julian brandt

Dortmundi e ka seriozisht, gati zyrtarizimi i blerjes së tretë!

Sport Ekspres — Wed, 22 May 2019 10:50:14 +0000

Merkatoja ende nuk është hapur zyrtarisht, por me fundin e sezonit lëvizjet e para nisin të bëhen zyrtare. Klubi që duket më aktivi është padysh Borusia e Dortmundit.

Verdhezinjtë e kanë nisur vrullshëm dhe me blerje të bujshme. Një ditë më parë klubi nga “Ëestfalenstadion” zyrtarizoi Niko Shulc, ndërsa sot e kishte radhën Torgan Hazard. Mbaroi me kaq?!

Absolutisht që jo. Blerja e tretë është gati të bëhet zyrtare dhe ai është Julian Brand. 25 milionë euro në arkat e Leverkuzenit dhe një ndër lojtarët më premtues gjermanë vesh fanellën e verdhezinjve.

#BVB this summer:

?Julian Brandt from #Bayer €25m
?Thorgan Hazard from #Gladbach €28m+
?Nico Schulz from #Hoffenheim €25m

Less than €80m for three national team players. Respect!

— Manuel Veth (@ManuelVeth) May 21, 2019

Totali? 78 milionë euro, tre transferime të kryera, që të tre lojtarë në kombëtaret respektive, Gjermani dhe Belgjikë. Ditët e sotme vështirë se mund të blesh tre lojtarë për 78 milionë euro, por Dortmundi ka bërë goditje të zgjuara dhe të bujshme…

Gjermani “lë thatë” Juventusin, gati firma me nënkampionët

Sport Ekspres — Mon, 20 May 2019 12:53:52 +0000

Zgjedhja e trajnerit të ri do të zhbllokojë edhe merkaton e Juventusit. Megjithatë, bardhezinjtë duhet të shohin për një mesfushor ofensiv tjetër, pasi një nga objektivat ka bërë një zgjedhje ndryshe.

Julian Brandt është pjesë e Bajer Leverkuzen prej verës së vitit 2014, ndërsa numëron edhe 2 gola të shënuar në 24 ndeshje me kombëtaren gjermane. 23-vjeçari, i cili bën mirë edhe krahët e sulmit, ndiqet prej kohësh nga Juventusi, Atletiko Madrid dhe Borusia e Dortmundit.

Ai ka vendosur të largohet nga “Aspirinat”, por nuk do të ndryshojë kampionat. Sipas gjermanes “Kicker”, Brandt do të transferohet në “Signal Iduna Park”. Babai i tij ka zhvilluar kontakte intensive me Dortmundin dhe Brand pritet të vishet verdhezi sezonin e ardhshëm.

Liverpuli mendon për të ardhmen, ndjek “xhevahirin” gjerman

Sport Ekspres — Wed, 10 Apr 2019 10:26:20 +0000

Julian Brand është një nga talentet që po shkëlqen në Bundesligë. Lojtari i krahut aktivizohet tek Bajer Leverkusen dhe kontrata me gjermanët skadon në vitin 2021. Ajo çka i shqetëson drejtuesit e skuadrës së aspirinave është klauzola aktuale e largimit të 22-vjeçarit.

Shifra tavan që Leverkusen ka vendosur për largimin e sulmuesit është 25 milionë euro. Çmim ky mjaft i ulët për një futbollist që në tregun e sotëm vlerësohet të paktën 50 milionë euro.

Sigurisht që klubi i ka ofruar atij një kontratë të re në tavolinë, por i riu akoma nuk ka vendosur dhe është shprehur për gazetën Bild se do të përqëndrohet tek futbolli për momentin. Vendimin për të ardhmen dëshiron ta marrë në fund të sezonit.

Nga kjo situatë po tenton të përfitojë Liverpuli. Anglezët janë klubi më i interesuar për të. Ato do bëjnë çmos ta marrin lojtarin për 25 milionë euro, gjithsesi Brand nuk ka pranuar të negociojë me asnjë palë pa mbaruar sezoni. Ai po bën shumë mirë tek Leverkusen duke dhënë shtatë asiste dhe shënuar 14 gola në 37 ndeshje deri tani.