juninho

VIDEO | Rikthehet gjunjëzuesi Zhuninjo, prezantim me perla!

Sport Ekspres — Sun, 26 May 2019 12:22:58 +0000

Zhuninjo Pernanbuko… Kaq mjafton dhe besoj e dini se për kë bëhet fjalë dhe se çfarë do të shijoni. Padyshim një ndër ekzekutuesit më të mirë të goditjeve të dënimit në historinë e futbollit. Së fundmi ka vendosur të rikthehet te klubi ku u bë i njohur, Lioni.

Braziliani do të ketë rolin e drejtorit sportiv në ish-klubin e tij. Ndërkohë, për nder të rikthimit të tij, “RMC Sport”, ka publikuar një video të golave të shënuar nga Zhuninjo në UEFA Champions League.

Golat janë vetëm ato të shënuar në goditje dënimi, teksa listohen që nga gjunjëzimi i Oliver Kan, e deri te perlat e shënuar kundër Barcelonës apo Realit të Madridit. Komentet e shumta janë të tepërta, thjesht shijoni “perlat”…

Revolucion brazilian te Lioni, presidenti Olas rikthen legjendën e klubit në Francë

Sport Ekspres — Mon, 20 May 2019 16:26:08 +0000

Presidenti i Lionit Zhan-Pol Olas ka habitur duke i besuar “frerët” e klubit të tij dyshes së ish-futbollistëve brazilian Silvinjo dhe Zhuninjo. Ky i fundit rikthehet në klubin ku gëzon statusin e një legjende. Zhuninjos i është besuar posti i drejtorit teknik, rol ky që e vendos në krye të strategjisë së merkatos së Lionit.

Ish-lojtari i Barcelonës, Silvinjo është emëruar trajneri i ri skuadrës duke pasuar Bruno Zhenesion, i cili pritet që së shpejti të fillojë punën në një klub të Premier League.

Silvinjo

Silvinjo nuk ka punuar kurrë si trajneri i parë, por në dekadën e shkuar ka fituar eksperiencë të çmuar si zëvendës-trajneri i Roberto Mançinit tek Interi dhe më pas në të njëjtin rol te Brazili duke asistuar teknikun Tite. Të dyja lëvizjet shihen si baste të rrezikshme, por tashmë vendimi është marrë.

Zhuninjo

Mesi specialist i goditjeve të dënimit, por “mbreti” është një brazilian

Sport Ekspres — Fri, 05 Apr 2019 15:41:14 +0000

Lionel Mesi vazhdon të mrekullojë botën me bëmat e tij në fushën e bletë. Gjatë viteve të fundit “pleshti” është shndërruar në një ekspert të goditjeve të dënimit, duke shënuar më shumë se kushdo në majën e futbollit botëror.

Gjatë karrierës së tij si futbollist profesionist, Mesi, ka shënuar 48 gola me goditje dënimi. Në një studim të bërë nga revista franceze “Onze Mondial”, Mesi mban vendin e 13-të përsa i përket renditjes së përgjithshme të golave të shënuar nga goditjet e dënimit.

Si për ironi mbi të është Kristiano Ronaldo, i cili ka regjistruar 53 gola, por duhet thënë se në shtatë vitet e fundit portugezi ka pësuar një regres të frikshëm, duke shënuar vetëm 10 goditje dënimit, ndërsa në të njëjtën kohë Mesi ka realizuar më shumë se dyfishin e Luzitanit: 24.

Voici le classement des joueurs ayant inscrit le plus de coups francs en carrière ! ? pic.twitter.com/DEOS1bNob8

— Onze Mondial (@OnzeMondial) April 5, 2019

Tri vendet e para të listës i mbajntë tri brazilianë: Ronaldinjo (66), Pele (70) dhe Zhuninjo me një rekord prej 77 golash, ky i fundit njihet si një eksperti numër një i goditjeve të dënimit në të gjithë historinë e futbollit. Janë të shumta rastet kur braziliani nderonte Lionin ose Brazilin me ekzekutime perfekte. Largësia nga porta nuk përbente problem për Zhuninjon, ai dinte gjithmonë si të gjente rrugën e rrjetës.

VIDEO | Para një dekade, kur Zhuninjo “masakronte” Barcelonën

Sport Ekspres — Mon, 25 Feb 2019 16:55:54 +0000

Braziliani Zhuninjo ka qenë një ndër lojtarët më të mirë që ka veshur fanellën e francezëve të Lionit. Mesfushori shquhej për goditjet e tij të dënimit, të cilat i ekzekutonte në mënyrë të përkryer.

Shpeshherë, nuk kishte rëndësi distanca apo këndi ku ishte topi: Zhuninjo vetëm gjente rrjetën! Sot dhjetë vite më parë, braziliani i shënoi një nga golat më të bukur në historinë e Ligës së Kampionëve Barcelonës, duke shtangur portierin Valdes.

Nga një kënd i pamundur, Zhuninjo gjuan fort me të djathtën, top që përfundon në shtyllën e dytë dhe në trekëndëshin e portës. Faqja zyrtare e UEFA-s është rikthyer pas në kohë dhe ka publikuar videon e këtij goli, që është i paharrueshëm si për mesfushorin brazilian, ashtu edhe për tifozët e Lionit.