Në një intervistë për “IFL TV”, promotori i Joshuas, Eddie Hearn, zbuloi se dueli ka shumë gjasa të zhvillohet në Londër ose Kardif. Një lajm i mirë ky për të gjithë fansat e boksit në Europë, që s’do u duhet të presin deri në orët e para të mëngjesit për të shijuar spektaklin që ofron boksi i peshave të rënda.

“Në 2 ditët e ardhshme do të njoftojmë përfaqësuesit e Andy Ruiz. Çka mund të them tani është se dueli nuk do të zhvillohet në SHBA. Po mendojmë disa vendndodhje të ndryshme. Natyrisht qe shanset më të mëdha janë që të zgjedhim një stadium në Mbretërinë e Bashkuar. Ndoshta në Londër ose Kardif. Ekziston edhe një mundësi e vogël e zhvillimit të eventit në një vend neutral, pra jashtë Mbretërisë së Bashkuar, por kjo do të kërkojë shumë punë”.

“Ndoshta Ruiz s’do ta pëlqejë këtë gjë, por në kontratën e firmosur nga vetë ai është  e qartë që kushtet për përsëritjen e duelit vendosen vetëm nga ne dhe jo nga ai”, përfundoi Hearn.

Fiziku i Ruiz mori vëmendjen e shumë vetëve dhe me të drejtë. Ruiz 188 centimetra i gjatë kishte një peshë prej 120 kilesh. Kilet e tepërta janë pranuar si një problem nga vetë boksieri në një intervistë për “USA Today”. Të dy boksierët do të ndeshen sërish në fund të këtij viti.

“Dua të jem pak më i dobët në ndeshjen tjetër me Joshuan. Dua t’i befasoj sërish të gjithë botën. Mendoj se do jem akoma dhe më i fortë dhe i shpejtë nëse heq disa kile dhjam dhe shtoj pak muskul. Po punoj për këtë gjë tani. Natyrisht më duhet të tregohem më i kujdesshëm me ushqimet”.

“Njerëzit duhet të kuptojnë se kam arritur këtu me këtë fizik të shëndoshë. Imagjinoni çfarë mund të kisha arritur nëse do të isha në një gjendje më të mirë. Dua të jem te përafërsisht 110 kile për duelin e radhës. Tani kam një skuadër më të mirë rreth meje. Secili po me ndihmon dhe jam i fokusuar te dueli i radhës”.

“Po duelet me Luiz Ortiz dhe Tyson Fury po bëhen gati. Fillimisht do të lajmëroj datën dhe vendin për duelin me Ortiz, s’besoj se do të vonojë shumë. Më pas do punojmë për Tyson Fury, me të do ndeshem nga fillimi i vitit tjetër. Jam një boksier që tenton të luftojë gjithmonë më të mirët, kështu ju jap fansave duele interesante për t’u parë. Këtë gjë bëjnë kampionët”.

KËSHILLA PËR ANTHONY JOSHUA – “Humbja ndaj Ruiz ishte shumë e dhunshme. Po të isha në vendin e tij s’do të ndeshesha përsëri me Ruiz. Gjithsesi këshilla ime për të është që të bëjë atë mendon se është e drejtë. Do ishte mirë të bënte një ndeshje nxehjeje me një kundërshtar të një niveli më të dobët. Kjo gjë do ta ndihmonte në aspektin mendor, do fitonte shumë vetëbesim”.

Gjatë ditëve të fundit mediet angleze kanë mësuar detajet e duelit. Në ndryshim nga përballja e parë që u zhvillia në Amerikë, Joshua ka vendosur që të rikthehet në Britani.

Vendndodhja e duelit do të jetë në Kardif të Uellsit, kjo për shkak se në atë qytet ndodhet stadiumi më i madh krejtësisht mbuluar në Angli “Principality Stadium”, që ka një kapacitet prej më shumë se 6000 personash për ndeshje boksi.

Data më e përfolur e duelit është 14 dhjetori. Ruiz nuk ka rrugë tjetër përveç se të pranojë përsëritjen e duelit, përndryshe kemi të bëjmë me një shkelje kontratë dhe meksikani do të humbasë të 4 titujt kampion bote që fitoi kur mundi me nokaut anglezin.

Eddie Hearn, promotori i boksierit anglez ka zbuluar se në ditët në vijim do të zbulohet stadiumin favorit për duelin që pritet të zhvillohet në fund të muajit nëntor.

“Po finalizojmë detajet e fundit. Besoj se në dy ditë do të dalim me një njoftim. Mund t’iu them se kemi menduar dy vendndodhje. E para është “Madison Square Garden” në SHBA, aty ku Joshua humbi. Ai ka dëshirë që të hakmerret pikërisht në atë vend. Opsioni i dytë është “Principality Stadium”, në Uells. Një stadium i mbuluar ku nuk rrezikojmë anulimet e duelit nga kushtet atmosferike. Joshua e ka mbushur plot atë stadium në të shkuarën. Ky është vendi favorit për momentin. Trajneri i Joshuas insiston të mos largohemi përsëri në SHBA”, tha Hearn.

