Më parë edhe me Bedri Grecën nuk u rinovua kontrata. Turtulli ka qenë titullar i rregullt në dy sezonet e fundit me bardheblutë. Vjet ai luajti 23 ndeshje në kampionat dhe shënoi një gol. Tashmë duhet të mendojë për të ardhmen, larg kryeqytetit. Ofertat nuk i mungojnë.

Edhe pse mbrojtësit e qendrës janë të paktë te Tirana, gjasat janë që bashkëpunimi të mbyllet edhe me mbrojtësin Jurgen Goxha. Ky i fundit, para pak kohësh u gjobit për shkak të një gafe të bërë në rrjetet sociale. Ish-lojtari i Erzenit, iu bashkua bardhebluve në janar dhe luajti në 12 ndeshje (6 titullar). Sezoni i ri pritet ta gjejë në skuadër tjetër.

Nisur nga situata e krijuar, klubi bardheblu ka reaguar dhe ka vendosur të ndëshkojë Goxhën sipas kontratës mes palëve. “Klubi i Futbollit Tirana dënon publikisht komentin aspak korrekt të futbollistit Jurgen Goxhaj në rrjetet sociale.

Futbollistët duhen të përcjellin vlera dhe kanë përgjegjësi për veprimet dhe çdo fjalë të shkruar apo thënë. Klubi i Futbollit Tirana kërkon ndjesë publike për komentin e nxituar që cenon imazhin e klubit si dhe bën me dije që ndaj lojtarit do të ketë një masë disiplinore, të parashikuar në kontratë”, shkruhet në reagimin e Tiranës për mediat.

Në kushtet që është Tirana duhen marrë vendime të pjekura. Kontributi i gjithsecilit është i rëndësishëm dhe me shumë mundësi gjithçka do të kalohet me një gjobë. Nuk është hera e parë që ka përplasje në seancat stërvitore të bardhebluve.

Në fakt ky është edhe një tregues i presionit të lartë te futbollistët, që do të duhet të shmangin rënien e Tiranës nga Superiorja. Gjithashtu edhe lojtarët në fjalë, Greca e Goxha, njihen për karakterin e tyre. Të dy janë nga ata që nuk lëshojnë lehtë, por nuk kanë rrugë tjetër veçse të ulin kokën dhe të mendojnë për të dhënë më të mirën për Tiranën. Reagimi i parë ka ardhur përmes rrjeteve sociale, ku mbrojtësi Goxha ka postuar një foto.

Së fundmi, Goxha ka folur për “RTSH Sport”, ku është shprehur se është tifoz që në moshë të vogël me Tiranën dhe diçka të tillë e kishte ëndërruar.

“Është një ndjesi e veçante se kam qenë tifoz që i vogël me Tiranën. Kisha pak emocione në fillim, por me kalimin e kohës edhe çunat më dhanë besim”.

“Shpresoj të shkoj sa më larg me këtë ekip pasi gjithmonë e kam ëndërruar diçka të tillë. Tirana është ekip i madh dhe ka lojtarë të mirë e me eksperiencë. Duhet të stërvitem shumë më shumë, pasi kam ardhur për të luajtur këtu dhe të kënaq tifozët”.

“Nuk duhet të mendojmë se ka mbaruar. 2-0 është rezultat i keq ndonjëherë. Pse jo duhet të tregojmë atje me punë të vazhdojmë me rezultate pozitive. Fitimi i Kupës na ndihmon për të kapur Kupat e Evropës, është rruga më e shkurtër për Evropën. Gjithashtu dhe vendin e katërt duhet ta synojmë pasi është Tirana, ekipi më i madh në Shqipëri.

Qendërmbrojtësi u la i lirë nga Erzeni, klub të cilin Goxha e ka në zemër. “Për Erzenin dhe tifozët e tij: Faleminderit për gjithçka që keni bërë për mua. Sot u bëra pjesë e ekipit më të mirë në Shqipëri, Tiranës. Dhe ia arrita falë Erzenit, falë shokëve të mi që u bëmë si një familje, falë tifozëve që e duan aq shumë ekipin dhe nuk kanë reshtur duke besuar te ekipi dhe duke e mbështetur atë, si dhe mua veçanërisht.

