Sipas raportimeve të fundit nga Spanja, drejtori sportiv Hasan Salihamidzic ka zhvilluar një takim me Julen Lopetegu mbi një bashkëpunim të mundshëm. Spanjolli që në javët e para të sezonit është i papunë, pasi u shkarkua nga Reali i Madridit për rezultate të dobëta.

Bajerni i Mynihut është drejt fitimit të kampionatit gjerman dhe do të diskutojë finalen e kupës me Lajpcigun. Trofe këto që bavarezët e kanë bërë zakon t’i marrin çdo vit. Në Champions ata u eliminuan që në fazën e 1\8 nga Liverpuli, duke mos arritur të lënë gjurmë në këtë kompeticion. Në kampionat i është dashur të luftojë dhëmb për dhëmb me Borusian e Dortmundit, ndryshe nga vitet e kaluara, kur e fitonte titullin që në prill.

52-vjeçari nuk i provoi emocionet e Botërorit dhe nisi aventurën me kampionët e Europës. Eksperienca në krye të Realit nuk nisi mirë. Finalja e Superkupës së Europës përballë Atletikos së Madridit u humb dhe nisën të fillonin kritikat. Paraqitje të dobëta, rezultate zhgënjyese për t’u shkarkuar me 28 tetor pas humbjes 5-1 kundër Barcelonës.

Trajneri është rikthyer të flasë për “El Partidazo”, aty ku flet për dopio shkarkimet, mungesën e komunikimit me presidentin Perez, raportet me lojtarët e ekipit dhe Vinisius Zhunior, brazilianin e talentuar të Realit.

SHKARKIMET – “Nuk kam mbetur i lënduar. Ky profesion kërkon që të jesh i përgatitur për gjithçka. Kjo është pjesë e jetës së një trajneri. Jam i kënaqur me punën e bërë me kombëtaren, por lamtumira në atë moment në Rusi nuk ishte diçka normale. Mendova që ta paralajmëroja Federatën, në mënyrë që të mos mbaja sekrete. Objektivi im ishte që të isha pjesë e Botërorit dhe ta fitoja atë. Shkarkimi nga Reali? Do i jem gjithmonë mirënjohës presidentit për mundësinë që më dha. Nuk kam folur me Florentino Perezin, mua më shkarkoi Hoze Angel Sançez. Nuk kam folur me presidentin atë periudhë dhe kurrë më.”

VINISIUS – “Me Sergio Ramosin kisha një marrëdhënie shumë të mirë profesionale, por në përgjithësi kisha një raport të mirë me gjithë skuadrën. Vinisius ishte në një periudhë përshtatje. Faktori kohë ishte shumë i rëndësishëm. Ai ishte gati për të luajtur, por sezonet zgjasin dhjetë muaj dhe jo një muaj e gjysmë. Sigurisht që do ta kisha aktivizuar në vijim. Vinisius do të ketë një të ardhme fantastike.”

Megjithatë, ish-trajneri i Realit dhe Spanjës është gati të rikthehet në botën e futbollit, ose më saktë, e ka provuar një gjë të tillë. Siç citon “Sports Illustrated”, Lopetegui është vetë ofruar për të marrë drejtimin e kombëtares amerikane.

Një kërkesë e tillë është refuzuar më shkakun se ka shumë kandidatë të tjerë, të cilët preferohen përpara spanjollit. Një gjë e tillë nuk ka të bëjë fare me aspektin financiar, por është çështje preferencash.

SHBA ndodhet prej 13 muajsh pa një trajner, ndërkohë që drejtohet përkohësisht nga Dejv Saraçan. Kjo tregon se drejtuesit e futbollit amerikan nuk duan të nxitohen, derisa të zgjedhin emrin e duhur për stolin e kombëtares.

Në lidhje me shkarkimin e Lopeteguit, ka reaguar Mariano Diaz, i cili ka bërë një postim në llogarinë e tij në “Twitter”. Lojtari që u rrit tek Reali si lojtar, u detyrua të largohej vitin e kaluar në Francë, por aventura e tij zgjati vetëm një vit tek Olimpiku i Lionit. Në fund të muajit gusht, lojtari nga Republika Domenikane, u rikthye përsëri në Madrid, për shumën e 23 milionë eurove dhe mori mbi shpinë gjithashtu, numrin 7-të, që më parë e kanë pasur Raul Gonzalez e Kristiano Ronaldo.

