Çfarë mallkimi, Jovetiç pëson një tjetër dëmtim të tmerrshëm!

Sport Ekspres — Sun, 14 Apr 2019 18:39:40 +0000

Sulmuesi i Monakos, Stevan Jovetiç, ka pësuar një dëmtim të rëndë, duke këputur ligamentin e gjurit dhe duke humbur pjesën e mbetur të sezonit, ka konfirmuar klubi i Ligës 1 franceze.

Jovetiç u zëvendësua në minutën e 84-t të sfidës kundër Reims (0-0), të shtunën në mbrëmje, ndërsa tani do të mungojë gjatë.

Klubi nuk ka saktësuar sa kohë do i duhet malazezit të kthehet në fushë, por ka konfirmuar se do i duhet operacion.

Sulmuesi 29-vjeçar është shumë i pafat, sepse në karrierën e vet ka pasur një seri të tmerrshme dëmtimesh, duke nisur me një këputje ligamenti në tetor 2010, kur mungoi deri në maj 2011.

https://t.co/Ri46ffLqK7

— AS Monaco ?? (@AS_Monaco) April 14, 2019

Buzëqeshje për Interin, Jovetiç “palos” Lionin

Sport Ekspres — Mon, 24 Jul 2017 14:21:45 +0000

Interi vazhdon turneun kinez dhe pas barazimit kundër Shalkes ka ardhur edhe fitorja e parë në miqësore, 1-0 kundër Lionit, në Nanxhing, në një fushë në gjendje skandaloze.

Skuadra e drejtuar nga Luçiano Spaleti ia doli mbanë të fitonte falë një goli nga Stevan Jovetiç, i futur në pjesën e dytë.

Pjesa e parë pati shumë pak emocione dhe akoma më pak ritëm, ku disa lojtarë të Interit, si Kandreva, Galiardini e Pinamonti, ishin të padukshëm në fushë.

Ndërkaq, në pjesën e dytë zëvendësimet sollën kthesën dhe Interi i shkoi disa herë panë golit, derisa shënoi Jovetiç, me pasim final nga Zhoao Mario.

Më 27 korrik Interi do të ndeshet me Bajernin e Mynihut dhe më 29 korrik me Çelsin, të dyja ndeshjet në Singapor.

Inter vs Lione 1-0 – All Goals & Highlights… by euro2016videos

Inter – Lion 1-0

Shënues: Jovetiç 75’

Inter: Handanovic, D’Ambrosio, Murillo, Miranda, Nagatomo, Gagliardini, J.Mario, Borja Valero, Candreva, Pinamonti, Eder.

U aktivizuan edhe – Kondogbia, Jovetic, Skriniar, Perisic, Valietti, Gabigol, Padelli, Brozovic e Ranoçhia.

Lion: Lopes, Rafael, Marcelo, Morel, Marçal, Tousart (C), Darder, Traore, Fekir, Memphis, Mariano.

U aktivizuan edhe – Aouar, Tete, Gouiri, Maolida, Gorgelin.