Nëse vendndodhja e duelit është në “Principality Stadium”, atëherë ky do të jetë një lajm i mirë për të gjithë ne Europianët që s’do të na duhet të presim deri në 5 të mëngjesit për përjetuar emocionet që dhuron sporti i boksit.

“Divizoni i peshave të rënda po bëhet gjithmonë e më interesant. Dueli midis Ruiz dhe Joshua na tregoi që kur dikush ka vetëbesim, ai mund  t’ia arrijë atë që i ka vënë qëllim vetes. Në duelin e dytë them se gjithçka është në dorë të Joshuas. Do ketë një presion të tmerrshëm për të fituar, nëse nuk e përballon dot do të humbasë sërish. Në duelin e parë nuk ishte në gjendjen më të mirë fizike”.

“Besimi është diçka krejtësisht mendore. Të gjithë e dimë se Joshua është një boksier i mirë, por kur vendosesh në presion gjithçka ndryshon. Stresi të bën që të mos jesh vetvetja. Duhet të jetë i përgatitur”.

“Unë jam i mendimit se do Ruiz do të fitojë sërish. Ai s’ka nevojë të ndryshoj strategji. Është një boksier që nuk e njeh frikën dhe ndërmerr përsipër risqe, dhe ata që marrin përsipër risqe bëhen kampionë bote”.

Dy vite më parë Konor Mekgregor nuk ia doli të dilte fitimtar përballë legjendës amerikane Flloid Mejuedhër, Nganu beson se në ndryshim nga irlandezi ka aftësitë e duhura për të befasuar edhe boksierët më elitarë.

BOKSI – “Bota e boksit ka tani disa atletë shumë të zotë si Fjuri, Xhoshua, Uajlldër si dhe Ruiz. Jam njeri që besoj shumë. Askush nuk besonte se do ia dilja të isha pjesë e UFC, nuk më mungon azgjë për të provuar veten në boks”.

“Para se të bëhesha pjesë e UFC-së bëja stërvitje me një boksier shumë të njohur si Karlos Takam.  Kontrata me UFC-në nuk ma lejon, por e njëjta situatë ishte dhe me MekGregor dy vite më parë dhe për të u bë një përjashtim”.

Eddie Hearn është i bindur se boksieri i tij do ia dalë të marrë sërish në duart e tij katër brezat kampion bote, të cilat i fitoi duke mundur kundërshtarë si Wladimir Klitschko, Charles Martin dhe Joseph Parker. Duke përdorur lidhjet e tij në botën e boksit, Hearn ka bërë një lëvizje brilante për të siguruar njëherë e mirë zhvillimin e duelit.

Konfederata e njohur “WBC” së fundmi ka vënë emrin e Anthony Joshua në vendin e tretë të  renditjes së boksierëve. Sipas ekspertëve të sportit kjo lëvizje e papritur ka si qëllim përshpejtimin e procedurave për përballjen e Anthony Joshuas me kampionin e konfederatës “WBC”, që për mbahet nga amerikani i pamposhtur Deontay Wilder.

Joshua dhe Wilder kanë filluar negociatat midis tyre prej më shumë se dy vitesh, por palët nuk kanë gjetur akordin financiar duke preferuar te ndeshen me kundërshtarë të tjerë që në letër përbëjnë një rrezik më të ulët.

Falë kësaj lëvizjeje dueli midis Joshuas dhe Wilder do të bëhet i detyrueshëm nga vetë “WBC”. Ky duel pritet të ndodhë në muajt e fundit të vitit 2020, gjithmonë nëse të dy boksierët do fitojnë duelet e në muajt në vazhdim.

“Jemi ende nuk negociuar. Për momentin po flasim për vendndodhjen. Dueli mund të zhvillohet në SHBA ose Mbretërinë e Bashkuar. Po e kemi të vështirë t’i bindim që ta zhvillojmë në SHBA ose Meksikë, këtë dua të bëj unë. Të shohim çdo të ndodhë”.

“Për momentin jam duke pushuar. Kam udhëtuar nëpër vende të ndryshme ku kam takuar fansa e kam dhënë intervista. Sapo të mbyllim negociatat do t’i fokusohem 100% përgatitjes për duelin. Nuk dua t’i humb brezat kampion bote. Mendoj se Joshua do të jetë më agresiv, por ju garantoj se edhe unë do të bëj të njëjtën gjë. Do grushtoj më shumë se hërën e fundit”,  tha Ruiz.

Boksieri 32-vjeçar u shpall kampion i padiskutueshëm në divizionin “Cruiserweight” (deri në 91 kg), duke bërë të tijtë të katër brezat kampion bote. Tani Usyk po pret të debutojë në divizionin e peshave të rënda për të përsëritur bëmat e kampionëve si Evander Holyfield dhe David Haye, të cilët u shpallën kampion bote në divizionin Cruiserweight e më pas në peshat e rënda.

WBO Championship Committee Resolution – Designation of Mr. Oleksandr Usyk as Mandatory Challenger in the WBO Heavyweight Division https://t.co/xXKdNrAMlv

— WBO (@WorldBoxingOrg) June 23, 2019

Usyk ka një rekord prej 16 fitoresh (12 nokaut), 0 humbje, 0 barazime. Nëse gjithçka shkon sipas planit, Usyk do të debutojë peshat e rënda në shtator në një duel kundër franko-kamerunasit Karlos Takam dhe në rast fitoreje, ukrainasi do të ndeshjet me fituesin e duelit Joshua-Ruiz që pritet të ndodhë këtë dhjetor.

