Sezoni i shkuar ishte sukses i madh në fushë, por të gjithë lojtarët u larguan, me përjashtim të disa të rinjve vlonjatë. Në Vlorë kanë mbetur lojtarë që i mban lidhur kontrata, apo që nuk kanë ende oferta, sepse do të kishin ikur edhe 18-vjeçarët.

E megjithatë, Sinan Idrizi nuk dorëzohet dhe Sport Ekspres mëson se në fundjavë në Vlorë pritet të prezantohet trajneri i ri. Do të jetë Julian Ahmataj, i cili e ka pranuar ofertën e Idrizit, edhe pse e ka të qartë se do të duhet të nisë gjithçka nga zero, me një buxhet të denjë për Burrelin apo Mamurrasin.
Ahmataj do të marrë me vete stafin e tij, ndërsa nuk dihen ende detajet financiare, që në fakt nuk kanë shumë rëndësi, sepse në Vlorë nuk është se po i merr njeri paratë.

Pas prezantimit, Ahmataj do të mbledhë gjithë të rinjtë vlonjatë, si dhe do të flasë me lojtarë që i njeh personalisht, për t’i afruar me paga simbolike, por me premtimin se një vit i mirë në Vlorë do t’u hapë rrugën për klube më të pasur.

Trajneri Julian Ahmataj dje ka marrë në dorë masën disiplinore të klubit dhe sigurisht ndihet i zhgënjyer për gjithçka ndodhi. “Nuk isha lajmëruar për pezullimin, e mora vesh nga mediat. Nuk më lanë të drejtoja ekipin, ma dhanë pezullimin në dorë para stërvitjes. Falënderoj tifozët dhe qytetarët e Gjirokastrës”, thotë fillimisht Ahmataj për Supersport.

Më tej ai shton: “Më bën krenar puna e djemve. Nuk jam i pari që i ndodh kjo gjë. Jam krenar për atë që kemi bërë. Jemi krenar për punën e bërë dhe punën që do të bënim, pavarësisht problematikave që kemi pasur. Më mungon një mirënjohje, që ma kanë dhënë njerëzit dhe tifozët”.

Albano Aleksi ka thënë fjalët e tij gjithashtu: “Nuk ndihem mirë për vendimin e marrë, por zbatoj rregullat. Shkova në stërvitja, atje m’u dha një letër. Këto janë vendimet. I falënderoj për 4 vitet që kam kaluar dhe jam rritur si sportist. Do më mungojnë shumë, kisha bërë shumë miq edhe jashtë fushe. Nuk e prisja. Nga mënyra se si shënuam dhe pësuam golat me Tiranën, nuk besoja se do merrej një vendim i tillë. Kam dhënë maksimumin në çdo ndeshje”.

Në fund flet edhe Xhekson Ferreira: “Falënderoj Luftëtarin për çdo gjë. Kam dhënë më të mirën time. E kam dëgjuar argumentin e klubit që nuk luajta mirë me Tiranën. Edhe Mesi nuk luan gjithmonë mirë. Edhe herë tjetër kam luajtur keq”.

Braziliani shkaktoi një penallti ta pakuptimtë. Kur topi po dilte nga zona ai pengoi me duar Halilin dhe për gjyqtarin Eldorian Hamiti. Në fakt askush nuk ka dyshime për atë 11-metërsh, që ishte i dukshëm. Xhekson sigurisht duhet të kishte qenë i kujdesshëm, pasi ajo ishte një penallti “e falur”.

Gjithsesi njëfarë pakënaqësie ka pasur ndaj gjykimit për ndeshjen e djeshme. Një rast i dyshimtë penalltie u regjistrua me Eljan Çelajn, i cili përfundoi i shtrirë në zonë kur ndeshja ishte 4-1. Ndoshta aty Hamitaj ka gabuar.

Pas ndeshjes është parë edhe trajneri Ahmataj, i cili po bisedonte me Klajdi Kolën. Nuk dihet për çfarë po flitej konkretisht, por dallohej që trajneri i Luftëtarit po ankohej. Gjithsesi në Gjirokastër e dinë mirë që eliminimi i tyre nuk erdhi prej gjykimit, edhe pse kanë pretendimet e tyre edhe për një penallti në ndeshjen e parë.

