Dy humbje të pësuara dhe Supersport raporton se përfaqësues të klubit të Karabakut e kanë vëzhguar nga afër ekipin kryeqytetas. Paraqitja e bërë nuk ka qenë e mirë, ndërkohë që shqetësojnë shtatë golat e pësuar në dy ndeshje.

JURGEN BARDHI – Djaloshi nga Fushë-Kruja ka pasur probleme me rrëzat gjatë fazës përgatitore, çka e ka penalizuar të përgatitet. Sulmuesi ende nuk është gati për lojë dhe po punon i diferencuar dhe sikurse kuptohet shanset që të jetë gati ndaj Karabakut janë të vogla.

Trajneri Franko Lerda po i bën llogaritë pa Bardhin dhe në dy miqësoret e zhvilluara ka pozicionuar në sulm Emanuel Mensah. Ganezi, edhe vjet ka luajtur si “9”-sh dhe ish-trajneri Gega e kishte vlerësuar me nota pozitive paraqitjen e tij në atë pozicion.

Deri më tani flitet për interesim nga Kievo, klub që renditet në vendin e fundit dhe sezonin e ardhshëm me shumë mundësi do të luajë në Serie B. Kalimi i Hoxhës dhe i Bardhit në klubin e Serie A do të ishte një hap i madh.

Mbetet për t’u parë nëse italianët do të binden dhe të nisin bisedimet për transferimin e tyre. Partizani normalisht do ishte i gatshëm të dëgjonte ofertën e italianëve dhe për ofertën e duhur normalisht që do t’i shiste dy nga më të mirët e skuadrës.

Bardhi këtë sezon po luan rregullisht si titullar te Partizani dhe në 18 ndeshje ka arritur të realizojë tre gola. Trajneri Gega e ka pozicionuar shpesh si sulmues qendre. Sa i takon Hoxhës, ai është padyshim një portier me përvojë dhe pjesë e kombëtares shqiptare. Në fakt emri i tij është lidhur edhe në të shkuarën me Kievon dhe shpresohet të mos jetë një “shashkë” merkatoje apo sponsorizim menaxherësh.

Në një speciale për RTSH Sport ata flasin gjerë e gjatë dhe fillimisht tregojnë se si kuptohen mes tyre në fushën e blertë. Bardhi ia nis i pari: “Duke u parë në sy, unë për vete kështu i kuptoj”. Mala merr fjalën: “I kuptoj pa i parë fare”. Asani është në të njëjtën linjë. “Edhe unë njëjtë, pa i parë fare. E di se ku janë të dy”.

Duke qenë se luajnë në sulm e kanë provuar shijen e golit dhe në total numërojnë 10 rrjeta të tundura. “Pak gola mund të them se kemi shënuar”, thotë Bardhi, ndërkohë që edhe dy shokët e skuadrës ndajnë të njëjtin mendim. Të pyetur se si ndihen kur ekipi nuk shënon, fushë-krujasi i Partizanit pranon se e ndjen përgjegjësinë si sulmues.

“Unë për vete ndihem përgjegjës, pasi jam pika e parë e sulmit”, thotë i riu. Mala shton: “Normalisht që e ndjejmë përgjegjësinë. Pjesa kryesore është edhe e jona dhe duhet të kemi rendiment më të lartë”. Asani më tej shton: “Po nuk shënuam, do jetë më e vështirë për ekipin”.

Ndodh shpesh që sulmi ia hedh fajin mbrojtjes, por jo Bardhi. “Unë seriozisht ia hedh fajin vetes gjithmonë, jo lojtarëve të tjerë. Ata bëjnë në maksimum punën e tyre. Përgjegjësia bie te sulmuesi”. Për Malën përgjegjësia është e gjithë ekipit dhe nuk i vihet kujt gishti. Po kështu mendon edhe lojtari tjetër që plotëson treshen “BAM”.

Të tre e thonë njëzëri që Partizani futet gjithmonë për të fituar, ndërsa Asani është ai që thekson se kurrë nuk do të humbë. Por kush është më i shpejti prej tyre? “Se di, mua më thonë se jam më i shpejti. Unë jam i shpejtë në distanca, Mala në distanca të shkurtra. Asani është më i ngadalti”. Qeshin të tre dhe Mala shigjeton: “Pajtohem edhe unë me Bardhin, Asani është më i ngadalti”.

Lufta vijon për më të saktin. Bardhi mendon se dy shokët janë më mirë në këtë aspekt, ndërkohë që Mala aprovon dhe shton: “Them Asani. Nuk jep shumë, por jep pasa kualitativë”. Shqiptari i Maqedonisë mendon ndryshe: “Më i sakti mendoj se është… Alban Hoxha”. Bardhi do kish dashur të mos ishte aty kur flitet për lojtarin që pason më pak.