NOKAUTI I PARË – “Ai më rrëzoi në raundin e tretë. Nuk më kishte ndodhur kurrë më parë në karrierën time. Më kapi me një goditje të pastër, nuk e pashë dot. Gjithsesi u ngrita dhe si luftëtari që jam u ngrita dhe i kërkova zotit forcë për ta fituar duelin. E dija që do të vinte për të më nxjerrë nokaut dhe u tregova i zgjuar. U shmanga gjuajtjeve të tij të para dhe më pas fillova ta godisja derisa arrita atë që doja”.

“Gjëja e parë që bëra me paratë e duelit ishte blerja e një makine për mamanë time. Tani çdo gjë ka ndryshuar për ne. Tani do blejmë një shtëpi  të re. Si familje kemi pasur të gjitha gjërat që na nevojiteshin, por jo ato që dëshironim”.

DUELI I DYTË –“Jemi akoma në negociata. Nëse dueli do zhvillohet në Mbretërinë e Bashkuar, sigurisht që do të duhet të më paguajnë më shumë. Gjithsesi e sigurt është se dueli do përsëritet dhe do të ndodhë brenda këtij viti. Gjyqtarët e favorizuan atë, por ia dola të fitoja me nokaut. Të njëjtën gjë synoj të bëj në ndeshjen e kthimit. Do të tregohem akoma më agresiv se herën e parë. Joshua më nënvleftësoi po mendonte për duelet e tjera, kujtonte se e kishte fitoren e sigurt me mua. Unë s’do bëj të njëjtin gabim”.

Intervistuesi i përmendi meksikanit një deklaratë të Tyson Fury, i cili e përshkroi atë si një boksier të mbaruar që ai dhe Deontay Wilder mund ta rrihnin pa probleme. Ruiz nuk pranoi t’i kundërpërgjigjej anglezit: “Për atë të gjithë janë të mbaruar. Gjithsesi unë mbetet një fans i Fury-t. S’dua të flas keq për të. Shpresoj që të vazhdoj kështu si ai dhe Wilder. Jemi të gjithë boksierë që vëmë jetën në rrezik. Nuk flas jashtë ringut, punët e mija i bëj brenda ringut”.

Megjithatë në një intervistë të bërë së fundmi, Fury, ka folur plot admirim për Joshua-n, duke shpjeguar dhe arsyen përse ai është i detyruar të bëjë ngacmime të shpeshta ndaj tij.

“Joshua-s i ul kapelën. Ai vjen nga një lagje shumë e keqe në Londër. Familja  e tij erdhi nga Nigeria dhe ia nisi gjithçka nga 0 për një jetë më të mirë. Në rini iu fut një rruge të keqe, por iu dha një mundësi për të ndryshuar jetën e tij dhe nuk e la të ikte. Vetëm për këtë gjë meriton shumë respekt. E admiroj për këtë gjë, sepse nuk është e lehtë që të vish nga askundi dhe pa para dhe të bëhesh kampion bote i peshave të rënda”.

“Ai ka bërë shumë mirë për veten. Është bërë milioner, e ka bërë familjen e tij krenar është bërë një atlet i njohur në çdo shtet. Humbi ndeshjen e fundit, por e ka marrë pozitivisht këtë gjë. Nuk është fundi i botës se humbe një duel. Është thjesht boks. Ai ka një partner, një fëmijë, prindër dhe të afërm të tjerë. Në pikëpamjen e biznesit ka bërë shkëlqyer, gjithashtu edhe në karrierë. Ai ia ka dalë në jetë, kaq mund të them. Unë bëj shumë ngacmime si për shembull: “Ai ka marrë fund etj.”, por këto janë pjesë e sportit ai është rivali im, ç’prisni të them tjetër ”.

“Kur një person dorëzohet, do ta bëjë sërisht, kjo është  e sigurt. Është shumë e vështirë ta marrësh veten nga kjo gjë. Unë jam i mendimit që ai s’do e marrë dot veten. Ka marrë fund”.

“Shumica e njerëzve besonin se ai njeri mund të më rrihte mua. Në çfarë universi mund të ndodhte kjo gjë? Çfarë dreqin po mendonin këta njerëz. Përsa i përket fizikut ai nuk ka të dytë, por në boks po u godite në mjekër e të kapi paniku, muskujt s’të ndihmojnë. Më vjen mirë që dy ndër boksierët me fizikun më të mirë janë mundur nga dy njerëz të shëndoshë”. (Fury mundi Wladimir Klitschko-n në vitin 2015)

Sipas studimit të bërë nga media amerikane “Forbes”, boksieri më i paguar në planet është ylli meksikan Saul “Canelo” Alvarez, i cili përfiton 94 milionë dollarë nga kontratat televizive dhe 2 milionë dollarë nga të drejtat e imazhit.