Eksperienca dhe dëmtimet e shumta janë dy ndër faktorët në disavantazh të Luftëtarit sipas Ahmatajt. Në daljen për shtyp për këtë ndeshje, tekniku bluzinjve tha se do të jetë i  detyruar t’i besojë lojtarëve të rinj.

“Ndeshjet fitohen në fushë dhe jo me deklarata. Vijmë në këtë takim të cunguar pas na mungojnë shumë lojtarë bazë të skuadrës, por kam shumë besim te brezi i ri dhe të lojtarët që stërvit”.

“Favoriti i kësaj gjysmëfinaleje është Tirana për faktin sepse është një skuadër që ka fituar shumë trofe dhe ka luajtur shumë ndeshje të tilla në këtë nivel dhe më lartë se ky nivel, ndërsa Luftëtari është në herë të parë për këtë situatë. Gjithsesi do bëjmë maksimumin për të kapur objektivin”.

“Ndonjëherë ndeshjet pa tifozë nuk i pëlqejnë askujt pasi futbolli në fund fare luhet për tifozët, janë ata që i japin adrenalinë futbollistëve dhe rrisin nivelin e lojës të lojtarët me thirrjet e tyre, por jemi të detyruar të luajmë kështu”.

Trajneri Julian Ahmataj ka dalë sot para mediave dhe ka folur. Fillimisht për kundërshtarin e radhës dhe objektivat: “Është një klub që u jep besim njerëzve, punohet seriozisht. Atje janë seriozë dhe duan punë e ide të reja. Ndeshja është shumë e vështirë. Do jetë e luftuar për vetë objektivat. Do mundohemi të marrim maksimumin e të dalim me kokën lart”.

Tekniku elbasanas ka komentuar edhe mungesën e titullarëve, por nuk qahet. Ai u beson shumë të rinjve që do të aktivizohen: “Kemi shumë mungesa, sidomos të boshtit të skuadrës. Këto ndikojnë në mbarëvajtje, por kam besim te lojtarët që do luajnë. Edhe ata stërviten me skuadrën, edhe pse janë të rinj. U ka ardhur momenti të bëjnë më të mirën për veten e tyre dhe për skuadrën”.

POZICIONIMI I ALEKSIT – “Aleksi ka shumë ndeshje që luan në atë pozicion (mesfushor para mbrojtjes), që pas dëmtimit të Ramadanit. Ka qenë ekuilibrus i skuadrës sonë, na ndihmon si në fazën mbrojtëse, por edhe atë sulmuese. Të them të drejtën na ka munguar disi ajo çfarë Aleksi  i jep skuadrës në fazën sulmuese”.

BARAZIMI NDAJ TIRANËS – “Në fillim kërkova më shumë se ç’duhet, por ma kishte imponuar skuadra me ndeshjet që kishte kryer më përpara. Prej kësaj mu krijua përshtypja se skuadra do të ishte më kreative në sulm”.

NDESHJA –“Duhet të rikthehemi shumë në kohë që të gjejmë një gjysmëfinale që mbyllet që në ndeshjen e parë. Tirana bëri mirë, e bllokoi manovrën sulmuese tonën, e përgëzoj trajnerin Mema. Të dyja skuadrat ishin të vendosura mirë taktikisht.  Çdo gjë është e hapur

PRETENDIMI PËR PENALLTINË – “Nuk komentoj rastet, pasi kam vendosur të mos flas për asnjë vendim të arbitrave”.

MUNGESA E DUNGËS – “Mungesa e një lojtari si Dunga që ka bërë mirë ndihet. Janë mjekët që po merren me rikuperimin e tij. Ka një problem shëndetësor, besoj se do të jetë gati. Ne kemi shënuar në çdo ndeshje. Dunga ka shënuar pesë gola. Mund të them së shpërndarja e golave ka qenë e mirë, kanë shënuar dhe mbrojtësin e mesfushorët. Sot duhet përgëzuar dhe lojtari i ri Oshafi, një 19-vjeçar. Kemi dy alternativa për repartin e sulmit”.

KAMPIONATI – “Kam kërkuar që të jemi të vëmendshëm në çdo aspekt. Them se këtë e kemi bërë mirë, pasi ekipet kundërshtare e kanë të vështirë të na shënojnë”.

