gabim të tillë…Është një gabim i rëndë, por jam i kënaqur me reagimin e tij. Nëse sulmuesit kundërshtarë arrijnë të bëjnë presion te portieri ynë do të thotë që një lojtar tjetër i joni do të jetë i lirë dhe do të ketë hapësira. Të vazhdojmë në këtë mënyrë dhe nëse pasojmë topin mbrapa në një moment të gabuar, atëherë është një problem i joni”, përfundon Jurgen Klop.