25-vjeçari, pavarësisht se nuk është aktivizuar shumë nga ish-tekniku i Realit, Lopetegui, duket se ka një mirënjohje të madhe ndaj tij. Mariano është shprehur në postimin e tij se ndihet mirënjohës ndaj Lopeteguit, pasi ishte ai që e riktheu në shtëpi.

“Gjithmonë do të jem mirënjohës ndaj Hulen Lopeteguit, një nga personat që bëri të mundur rikthimin tim në shtëpi. I uroj më të mirat në të ardhmen. Tani duhet të luftojmë më shumë se kurrë për dalë nga kjo situatë e keqe”, përfundoi fjalët e tij sulmuesi.

Siempre estaré agradecido a Julen Lopetegui, una de las personas que hizo posible que volviera a mi casa. Le deseo lo mejor para el futuro. Ahora solo nos queda pelear más que nunca para salir de esta situación. pic.twitter.com/i2bsMhpcl3

— Mariano Díaz Mejía (@marianodiaz7) October 30, 2018

Ekipi madrilien kishte një ecuri negative prej kohësh, por humbja e thellë në klasiken e futbollit spanjoll vendosi përfundimisht fatin e tij në stolin e Kampionëve të Europës. Lopetegui ka një lidhje të çuditshme me numrin 14. Aventura e tij si trajner i ekipit “merengues” zgjati vetëm… 14 ndeshje. Dhjetë në kampionat, tre në Champions dhe një në finalen e Superkupës së Europës.

Gjatë karrierës si futbollist, Lopetegui u aktivizua për tre sezone si portier i Barcelonës, por pa arritur të lërë gjurmë, përkundrazi. Trajneri i katalanasve në atë periudhë ishte një farë Johan Krujf, i cili ka patur në fanellë numrin 14. Raportet mes lojtarit dhe trajnerit holandez ishin të këqija dhe Lopetegui përjetoi një periudhë të keqe, me vetëm 5 ndeshje të zhvilluara në 3 vite.

Për t’u rikthyer te Reali i Madridit. Pasi drejtoi ekipin për 14 ndeshje, ai e la Realin e Madridit në kuotën e… 14 pikëve, me 14 gola të shënuar dhe 14 të pësuar. Doni më? Emri i tij ka pesë germa (Julen), ndërsa mbiemri ka nëntë (Lopetegui). Po ti mbledhësh bashkë, del numri… 14 (5+9). Fati i Lopeteguit është i lidhur me këtë numër, për keq, pa dyshim, por me shpresën se një ditë do të arrijë të thyejë “mallkimin” e këtij numri të “urryer” për të.

“ Bordi drejtues e kupton se ka një diferencë të madhe midis kualiteti të skuadrës së Real Madridit, që ka në përbërje tetë lojtarë të dominuar për çmimin e “Topit të Artë”. Rezultatet e arritura deri më tani nga klubi janë të papreçedenta. I jemi mirënjohës Lopeteguit dhe stafit të tij dhe u urojmë më të mirat në karrierën e tyre”,  shkruhej në komunikatën e publikuar në sajtin e klubit madrilen.

Official Announcement.#RealMadrid https://t.co/DoBj8MKMrO

— Real Madrid C.F. ???? (@realmadriden) October 29, 2018

Pasuesi i Lopeteguit do të jetë trajneri i ekipit B, Santiago Solari. Argjentinasi është një zgjidhje e përkohshme, teksa pritet që në ditët në vazhdim të mbyllen negociatat me teknikun italian Antonio Konte.

 Megjithatë, kreu i Realit nuk është akoma i bindur dhe kuotat e Kontes janë ulur siç citon një radio e vendit iberik. Palët nuk kanë gjetur akordin mes tyre dhe klubi “merengues” po sheh për alternativa të tjera. Tre janë emrat në listën e Perez: Zhoze Murinjo, Santiago Solari dhe Roberto Martinez. Ky i fundit është trajneri i Belgjikës dhe vjen nga një Botëror shumë i mirë, duke arritur të fitojë medaljen e bronztë.