“Oj nënë e zezë. Bardhi? Jo, jo, Asani”, shton sulmuesi i formuar te të kuqtë. Mala e ka refrenin gati: “Pajtohem me Bardhin”. Ilaritet, ndërsa anësori i djathtë i zënë ngushtë përgjigjet: “Janë kundra meje, kuptohet. Unë mendoj se Bardhi nuk pason”.

Në fund flitet për titullin. Mala nuk dëshiron të flasë, Bardhi mendon se janë në rrugën e duhur për këtë dhe ka shumë besim se do ia arrijnë. Kurse për Asanin nuk ka dyshime. “E fiton Partizani, pasi jemi ekipi më i mirë në Superiore”.

Nëse vjet Lilaj ishte më i shtrenjti, referuar çmimit të transfermarkt, këtë sezon janë dy të huaj. Në fakt duhet përmendur që vlerësimi për ta është bërë prej kohësh dhe i referohet asaj që kanë bërë në Brazil dhe Kili. Uilliam Kordeiro dhe Sebastian Toro, në transfermarkt vlerëson me 600 mijë euro.

Jurgen Bardhi, i cili po bën një sezon të mirë, vlen 25 mijë euro më pak. Gentian Selmani, portieri i Laçit dhe i Shpresave, ka një çmim prej 550 mijë eurosh, ndërkohë që i njëjti vlerësim është edhe për ish-shokun e tij të skuadrës, sulmuesin aktual të Kukësit, Rexhinaldo.

I ngacmuar nëse synon “Këpucën e Artë”, sulmuesi i të kuqve u shpreh: “Të shënosh dy ndeshje do të thotë se je në rrugën e duhur. Duhet shumë punë dhe shumë fat”. Më tej Bardhi foli edhe për pozicionin e tij në qendër të sulmit.

“Ndihem mirë, pasi jam gjithmonë në kontakt me topin dhe duhet të shënoj gola. Deri tani po e bëj mirë dhe ndihem shumë mirë. Jam gjithmonë në lëvizje. Futja e Mensah ta largon disi nga porta? Trajneri na thotë të alternohemi, ai e bën mirë rolin e sulmuesit të parë. Alternohemi dhe kuptohemi shumë mirë”, shtoi 21-vjeçari i skuadrës kryeqytetase.

Bardhi ditë më parë lëshoi një batutë, duke u shprehur se për momentin ia kishin lënë golat Telushit. Tani e ka marrë vetë stafetën, teksa thotë: “Ma ka lënë mua njëfarë kohe tani , pastaj do ia lëmë atij”.

Në fund Bardhi foli edhe për presionin dhe mundësinë e një lëvizjeje në janar: “Nuk kemi presion, po i marrim ndeshjet një e nga një. Po ndihemi mirë. Merkato e janarit? Nuk e di, jam i fokusuar te Partizani për momentin. Po erdhi diçka, të shohim”.

PRESIONI I TITULLIT – “Këtë vit jemi më të qetë. Trajneri nuk na fut ne preson dhe na ndihmon, në ndryshim nga vitet e tjera ku ishim gjithmonë në presion nga titulli. Jemi me këmbë në tokë ndeshje pas ndeshje, nuk ka ndonjë presion të madh. Tifozët na kanë dhënë zemër për të vazhduar përpara edhe pas humbjes ndaj Skënderbeut”,  përfundoi 21-vjeçari.

MUNGESA E GOLIT – “Kjo puna e golit është konsumuar. Po luaj mirë dhe trajneri është i kënaqur me mua. Unë nuk po vras shumë mendjen për golin, po bëj mirë, po jap asiste, ndërsa Bruno (Telushi) po e bën mirë këtë (qesh)”

LUHET NË FUSHË KRUJË – “Fushë Kruja është një nga vatrat e tifozëve të Partizanit dhe në Selman Stërmasi çereku i tifozëve janë nga Fushë Kruja, besoj se do të jenë të shumtë në numër dhe do të na ndihmojë”

MOTIVI NDAJ EKIPEVE TË VOGLA – “Kampionati fitohet me ekipet e vogla dhe ne e vlerësojmë në maksimum ndeshjen me Kastriotin. Në të shkuarën kemi bërë gabime me ekipet e vogla. Besoj se do ia arrijmë të fitojmë”

PRESIONI I TITULLIT – “Këtë vit jemi më të qetë. Trajneri nuk na fut ne preson dhe na ndihmon, në ndryshim nga vitet e tjera ku ishim gjithmonë në presion nga titulli. Jemi me këmbë në tokë ndeshje pas ndeshje, nuk ka ndonjë presion të madh. Tifozët na kanë dhënë zemër për të vazhduar përpara edhe pas humbjes ndaj Skënderbeut”,  përfundoi 21-vjeçari.

https://www.instagram.com/p/BppTKHxFdws/?taken-by=dojnamema

Bukuroshja do të jetë në një intervistë këtë të shtunë në emisioni “Pop Culture” me Dojna Meman, ku do të flasë rreth jetës së saj, por dhe eksperiencës në botën e sportit. Edhe pse intervista e saj do të jepet në fundjavë, paraprakisht është shpërndarë një përmbledhje, ku shihet se nuk kanë munguar ndoshta dhe pyetjet disi provokative.