Në vend të dytë është ish-kampioni i peshave të rënda Anthony Joshua. Boksieri anglez përfiton 55 milionë dollarë në total, ku mban rekordin për të drejtat imazhit, prej të cilave fiton 10 milionë dollarë në vit.

Rivali i Joshuas Deontay Wilder renditet i treti me 30.5 milionë dollarë të ardhura. Amerikani fiton vetëm 500 mijë dollarë nga të drejtat e imazhit, shifër kjo që tregon se ende nuk është shumë popullor në SHBA.

Legjenda filipinase Manny Pacquiao mban vendin e katërt me 26 milionë dollarë të ardhura, ndërsa kazaku Gennady Golovkin mban vendin e pestë me 25 milionë dollarë.

1. Canelo Alvarez                    $94 M               $92 M          $2 M                    
2. Anthony Joshua                  $55 M               $45 M          $10M
3. Deontay Wilder                   $30.5 M           $30 M          $500k
4. Manny Pacquiao                 $26 M              $24 M          $2 M                    
5. Gennady Golovkin              $25.5 M           $23 M          $2.5 M   

PARASHIKIMI – “Kam qenë ndër të paktët njerëz që e kam vlerësuar Andy Ruiz. Nuk e parashikova fitoren e tij, por në ndryshim nga të gjithë të tjerët që mendonin se Joshua do e nxirrte nokaut me dy raunde, unë isha i mendimit se ai do fitonte me pikë”.

DORËZIMI – “Po u dorëzua. Kjo është e qartë këtë e panë të gjithë. U ngrit, hoqi mbrojtësen e dhëmbëve dhe iu largua arbitrit, këto janë të gjitha veprime që një boksier i madh s’duhet t’i bëjë. Tani ka një problem të madh. Kur dorëzohesh për herë të parë është shumë e thjeshtë që ta bësh përsëri”

GJENDJA E JOSHUA-S  – “Për mendimin tim ai nuk donte të luftonte atë natë. Jam i sigurt se në ato pak momente para do ishte i gatshëm të bënte gjithçka përveç se të boksonte. Nëse Ruiz e mund përsëri duhet të dorëhiqet. Unë këtë gjë do bëja po të isha në vend të atij”.

After meetings with AJ, Rob Mc and the management team in NY, we have today triggered the contracted rematch clause with Andy Ruiz Jnr. The fight will take place in Nov/Dec at a venue to be confirmed shortly.

— Eddie Hearn (@EddieHearn) June 4, 2019

Ruiz ka të drejtë ta refuzojë përsëritjen e duelit, por në këmbim duhet t’i rikthejë anglezit katër titujt kampion bote që i mori pas fitores së 1 qershorit, skenar ky që ka pak gjasa që të ndodhë. Eventi do të zhvillohet rreth muajit nëntor ose dhjetor.

Vendndodhja e duelit mbetet ende mister, por mediet angleze janë të sigurt se Joshua do të rikthehet të luftojë në stadiumin “Wembley”, Londër.

“Nuk mund të shkosh në universitet me mësuesin e klasës fillore. Ai nuk ka përgjigjet për problemet që ndodhin në nivele kaq të larta të boksit. Në këtë moment atij i duhet një “pedagog” i këtij sporti. Ai nuk ishte fare i përgatitur për strategjinë që ndoqi Ruiz”.

“McCracken është një trajner shumë cilësor, por ndoshta ai nuk i përshtatet stilit të cilit Joshua-s i duhet në këtë nivel. Unë ndërrova trajner dhe zgjodha Manny Steward. Ai diti si të  shfrytëzonte çdo pikë të fortë që kisha unë si boksier dhe më tregoi gjithçka ç’duhet të tija për të triumfuar”, përfundoi Lewis.

“Besomëni. Jam rritur në një familje të mirë, por jeta më ka çuar të përballem me situata shumë më të vështira. Kam pësuar disfata shumë të forta, por ia kam dalë të rikthehem më i fortë. Jeta është një udhëtim i gjatë. Nëse do mendoja vetëm për disfatat e mija, s’do të isha boksieri që jam sot”.

“Mendoj se kjo humbje është pjesë e rrugëtimit tim. Ky është boksi, ajo më ngelet të bëj tani është të reflektoj dhe të përmirësohem. Nuk kam ardhur deri këtu që të ndaloj, mendoj se mund të bëj shumë më shumë”.

Ajo çka Ruiz bëri sot i përafrohet disfatës më të pabesueshme të historisë së boksit, humbjes së parë të Mike Tyson ndaj James “Buster” Douglas plot 28 vite më parë. Me një fizik obez (121 kilogram) dhe gjatësi e hapje krahësh relativisht “lilipute” për peshat e rënda, askush nuk i dha një shans 29-vjeçarit, fitorja e të cilit kuotohej me koeficientin 25.

“Nuk zgjat më shumë se dy raunde”, “Ç’është ky trashaluq”, “Nokauti i radhës për Joshua-n”, “Po harxhojmë kohë kot duke parë këtë duel”, këto frazat janë përdorur me miliona njerëz anembanë botës, por në fund “trashaluqi” na dha një mësim: Në boks vendos ZEMRA dhe jo muskujt, gjatësia ose forca.

