Një lojtar i të rinjve, i cili dëshiron të mbetet anonim, ka folur për “All About United”, duke zbuluar të pathëna dhe raportin që kishte ndërtuar portugezi me ambientin. Sigurisht që Zhoze nuk do i pëlqejë fjalët e “djaloshit”, ashtu siç i thërriste të gjithë lojtarët e ekipit të rinjve.

“Jam stërvitur 15 herë me ekipin e parë, por Mou nuk më ka folur kurrë asnjë fjalë. Të gjitha stërvitjet drejtoheshin nga MekKena dhe Kerrik. Zhoze nuk fliste kurrë. Ai na quante neve djaloshë dhe nuk thërriste në emër asnjë nga lojtarët e rinj. Ne e quanim poshtëruese diçka të tillë.

Ai donte të na dëbonte të gjithëve nga ndërtesa ku qëndronte ekipi i parë, po nuk e lejuan. Ne të rinjtë nuk mund të shkonim në pishina nëse aty ishte dikush nga ekipi i parë.

Junajtid nuk dukej si një skuadër. Lojtarët ushqeheshin vetëm ose në grupe, kurrë si kolektiv të gjithë bashkë. Gjatë pauzave të ndeshjeve të kombëtares, kur shumë lojtarë mungonin, Murinjo merrte pushimet dhe ata që kishin mbetur stërviteshin me ne.

Lojtarë si Ander Herrera, Huan Mata, Antoni Marsial, Luk Shou dhe Kris Smolling ishin profesionistë, sidomos Herrera. Disa senatorëve nuk ju pëlqente Murinjo. Të gjithë u lumturuan kur e shkarkuan. Ndryshoi humori totalisht, por askush nuk besonte se mund ta shkarkonin.

Pogba? Pol nuk dukej i lumtur kur u largua Murinjo. Mendoj se ata të dy nuk janë zënë kurrë me të vërtetë, edhe pse Pogba acarohej me rezultatet dhe mënyrën e lojës së skuadrës. Ai nuk është aspak i keq, përkundrazi. Të gjithë e duan francezin.

Ai i jep muhabet të gjithëve, edhe atyre që nuk i njeh. Në stërvitje ta përsërit gjithmonë që ‘nëse ngec dhe nuk di çfarë të bësh ma paso topin mua, edhe kur jam i markuar’. Askush te Junajtid nuk flet keq për të, që nga zyrtarët e klubit e deri te trajnerët”.

Interin e ka në zemër dhe në Itali është tifozi numër një i tyre. Me zikaltrit fitoi tripletën në vitin 2010, shkroi historinë dhe do të jetë gjithmonë një idhull i tifozërisë së Interit.

Murinjo është i bindur se ekipi do të rikthehet te trofetë me Antonio Konten. Me këtë të fundit nuk ka patur kurrë marrëdhënie të mira, por trajneri luzitan beson se ky do të jetë sezoni i Interit.

“Këtë sezon zikaltrit duhet të fitojnë titullin. Jam i bindur që do t’ia dalin. E ardhmja ime? Po studioj gjuhën gjermane. Flas anglisht, spanjisht, portugalisht, italisht dhe frëngjisht. Nuk përjashtoj asgjë, as transferimin në Bundesligën gjermane”, thekson Zhoze Murinjo për “Gazzetta dello Sport”.

Emrat janë intrigues, edhe pse negociatat nuk kanë nisur ende. Murinjo, Gatuzo, por edhe Arteta, ndihmësi i Pep Guardiolës, qarkullojnë si kandidatë për stolin e Njukasëllit.

Klubi i njohur anglez pritet të ndërrojë pronar dhe të përfundojë në duart e sheikut Khaled bin Zajed Al Nehajan, i cili është kushëri i presidentit të Mançester Sitit.

Preferenca e Al Nehajan është Zhoze Murinjo. Paga e mirë dhe projekti ambicioz mund ta bindin trajnerin luzitan të pranojë ofertën, ndërsa risia mund të jetë ndihmësi i tij. Flitet për Marko Materacin, lojtar me të cilin krijoi një lidhje speciale gjatë periudhës që drejtonte Interin.

Nuk mbetet pas as Xhenaro Gatuzo. Kalabrezi pëlqehet shumë nga presidenca aktuale dhe shanset e tij bëhen konkrete vetëm nëse klubi nuk ndryshon pronësi.

Para disa ditësh, portugezi deklaroi se ishte i gatshëm të pranonte projekte të reja me një potencial të mirë, ndoshta jo menjëherë fituese por me një strategji të qartë për sukses. Diçka e tillë e lidhi me pankinën e Milanit apo Romës, por e ardhmja e tij mund të jetë kampionati anglez i futbollit.

