Presidenti i ka dalë kundër të gjithëve që kërkonin “kokën” e trajnerit dhe e ka konfirmuar atë. Një bisede dypalëshe është zhvilluar mes tij dhe Valverdes, aty ku ky i fundit i ka premtuar se nuk ka ndërmend të heqë dorë nga projekti dhe ndihet shumë i motivuar për sezonin e ri.

Nëse Valverde do të qëndrojë, largimet do të jenë në masë. Plot 9 futbollistë pritet të largojë Barcelona në verë! Kevin Prins Boateng dhe Xheison Murijo ishin në huazim dhe do të kthehen andej nga erdhën.

Mbrojtësit Vermalen dhe Pereirës i përfundon kontrata dhe për ta nuk do të ketë rinovim. Andre Gomes pritet të blihet nga Evertoni, ndërsa në merkato kanë përfunduar edhe dyshja Rafinja-Denis Suarez.

Por jo vetëm kaq. Cilesen është pranë Benfikës, pavarësisht se 12 milionë euro është diferenca mes ofertës së portugezëve dhe kërkesës katalanase. Edhe Umtiti pritet të largohet, ashtu si braziliani Kutinjo.

Presidenti Josep Bartomeu po mendohet dhe po synon që t’i bindë të gjithë se Grizman është një nënshkrim i rëndësishëm për Barcelonës. Francezi shikohet si një nga alternativat më të mira që të ofron tregu. Gjithsesi duhen bindur lojtarët kryesorë, të cilët duhet ta kuptojnë se Grizman është zgjidhja më e mirë për sulmin në sezonin e ardhshëm.

PSE DUHET AFRUAR – Bartomeu mendon se Barcelona do të fitonte sportivisht me këtë afrim. Grizman është një lojtar që e njeh shumë mirë kampionatin dhe në skemat e Valverdes mund të mbulojë disa pozicione. Një “xhol” në duart e stafit teknik. Ndërkohë Kutinjo i ka bërë gati valixhet, pasi ka zhgënjyer dhe nuk mund ta presin më.

Besohet se Grizman ofron shumë më shumë për ekipin. Sulmuesi ka një marrëdhënie shumë të mirë me golin (133 gola e 50 asiste në 253 ndeshje), ndërkohë që lëvizshmëria pa top dhe presioni në mbrojtjet kundërshtare janë elementë që francezi i ofron dhe Barcelona këto kohë i ka humbur.

Grizman është një lojtar që me cilësitë e tij mund të përshtatet kudo. Ai mund të luajë në të majtë të sulmit me Suarez dhe Mesin. Sulmuesi mund të aktivizohet edhe në të djathtë, nëse në ndonjë rast do të duhet të luhet me Mesin si sulmues “fals”. Gjithashtu mund të pozicionohet në majën e repartit ofensiv.

Afrimi i Grizman vë në pikëpyetje Ousman Dembele. Nga ana tjetër Bartomeu e di shumë mirë: vera nuk ofron opsione më të mira. Deri më 1 korrik duhet paguar klauzola prej 125 milionë eurosh, ndryshe do të ketë një ankand dhe PSG është gati ta rrëmbejë sulmuesin nga Atletiko e Madridit.

Bartomeu ka një koment dhe për dy nga objektivat kryesorë të klubit: Adrien Rabiot dhe Matijs De Ligt, ndërsa e mbyll prononcimin e tij me mundësinë e një blerje të një lojtari të Realit të Madridit.

RINOVIMET – “Sa i përket Mesit, nga mënyra si po luan ekziston mundësia për një tjetër rinovim me të. Por do të vendosë Leo nëse dëshiron të qëndrojë përtej vitit 2021 me ne. Rakitiç e ka të qartë që do të nisim bisedimet e rinovimit, në momentin që do të kemi mundësinë për të bërë një sforco ekonomike. Zhordi Alba është më i miri në rolin e tij dhe duam që të qëndroje me ne dhe për 5 vite të tjera. Kutinjo? Nuk duam ta shesim dhe as që kemi ndërmend të dëgjojmë ofertat në drejtim të tij.”