DUELI – Në dy raundet e para, ashtu siç ndodh shpesh në boks, të dy boksierët u treguan pasiv duke u përpjekur të studionin strategjinë e njëri-tjetrit. Spektakli i vërtetë filloi në raundin e tretë, me siguri një ndër më të bukurit e këtij sporti.

Joshua rrëzon meksikanin me një të majtë të fuqishme. Ruiz ngrihet menjëherë dhe Joshua i sulet për t’i dhënë goditjen përfundimtare, por ky turr i papërmbajtur rezultoi një gabim fatal për anglezin. Ruiz përdor armën e tij më të fortë, shpejtësinë e grushteve. Ai arrin ta trullosë “gjigantin” anglez me dy të majta të fuqishme, duke  e rrëzuar në tapet.

Joshua ia del të ngrihet në kohë dhe falë mbajtjeve të shpeshta trup më trup mbijeton për disa sekonda. Megjithatë furia e grushteve të Ruiz e hedh sërish përtokë, Joshua ngrihet sërish dhe kësaj i radhe i vjen në ndihmë gongu.

Tri raundet e mëpasshme nuk u shoqëruan me shumë aksion. Raundi i shtatë dhe final foli i gjithë për kampionin e ri të peshave të rënda. Shpejtësia rrufe e grushteve të Ruiz bëhet e papërballueshme për Joshua-n, i cili prek tapetin për të tretën herë.

Edhe pse ia del të ngrihet sërish, kësaj radhe s’do kishte shpëtim. Ruiz e rrëzon sërish, Joshua ngrihet në kohë, por dukshëm i trullosur. Arbitri Michael Griffin kishte parë mjaftueshëm dhe nuk e lejon anglezin të vazhdojë duelin.

DEKLARATAT E PROTAGONISTËVE  Andy Ruiz vinte në këtë takim si një kundërshtar emergjence, me vetëm 1 muaj kohë për t’u përgatitur. Kundërshtarit të planifikuar fillimisht për Joshua-n, Jarell Miller, iu hoq mundësia për t’u përballur për titullin kampion bote për shkak të përdorimit të tri substancave të ndaluara.

“Dua të falënderoj Zotin për këtë fitore”, tha boksieri, i cili bëhet meksikani i parë që fiton një titull kampion bote. “Pa Zotin, kjo do të ishte e pamundur. Ndihem jashtëzakonisht mirë, për këtë kam ëndërruar gjithë jetën. Për këtë kam punuar fort dhe s’po më besohet se ia dola të bëj ëndrrat e mia realitet. Ishte hera e parë që dikush më kishte rrëzuar, kjo më bëri që ta dëshiroja më shumë fitoren e të sulesha me gjithçka kisha”.

Viva Mexicooooo ?? felicidades Andy me da muchísimo gusto ver a alguien con determinación triunfar ????

— Canelo Alvarez (@Canelo) June 2, 2019

Falë një klauzole në kontratë, Joshua-s do t’i jepet mundësia për t’u hakmarrë në një përsëritje të duelit që do të zhvillohet në muajin nëntor ose dhjetor, kësaj radhe jo në SHBA, por para publikut të tij në Londër. Në deklaratën e shkurtër të dhënë në përfundim të duelit, ai tha: “Nuk ishte nata ime. Andy Ruiz meriton të gjithë famën dhe paratë që do t’i vijnë pas kësaj fitoreje. Nuk dua që askush të hidhërohet. Nuk jam nga ata që mendoj tani për tani, rëndësi ka të jem largpamës”.

“Fury dhe Wilder janë në fundin e karrierës së tyre. Kanë mbi 11 vite si profesionistë, nuk po arrij ta kuptoj se çfarë po presin. Unë kam dhe disa vite të tjerë për t’u përmirësuar akoma më shumë”.

“Wilder refuzoi një marrëveshje 100 milionë dollarëshe. Do të kryente një duel për nxehje dhe më pas dy duele me mua, ngela i habitur kur ai nuk e pranoi këtë kontratë. Më shumë para se aq nuk mund t’i jepnim”, tha Joshua.

Megjithatë, gjasat janë që këto duele të shtyhen për në vitin 2020. Kandidati favorit për t’u ndeshur me Wilder është kubanezi Luis Ortiz, një kundërshtari ky që amerikani e njeh mirë pasi e ka mundur një vit më parë me nokaut në raundin e 10-të, gjithsesi Ortiz iu afrua shumë fitores gjatë raundit të 7, por Wilder përfitoi nga rënia e gongut. Humbja ndaj Wilder është e vetmja në karrierën e Ortiz.

Në konferencën për shtyp, Wilder la të hapur mundësinë e rikthimit në ring me Ortiz: “Përse të mos ndeshemi për herë të dytë ose tretë. Divizoni i peshave të rënda nuk ka shumë boksierë të zotë. Nuk arrij të kuptoj pse nuk po realizojmë dot luftimet e mëdha. Edhe nëse humbet ç’problem ka. Ngrihu përsëri dhe rikthehu më i fortë. Mua nuk më intereson rekordi i dueleve të mira. Po humba do më jepet mundësia që të bëhem kampion për herë të dy, siç kanë bërë para meje, Ali, dhe Tyson”.