Nuk e kërkon një nga klubet e mëdha, por Njukasëlli. “Qymyrxhinjtë” mund të përfundojnë në duart e sheikut Khaled bin Zajed Al Nehajan, kushuri me presidentin e Mançester Sitit. Ky i fundit ka gati 350 milionë sterlina për pronarët aktualë dhe negociatat janë në fazë të avancuar.

Portugezi është dëshira e madhe e manjatit arab, ndërsa Murinjo tundohet nga kjo ide. Sipas raportimeve të Daily Mirror, 56-vjeçari i ka thënë disa miqve të ngushtë se do e marrë seriozisht në konsideratë një ofertë nga Njukasëlli.

Në fillim duhet zyrtarizuar ndërrimi i pronësisë. Më pas mund të vijë akordi me trajnerin luzitan, i cili do të zëvendësonte spanjollin Benitez në pankinën e Njukasëllit.

Në prononcimin e dhënë për “BeInSports”, trajneri portugez ndalet te Interi i Kontes dhe tregon favoritët për të triumfuar sezonin e ardhshëm në kompeticionin më të rëndësishëm për klube.

“Interi ka një skuadër të mirë, ka një projekt të ri dhe shumë para për të investuar në merkato. Sezonin e ardhshëm jo, por mendoj se për dy vjet Interi mund të synojë fitimin e Champions Ligës. Pretendentët për sezonin e ardhshëm janë: Juventusi, Bajern Mynih, PSG, Mançester Siti, Barcelona, Real Madrid, Atletiko Madrid dhe Liverpuli. Një prej këtyre ekipeve do triumfojë sezonin e ardhshëm. Çelsi? E vështirë me një merkato të bllokuar”, përfundon “Special One”.

Finalja e tretë për Jurgen Klop dhe e para për Mauricio Poçetinon. Gjermani i The Reds ka dështuar kundër Bajernit në vitin 2013 (drejtonte Dortmundin) dhe me Real Madridin vitin e kaluar. E trete e vërteta i thonë, por do të ishte shumë e rëndë një tjetër disfatë.

Zhoze Murinjo e di mirë, luan bukur me fjalët dhe shton presionin ndaj Klop. Edhe finalja e Ligës së Europës do të jetë e gjitha angleze. Arsenali do të luajë kundër Çelsit në Baku dhe kjo është diçka fantastike për futbollin ishullor.

KLOP – “Nëse Jurgen fiton, do të ishte një arritje e madhe për të. Ndryshon puna nëse nuk ia del. Të humbësh finalen e tretë të Champions Ligës, do të ishte shumë, shumë e rëndë. Ai është një djalë shumë pozitiv për momentin dhe mendon vetëm për ta fituar trofeun”. shprehet portugezi.

FINALET ANGLEZE – “Është diçka speciale. Do të kemi dy klube angleze fituese të trofeut dhe një finale Superkupe e gjitha angleze. Kur je trajner dhe po përgatitësh për një finale Championsi ka gjithmonë një aspekt negativ, që është mundësia e humbjes së finales,”, përfundon Murinjo.

“Nuk mund të gjykoj, por mund të jetë një zgjedhje e mirë”, thotë Morati sa për të kaluar radhën. Më tej ai është pyetur edhe për grupin Suning që drejton Interin. “Njerëz të mirë dhe të sjellshëm me mua. Kemi shkëmbyer informacion dhe asgjë më shumë. Presidenti Zhang po bën një sforcim të madh për ta çuar përpara këtë projekt që ka nisur”, është shprehur italiani për Radio Sportiva.

Bepe Marota po punon për të përforcuar Interin dhe dihen aftësitë e tij. Në lidhje me të Morati shton: “Shpresoj që me durimin dhe kapacitetin që ka ta çojë Interin në një nivel më të lartë se ky i tanishmi, edhe pse nuk do të jetë e lehtë”.

Sigurisht Morati është ngacmuar edhe për Ikardin dhe mendimi i tij është i qartë: “Duhet të prisnin fundin e sezonit për të bërë gjithë atë rrëmujë”. Në fund ish-presidentin e Interit e prekin në zemër. Murinjo, është një nga pikët e dobëta dhe emri i portugezit po lakohet si opsion për Juventusin.

Morati sigurisht nuk do e priste mirë nëse  ish-trajneri i Interit do e pranonte ofertën e bardhezinjve. E thotë hapur diçka të tillë: “Jeta mund të të detyrojë të bësh edhe gjëra ndryshe nga ato që mendoje, por në këtë rast do nuk do e prisja mirë”.

Gjithsesi, pjesa ku u përqendrua më së shumti luzitani, ishte padyshim periudha e tij te Mançester Junajtid, ku analizoi dhe sezonin aktual dhe ecurinë aktuale me Solskjaer.

