Me afrimin e tij mund të konsiderohet një çështje e mbyllur pista Julian Shehu. Mesfushori i Shqipërisë U21 ishte një nga dëshirat e Partizanit dhe me drejtuesit e Kastriotit ka pasur edhe bisedime. Palët patën madje edhe një akord, por të kuqtë sikur u tërhoqën dhe mbetet të shikohet se ku do të luajë Shehu sezonin e ardhshëm.

KONTRATAT – Egzon Belica dhe Ardit Hila janë lojtarët të cilëve sot u mbarojnë kontratat. Ende me asnjërin prej tyre nuk ka marrëveshje për vazhdimin e bashkëpunimit. Para disa ditësh në Slloveni mbërriti një mbrojtës, Muarem Axhem, i ngjashëm me Belicën.

Së fundmi ka nënshkruar edhe Rron Broja, i cili luan në të njëjtin rol me Hilën. A po “gatuhet” diçka nuk dihet, por është fakt që me të dy lojtarët kampionë të sezonit të shkuar gjërat duhet të ishin mbyllur me kohë.

Të dy kanë qenë shumë të rëndësishëm në fitimin e titullit vjet dhe janë nga ata që i bëjnë goxha punë të kuqve edhe për të ardhmen. Mbetet për t’u parë se çfarë do të ndodhë me ta, sikurse edhe me lojtarë të tjerë që dalin të lirë nga dita e nesërme.

Momentalisht mungon vetëm firma dhe zyrtarizimi, ndërkohë që për Sportekspres.com, administratori i klubit krutan, Gazmend Vogli, ka deklaruar se parimisht mes palëve ka një marrëveshje dhe shumë shpejt do të vijë edhe zyrtarizimi.

“Parimisht kemi rënë dakord me Partizanin për Julian Shehun, por ende nuk e kemi zyrtarizuar. Kemi edhe disa detaje në kontratë, por e mendoj të përfunduar”, është shprehur Vogli shkurtimisht. Julian Shehu luajti 31 ndeshje me fanellën e Kastriotit në sezonin e kaluar, ndërkohë që shënoi edhe katër gola.

Ai shikohet si një afrim shumë i rëndësishëm te Partizani, ndërkohë që krutanët do të përfitojnë financiarisht nga kjo lëvizje. Me shumë mundësi ata do të mbajnë edhe 20% të kartonit, një nga kushtet e vendosura që në fillimin nga Kastrioti.

AGRON KAJA

Shehu e di shumë mirë që në dy javët e fundit Kastrioti nuk mund të gabojë: “Synimi është të marrim maksimumin me Teutën dhe të bëjmë më të mirën me Kukësin. Do shohim veten tonë. Nëse Tirana bën hap fals, na ndihmon edhe ne”.

Mesfushori, kur pyetet pse besojnë te Kastrioti te mbijetesa, thotë: “Paraqitjet këtë vit na japin motivimin për të besuar që do e realizojmë objektivin. Ka qenë një sezon i mirë për mua. Jam i kënaqur që e kam ndihmuar ekipin me golat dhe paraqitjet e mia”.

Sa i takon të ardhmes, Shehu nuk dëshiron të flasë shumë. Momentalisht mendon vetëm për Kastriotin.  “Nuk e di akoma, nuk kam vendosur. Jam i përqendruar te sezoni me Kastriotin, pastaj do mendoj për të ardhmen time”, përfundon Shehu në RTSH Sport.

Pas ndeshjes, që përfundoi 0-0, Shehu ka folur për Supersport: “Ishte një ndeshje mjaft e vështirë për të dyja ekipet, që donin të mos dilnin pa pikë nga kjo ndeshje dhe sidomos ne. Kishim gjithë javën që e përgatisnim ndeshjen, për të hequr presionin dhe për të dhënë më të mirën. Një barazim nuk ishte rezultat i keq për ne, por kishin raste për shënuar. Fatkeqësisht nuk ia dolëm”.

Shehu është optimist, teksa pret që javën e ardhshme Laçi t’u bëjë një nder: “Besoj se ky barazim do të na ndihmojë, shpresoj që Laçi do të fitojë kundër Tiranës dhe do të na bëjë një nder neve. Besojmë se do të ndodhë kjo gjë dhe në fund do të dalim ne të fituar”.