MERKATO – “Rabiot do të jetë një lojtar i lirë në fund të sezonit dhe çdo ekip mund të nënshkruajë me të. De Ligt? Nuk ekziston asnjë problem me Mino Rajolën, me të cilin kam një raport shumë të mirë. Nuk kemi asnjë pakt me Realin për të mos kryer merkato me njëri-tjetrin. Nëse do të duam të blejmë ndonjë lojtar nga ata, do të flasim në fillim me klubin madrilien. Megjithatë, deri më tani nuk ka ndodhur diçka e tillë.”

Mediat pak kohë më parë, raportonin se braziliani dhe i ati i tij kishin komunikuar me Bartomeun dhe se një kthim i mundshëm në Katalonjë për Nejmar ishte i mundshëm. Gjithsesi, ka qenë vetë presidenti, i cili ka mohuar diçka të tillë, duke zbuluar se kurrë nuk ka folur me Nejmar apo me të atij, që pas shitjes së brazilianit.

NEJMAR – “Kurrë nuk më ka telefonuar. As Nejmar, as i ati. E pranoj që mund të mos i ketë pëlqyer që e shitëm, por me paratë që siguruam nga shitja e tij, morëm dy lojtarë të mëdhenj si Dembele dhe Kutinjo”.

VALVERDE – “Është një trajner shumë i mirë. Këtë sezon e shoh shumë të relaksuar. Do të dëshiroja që të vazhdonte të ishte pjesë e jona edhe në rast se nuk do të arrijë të fitojë titull”.

NEJMAR – “Ne nuk flasim për lojtarë të skuadrave të tjera. E respektojmë PSG-në. Kemi një skuadër të mirë me lojtarë të mëdhenj dhe po përpiqemi të fitojmë gjithçka. Kemi gjithashtu lojtarin më të mirë në botë, Leo Mesin, kështu që e kemi të sigurt se do luajmë futboll të bukur për shumë vite të tjera”.

DEMBELE – “Ai ka ka ardhur në një klub gjigant. E ka ditur shumë mirë që s’do ta kishte të lehtë në fillim dhe s’do ta ketë të lehtë as tani. Nuk ka zgjidhje tjetër përveç se të punojë fort, çka po e bën së fundmi. Trajneri beson tek ai, ashtu si dhe lojtarët. Mund të them se potenciali dhe talenti i tij është i pabesueshëm. Barcelona do ta çojë atë drejt një rruge të vetme: suksesit”.

“Jemi të motivuar. Duam tripletën dhe për këtë mua më duhet të punoj që të sjell lojtarët më të mirë në qarkullim. Valverde? Nuk kemi asnjë dyshim se Valverde do të jetë trajneri i Barcelonës edhe sezonin e ardhshëm. Kemi shumë besim tek ai dhe do të bisedojmë kur të vijë koha e duhur”, përfundoi Bartomeu.

Josep Maria Bartomeu nuk është i shqetësuar dhe beson fort në reagimin e skuadrës. Presidenti i klubit katalanas zbulon faktin që ka biseduar me Mesin, i cili është pozitiv dhe do të bëjë maksimumin për t’u rikthyer sa më shpejt.

“Nuk jam i shqetësuar, edhe pse do të humbasë ndeshje të rëndësishme si ato kundër Realit dhe Interit. Duam t’i dërgojmë një mesazh pozitiv. Nuk është hera e parë që ndodh dhe skuadra ka reaguar gjithmonë. Mungesa e Mesit do të na japë një motivim ekstra për të bërë mirë. Kam biseduar me Leon dhe ndihet mirë. Ai do të pushojë disa javë, kaq”, përfundon presidenti i Barcelonës.

“Sezonin e ri e nisim me një entuziazëm të madh dhe shumë objektiva. Duam të fitojmë gjithçka. Po kompletojmë një kontingjent të shkëlqyer. Kemi afruar lojtarë të rinj si: Lenglet, Artur, Malkolm dhe një futbollist ekspert dhe me personalitet si Vidal.

Merkato mbyllet me 31 gusht dhe do të jemi të vëmendshëm deri në fund. Valverde ka ide të qarta dhe po menaxhon shumë mirë grupin. Na pret një e ardhme pozitive.”

“Iniesta? Aventura si futbollist i Barcelonës ka mbaruar, por një ditë do të kthehet të marrë një pozicion të ri në klub. Diçka të tillë e kemi diskutuar së bashku”, përfundon kreu i Barcelonës.