KRAHASIMI ME KAMZËN E VJETSHME – “Me Kamzën na shërbyen mirë rezultatet e para. Atëherë isha një trajneri më i ri dhe më duhet që fillimisht të bindja lojtarët. Te Luftëtari kam gjetur një skuadër më inteligjente. Kemi pasur shumë kohë për të përgatitur ndeshjet”.

“Jemi shtatë pikë larg Kastriotit, duhet të punojmë çdo ndeshje. Asnjë nuk ka mbaruar. Ndeshjet duhen marrë nga një. Duhet të përdorim lojtarë, siç bëmë sot. Kur skuadrat bien fizikisht, mund të në shërbejnë”.

“Duhet ta arrijmë objektivin, pastaj klubi e bën skuadrën. Nuk e kam bërë unë. Jam munduar t;i marr maksimumin dhe do vazhdoj. Bakaj dhe Ruçi janë cilësorë dhe i kanë dhënë skuadrës. Gabimet ndodhin, nuk ka pse rëndohet portieri. Nuk ka njeri që nuk gabon në futboll”.

“Nuk transmetoj presion te skuadra. Kemi qenë në situata edhe më të vështira. Ekipi ka për detyre të luajë futboll, të bëjë çka bën stërvitja. Përgjegjësia është e imja po gaboi skuadra, siç kam bërë në të shkuarën”.

“Edhe pse pësuam, patëm ekuilibër. Edhe pse futëm lojtarë sulmues, sërish kishim ekuilibër. Kjo na jep siguri. Është një sjellje e niveli të lartë nga ekipi, sikurse bëri Rapa me Sukajn kur na kapën dy kundër 1”.

“Duhet t’i luajmë ndeshjet dhe të japim maksimumin. Askush nuk futet në fushë për të humbur. Nuk i mendoj pikët para ndeshjes. Atë që jep në fushë merr. Kjo duhet ngulitur në kokën e lojtarëve. Vetëm me këtë mentalitet ecet përpara”, është shprehur Ahmataj.

Nesër bluzinjtë përballen me Flamurtarin, ndërsa në mesjavë është radha e gjysmëfinales së parë të Kupës së Shqipërisë. Luhet kundër Tiranës dhe për trajneri e Luftëtarit është me rëndësi të menaxhohet grupi i lojtarëve. Në Vlorë mungon Koconis dhe Ramadani i dëmtuar, ndërkohë që shpresohet të mos ketë probleme në vazhdim.

“Duhet të menaxhojmë lojtarë, tani është me rëndësi të mos kemi dëmtime. Mungesat do ndikonin edhe në cilësinë e lojës së skuadrës. Na ka ndodhur me Ramadanin. Kemi pasur edhe dëmtime të tjera, por ato kanë qenë të lehta. Ne do japim maksimumin, pastaj flet fusha”, u shpreh trajneri i Luftëtarit.

Në daljen për shtyp që i paraprin transfertës së nesërme ndaj Flamurtarit, Ahmataj vuri theksin te situata e dëmtimeve, diçka për të cilën ai theksoi se do të marrë masa duke menaxhuar siç duhet grupin e lojtarëve që ka në dispozicion.

“E sigurt është do të japim maksimumin në ndeshjet tona. Askush nuk hyn në një ndeshje për të mundur ose për të mos rezultatin pozitiv. Nuk do t’i mendoj kurrë pikët para ndeshjes, por vetëm pas ndeshjes. Atë që jep në fushë atë merr, kjo është ajo që duhet t’i ngulis në kokë futbollistëve, që ata të hyjnë në ndeshje më mentalitet fitues”.

“Duhet të menaxhojmë lojtarët pasi në këtë fazë finale është shumë e rëndësishme që të mos kemi shumë dëmtime, pasi më pas mund të penalizohemi në cilësinë e skuadrës siç na ka ndodhur me kapitenin Ramadani që është i dëmtuar”.