Murinjo tha se Solskjaer është kthyer në një kukull, sepse ai kërkonte të ishte djali i mirë në atë mes. Deklaratë e fortë nga ish-trajneri i “Red Devils”, që njihet për karakterin e tij.

“Kur thashë në sezonin e dytë, kur Junajtid e mbylli Permier Ligën në vendin e dytë, që ishte sezon fantastik, e thashë sepse potenciali aq ishte. Kur ke një grup lojtarësh profesionistë, të cilët janë ambiciozë, punojnë fort dhe kanë talent, atëherë mund të kërkosh më shumë.

Kur je vetëm dhe nuk ke mbështetjen e askujt, ndërkohë që disa lojtarë janë gjithmonë kundër trajnerit, kush është djali i mirë këtu? Nuk dua të jem djali i mirë, sepse djali i mirë, pas tre muajsh, është kthyer në një kukull dhe kjo gjë nuk përfundoi mirë.”

I pyetur për një kalim te PSG shprehet se duhet të respektohet trajneri që ata kanë në krye. Në lidhje më një zënkë të vjetër me Benzema kur drejtonte në Madrid e mohon këtë fakt. Synimi i tij ka qenë që Benzema të bëhej një vrasës para portës. Gazetarët e krahasojnë këtë zënkë me Martial në Mançester. Nuk komenton shumë mbi këtë veçse uron më të mirat për të riun francez.

PROBLEMET TEK JUNAJTID- “Nuk mund të them ‘po’ kur më pyesni që përgjegjësi i vetëm është Pol. Problemet janë në tërësi, tek organizimi, tek ambiciet e klubit. Te Junajtid problemet qëndrojnë akoma aty, nuk u larguan me ikjen time.”

LAJMET PËR TË DREJTUAR PSG- “Parisi është një klub me një trajner të aftë dhe duhet ta respektoni. Sigurisht ata nuk po arrijnë të fitojnë në Evropë, por e kanë një drejtues. Mund të më pyesni për një klub që janë dyert e hapura.”

ZËNKAT ME BENZEMA DHE MARTIAL- “Me Karim nuk pasur asnjë zënkë. Thjesht jam munduar ta përmirësoj atë psikologjikisht dhe ta bëj një vrasës para portës. Të bëhej një lojtar shumë vendimtar. Ndiej kënaqësi që kam punuar me Benzema. Ndërsa Martial është një djalosh me personalitet tjetër. E vetmja gjë që mund të them është se shpresoj që ai të arrijë maturinë e duhur dhe të kapë maksimumin e tij”, përfundoi Murinjo.

Dy janë dëshirat e mëdha: Mauricio Poçetino dhe Didier Deshamp. Argjentinasi i Totenhemit pëlqehet shumë. Largimi i tij nga Spurs duket i sigurt pas fjalëve të vetë trajnerit pas kualifikimit në finalen e Champions Ligës.

“Dëshironi të dini nëse mendoj të largohem nga Totenhemi, nëse fitojmë Champions Ligën? Po, e konfirmoj se do të largohem. Mund të largohem edhe nëse e humbasim finalen”.

Kandidat i fortë është edhe trajneri francez. Deshamp e njeh mirë ambientin dhe mentalitetin bardhezi, pasi ka luajtur dhe drejtuar Juven më parë. Problem mbetet kontrata e tij me kombëtaren franceze dhe fakti që dëshiron të luajë Europianin 2020.

Emri i tretë quhet Zhoze Murinjo. Portugezi është propozuar nga Horge Mendes, agjenti i tij. “Special One” është një trajner fitues dhe intrigon jo pak, ndërsa problem mbetet fakti që është shumë më tepër interist se duhet dhe deklaratat thumbuese që ka bërë gjithmonë për bardhezinjtë.

Alternativa të tjera janë edhe Simone Inzagi me Sinisa Mihajloviç. Megjithatë, më parë duhet larguar Alegri dhe pastaj do të nisë ofensiva për të gjetur trajnerin e ri të Juventusit.

Sipas portugezit, Ajaksi meriton të gjithë komplimentat, por diçka e tillë nuk mund të falej. Murinjo i shton dozat e kritikave, teksa thotë se “Harkëtarët” po luanin sikur kishin përballë Viteshen në pjesën e dytë.

“Ajaksi meriton të gjithë komplimentat dhe admirimin e çdokujt që e dashuron futbollin. Por futbolli është një sport mjaft i luftuar dhe për këtë arsye të duhet një strategji. Që të fitosh një ndeshje, sidomos ato specialet, ndonjëherë duhet të dalësh edhe nga filozofia që ke pasur gjithmonë.