Fillimisht Joshua ishte programuar që të ndeshej me amerikanin Jarell Miller, por ky i fundit rezultoi pozitiv në testet e dopingut për tri substanca të ndryshme.

29-vjeçari Ruiz ka një rekord prej 32 fitoresh (21 me nokaut), 0 barazimesh dhe një humbje. Hera e vetme që Ruiz ka dalë me kokën ulur nga ringu ka qenë dueli i vlefshëm për titullin kampion bote “WBO” në 10 dhjetor të 2016-ës, ku u ndesh me boksierin nga Zelanda e re, Joseph Parker. Dueli u mbyll me fitoren me vendim maxhoritar të Parker, 115:113, 115:112, 114:114.

Promotori i Joshua-s, Eddie Hearn, shpjegoi arsyet që çuan në arritjen e kësaj marrëveshjeje, duke thënë “Ruiz do të zbavitë të gjithë shikuesit e këtij dueli. Është një boksier që do të japë gjithçka, nuk ka frikë edhe nëse del nokaut. Zgjodha Ruiz pasi është një boksier që ka treguar se ka zemër dhe do të bëjë çmos që të shpallet kampion bote”.

Në deklaratat e tij për mediat, Ruiz ka deklaruar se ëndrra e tij është të bëhet i pari boksier meksikan që shpallet kampion në peshat e rënda.

Kur kanë mbetur pak më shumë se një muaj nga dueli, promotori i Joshua-s Eddie Hearn u mundua të bindte boksierin kubanez Luis Ortiz (31 (26 Ko), 1, 0 ), por ky i fundit refuzoi ofertën prej 5 milionë dollarësh duke e konsideruar si fyese për një kundërshtar të kalibrit të tij, i cili konsiderohet nga shumë ekspertë  dhe konfederata boksi si boksieri më i mirë pas Joshua, Wilder dhe Fury).

Sipas të gjithave gjasave, boksieri favorit për t’u ndeshur me Joshua-n është meksikano-amerikani Andi Ruiz. 29-vjeçari ka një rekord prej 32 fitoresh (21 me nokaut) dhe vetëm një humbje të pësuar me vendim maxhoritar (115-113, 115-113, 114-114) ndaj boksierit nga Zelanda e Re, Joseph Parker.

Fatkeqësisht Miller bëri një budallallëk duke përdorur substanca të ndaluara. Testet e bëra së fundmi kanë zbuluar se 30-vjeçari ka përdorur hormon rritjeje dhe një steroid për rritjen e kapacitet aerobik. Tani dueli midis të dyve është anuluar dhe Miller pritet të dënohet me minimumi 2 vite pezullim nga sporti.

Promotori i Joshua-s Eddie Hearn, u shpreh i shokuar nga lajmi, duke thënë: “Mund të konfirmoj se jam njoftuar për testin e dytë. Pas testit të parë i dhashë e fala pasi më tha se mund ta kishte marrë substancën pa dashje, ndër pas testit të dytë mund të them se është diçka e pështirë. Këto gjëra nuk kanë vend në botën e sportit”.

Përballja midis dy boksierëve të peshave të rënda ishte planifikuar që të zhvillohej më datë 1 qershor në “Madison Square Garden”, “New York”.

Dopingu u zbulua së fundmi nga agjencia anti-doping “VADA” pas analizave të një mostre gjaku të marrë gjatë muajit mars.

Kjo lloj substance ndihmon në uljen e yndyrës dhe në rritjen e kapacitetit aerobik te personat me një peshë mbi normalen, siç është rasti i Miller. Boksieri amerikan rrezikon dy vite pezullim nga sporti nëse faktohet se substanca është marrë me dashje.

Breazeale ka një rekord prej 20 fitoresh (18 me nokaut) dhe një humbje. Disfata e vetme e 33-vjeçarit është ajo ndaj Anthony Joshua-s, i cili e mundi tre vite me nokaut në raundin e shtatë të duelit.

Ky lajm është gjithashtu një lajm i keq për të gjithë ata tifozë të boksit që prisnin një përballje të dytë midis Wilder dhe njërit prej dyshes angleze Tyson Fury dhe Anthony Joshua. Mesa duket të dy boksierët kanë vendosur që ta shtyjnë për një datë tjetër duelin e dytë. Ndërkaq, pritet që në ditët në vijim të mësohet dhe kundërshtari i ardhshëm i Tyson Fury-t.

Oferta për 34-vjeçarin ishte bërë nga grupi mediatik “DAZN” dhe në të ishin të përfshira 3 duele, ku dy të fundit do të ishin me kampionin e botës Anthony Joshua.

Wilder mban prej më shumë se tri vitesh brezin kampion bote të konfederatës “WBC”, titull ky që është i vetmi që pengon Anthony Joshua-n të shpallet kampion bote i padiskutueshëm, pasi anglezi ka grumbulluar në harkun e katër viteve brezat kampion bote të konfederatave “WBO”, “WBA”, “IBF”, “IBO”.

Kundërshtari i ardhshëm i Wilder do të jetë amerikani Dominic Breazeale, dueli midis të dyve do të zhvillohet gjatë muajve të verës.