 Ëndrra mbetet portugezi i Junajtid, ndërsa Solari, i cili drejton ekipin e Real Madrid B mbetet një alternativë e momentit. Si fillim pritet të vijë shkarkimi i Lopeteguit dhe më pas do të mësohet më mirë se kush do të jetë pasardhësi i tij. Solari, Martinez, Murinjo, ose… Konte.  

Sipas burimeve të besueshme pranë klubit, Florentino Perez ka humbur krejtësisht besimin te trajneri që emëroi katër muaj më parë, pas dorheqjes së papritur të Zinedin Zidan. Ditën e nesërme pritet të shpërndahet komunikata zyrtare për shkarkimin e 52-vjeçarit, një vendim ky që vjen me një kosto shumë të lartë edhe për një klub me financa si të Realit, pasi Lopetegui do të përfitojë 18 milioën Euro mbas shkarkimit të tij.

Pasuesi i Lopeteguit do të jetë italiani Antonio Konte, i cili mund të mbërrijë nesër në Madrid, por nëse ardhja e Kontes shtyhet me disa ditë për shkak të negociatave të kontratës së re, trajneri i përkohshëm do të jetë Santiago Solari, tekniku aktual i skuadrës B të Realit, i cili me shumë gjasa do të jetë në stolin e madrilenëve ditën e mërkurë në përballjen e Kupës së Mbretit ndaj ekipit gjysmëprofesionist të Melijas.

“Antonio ndodhet me pushime për momentin dhe nuk ka marrë asnjë telefonatë nga Reali i Madridit. Sigurisht që ata janë një klub i madh, por nuk ka kontakte mes palëve për momentin”, flet Daniele Konte për “Cadena Ser”.

Nga ana tjetër, Toni Kros është shprehur pro qëndrimit të trajnerit Lopetegui. Mesfushori gjerman i Realit ka folur për “AS”, duke dalë në mbrojtje të trajnerit aktual.

“Duam që Lopetegui të vazhdojë punën me ne. Ai është një trajner shumë i mirë dhe nuk jemi nervozë. Kemi patur edhe më parë momente delikate dhe i kemi kaluar”, thekson Toni Kros.

Kur kanë kaluar diçka më shumë se katër muaj nga emërimi i Lopeteguit si trajner i Real, llogaritë dhe rezultatet nuk janë ato që priteshin, madje janë shumë larg pritshmërive dhe shkarkimi i trajnerit duket shumë pranë. Lopetegui zëvendësoi Zinedin Zidan, i cili arriti suksese të shumta me madrilenët, ku fitoi plot tre herë radhazi Championsin.

Pas largimit të Zidan, Florentino Perez provoi të bindte shumë trajnerë të tjerë përpara se të arrinte marrëveshjen me Lopeteguin, teksa më parë pati kontakte me Poçetinon, Alegrin apo dhe me Jurgen Klop e Joakim Lëv. Gjithsesi, tashmë kur gjërat duken keq për Realin dhe Lopeteguin, shkarkimi i teknikut spanjoll duket se do t’i shkaktojë mjaft dëme dhe në anën financiare madrilenëve.

Lopetegui ka një rrogë vjetore që shkon deri në 6 milionë euro, dyfishi i rrogës që merrte te Spanja. Kontrata e tij është e vlefshme deri në vitin 2021 dhe Reali në rast shkarkimi duhet ti paguajë teknikut plot 18 milionë euro në llogarinë e tij. Përveç ecurisë dhe rezultateve negative, Reali tashmë duhet të mendojë edhe për një zgjidhje për sa i përket trajnerit të saj aktual.

“Është një ndeshje e Ligës së Kampionëve, me të cilën do të përballemi me ambicie dhe entuziasëm. Ndiej se kemi një ndeshje nesër, për të cilën jemi shumë të angazhuar. Do ta përballojmë atë me dashurinë dhe energjinë më të madhe. Nuk mendoj asgjë më shumë se ndeshja e së nesërmes”.