E pyetur se kush është futbollisti më seksi në Superiore, Nevina është menduar pak, por më pas nuk ka nguruar që të japë një përgjigje. Jurgen Bardhi është futbollisti që sipas saj bën diferencën nga pjesa tjetër. Të shtunën ndoshta do të mësojmë më shumë për moderatorin kinge të Procesit.

Një sfidë e veçantë do të jetë dhe për Albi Dokën dhe Jurgen Bardhin. I pari luan në krahun e djathtë të mbrojtjes dhe mbushi 21 vjeç në qershor, ndërsa i dyti aktivizohet në repartin ofensiv dhe do i mbushë 21 vjeç në nëntor. Janë përballur shumë herë mes tyre, luajnë bashkë në Kombëtaren U21 dhe janë miq të mirë.

Të premten do të vihen kundër njëri tjetrit, me synimin për të fituar dhe dhuruar tifozerive respektive emocione të mëdha. Ndjesia e derbit është e papërkrueshme, por Doka dhe Bardhi shpjegojnë  për “Supersport” emocionet e ndeshjes dhe janë gati për të dhënë gjithçka dhe për të triumfuar në këtë sfidë.

ALBI DOKA – “Që i vogël i kam luajtur të gjithë derbit. Kemi dalë të humbur dhe të fituar. Kam qenë kapiten aty, kurse tani kam kaluar tek ekipi i madh. Është një ndjesi e veçantë normalisht, pasi të gjithë djemtë, të cilët janë te moshat, duan të luajnë një ditë tek ekipi i parë. Jemi shumë të motivuar dhe shpresoj ta fitojmë këtë derbi.”

“Vitin e fundit që kemi qenë te moshat, zakonisht, e kemi fituar ne derbin, por edhe kemi humbur. Ka qenë një ndjesi e veçante. Me ekipin e parë nuk e kam provuar shijen e fitores, por besoj se do e provoj këtë të premte dhe jam shumë i sigurt për këtë gjë.”

“Bardhi është lojtar shumë i mirë, e kam shok edhe jashtë fushe, shok në kombëtare. Se kush fiton ia lëmë fushës. Fitoftë më i miri.”

JURGEN BARDHI – “Derbi… Vetë fjala derbi të jep një emocion të veçantë. Edhe te të rinjtë ndodh kështu, por tek ekipi i parë ka ndryshim të madh. Kjo sepse ndikojnë edhe tifozët, ambienti, mediat dhe gjithçka tjetër. Ndërsa te të rinjtë, thuaje derbi dhe duhet ta fitoje. E ndjeje si ndeshje.”

“Vetë njerëzit e mendojnë si një festë të këtij qyteti. Xhaxhai im do të vijë nga Anglia që ta shohë këtë ndeshje.”

“Me Dokën kam një miqësi të veçantë sepse kemi qenë së bashku me kombëtaren shumë herë, jemi përballur shpesh me ekipet, sidomos me Tiranën. Kemi pasur ‘ngacmime’… më shumë kam dal unë fitimtar dhe besoj se edhe këtë ndeshje do ia dal me shpresën e Zotit.”

“Partizani i ri në moshë? Trajneri Gega i do të rinjtë, sepse ka punuar me U21. Por, të rinjtë e Partizanit janë talentë dhe super-lojtarë. Besoj se e meritojnë besimin e trajnerit. Konkurrenca? Kur ka konkurrencë në ekip është gjë e mirë. Kjo duhet në ekip, mbi të gjitha kur janë lojtarë të rinj, sepse i shërben shumë mirë grupit”.

“4 vjet te Partizani, është pritur shumë nga Bardhi, por si e vlerëson vetë ecurinë në ekip? Edhe unë vetë nuk jam shumë i kënaqur, por problemi im është goli. Atë duhet të rregulloj dhe do të punoj të përmirësohem në këtë pikë. Do të stërvitem më shumë të kap formën. Duhet shumë shumë punë, sepse kampionati shqiptar është mjaft i vështirë. Luhet një futboll mjaft fizik dhe jo aq shumë me topin”.