Të gjithë e dimë lojën e Ajaksit dhe dobësinë e tyre. Në pjesën e dytë ata udhëhiqnin 3-0 në rezultat të përgjithshëm dhe Blind e De Ligt shpesh ishin shumë larg mbrojtjes. Duhet të mbanin patjetër balancën. Por ata zgjodhën filozofinë e tyre dhe luajtën sikur kishin përballë Viteshen në kampionatin holandez. Totenhemi ishte me fat. Zotat e futbollit ishin me ta. Askush nuk e beson këtë që ndodhi.”

Trajneri portugez, që aktualisht po kalon një moment pushimi pas shkarkimit nga Junajtid në mesin e sezonit aktual, e cilëson Leon si perëndia e futbollit. Ai nuk i ul as meritat e Liverpul për të cilat shprehet se kanë arritur diçka që asnjë ekip nuk e ka bërë në “Camp Nou”.

“Liverpul bëri një ndeshje të mirë. Nuk besoj se ka pasur ndonjë ekip në 20 vitet e fundit që e ka mbajtur topin më shumë se Barcelona në Champions League. Megjithatë ‘Perëndia’ e futbollit bëri diferencën. Sigurisht Barça është një ekip me një organikë cilësore, por ajo çka bën Leo Mesi është absolutisht e mrekullueshme”, përfundoi ish-trajneri i Real Madrid.

35-vjeçari në një prononcim për mediat, kujton kohën e kaluar në Madrid, ku përshtypjen më të keqe ja ka lënë “The special one”. Ai shprehet gjithashtu se Ronaldo stervitej fort dhe ishte shumë para shokëve të tij në aspektin fizik.

“Në Madrid në po fitonim me rezultatin 3-0 në pjesën e parë. Murinjo u fut në dhomën e zhveshjes dhe ‘u çmend’. Godiste çdo gjë që i dilte para, shishet e ujit, frigoriferin, televizorin.”

“Më kujtohet një rast kur ai e dëmtoi emocionalisht Ronaldon, pasi ai kishte shënuar një trigolësh. ‘Të gjithë thonë se ti je më i miri dhe po luan keq. Më trego që je më i miri’, iu drejtua Ronaldos. Murinjo na ‘vriste’ të gjithëve.”

Më pas Adebajor foli për Ronaldon dhe shkallën e jashtëzakonshme të punës së tij në stërvitje.

“Në trajnim ne dukeshim si fëmijët e tij. Bën manovra të jashtëzakonshme me topin. Në palestër është jo normal. Ramos dhe unë ishim më të fortit, por pa ardhur Ronaldo. Nëqoftëse në një vegël të vështirë ne bënim pesë ushtrime, ai bëntë 30 të tilla.

Sulmuesi aktualisht aktivizohet në Turqi me Bashakshehir, ndërsa më parë ka luajtur me klube si Arsenali, Monakoja, Totenhemi apo Kristal Palas.

Në prononcimin e bërë për “Russia Today”, trajneri i njohur, parashikimet e të cilit kanë dalë deri tani, ka një ndjesi të mirë për Ajaksin dhe Totenhemin. Ai shpreson që kupën ta fitojnë një nga këto dy ekipe, që do të përballet në finale me Barcelonën ose Liverpulin.

“Ekipet që mbërrijnë në gjysmëfinale kanë nga 25% mundësi për të fituar trofeun. Nuk do të habitesha nëse fitues do të shpallej Ajaksi ose Totenhemi. Epo, ndoshta do të befasohesha pak, por një nga këto dy ekipe do të jetë në finale, duel që cilësohet si ndeshja e jetës për të gjithë.

Mendoj se Ajaksi dhe Totenhemi po ëndërrojnë për të fituar Chamions Ligën dhe të dy ekipet kanë arsye të forta për ta bërë diçka të tillë. Ajaksi është ‘vrasësi’ i ekipeve të mëdha, ndërsa për Totenhemin nuk mund të themi të njëjtën gjë, sepse Siti nuk ka traditë të madhe suksesi në Champions. Gjithsesi, ata mbeten një ekip i madh në Angli, por Totenhemi i nxori jashtë”, përfundon Zhoze Murinjo.

Një pjesë e vogël është bërë publike në mediat italiane, aty ku “Special One” për trajnerin Murinjo dhe njeriun Zhoze. Në fund zgjedhja midis të dyve dhe epiteti që do të përdornin lojtarët e tij për të.

“Zhoze është një njeri i qetë, i ndjeshëm dhe mendon shumë për të tjerët. Si trajner është pragmatik, emocionalisht inteligjent, por edhe dominues. Mua më pëlqen shumë Zhoze si njeri dhe është mëkat që shumica më njohin më shumë si trajner sesa si një njeri. Çfarë termi do të përdornin lojtarët e mi për mua? Bastard…”, përfundon trajneri i famshëm.

