juanfran

Jo vetëm Dani Alvesh, Sao Paolo firmos me mbrojtësin e Atletiko Madrid

Sport Ekspres — Sat, 03 Aug 2019 21:45:40 +0000

“Gjiganti” brazilian Sao Paolo po zhvillon një ndër merkatot më të çuditshme në planet. Skuadra nga Rio de Zhaneiro siguroi pak ditë më parë shërbimet e kapitenit të Brazilit Dani Alvesh, ndërsa befasia e radhës vjen nga Spanja.

Në mënyrë krejt të papritur, San Paolo, zyrtarizoi firmën me ish-mbrojtësin e Atletiko Madrid Huanfran. 34-vjeçari kishte arritur një akord paraprak me një skuadër amerikane, por oferta e Sao Paolos bëri që spanjolli të ndryshonte destinacion.

São Paulo será #LaCasaDeJuan até dezembro de 2020 ??

Saiba mais: https://t.co/GI2j0illXN pic.twitter.com/o6nZp23upr

— São Paulo FC (@SaoPauloFC) August 3, 2019

Kampionati brazilian ose siç njihet ndryshe “Brasileirao” ka zhvilluar deri më tani 12 jave dhe Sao Paolo ndodhet në vendin e pestë tetë pikë larg kryesuesve dhe kampionëve në fuqi të Palmeiras.

Krahas Dani Alvesh dhe Huanfran, Sao Paolo ka në kontingjentin e saj lojtarë të tjerë me emër si sulmuesi i njohur Aleksandre Pato, ish-mesfushori i Lacios dhe Juventusit, Hernanes.

“Po kaloj ditët e fundit këtu”, tjetër largim nga Atletiko Madrid

Sport Ekspres — Thu, 23 May 2019 14:11:00 +0000

Atletiko e Madridit po përgatitet për një revolucion të vërtetë në verë. Diego Godin dhe Antuan Grizman kanë vendosur të largohen nga ekipi, por nuk janë të vetmit.

Edhe Huanfran ka vendosur t’i japë fund aventurës “colchoneros”. “Këto janë ditët e mia të fundit këtu. Kam kaluar vite dhe momente shumë të bukura”, është shprehur mbrojtësi i djathtë.

34-vjeçari luan prej vitit 2019 me Atletiko Madrid dhe gjatë kësaj periudhe ka zhvilluar 355 ndeshje me ekipin e Simeones. Huanfran ka fituar një titull, një Kupë Mbreti, një Superkupë Spanje, dy Liga Europe dhe një Superkupë Europë me Atletikon.

Pengu i madh mbetet mungesa e fitimit të Champions Ligës, pasi Haunfran me shokë kanë arritur dy herë në finale dhe në të dy rastet janë mposhtur përballë “armiqve” të Realit. Klubi po mendon për zëvendësuesin e tij dhe kandidati kryesor është Kieran Tripier.

Lamtumira e veteranit Huanfran, Atletiko gjen pasuesin në Premier

Sport Ekspres — Thu, 23 May 2019 07:18:00 +0000

Huanfran ka qenë një nga lojtarët më besnikë te skuadra e Atletiko Madridit. Edhe pse jo një nga mbrojtësit më të mirë në botë, spanjolli ishte luftarak dhe punëtor, një lojtar tipik për Diego Simeonen. Por vitet kaluan dhe veterani u largua nga Atletiko këtë sezon, çka ka bërë që drejtuesit të nisin punën për të gjetur pasuesin e tij.

Një emër që po lakohet shumë këtë merkato është mbrojtësi i djathtë i Totenhemit, Kieran Tripier. Anglezi nuk preferohet më nga Poçetino, i cili i beson verëberisht francezit Serzh Ariuer. Si pasojë, Tripier mund të lëvizë dhe Atletiko ka filluar të lëvizë gurët.

Një ofertë rreth 25 milionë euro mund të pranohet nga “Gjelat” e Londrës dhe në rast se Atletiko arrin të gjejë gjuhën e përbashkët me ekipin londinez, atëherë Tripier do të vishte fanellën e “Los Colchoneros”.