Sulmuesi anësor Realdo Fili u shpreh se dëshiron tw ndihmojw duke shënuar. Goli i fundit i fierakut në Kategorinë Superiore daton thuajse tre muaj më parë në takimin e 27 janarit kundër Kastriotit: “Shpresoj që unë të ndihmoj ekipin jo vetëm me lojë të mirë, por edhe me gola dhe asiste, pasi janë të rëndësishme. Kryesorja është që ekipi të marrë rezultat pozitiv dhe të arrijmë objektivin”, përfundoi Fili.

Tekniku 39-vjeçar u pyet mbi deklaratat e trajnerit tw Tiranws Adrian Mema, kur ky i fundit përdori fjalwn provinca. Sipas Ahmatajt deklarata ishte e nxituar dhe jo e duhura, por diçka qw ai e mirwkupton si pasojë e stresit shkaktohet te trajnerët gjatw ndeshjeve.

DEKLARATAT E MEMËS MBI PROVINCAT – “Mos i merrni për bazë deklaratat që trajnerët japin në përfundim të ndeshjeve. Trajnerëve u ngarkohet shumë stres gjatë ndeshjeve. Të gjitha problemet e klubit në ato momente bien mbi shpinën e trajnerit. Në aspektin emocional nuk është momenti i duhur për të dhënë deklarata. E shikoj pak të nxituar, kështu e kuptoj. Natyrisht nuk ishte deklarata e duhur, por në unë e mirëkuptoj pasi dhe unë në momente të nxehta mund të them një fjalë që nuk mund të pëlqehet”.

LUFTËTARI – “Nuk është rastësore që gjithë këta lojtarë që dalin nga kjo skuadër. Presidentët bëjnë një punë shumë të mirë. Kemi një drejtor që quhet Gentian Nora. Ai punon shumë mirë dhe njeh çdo futbollist dhe ka sy për të përzgjedhur elementët e duhur”.

KONKURRENCA PËR NJË VEND NË EUROPË – “Është një garë shumë e fortë. Ky kampionat ka treguar se nuk ka më shumë diferenca. Skuadra që do të jetë në momentin më të mirë në hapat finalë do të jenë ato që do të kapin Europën. Ka të bëjë dhe me fatin, dëmtime e kartonat. Është një luftë shumë e fortë”.

EUROPA NËPËRMJET KUPËS – “Në radhë të parë objektivi i parë i skuadrës është largimi sa më i shpejtë nga zona e ftohtë, ky është objektivi. Pa diskutim që jemi në gjysmëfinale të Kupës dhe prej asaj mund të shkohet në Europë”.

FLAMURTARI – “Kanë një trajner që punon shumë mirë taktikisht kisht me skuadrën. Futbollistët me të cilën po punon kanë shkuar aty ku ai kërkon dhe kanë marrë një eksperiencë të mjaftueshme për të qenë të denjë për të përballuar rezultatin. Kjo na e bën shumë të vështirë, në situata të tjera ku ka qenë Flamurtari këtë sezon mund ishim ndjerë më komod për të marrë një rezultat më të thjeshtë. Ndeshje e parë e imja ndaj tyre ishte ndër më të vështirat nga aspekti taktik. Asaj skuadre nuk i gjen dot gabime pavarësisht elementit të ri që kanë brenda skuadrës”.

“ E kam thënë gjithmonë, nuk ka presion. Kemi një garë, kemi katër pikë më shumë. Ka edhe shumë ndeshje, Çdo gjë nis nga zero. Luajmë ndeshjet tona, nuk kemi punë me kundërshtarët. Duhet të mos bëjmë gabime, pasi ato të humbin ndeshjet”.

“Ndeshja në shtëpi ndryshon. Duhet t’i përshtatemi Laçit dhe të mundohemi t’u gjejmë pikat e dobëta dhe të evidentojmë pikat e forta që ato kanë”.

“Lodhja? Kemi 6-7 lojtarë që kanë marrë minuta të rregullta. Do mendojmë të rikuperojmë lojtarët e tjerë, që nuk kanë dëmtime të rënda. Kemi aktivizuar të rinj dhe ata lojtarë që janë afruar në merkato. Kam pasur rrotacion për të ruajtur freskinë. Është e pashmangshme. Do bëjmë maksimumin”.