“Viktoria Plzen? Real Madridi është si gjithmonë i karikuar maksimalisht para një ndeshjeje të Ligës së Kampionëve. Duam të bëjmë një ndeshje të shkëlqyeshme. Rivali i nesërm është mjaft fizik, me lojtarë cilësorë, një ekipi i organizuar mirë në aspektin taktik. Jam i sigurt se do të bëjmë një ndeshje të madhe”.

Sigurisht nuk mund të mos i kujtohej humbja e fundit me Levanten në kampionat, si dhe raportin me drejtuesit e klubit. Lopetegui e sheh krejtësisht normal, madje ka diçka për t’iu thënë gazetarëve:

“E përballoj çdo ditë me normalitetin që të lejon një klub i tillë si Reali. Nëse pretendoni të shihni një trajner të zhytur, nuk duhet ta shikoni e ta kërkoni këtu. Në këtë klub kam mësuar të luftoj dhe të mos dorëzohem. Do të luftojmë, sepse jemi në kohë për ta kthyer këtë situatë. E dimë se nuk është më e mira”.

I ngacmuar nëse do të jetë në stol ndaj Barcelonës, Lopetegui u shpreh: Flas për ndeshjen e nesërme. Prandaj edhe kam dalë këtu. Unë do të jem trajneri i Real Madridit nesër. Nëse ju doni të pyesni se çfarë do të ndodhë pas një jave apo një viti…”.

GJENDJA PSIKOLOGJIKE – “Të gjithë janë kampionë, janë lojtarë të fortë dhe të mësuar për t’i kaluar të tilla situata të këqija me forcë dhe cilësi. Ekipi është gjallë, i ngacmuar në sedër dhe i bindur për ta ndryshuar gjendjen”.

ISKO – Në konferencë doli edhe mesfushori spanjoll, i cili tregoi se duhet ta kalojnë këtë moment jo të mirë.  “Duhet të gjejmë qetësinë dhe përgjegjësinë për të ndryshuar situatën.  Jemi të parët ne ata që dëshpërohemi kur nuk fitojmë. Përgjegjësia nuk është vetëm teknike. Gjithçka varet nga ne dhe trajneri për ta ndryshuar situatën. Futbolli është lojë kolektive dhe jemi të vetëdijshëm për atë që duhet të bëjmë”, u shpreh Isko.

Më tej ai theksoi se mediat nuk mund ta largojnë trajnerin: “Nuk mendoj se shtypi ka pushtet të rrëzojë një trajner. Polemikat që do të krijojë nuk na e lëkundin besimin në atë që mund të bëjmë. Ne kemi besim te trajneri. Mund të thuhen një milion gjëra, por unë besoj te ky ekip. Do të ishte marrëzi largimi i trajnerit, sepse nuk mund të na largojnë ne lojtarëve të gjithë. Në këtë situatë nuk ka përgjegjësi vetëm trajneri. Jam i bindur se së bashku mund të kemi një sezon të madh. Unë borxhli ndaj trajneri? Është e vërtetë që Lopetegui më ka dhënë besim në ekipin kombëtar, por e kam kthyer atë tek ai.”.

Mungesa e golit në këto javë ka qenë një problem më vete te Reali, ndaj edhe pyetja nëse ndihet mungesa e Kristiano Ronaldos është e vetvetishme. Isko nga ana tjetër është i drejtpërdrejta, teksa thotë: “Ne nuk mund të qajmë për dikë, i cili nuk ka dashur të jetë këtu”.

Në ndihmë të tij ka dalë ish-kapiteni dhe lojtari i ekipit “merengues”, Iker Kasijas. Portieri i Portos ka punuar me Lopeteguin në ekipin portugez gjatë sezonit 2015-2016 dhe e njeh mirë atë. Kasijas është aktiv në rrjetet sociale dhe i është përgjigjur në “Twitter” 10-të pyetjeve nga fansat e tij.

“Tifozët e Realit janë shumë kërkues, por duhet të kuptojnë momentin. Ekipi ka pësuar shumë ndryshime, por nuk duhet të humbasin qetësinë. Sezoni është akoma i gjatë”, shprehet 37-vjeçari.