Ringu për duelin e 23-të të Joshua-s do të jetë arena “Madison Square Garden” në New York, një stadium legjendar ku në të shkuarën kanë boksuar emra si Muhamed Ali, Sugar Ray Leonard, Lennox Lewis dhe Evender Holyfield.

https://twitter.com/iIPadre/status/1097934029524004864

Ditën e djeshme ishte konferenca e parë për shtyp për duelin që do të zhvillohet më datë 1 qershor. Amerikan Miller nxehu gjakrat duke shtyrë me forcë Joshua-n në momentin ku dy boksierit u vunë ballë për ballë.

Joshua nuk ia ktheu me të njëjtën monedhë duke e marrë me sportivitet provokimin nga kundërshtari i radhës, i cili ka një rekord prej 23 fitoresh 1 barazimi dhe 0 humbjes. Konferenca më pas vazhdoi me ofendime nga të dyja palët, ku boksierët nuk kursyen as sharjet për familjet e njëri-tjetrit.

Kundërshtari i Joshua-s do të jetë amerikani Jarell Miller, i cili është i pamposhtur me një rekord prej 23 fitoresh (20 nokaute) dhe një barazim. Miller do të ketë përkrahjen e publikut të tij në këtë duel, që do të zhvillohet në New York por shanset që ai të mpshtë anglezin Joshua janë minimale.

IT’S OFFICIAL!! @anthonyfjoshua will make his American debut when he defends his WBA,WBO,IBF and IBO World heavyweight titles against @BIGBABYMILLER at the iconic @TheGarden June 1 live on @DAZN_USA and @SkySportsBoxing ????? pic.twitter.com/6CBQQHBPvN

— Eddie Hearn (@EddieHearn) February 13, 2019

Ajo që ka bindur Joshua-n të përballet me amerikanin ka qenë oferta e pabesueshme prej 30 milionë dollarësh nga e drejta televizive, shumë kjo që do të kalojë dhe arkëtimet e duelit që Joshua përfitoi  kundër ukrainasit Wladimir Klitschko. Kjo do të jetë hera e parë që aglezi ndeshet jashtë territorit të Britanisë së Madhe.

Miller është i pamposhtur me një rekord prej 23 fitoresh (20 nokaute) dhe një barazim. Miller do të ketë përkrahjen e publikut të tij në këtë duel, por shanset që ai të mund anglezin Joshua janë minimale.

Ajo që ka bindur Joshua-n të përballet me amerikanin ka qenë oferta e pabesueshme prej 30 milionë dollarësh nga e drejta televizive, shumë kjo që do të kalojë dhe arkëtimet e duelit ndaj ukrainasit Wladimir Klitschko.

Përballja do të zhvillohet në fillim të muajit prill në Manhattan, New York, ndërsa arenën ku do të vendoset ringu do të jetë “Madison Square Garden”, me një kapacitet prej 20000 personash. Bileta  më e lirë e këtij takimi pritet të jetë 500 dollarë.

Sipas 53-vjeçarit, Joshua heziton të luftojë boksierë të kalibrit të lartë si Fury dhe Wilder për shkak të kërkesave të ekzagjeruara financiare, ajo çka e çudit më shumë Lewis është hezitimi i Joshua-s për t’u ndeshur e amerikanin Deontay Wilder, i cili ka të vetmin brez kampion (WBC) që e ndalon Joshuan së qeni kampionati i parë i padiskuteshëm (mbajtësi i çdo brezi madhor), që prej tij në vitin 2001.

“Nuk e kuptoj këtë hezitim të Joshua-s. Unë gjithmonë kam dashur të ndeshem më kundërshtarët me të fortë. Nga kjo gjë kam fituar tituj të shumtë, por në të njëjtën kohë nuk kanë munguar as fitimet nga ana financiare”, tha Lewis.

Në intervistë, Fury zbuloi mesazhet që ai i ka dërguar amerikanit Wilder dhe promotorit të Joshuas-, Eddie Hearn.

Mesazhi i dërguar drejt Wilder: “Hej kampion. Shpresoj që krishtlindjet dhe viti i ri të kenë kaluar mirë. Hajte, çfarë pret. Le ta zhvillojmë duelin më të madh në planet sa më shpejt të jetë e mundur. Jam gati kurdo, që të më thuash. Në prill do të ishte perfekte”.

Fury më pas zbuloi se amerikani me të cilin u ndesh një muaj më parë (ndeshja doli barazim) nuk i është përgjigjur mesazhit të mësipërm. Të njëjtën gjë ka bërë dhe promotori i Joshua-s, që sipas Fury-t po e shmang atë edhe pse ai nuk ka kërkesa të ekzagjeruara përsa i përket ndarjes së të ardhurave që do të gjenerohen nga dueli midis dy anglezëve.

Sigurisht nuk mund të mugonte dhe një ngacmim tipik nga ana 30-vjeçarit, i cili e mbylli intervistën duke thënë: “Wilder e kam mundur, pavarësisht vendimit të gjyqtarëve, ndërsa Joshua është një robot i ngathët, për të cilin nuk kam pse të shqetësohem aspak”.