“Për mua Partizani është shpallur kampion. Kanë ditur të menaxhojnë mirë kampionatin. Tani po vuajnë pjesën e dëmtimeve. Të fitosh titullin nuk është thjesht të kesh një skuadër. Është diçka shumë komplekse. Duhet të dish si të përjetosh krizat e ndryshme. Titulli fitohet me organizim të klubit”.

“Unë mendoj që klubet duhet të bëjnë zgjedhje profesioniste. Trajneri duhet të përzgjidhet tre ose katër muaj para. Duhet analizuar mënyra e lojës dhe stërvitjes vendimet që merren. Këtu pushohet trajneri  dhe më pas hidhet një sy vërdallë te trajnerët që janë në dispozicion”.

“Puna është çelësi i suksesit. Grupi është impenjuar, meritat janë të lojtarëve për këto rezultate, Duhet përqendrim dhe të vazhdojmë me këtë ritëm. Kemi akoma për të dhënë në këtë kampionat”.

“E kam thënë që ditën e parë që nuk kemi kundërshtarë, kemi veten. Po i bëmë gjërat drejt në fushë, asnjë nuk na shënon rrjedhshëm. Pësojmë vetëm kur gabojmë. Ne shohim ndeshjet e radhës. Kam këmbëngulur që nuk kemi punë me ndeshjet e tjera. Ata kanë për detyrë të japin maksimumin dhe secili të marrë të mirat e kësaj loje”.

“Të gjithë komponentët janë në harmoni të plotë. Baza e skuadrës më ndjek dhe kur ndodh kjo gjërat shkojnë mirë. Lojërat kanë ardhur në rritje. Tentuam ta mbyllnim ndeshjen, mund të shënonim. Nuk kemi luksin të jemi kavalierë. Jemi në situatë të vështirë, ndaj nuk mund të bëjmë futboll të hapur. Na duhet ekuilibër”.

“Aleancat? Nuk marr pjesë tek aleancat. Jam trajner dhe merrem me stërvitjen. Nuk di të ketë aleanca. Nuk di të ketë. U mendua se na lejuam të ecim në Kupë, por e vërtetuam që nuk ka aleanca. Duhet të largohen këto dyshime në futboll. Ju garantoj që nuk kam informacion për aleanca”.

Trajneri Julian Ahmataj nuk kërkon të nxitohet, sepse sipas tij mbijetesa në Kategorinë Superiore është objektivi final deri në mbyllje të këtij sezoni. Për SportEkspres.com ai thekson se takimi i kthimit me Partizanin do të jetë i vështirë, edhe pse Luftëtari e fitoi minimalisht takimin e parë 2-1.

“Nesër presim një Partizan të vështirë, edhe pse e kemi fituar takimin e parë. Kjo nuk do të thotë se jemi dorëzuar në Kupë, sepse jemi të vetëdijshëm që na duhet sakrificë për ta kaluar këtë tur. Nuk është mbyllur asgjë për kualifikimin”, u shpreh Ahmataj për sfidën me të kuqtë dhe më pas kalon te kampionatit.

“E kemi bërë një shkëputje të vogël, por ende nuk jemi të qetë. Për ne janë edhe 11 beteja të mbetura dhe këtu janë përqendruar të gjitha bateritë tona, në mënyrë  që Luftëtari ta kalojë situatën për mbijetesë. Jemi të bindur se do ta arrijmë, sepse kemi një skuadër që meriton më shumë në renditjen e këtij sezoni”.

AGRON KAJA

“Aleksi është i rëndësishëm. Skuadra mori një plus më tepër. Lojtarët e mirë e ndihmojnë gjithmonë skuadrës. Çdo pikë është e artë. Duhet të jesh i lumtur edhe me një pikë. Më gëzon ekuilibri i skuadrës, nuk e lamë kundërshtarin të luante rrjedhshëm. Kishin raste pak ata, pak edhe ne”.

“Ndalimi i kampionatit? Pushimi na ka vlejtur shumë. Pavarësisht punës së mirë të Mezanit, nuk është bërë një fazë në janar. Kjo na ndihmoi. Besuam në këtë ndeshje dhe e ndëshkuam aty ku kishim menduar. Na shërbeu shumë ky pushim”.