Pyetjes se kush është portieri më i mirë në botë, ai i është përgjigjur: “Jan Oblak (Atletiko Madrid) dhe Mark Ter-Shtegen (Barcelona).” Kasijas nuk aktivizohet më me kombëtaren e Spanjës, ndërsa do e mirëpriste një ftesë të Luis Enrikes. “Trajneri bën zgjedhjet e tij, por do të më pëlqente të kthehesha në kombëtare”, përfundon gardiani i ekipit portugez të Portos.

Humbja turpëruese ndaj CSKA-së së Moskës më datë 2 tetor, ka qenë ndeshja që ka shtyrë presidentin e “Los Blancos” për të nisur kontaktet me përfaqësuesit e ish-trajnerit të Çelsit dhe Juventusit.

Ky lajm që ka bërë bujë në vendin iberik, shton ndjeshëm presionin mbi Lopeteguin, vazhdimësia e të cilit mund të vendoset në fundjavën e ardhshme, ku Real Madrid do të udhëtojë drejt “Camp Nou” për ndeshjen më të vështirë rivalëve të përjetshëm të Barcelonës.

“Duhet të ulemi dhe të gjejmë arsyen përse po gabojmë. Krijojmë volum loje, por nuk arrijmë të shënojmë. Me pak fjalë duhet të këmbëngulim te puna që po bëjmë dhe te mos shqetësohemi. Për mendimin tim, skuadra sot dha shumë sinjale të mira. Pozicioni im? Kjo është gjëja e fundit që më vjen në mendje”, tha Lopetegui.

Trajneri beson se humbja 2-1 nuk e përligji lojën dhe mbetet i përqendruar në ndeshjen e radhës, të martën në Champions League ndaj Viktoria Plzen. Në “Bernabeu” fitorja do të jetë detyrim.

“Mendoj që duhej të kishim fituar ndaj Levantes, por në futboll nuk mjafton vetëm loja, pasi në fund triumfon ai që shënon më tepër. Lojtarët e mi nuk e meritojnë një ndëshkim të tillë, tani duhet të rikuperohen pasi na pret ndeshja në Champions League”.

TËRBIMI DHE ALTERNATIVAT – “FLOPETEGUI”, kështu po e quajnë tifozët e Realit të Madridit trajnerin e tyre pas humbjes së sotme. Shifrat janë kundër tij dhe tashmë Florentino Perez duhet të mendohet mirë se çfarë do të bëjë.

Reali shkon në “El Classiço” në një moment mjaft të keq, ndërkohë që edhe gjetja e golit është një tjetër problem më vete. Nga Spanja raportohet se Perez në orët në vijim do të vendosë për të ardhmen e Lopeteguit. Dy janë alternativat: Antonio Konte dhe Santiago Solari.

Me të parin bisedimet kanë nisur prej kohësh, por problem është kontrata që italiani ka me Çelsin. Zgjidhja tjetër është në shtëpi, pikërisht me Solarin. Ai e njeh mirë ambientin, pasi prej vitesh punon me moshat dhe momentalisht drejton ekipin e dytë.

Perez kërkon kthesën e ekipit, që nuk fiton dhe shënon prej katër ndeshjesh. Nga ana tjetër, kompania e basteve angleze “Paddy Power” ka nxjerrë kuotat e trajnerëve kandidatë për të zëvendësuar Loeteguin, nëse ky i fundit shkarkohet nga stoli i Kampionëve të Europës.

Mauricio Poçetino mbetet favoriti kryesor, ndërsa pas tij renditen Antonio Konte dhe Guti. Trajneri i Totenhemit mbetet dëshira kryesore e drejtuesve të Realit dhe koeficenti i tij është 3.5. Ai drejton me sukses Totenhemin prej vitit 2014, ndërsa kontrata me klubin anglez skadon në vitin 2023.

Antonio Konte është një tjetër kandidat për të zëvendësuar Lopeteguin, ndërsa koeficenti i italianit është 4.5. Më pas vjen ish-fantazisti i Realit, Guti me një koefiçent 7, ndërsa janë rritur shanset e ish-trajnerit të Arsenalit, Arsen Venger, i cili ka patur koeficentin 34, ndërsa tashmë e ka 15.