“Jam i gatshëm t’i bëj Joshua-s të njëjtën gjë që i bëra Wilder-it, por të jem i sinqertë nuk besoj se kjo do të ndodhë, u kërkoj falje fansave të këtij sporti. Joshua nuk do të mundte as me dy çekiçë në duar, dhe ata e dinë mjaft mirë, s’janë aq të çmendur sa të ndeshen me mua.”

“S’duhet të harrojmë se nuk është thjesht një sport, është dhe një biznes. Ata mund të dalin në deklarata duke thënë se duan të luftojnë me mua, por në fund do të luftojnë dikë tjetër siç kanë bërë përherë”, tha Fury.

Përballë fituesit të duelit Whyte, Joshua u shpreh se zgjedhja e tij e parë është boksieri amerikan Deontay Wilder, që është njëkohësisht mbajtësi i titullit “WBC”.

“Wilder është zgjedhja e parë dhe t’i e kupton këtë gjë”, iu drejtua Joshua bashkëkombësit të tij Dillian Whyte: “Në rast se nuk arrihet dueli me atë, atëherë t’i e meriton të përballesh me mua”.

“Jam i gatshmë të luftoj ndaj Deontay Wilder. E ftoj më datë 13 prill në Londër. Por, më duket se ai dëshiron të luftoj ndaj Tyson Fury-t. Jam i gatshëm të luftoj këdo prej tyre, por më intereson më shumë Wilder, pasi ai është kampioni në fuqi. Nuk jam ndër ata boksierë që preferon të flasë shumë e të stoliset pafund. Punën e time e tregoj në ring”, tha Joshua.

.@anthonyfjoshua is ready for Deontay Wilder and has even penciled in a date for the fight ? pic.twitter.com/RZTCBoS6KW

— First Take (@FirstTake) December 13, 2018

Në rast se dueli midis Joshua-s dhe Wilder do të ndodhë, fitimtari do të bëhet kampioni i padiskutuar i në divizionin e peshave të rënda, duke mbajtur të pestë titujt madhorë. Diçka e tillë nuk ka ndodhur që prej vitit 2000, kur Lennox Lewis unifikoi të gjithë brezat kampion.

Boksieri nga Alabama tha në disa intervista se Joshua është i frikësuar nga ai dhe i është shmangur arritjes së një marrëveshje për një duel. Kaq ka mjaftuar që anglezi të reagojë nëpërmjet llogarisë së tij në rrjetin social “twitter”.

What took this fool so long? Like we ain’t been interested?!! ?Anyway well done Fury! they wanted to get you because they assumed you was finished!! I’ll give you a fair one when your ready! Either one of you! https://t.co/RlytsIrnud

— Anthony Joshua (@anthonyjoshua) December 4, 2018

“Kush e merr seriozisht këtë budalla? Si mund të mos ishim të interesuar. Gjithsesi, të lumtë Fury! Ata u ndeshën me ty, pasi kujtuan se kishe marrë fund. Do t’u jap një shans kur të jeni gati”, shkroi Joshua në reagimin e tij.

Sipas Hej, Povetkin do të jetë një kundërshtar edhe më i fortë se legjenda e boksit, Vladimir Klitshko, të cilin Xhoshua e mundi vitin e shkuar. “Povetkin është një boksier me shumë eksperiencë. Të vetmen humbje që ka në, e ka pësuar ndaj Vladimir Klitshkos. Xhoshua e ka mundur Klitshkon, por ai nuk ishte më i njëjti, pasi koha mosha bën të vetën”, tha Hej.

28-vjeçari Antoni Xhoshua është i mbajtësi i katër  titujve (IBF, WBA, WBO, IBO). I vetmi titull që i mungon anglezit për t’u shpallur kampion i të gjitha federatave është ai WBC-së që mbahet për momentin nga amerikani Deontei Uajlldër.

Bëhet fjalë për një veturë të markës “Land Rover”, modeli “Range Rover”, krejtësisht e personalizuar enkas për kampionin e boksit me vlerë 200000 euro. Sigurisht, për Xhoshuan nuk do të jetë problem blerja e një makine të re, pasi ai ka fituar mbi 50 milionë euro nga 21 duelet e tij.

Më datë 22 shtator, Xhoshua do të presë në “Wembley” boksierin rus Aleksander Povetkin dhe në rast të një fitoreje, kundërshtari i ardhshëm për 28-vjeçarin do të jetë fituesi i duelit midis Deontei Uajlldër dhe Tajson Fjurit.

Kundërshtari është gati, dhe ai fut në ring menjëherë pas përfundimit të takimit. Bëhet fjalë për amerikanin Deontei Uajlldër, i cili është zotëruesi i titullit “WBC” dhe ka një rekord të frikshëm në 40 duele, ku regjistruar po 40 fitore, 39 prej të cilave me “Knock-Out”.

Përballja do të zhvilohet në Amerikë dhe pritet të vendosë rekorde në termat e marketingut. Fituesit të duelit midis Fjurit dhe Uajlldër do t’i hapet rruga për ndeshjen e shumë pritur ndaj Anglezit Antoni Xhoshua, i cili është dhe mbajtësi i tri brezave.