Sytë janë nga merkato e janarit, çka është përmendur shpesh nga tekniku shkodran, i cili pret ndryshimin nga lëvizjet që do të bëhen në dritaren dimërorë të transferimeve. Ekipi ka nevojë për përforcime, të cilat duhet të jenë të kujdesshme, pasi fillimisht duhet të pasurohet mesfusha me lojtarë që posedojnë pasaportë shqiptare, ose nuk konsiderohen të huaj.

Emri i parë që mund t’u bashkohet kuksianëve është ai i Kristi Jotit, i cili nuk po kalon një moment mirë në Berat. Lojtari në fjalë është i Kukësi, por u huazua në verë te skuadra e Kategorisë së Parë. Gjërat nuk janë mirë dhe Joti mund të kthehet te Kukësi para janarit.

Një emër tjetër që lakohet në ambientin e Kukësit është ai i brazilianit Roxher, i cili ashtu si Joti kaloi te Kastrioti në formë huazimi. Roxher ka shënuar 6 gola deri më tani, duke i bindur drejtuesit verilindor që të mendojnë rikthimin e tij.

Nuk ka munguar mbështetja nga miqtë e tij, duke nisur që nga shokët e skuadrës, drejtuesit dhe ish-shokët e skuadrës.

I veçantë dedikimi i kapitenit Shameti, i cili i premton mbështetje të plotë mesfushorit: “Disa momente të vështira bëhen më të lehta për t’u kaluar nëse ke afër shokë, kështu që të premtoj që do ta kalojmë bashkë këtë vëllai im Besar Musolli”.

Edhe drejtori sportiv Nderim Nexhipi përmes një postimi ka shprehur mbështetjen e tij për zëvendëskapitenin: “Do rikthehesh edhe më i fortë Muski”

Donjet Shkodra nuk ka qëndruar pa e shprehur mbështeten e tij teksa shkuan: “Do rikthehesh më i fortë vëlla”.

Po ashtu dhe Simo Rrumbullaku e ka cilësuar si një Legjendë Musollin, duke i uruar rikthim të shpejtë: “Forca legjendë kthehu më i fortë se më parë”.

Kristi Joti, i cili luan me Tomorin, nuk e ka harruar Musollin, që e ka pasur shok skuadre tek Kukësi, duke e kujtuar dhe në këtë moment jo të mirë: “Asnjëherë mos hiq dorë vëlla, ktheu më i fortë.

Në një intervistë për “SportEkspres.com”, futbollisti i Tomorit tregon për aventurën e re që ka nisur. Kryeqytetasi beson se në të ardhmen mund të bëjë mirë dhe tek Kukësin, por e thekson se për të është e rëndësishëm që të bëjë sa më mirë të jetë e mundur me ekipin e beratit. Joti po ashti tregon dhe objektivin që mund të arrijë skuadër e tij.

Joti, nisni një aventure të re në Berat, si ka qene ky fillim i ri?

Siç dihet, fillimi është gjithnjë i vështirë, në çdo fushë. Edhe unë po punoj gradualisht që të përshtatem me këtë aventurë të re.

Çfarë ju shtyu që të linit Kukësin dhe të zgjidhnit Tomorin?

Sigurisht që për çdo lojtar është e rëndësishme që të ketë minuta në dispozicion. Edhe unë doja më shumë hapësira dhe për momentin tek Kukësi ishte një situatë delikate. Pasi bisedova dhe me drejtuesit e pamë më të arsyeshme që të kaloja në një ekip ku të kisha mundësi më shumë për t’u aktivizuar.

Trajneri nisi të tregonte besim tek ju edicionin e shkuar, më pas sërish gjërat ndryshuan, çfarë ndodhi?

Në fund të kampionatit më besoi shumë minuta në kampionat dhe i jam mirënjohës për këtë gjë. I njëjti besim u shfaq dhe gjatë përgatitjeve para ndeshjeve të Championsit ,por dihet se në ato ndeshje duhet shumë eksperiencë për të kaluar turin dhe kjo besoj se ishte arsyeja.

Kukësi ju ka huazuar, e shini veten sërish tek verilindorët në të ardhmen?

Kartoni im është në pronësi të Kukësit, por unë tani jam pjesë e Tomorit dhe do të jap më të mirën time për këtë skuadër, që të rritem profesionalisht dhe pse jo të rikthehem sërish tek Kukësi dhe të jap kontributin tim tek ajo skuadër. Por, e theksoj se jam shumë i fokusuar tek Tomori, për të bërë sa më mirë për këtë ekip.

Cilat janë objektivat e Jotit?

Jam i përqendruar tek Tomori, ku dua të jap maksimumin tim për të ndihmuar ekipin në realizimin e objektivave që ka. Të jetojmë të tashmen, pasi për të ardhmen është herët për të folur dhe nuk dihet se çfarë do të na rezervohet.

Si e shikoni Tomorin këtë edicion?

Jemi një ekip i ri në përbërje, ku ka disa lojtarë me eksperiencë dhe disa lojtarë të rinj, me dëshirë për të ecur para. mendoj se Tomori këtë vit është gati për të rivalizuar denjësisht për një vend në Superiore.

/JURGEN ZELA/