Julen Lopetegui seems to be fighting for his job at Real Madrid already, and we make Mauricio Pochettino 5/2 favourite to be the next man in at the Bernabéu.

We’ve also seen a bit of money for Arsene Wenger, who’s now in from 33/1 to 14/1. https://t.co/H1fU5wma6N pic.twitter.com/CgJCyntOog

— Paddy Power (@paddypower) October 14, 2018

Paraardhësit të tij, Zinedin Zidan, iu deshën 58 ndeshje për të pësuar katër humbje, pra diçka më shumë se pesëfishin i ndeshjeve të Lopeteguit, ndërsa Karlos Ançelotit dhe Zhoze Murinjos iu deshën 46 ndeshje për të pësuar katër humbje me Real Madrid.

Një numër të tillë nuk e arriti as Rafa Benitez, i cili drejtoi ekipin “merengues” në gjysmën e parë të sezonit 2015-2016. Ai drejtoi Realin në 25 ndeshje, ku numëroi tre humbje. Shkarkimi i tij ndodhi më shumë për raportet e komplikuara me yjet e skuadrës, sesa për rezultatet sportive.

Përveç katër humbjeve, ekipi i Lopeteguit ka marrë dhe dy barazime, ndërsa në kampionat numëron katër fitore, dy barazime dhe dy humbje, me 45.4% të ndeshjeve të fituara. Pra nën drejtimin e Lopeteguit, Real Madrid ka fituar një ndeshje në dy të zhvilluara.

Një përqindje e vogël, por Florentino Perez nuk e ka vendosur akoma shkarkimin e tij. Kreu i klubit beson akoma në reagimin e skuadrës dhe nuk e harron sakrificën e trajnerit, i cili hoqi dorë nga Botërori me Spanjën për të drejtuar Realin. Megjithatë, skuadra duhet të rikthehet te rezultatet pozitive, përndryshe Antonio Konte është gati për ta pasuar në stolin e madrilienëve.

Pas humbjes së fundit në kampionat kundër Alaveshit, presidenti Florentino Perez ka diskutuar me drejtuesit e tjerë të klubit për të ardhmen e trajnerit. Lopetegui është konfirmuar për momentin, por tre ndeshjet e ardhshme janë deçizive për të ardhmen e tij në stolin e Kampionëve të Europës.

Levante në kampionat, Viktoria Pilzën në Champions dhe klasikja me Barcelonën. Nëse dy ndeshjet e para priten të kalohen lehtësisht nga ekipi “merengues”, përballja me Barcelonën do të zbardhë fatin e trajnerit 52-vjeçar siç citon spanjollja “AS”.

Drejtuesit nuk duan të jenë të papërgatitur dhe po vlerësojnë pistat e mundshme. Santiago Solari, trajneri i Real Madrid shihet si një nga kandidaturat e mundshme për të zëvendësuar Lopeteguin, por kandidati kryesor mbetet Antonio Konte. Italiani pëlqehet nga Perez dhe ishte një nga kandidaturat e verës për të pasuar Zinedin Zidan në stolin e Realit.

Ai është i papunë për momentin dhe nuk do të refuzonte një thirrje të Perez, por gjithçka do të sqarohet në vijim dhe Lopetegui ka dhe tre ndeshje për të shpëtuar stolin e tij.

POST DERBI – “Skenari është i njëjtë. Vetëm kundërshtari ndryshon, ne duhet të jemi të njëjtë dhe të japim më të mirën tonë. CSKA është një ekip shumë i mirë, me lojtarë të rëndësishëm. Nuk duhet të marrim asgjë lehtë”.

Lopetegui gjithashtu u ngacmua pak dhe për rikthimin e tij në Rusi, pas botërorit. Kujtojmë vetëm pak ditë para se të niste Kupa e Botës, trajneri spanjoll u shkarkua nga federata spanjolle. Tekniku u pyet në rast se e ka menduar rastin në fjalë.