Në një prej emisioneve të fundit, ai analizoi humbjen 3 – 0 të Mançester Junajtid ndaj Barcelonës në “Camp Nou”.

“Mendoj se në takimin e parë Junajtid u mundua të bllokonin me sa më shumë lojtarë pjesën qendrore të fushës. Të gjithë e dimë se si luanin Mesi dhe ku pëlqen të qëndrojë, por është e pamundur ta neutralizosh atë. Siç e thashë në takimin e parë, sa herë që Mesi futej brenda në zonë ai kishte përpara vetes mesfushorë si Fred e Mektominej për të mos përmendur mbrojtësit. Në ndeshjen e dytë strategjia e Junajtid ishte ndryshe”.

“Vetëm Fred ishte i vendosur para mbrojtjes. Ai është vendi ku Mesi merr shpesh topin. Nëse topi përfundon në këmbët e tij në situata një kundër një, je i vdekur. Për këtë arsye nuk kam preferuar kurrë ta markoj Mesin një për një. Për atë të duhet të ndërtosh një kafaz. Në fund Barcelona është një skuadër më e mirë se Mançester Junajtid dhe është normale që fituan”, përfundoi Murinjo.

Futbolli është bërë i paparashikueshëm, në fakt kështu ka qenë dhe do të jetë gjithmonë. “Special One” ka komentuar ndeshjet e kthimit çerekfinale për “Russia Today”. Juventusi dhe Reali i Madridit shihen me një këmbë në gjysmëfinale nga opinioni i gjërë.

Bardhezinjtë barazuan 1-1 në Holandë kundër Ajaksit, ndërsa Barcelona fitoi 0-1 në “Old Trafford” përballë Junajtid vendas, por një prej tyre mund të eliminohet mbrëmjen e sotme.

“Tani asnjë ekip nuk niset i eliminuar pas ndeshjes së parë. Juventusi dhe Barcelona kanë një avantazh të vogël. Megjithatë, nuk do të befasohesha nëse një prej tyre do të eliminohej. Rezultatet po na tregojnë se të gjitha ekipet luajnë në ndeshjet e kthimit pa e patur mendjen te ndeshja e parë. Askush nuk niset me idenë që ka marrë fund.

Mançester Siti-Totenhem? Është një parashikim shumë, shumë i vështirë. Mund të them që Siti është favorit, por me shumë dyshime. Do të jetë një ndeshje e ashpër, por Totenhemi mund t’ia dalë që të kualifikohet. Duhet ta pranojmë se të gjitha ekipet kanë nga 12.5% mundësi për të fituar kupën”, përfundon Zhoze Murinjo.

Në një prononcim për “Bild”, Murinjo i “shkel syrin” Borusias së Dortmundit dhe “snobon” Bajernin e Mynihut. Ai tregon një detaj interesant në lidhje me presidentin Vacke, ka një koment për Niko Kovaç, trajnerin e ekipit bavarez, dhe tregon se çfarë i pëlqen më shumë nga Bundesliga.

DORTMUNDI – “E admiroj punën e drejtuesve të Borusias së Dortmundit. Vacke ka besuar tek unë kohë më parë, duke më marrë mendimin për një futbollist dhe një trajner, të cilët i njoh mirë. Unë jam i ndershëm dhe i bëra vlerësimin më të mirë të mundshëm. Që nga ajo ditë kemi patur një respekt të madh për njëri-tjetrin.”

KOVAÇ – “Shpresoj që të qëndrojë, sepse ka punuar shumë për të mbërritur në këto nivele. Është e vështirë të mendosh se Bajerni mund ta humbasë titullin. Ata kanë shumë eksperiencë për të kontrolluar fatin e tyre në Gjermani.”

BUNDESLIGA – “Është një kampionat entuziazmues. Skuadrat po përmirësohen shumë në aspektin taktik. Ka një organizim shumë të mirë dhe stadiumet mbushen plot. Bundesliga është me të vërtetë shumë interesante.”

Për tekniku luzitan, Junajtid është një rrezik shumë i madh për Barcelonën, dhe këtë e mbështet me faktet që skuadra angleze mundi në Torino një ekip të madh si Juventusi, këtu ka merita dhe ai si trajner. Fitorja ndaj PSG-së përmendet gjithashtu nga 56-vjeçari.

Megjithatë, “The Special One” paralajmëron ish-ekipin e tij për faktin se kanë përballë Lionel Mesin, një lojtar i madh, i cili do të jetë shumë i motivuar për të bërë lënë gjurmë në një ndër stadiumet më të famshme në planet siç është “Old Trafford”.