Do ju jem mirënjohës gjithmonë. Faleminderit presidentit për mbështetjen. Faleminderit trajnerëve, që me punën e tyre kanë bërë që të dridhen ekipet prej Erzenit. Shpresoj shumë që dhe ju të vazhdoni ëndrrën Superligë dhe pse jo të jeni ju që do ngrini kupën në fund! Faleminderit nga zemra për gjithçka gjithë Shijakut”, shkruan Goxha në llogarinë e tij në “Facebook”.

Zyrtarizimi i klubit të Tiranës

Jurgen Goxha ka firmosur sot për 1 vit e gjysmë kontratë si bardheblu. Mbrojtësi 26-vjeçar do të jetë pjesë e Tiranes si një përforcim me vlera për repartin difensiv.

Mbrojtësi 26-vjeçar vjen nga skuadra e Erzenit, ku këtë sezon spikati me efikasitetin para porte, duke shënuar shtatë gola në 12 aktivizime. Në të shkuarën Goxha ka qenë pjesë e Shënkollit, Besëlidhjes dhe Ilirisë.

Laçi dhe Tirana do të zhvillojnë një ndeshje miqësore, ku futbollisti durrsak do të ketë mundësinë të provojë veten para trajnerit të 24 herë kampionëve të vendit.

Goxha aktivizohet prej dy vitesh me skuadrën e Erzenit, ku në sezonin e tanishëm ka spikatur me golat e tij, teksa ka shënuar shtatë herë përgjatë 12 ndeshjeve.

Burime zyrtare pranë klubit shijakas e konfirmojnë diçka të tillë për SportEkspres.com. Goxha ka spikatur këtë sezon, pasi ka arritur të realizojë 7 gola në 12 ndeshje. Edhe pse luan si qendërmbrojtës, trajneri Gentian Stojku e ka zhvendosur në sulm dhe ia ka dalë të tregohet vendimtar për skuadrën e tij.

Goxha nuk ka luajtur asnjëherë në Superiore, por ka spikatur me paraqitjet e tij në të Parën. Fillimisht me Ilirinë e Fushë-Krujës dhe më pas me Erzenin. Besëlidhja dhe Shënkolli kanë qenë stacionet e radhës për mbrojtësin 26-vjeçar.

Sigurisht që tifozët bardheblu presin emra të njohur, por Goxha do t’i ngrohë për një fakt: i ka shënuar Partizanit me fanellën e Besëlidhjes, duke bërë që edhe të kuqtë të eliminoheshin nga Kupa e Shqipërisë në sezonin 2016-2017.

“Unë nuk e kisha menduar që të luaja si sulmues. Besimi që më dhanë drejtuesit, së bashku me mbështetjen e shokëve në skuadër, duket se më nderoi. Luajta në shtatë ndeshje si sulmues dhe shënova 7 gola, të gjithë të rëndësishëm për skuadrën e Erzenit në këtë gjysmë të parë të këtij sezoni”, kështu deklaroi sulmuesi i ri i Erzenit, Jurgen Goxha, i cili nuk mendon se do të jetë ai kryegolashënuesi në këtë kategori.

“Unë nuk mendoj se do të jem golashënuesi më i mirë i Kategorisë së Parë, sepse nuk është ky synimi im. Do të mundohem që të shënoj sa më shumë gola, por që këta të jenë në shërbim të skuadrës, sepse objektivi ynë nuk është vendi i 3-të ku renditemi pas 14 javëve, por ngjitja në Kategorinë Superiore. Vetëm 5 pikë diferencë kemi me vendin e parë, ndaj kemi besim se këtë objektiv do ta bëjmë realitet. Në pjesën tjetër të sezonit do shikoni Erzenin e Superiores”.