“Diferenca me rivalët? Ne kemi kundërshtar veten. Duhet të jemi ne në rrugën e duhur, të luajmë si duhet. Ky është problemi, Të merremi me veten. Kur të sigurojmë matematikisht qëndrimin, atëherë mund të përdorim manovra sulmuese për njerëzit. Çdo skuadre i bëjnë mirë fitoret, normalisht edhe ne”.

“Luftëtari, i denjë për Superioren? Është një skuadër që ka investuar në çdo drejtim. Ka marrë lojtarë të mirë, ndaj e kam marrë rrugën për ta marrë drejtimin. Ndryshe nuk do e bëja diçka të tillë”, përfundoi Ahmataj deklaratën e tij.

Për ndeshjen me gjirokastritët i gatshëm është edhe mesfushori Albano Aleksi. Rikthimi i tij normalisht që e gëzon Ahmtajn, por ai thekson se grupi është ai që e bën skuadrën të mirë. “Çdo lojtar është i nevojshëm për skuadrën, Aleksi është i rëndësishëm. Një skuadër të mirë e bën i gjithë grupi dhe jo një individ”, shtoi ish-mbrojtësi i majtë.

Ahmataj pret që në ndeshjen me Skënderbeun edhe tifozët të jenë të pranishëm në mbështetje të skuadrës. “I falënderoj tifozët për mbështetjen që i japin skuadrës dhe për atmosferën që krijohet në qytet ditët para ndeshjes. Diçka është e sigurt, që të gjithë ne do bëjmë maksimumin”, deklaroi trajneri i Luftëtarit.

Trajneri ka folur pas ndeshjes për emisionin “Gol pas Goli” në “Supersport”, duke analizuar fitoren e sotme, që e ngjit Luftëtarin në kuotën e 25 pikëve.

NDESHJA – “Padiskutim që ndeshjen e kishim vlerësuar, pasi e dinim vështirësinë e saj. Terreni i fushës nuk ishte në nivelin duhur dhe duhej të luanim me topa të gjatë dhe me presing lart. Terreni nuk na lejoi të luanim, duke ndryshuar strategji dhe për fat të mirë funksionoi.”

FYTYRA E RE – “Nuk e kam tjetërsuar unë Luftëtarin, por vetë futbollistët e kanë kuptuar se kanë cilësi. Jemi të gjithë bashkë vetëm për një qëllim dhe në futboll kjo është kryesorja. Duhet të luftojmë të gjithë së bashku, pasi vetëm kështu mund të kemi rezultat.”

VIDEO-ANALIZA – “Padiskutim që janë pjesë e punës në kohët e sotme. Nuk mund të shkosh në ndeshje pa video-analizë. Kemi parapërgatitur çdo lojtar tonin për të ndaluar kundërshtarin e tij direkt.”

FILOZOFIA – “Asnjë trajner nuk e mendon rezultatin para ndeshjes. Çdo trajner ka primare të mos e humbasë ndeshjen, pastaj synon fitoren. Këtë filozofi kam unë: të mos pësojmë gol, pastaj të shënojmë!”

REAGIMET KUNDËR GJYQTARIT – “Padiskutim që jam munduar që skuadrën ta mbaj larg arbitrave. Gjithmonë i kam tërhequr dhe nuk dua që të merren me këtë pjesë. Unë vetë nuk merrem me arbitrin, siç e patë dhe te penalltia. Duhet të kuptojmë se lojtarët kanë adrenalinë dhe tensioni është normal në fushën e lojës. Ndonjëherë dalin nga natyra, por gjëra që ndodhin.”

ALEKSI – “Teuta ka lojtarë driblues dhe shumë të fortë përpara. Duhej të dublonim lojtarët tanë dhe Aleksi luajti më mbrapa. Teuta është skuadra më e fortë që ka ardhur në Gjirokastër deri më tani, prandaj duhet t’i bënim llogaritë mirë.”

DEMO-YMERAJ – “Ymeraj meriton më shumë, por ka qenë i dëmtuar. Vjen nga një dëmtim shumë i gjatë dhe ka vetëm një javë me skuadrën. Demo është një lojtar shumë rezultativ në linjën e parë dhe ka dhënë rendiment në të gjitha ndeshjet. Shumë gola kanë ardhur nga këmbët e tij.”