“Junajtid këtë sezon arriti të fitonte ndaj ekipeve si Juventus dhe PSG. Përse të mos ta bëjnë këtë gjë edhe kundër Barcelonës. Barcelona e di mjaft mirë këtë dhe ata do ta respektojnë kundërshtarin, por edhe stadiumin “Old Trafford. Besoj se Mesi dëshiron të lërë gjurmë në këtë stadium mitik”, përfundoi Murinjo.

Sipas prestigjiozes “The Sun”, përtej këtij pëlqimi ai nuk dëshiron të kthehet për një pagë neto nën 9 milionë sterlina. Nëse Interi do të pranonte këtë kusht, Konte do të kalonte Alegrin (trajnerii Juventusit pwrfidton 6.5 milionë sterlina) si trajneri më i paguar në Itali.

Për të zëvendësuar Spaletin në sezonin e ardhshëm në skenë është edhe Mourinjo. Megjithatë italiani pëlqehet shumë nga drejtori i përgjithshëm Marota, me të cilin Konte ka punuar për disa vite tek Juventusi. Portugezi ka kaluar në plan të dytë tashmë. Konte ka që nga fundi i sezonit të shkuar që nuk drejton një skuadër dhe Interi shihet si mundësia më reale për 49-vjeçarin.

Interi dhe Roma janë dy klubet e interesuara nga kampionati italian për 56-vjeçarin. Në garë për shërbimet e tij janë edhe Bajerni i Mynihut me Lionin, por trajneri mund të transferohet në Itali.

“Telefoot” raporton se dëshira e Murinjos është rikthimi në futbollin italian dhe se ai ka nisur kontaktet me këto dy klube. Ai është zgjedhja e parë e Interit për zëvendësimin e Spaletit në fund të sezonit, edhe pse Marota preferon Antonio Konten.

Nga ana tjetër është Roma. Xhejms Palota, presidenti i klubit verdhekuq”, është gati që të nisë një projekt ambicioz dhe dëshiron ish-trajnerin e Mançester Junajtid në krye të stolit. Gjithsesi, ekipi kryeqytetas duhet të sigurojë kualifikimin në Champions në fillim dhe pastaj mund të arrijë akordin me trajnerin nga Setubali.

Ky i fundit është kthyer përsëri te kjo temë, duke kujtuar një episod që i kishte ndodhur kur drejtonte Junajtid. Ai nuk e përmendi emrin e Pogba për “Daily Mail”, gjithsesi e la të kuptohej që ai person ishte kampioni i Botës me Francën.

“Ne ishim duke luajtur një ndeshje jo larg Mançesterit, rreth 30 km. Një lojtar më kërkoi që të kthehej në Mançester i vetëm dhe jo me ekipin. I thashë se po të kishim qenë në Londër kjo do të kishte kuptim, por jemi shumë afër dhe kjo është tjetër llogari”, tregon “Special One”.

“Ai insistoi dhe pasi fitoi ndeshjen ma kërkoi sërish. Unë isha i lumtur për fitoren dhe u dorëzova, por i thashë që të paktën të hipte në autobus dhe t’i thoshte shoferit ta merrte 10 km nga stadiumi. Pas kësaj përgjigje nuk ishte aspak i lumtur në dhomat e zhveshjes. Pasi u kthyem nga konferenca për mediat në autobus, u shfaq ai në një makinë ‘Rolls Roice’ me shoferin e tij. Meqë makina ishte e re, shkëlqesia e tij donte te ikte me të. Ç’mund t’i beja?”, e mbyll deklaratën e tij Murinjo, i cili mundohet të tregojë që nuk është ai fajtori i vetëm për marrëdhëniet e këqija me Pogba.

Presidenti Hënes paralajmëroi që klubi nuk do të kursehet në merkato dhe sinjalet e parë janë dhënë. Pavard dhe Hernandez janë goditjet e para, me francezin që është blerja më e shtrenjtë në historinë e rekordmenëve gjermanë.

Niko Kovaç është drejt largimit. Kroati nuk ka bindur dhe në stol mund të ulet një emër i madh. Siç raporton francezja “Footmercato”, Bajerni po mendon për Zhoze Murinjon! Portugezi e ka shprehur gjithmonë që kërkon një klub ambicioz, që nuk kursehet në merkato dhe që synon fitimin e trofeve.

“Special One” do ishte dakord të provonte këtë aventurë. Drejtuesit e klubit e monitorojnë prej kohësh dhe Salihamixhiç është gati të nisë kontaktet me Murinjon. Problem mbetet stili i tij ultra difensiv, që bie ndesh me filozofinë sulmuese të ekipit bavarez. Megjithatë, portugezi mbetet një mjeshtër në profesionin e tij dhe Bajerni mund t’i besojë stolin me qëllimin për t’u rikthyer te fitimi i Champions Ligës.