“Nuk e kam menduar fare. Tani unë vij në Rusi me Realin e Madridit dhe luaj kundër një skuadre të madhe ruse, që ka bërë mirë në Champions. Asgjë më shumë. Jemi të fokusuar te ndeshja e nesërme”.

GJENDJA E EKIPIT – “Gjendja e ekipit është fantastike,me shumë energji. Është një ndeshje e Ligës së Kampionëve. Çdo gjë është e hapur, ne luajmë kundër një ekipi të madh në fushën e tyre. Kur luhet muzika e Champions, motivimi është maksimal. Ne jemi të sigurt se me kapacitetin tonë do të jemi në gjendje të arrijmë qëllimin, pra fitimin e ndeshjes”.

ODRIOZOLA DHE VINICIUS – “Tek Odriozola besimi është maksimal. Kur i takon, do të luajë. Unë kam besim maksimal tek ai. Vinicius është një lojtar në progres dhe ka një të ardhme të ndritur. Kur do të mendojmë se mund të na nevojitet do ta përdorim, si çdo lojtar”.

RAMOS NUK GRUMBULLOHET – “Serxhio nuk ka udhëtuar me ekipin sepse është lojtari që ka më shumë minuta se të gjithë. Mendoj se ka nevojë për një pushim. Unë i marr vendimet, është një vendim i imi”, përfundoi tekniku spanjoll.

Më tej ai ka folur edhe për largimin e portugezit: “Kur kam firmosur me Realin e Madridit, Ronaldo e kishte shprehur se donte të largohej. Ai e kishte marrë rrugën e tij”. Lopetegui ndërkohë është i kënaqur nga Bejl dhe Benzema. “Ata kishin një dëshirë të madhe që në momentin e parë që kam ardhur këtu”.

Trajneri i Realit ka komentuar edhe në lidhje me fituesin e “Topit të Artë”, teksa favorizon kroatin Luka Modriç, madje është i sigurt se do e fitojë ai. “Luka Modriç do të fitojë ‘Topin e Artë’, pasi është lojtari më i mirë në botë”.

Lopetegui nuk është shumë dakord me faktin që do të luajnë ndeshje të La Liga-s në Shtetet e Bashkuara të Amerikës, ndërkohë që në fund është në emisionin “The Stile” është ngacmuar edhe në lidhje me Barcelonën.

“A mendoj që një ditë të ulem në stolin e Barcelonës? Jam në ekipin më të mirë në botë dhe nuk mund të mendoj për gjë tjetër për momentin”, është shprehur mes të tjersh trajneri i Realit të Madridit,Hulen Lopetegui.

“Nuk kam folur kurrë me Ronaldon, sepse kur unë erdha te Reali ai i kishte shprehur drejtuesve dëshirën për t’u larguar dhe klubi ia thjeshtësoi largimin, duke u nisur nga fakti që ai ishte një lojtar fenomenal, i cili ka dhënë gjithçka për klubin. Vendimi ishte marrë dhe unë e respektova zgjedhjen e tij.

Kombëtarja? Nuk ka patur asnjë keqardhje, sepse unë bëra gjithçka në mënyrë të ndershme. Ishte veprimi i duhur që duhet të bëja në atë moment dhe do e bëja përsëri të njëjtin veprim. U largova nga dhomat e zhveshjes në një mënyrë shumë emocionuese, ishte një lamtumirë e papritur, por shumë e fortë. Por, më duhej të merrja përgjegjësitë e mia për të përballuar atë moment”, përfundon trajneri 52-vjeçar i Realit të Madridit për “El Transitor”.

“Ndeshja ime e parë me Realin rastis një finale. Do kërkojmë të fitojmë përballë një kundërshtari që e njohim mirë dhe ekzistojnë të gjitha kushtet për diçka të tillë. Do të jetë një finale e madhe dhe si të tillë do e përgatisim ndeshjen.

Është një ndeshje derbi, por kjo nuk e bën ndeshjen speciale. Fjala presion nuk ka lidhje me Realin e Madridit, sepse detyra e këtij klubi është që të fitojë gjithçka”, përfundon ish-trajneri i Spanjës, i cili është gati për ta nisur me fitore dhe Superkupë aventurën me Realin e Madridit.