“Po ta shikoni ndeshjen, goditëm aty ku mendonim se ishin pikat e dobëta të kundërshtarit. Duhet më shumë eksperiencë para portës. Largimi i lojtarëve shënues ka ndikuar. Duhet kohë që të fitojnë qetësi para portës lojtarët tanë aktualë. Kjo është çka na pengon. Skuadra po luan mirë, ka nevojë për përmirësim. Kemi bërë ato që kemi bërë gjatë javës. Dolëm para portës, por finalizimi ishte i dobët”.

“Çdo skuadër që është në disavantazh duhet të jetë e kënaqur kur barazon. Po fitoi, duhet të jetë super e lumtur. U thashë lojtarëve që ishin perfekt dhe u desh një mrekulli që të na shënonin. Ishin perfekt në mbrojtje dhe në sulm për mënyrën se si dolëm përpara”.

“Dunga është sulmuesi ynë kryesor, ka luajtur titullar tre ndeshjet e fundit. Ndihmon në të dyja fazat e lojës. Është pika e referimit dhe i liron të tjerët që shënojnë. Do realizojë edhe ai. Është i ri dhe ka nevojë për eksperiencë. Këto ndeshje e ndihmojnë të ngrihet”.

TIRANA – “Tirana është një skuadër shumë e fortë. Është e organizuar mirë dhe mund të mposhtë cilëndo skuadër. Në të ardhmen synon të fitojë dhe titullin kampion dhe ka shumë lojtarë cilësorë në përbërje”.

REZULTATI – “Ne kemi në dorë që t’i bëjmë më mirë gjërat, të përmirësohemi nga dita në ditë. Rezultati i mbetet fushës dhe do fitojë skuadra që shprehet më mirë në fushën e lojës”.

GJENDJA E SKUADRËS – “Nëse në ditën e ndeshjes nuk je me impenjim dhe vëmendje maksimale, çdo gjë shumohet dhe të kalon në disavantazh. Ky nivel që të futbollisti të jetë në gjendje optimale duhet të jetë prezent, sidomos përballë Tiranës”.

DËMTIMET – “Në vazhdimësi të stërvitjeve, nuk kemi asnjë të dëmtuar. Vlerësojmë kontributin e çdo lojtari. Do t’iu japim shanse shumë lojtarëve, që të më tregojnë ato që kanë treguar gjatë gjithë javëve në stërvitje”, përfundoi Ahmataj.

“Në një ndeshje futbolli, skuadra i ka marrë sinjalet që po luftove shumë, mund të bësh një llogari dhe mund të marrësh pikë. Ne jemi munduar të jemi me këmbë në tokë dhe të mos jemi euforikë.

Padiskutim që mungesa kemi, edhe ndeshjen e kaluar kemi pasur mungesa, madje më shumë seç kemi këtë javë. Mendoj se lojtarët që janë në dispozicion për të përballuar ndeshjen, do të marrin më të mirën nga kjo sfidë.

Siç e kam thënë dhe në ndeshjen e parë që ne nuk do të shkojmë në ndeshje për barazim ose për të humbur. Besojmë te mbijetesa. Ne shikojmë me pozitivitet dhe kërkojmë maksimumin në çdo takim”,- tha Ahmataj.

“Mbijetesa? Ajo që më bëri të vij këtu është boshti. I njoh disa lojtarë, kam marrë informacion për të. Jemi munduar që pjesën tjetër ta plotësojmë. Jemi të vetëdijshëm për situatën dhe i dimë limitet tona. Ka edhe rezultate fallso, ndaj duhet vazhdimësi. Kjo ndeshje nuk tregon gjë. Do shohim në vazhdim”.

“A ishte i motivuar ekipi? I vura lojtarët në pozita pune, këtë thashë. Pa diskutim ishin të motivuar. Boshti është i rëndësishëm, ata japin shembull dhe të rinjtë i ndjekin. Janë djem të mirë dhe me kualitet brenda”.

“Moduli? Nga 4-3-3 kalonim në 4-4-1-1. Më pas Aleksi dilte lart dhe shkonim në 4-4-2 të pastër. Funksionoi dhe s’kemi pse heqim dorë nga kjo mënyrë. Futbolli do vazhdimësi”.