Shpesh, tekniku është lidhur me shumë ekipe, ku rikthimi te Reali ose te Interi u përfolën shumë para pak muajsh, gjithsesi asgjë nuk u konkretizua. Së fundmi, gjiganti francez “L’Equipe”, ka zbuluar se Murinjo mund të vijoi karrierën e tij në Francë, në Ligue 1.
Sipas prestigjozes, trajneri portugez do të jetë sezonin e ardhshëm në krye të një klubi francez, por pa bërë të ditur emrin e ndonjë ekipi. PSG mund të jetë kandidati kryesor, por kjo mbetet për t’u parë, pasi ende nuk është përmendur ndonjë emër klubi.

LOJA E JUNAJTID – “Ndryshimi kryesor mes Murinjos dhe Solskjaer është se ky i fundit po fiton. Është gjithashtu e vërtetë që i ka ndryshuar pozicionin francezit Pol Pogba, duke e futur në një zonë ku ai është më i rëndësishëm për ekipin. Gjithsesi, mënyra se si Junajtid po luan nuk është sikurse mënyra e lojës së Ferguson. Është futboll mbrojtës, futboll me kundërsulme. Nëse ju pëlqen, ju pëlqen.

Nëse mendoni se është më emocionuese se sulmi im i mërzitshëm, OK.  Ata mund të fitojnë Ligën e Kampionëve, sepse luajnë me një sistem mbrojtës dhe është e vështirë t’i mundësh. Por kjo gjë, ju pëlqen apo jo, është rezultat i punës së bërë nga Murinjo”, thotë Van Gal.

PROBLEMI I KLUBIT – Van Gaal mendon se Junajtid ka ende probleme themelore në kupolën drejtuese të klubit dhe beson se zëvendëspresidenti Ed Uduord duhet të punësojë një drejtor teknik me eksperiencë në futboll. “Në këtë moment ekziston një strukturë me një divizion për zbulimin e talenteve dhe në krye të saj është krahu i djathtë i Uduord. Struktura nuk është shumë e keqe, por krahu i djathtë duhet të jetë një drejtor teknik me pikëpamje futbolli, jo një bankier. Për fat të keq, kemi të bëjmë me një klub komercial, jo klub futbolli. Kam folur me Ferguson për këtë dhe në vitet e fundit të tij tek Junajtid edhe ai e kishte kundërshtuar diçka të tillë”, deklaron tekniku holandez.

TË RINJTË – Van Gal, gjatë intervistës tregon se shumë prej lojtarëve të rinj bënë debutimin e tyre me Mançesterin gjatë kohës që ai ishte në krye të ekipit: “Shumë trajnerë, si Murinjo, kurrë nuk u japin një shans të rinjve. Pesë minuta, 10 minuta nuk janë një shans. Një shans është një ndeshje deri në fund. Nëse nuk jeni i gatshëm të besoni te lojtarët e rinj, ju nuk jeni i përshtatshëm të jeni trajner i një klubi që u kushton rëndësi të rinjve.  Përvoja e madhe nuk është e mirë. Atëherë ju keni një pilot automatik nën urdhra. Ju gjithmonë keni nevojë për imagjinatë dhe nuk duhet harruar sa frymëzues mund të jenë lojtarët e rinj”.

ARGJENTINASI – Holandezi është shigjetuar nga sulmuesi anësor i PSG-së, ndërkohë që Van Gal sqaron gjithçka: “DI Maria thotë që isha problemi i tij, por e aktivizova atë në çdo pozicion të sulmit. Mund ta kontrolloni këtë. Ai kurrë nuk më bindi në asnjë nga ato pozicione ku e vendosa. Ai nuk mund të përballojë dot presionin e vazhdueshëm te topi në Premier League, ky ishte problemi i tij”.

EKIPI MË I MIRË – Barcelona ka Lionel Mesin dhe shumë lojtarë të mëdhenj, ndërkohë që pas fitoreve me Realin e Madridit shumëkush mendon se janë ekipi më i fortë. Van Gal ka opinion tjetër. “Njerëzit mendojnë se Barcelona është ekipi më i mirë, por jo. Mançester Siti dhe Liverpuli  janë më shumë ekip se Barcelona. Liverpuli madje është më shumë ekip se Siti”, shtoi holandezi.

ÇËSHTJA E TITULLIT – Tekniku ka bërë një koment edhe në lidhje me skuadrën pretendente për të fituar titullin kampion në Angli: “Në filozofinë time, ekipi më i mirë do ta fitojë titullin kampion. Shpresoj ta fitojë Siti, sepse ata luajnë futbollin më të mirë në Premier League”.