Kastrioti javën e ardhshme pret Teutën dhe një fitore me durrsakët u shkon për shtat edhe kurbinasve, që duan të shkojnë në kupat e Europës. Një mundësi për të dyja ekipet që të ndihmojnë njëra-tjetrën në objektivat që kanë.

Mesfushori i Kastriot, Julian Shehu, ka folur në lidhje me transfertën e kësaj fundjave për “Supersport”, ku është shprehur se pozitat e skuadrës së tij në renditje i bëjnë të domosdoshme tri pikët për ekipin ku ai bën pjesë.

“Është e vërtetë kemi marrë rezultate jashtëzakonisht të mira gjatë 2019-ës. Objektivi jonë është mbijetesa në Superiore dhe shpresojmë se do t’ia arrijmë”.

“Transferta me Skënderbeun është mjaft e vështirë. Pavarësisht problemeve të kohëve të fundit ata mbeten një ekip për t’u marrë në konsideratë. Pozitat na detyrojnë të shkojmë në Korçë për të marrë maksimumin, pra tri pikët. Gjithsesi çdo pikë vlen”, përfundoi 20-vjeçari.

Mesfushori u ndëshkua me karton të verdhë ndaj Laçit dhe për të ishte i teti, ndaj i duhet të shlyejë pezullimin. Kështu në transfertën me Flamurtarin në Vlorë ai nuk mund të luajë. Devolli tashmë po mendon kë të aktivizojë nga fillimi.

Kastrioti, pas 23 javësh kampionat renditet në vendin e parafundit dhe synon të parakalojë Luftëtarin, që ka pesë pikë më shumë. Për këtë arsye objektivi është që ta marrin pikë në Vlorë. Ecuria e krutanëve gjatë këtij viti është mjaft e mirë, pasi në pesë ndeshje ka grumbulluar 10 pikë.

Në lidhje me mbijetesën, ai tha: “I kemi mundësitë për të qëndruar në Superiore. Do japim maksimumin deri në fund për të marrë rezultate pozitive. Pastaj të shohim. Ka akoma shumë ndeshje dhe shpresoj ta arrijmë objektivin”.

“Goditjet standartë, topat e dytë? Është e saktë, kemi pësuar edhe me Partizanin pas një topi të dytë. Janë disa momente që ndonjëherë shpërqendrohemi dhe nuk jemi aty ku duhet. Ndaj edhe pësojmë. Do mundohemi t’i evitojmë këto gabime në ndeshjet e ardhshme”.

“Zotërimi i topit? Era na pengoi në lojë. Duhet të ishim më vigjilent, duke kuptuar pozicionimin e mbrojtjes së Laçit. Duhet të jepnim më shumë topa për sulmuesit, pasi ata janë të shpejtë. Do mundohemi t’i furnizojmë me topa në vazhdim”.

Tanimë edhe Kastrioti ka njoftuar ndërprerjen e bashkëpunimit: “KS Kastrioti ka mbyllur zyrtarisht marrëveshjen e bashkëpunimit me mesfushorin spanjoll Pablo Gallego, i cili ishte bashkuar skuadrës në merkaton e verës. Lojtari dhe Klubi e kanë mbyllur me mirëkuptim marrëveshjen e bashkëpunimit, dhe që prej ditës së djeshme Gallego është lojtar i lirë. Klubi e falënderon mesfushorin për kontributin e dhënë me Kastriotin dhe i uron suksese në karrierën e tij si futbollist”.

https://www.facebook.com/KSKastrioti/photos/a.1086002451515971/1908295985953276/?type=3&theater

SHEHU – Kastrioti këtë javë luan sërish në shtëpi dhe këtë herë pret Kamzën e vendit të parafundit. Krutanët për këtë takim nuk do të kenë mesfushorin Julian Shehu, i cili ndaj Partizanit mori kartonin e katërt të verdhë.

Mesfushori 20-vjeçar do të duhet të pushojë këtë javë. I riu ka qenë titullar në 10 takime me Kastriotin këtë sezon, duke bërë paraqitje të mira. Ai madje ka arritur të shënojë edhe një gol në humbjen 2-3 që krutanët pësuan në shtëpi me Tiranën.