“Krahu i majtë dhe financat? Ata lojtarë kanë shumë kualitet në fazën sulmuese. Nuk mund të jenë lojtarët në të të dyja fazat mirë. Sa i takon klubit, e kam gjetur të organizuar. Ishin gati të përforconin skuadrën. Nuk më takon për aspekti financiar, unë jam trajneri”.

“Diferenca me ekipet e tjera? E kemi boshtin, e thashë edhe më sipër. Është me shumë rëndësi të kesh boshtin. Më kënaq më shumë fakti që kanë kapacitete aerobike dhe do të rriten akoma më shumë gjatë pjesës tjetër të kampionatit”.

“I falënderoj drejtuesit e klubit për besimin që më dhanë dhe për angazhimin maksimal që kanë marrë për të çuar klubin aty ku i takon dhe të stabilizojnë situatën e krijuar në këto pak ditë. Është një punë e vështirë, si çdo garë është sakrificë e madhe. Do mundohemi të japim maksimumin dhe këtë di mundohemi t’ua transmetojmë edhe futbollistëve”, thotë Ahmataj për Ora News.

I ngacmuar nëse risku është i madh edhe për shkak të problemeve financiare që te Luftëtari ka pasur, Ahmataj shton: “Është një problem që besoj se nuk mund të përgjigjem unë, janë gjëra që duhet të zgjidhen brenda klubit. Unë nuk kam parë ndonjë problem në këto ditë që kam ardhur. Janë gjëra që janë sheshuar dhe të gjithë janë bashkëpunues për të bërë një punë të mirë. Do bëjmë maksimumin të gjithë për këtë”.

Vjet me Kamzën mbijetoi në Superiore, ndërsa tani ka të njëjtin mision me bluzinjtë. “Unë trajneri shpëtimtar? Gjithmonë trajnerët e rinj do ta kenë të vështirë rrugën e tyre për të zgjedhur një skuadër. Pra do jenë klubet ato që do i zgjedhin trajnerët e rinj. Pastaj do duhet sakrificë e madhe dhe punë. Unë jam një njeri që nuk e kam frikë punën, ndërmarr sfida pasi besoj tek aftësitë dhe te lojtarët që do stërvit për të arritur tek objektivat.

Kemi një rrugëtim së bashku për ta bërë . Kur je i ri do marrësh përgjegjësi të madhe dhe nuk ke shanse zgjedhje. Kjo është një garë që unë e pranoj kështu siç është. Është rruga e vetme për të shkuar te suksesi. Kontrata është në varësi të ecurisë së skuadrës dhe në arritjen objektivave të vëna. Pastaj do rishikohet”, përfundoi Ahmataj.

Klubi i Luftëtarit ka dalë me një njoftim dhe në lidhje me trajnerin e ti nuk ka asnjë qëndrim. “Gentian Mezani, ish-trajneri ynë nuk është më pjesë e ekipit bluzi. Klubi FC Luftëtari e falënderon për kontributin e dhënë gjatë kësaj periudhe dhe i uron suksese të mëtejshme. Trajneri i ri do të zyrtarizohet gjatë këtyre ditëve”, thuhet në njoftimin e gjirokastritëve.

Ahmataj është në pole, por SportEkspres.com mëson se ka pasur kontakte edhe me Elvis Plorin. Shkodrani edhe në të shkuarën ka qenë në listën e Luftëtarit, por në fund janë bërë zgjedhje të tjera. Sa i takon Ahmatajt, ai ka drejtuar më parë Teutën, Besën, Burrelin, Korabin, Bylisin dhe Kamzën.

Sipas asaj që raporton “infosport.mk”, Duro është kandidati kryesor për të marrë drejtimin e Shkupit. Sigurisht që eksperienca e tij në krye të Shkëndijës së Tetovës në të shkuarën e favorizon, pasi tekniku kryeqytetas e njeh mirë kampionatin maqedonas.

Sa i takon Ahmtajt, thuhet se i është sugjeruar Shkupit përmes menaxherëve. Drejtuesit e klubit shqiptar në Maqedoni duhet të vendosin për trajnerin e ri. Ahmataj vjet drejtoi skuadrën e Kamzës në Superiore, ndërkohë që më parë ka punuar edhe me Teutën, Besën dhe Burrelin.