Tekniku holandez ka analizuar dy trajnerët që kanë punuar pas tij, Murinjon dhe Solskjaerin. Sipas Van Gal, të dy këta trajnerë kanë lojë të njëjtë dhe që të dy luajnë duke parkuar autobusin, por me ndryshimin e vetëm që norvegjezi po fiton, ndërsa Murinjo nuk kishte rezultate pozitive.

“Trajneri pas meje, Murinjo, e ndryshoi mënyrën e lojës dhe luante duke parkuar autobusin dhe përqendrohej te kundërsulmi. Tani është një tjetër trajner, i cili luan duke parkuar autobusin dhe pret kundërsulmin. Ndryshimi i vetëm mes të dyve, është që Solskjaer po fiton, ndërsa Murinjo jo.”

Në një prononcim për “Canal +”, Murinjo flet për dëshirën për t’u rikthyer sa më shpejt në një klub ambicioz dhe nuk i kursen thumbimet për Zinedin Zidan, trajnerin francez që fitoi Champions Ligën tre herë rresht me Realin e Madridit.

“Më mungojnë stërvitjet gjithnjë e më shumë, ditë pas dite. Nuk mund ta fsheh diçka të tillë. Dua të fitoj një kampionat të pestë dhe një tjetër Champions me një klub të tretë. Zidan? Mendoj se ai është personi më i mirë për Realin, por nuk mund të flasim ende për një karrierë të tijën. Ai arriti në një kohë të shkurtër atë që nuk e ka arritur askush më parë, domethënë, fitimi i tre Champions Ligave rresht. Zizu po ndërmerr një hap në karrierë. I duhet të ndërtojë një skuadër, të marrë vendime, të blejë dhe të shesë lojtarë, të stërvisë dhe t’i japë një filozofi loje skuadrës”, komenton Zhoze Murinjo.

Ai po bën edhe rolin e opinionistit, ndërsa analizat e tij janë gjithmonë interesante. Mou ka folur për “RT”, duke mos i kursyer batutat për bardhezinjtë. Juventusi ka pësuar vetëm një humbje në shtëpi gjatë këtij sezoni. Ishte 7 nëntori i vitit të kaluar, kur Murinjo dhe Mançesteri i tij befasonin në fund vendasit me golat e Matës dhe Bonuçit (autogol).

“Unë mbetem i vetmi, i cili kam fituar në Torino përballë Juventusit në këtë sezon”, thekson plot krenari trajneri portugez. Marrëdhëniet e tij me tifozët bardhezi nuk janë aspak pozitive.

E kaluara e portugezit si interist ndikon, ndërsa tifozët e “Zonjës së Vjetër” ofenduan gjatë gjithë ndeshjes Murinjon. Ky i fundit duroi deri në fund, riktheu rezultatin dhe iu përgjigj atyre me dorën në vesh dhe ironinë në fytyrë.

Zinedin Zidan qëndroi vetëm pak muaj pushim dhe në një situatë të mirë u rikthye në kryer të Realit. Murinjo, i pyetur në lidhje me vendimin që mori Perez për të rikthyer francezin, ka thënë vetëm një fjalë: “Perfekt”.

E ka pasur në kuptimin e parë, apo e ka thënë vetëm sa për të hequr qafe gazetarët, atë e di vetëm “Special One”. Murinjo momentalisht është i lirë, pasi e shkarkuan nga Mançester Junajtid pak muaj më parë. Ai është në pritje të ofertës së duhur dhe mbetet të shihet se ku do ta vijojë karrierën.

Kreu i klubit spanjoll kërkon një dorë të hekurt në drejtim, i aftë për të vendosur rregull në ekip. Eliminimi kundër Ajaksit solli kritika të shumta, madje nuk mungoi dhe “përplasja” mes Perezit dhe Sergio Ramos. Ekipi është në anën e kapitenit dhe askush nuk e pret me entuziazëm idenë e rikthimit të Murinjos.

Portugezi nuk ka lënë raporte të mira me senatorët pas largimit të tij në vitin 2013, ndërsa dhe tifozët nuk janë shumë të bindur për një rikthim të tij. Kundër është dhe Hoze Angel Sançez, drejtori i përgjithshëm sportiv. Perezi insiston dhe dëshiron t’ia dhurojë portugezit drejtimin e ekipit, por ai është i vetmi që adhuron trajnerin e famshëm.

Murinjo komenton dhe të ardhmen e tij. Zërat e lidhin me një rikthim të Reali i Madridit, por trajneri luzitan nuk jep informacion. “Jam i qetë dhe nuk jam i dëshpëruar për t’u rikthyer. Po studioj dhe po bëj gjëra, që është e pamundur t’i bëj kur jam në rolin e trajnerit”. 56-vjeçari ndalet dhe te rezultati befasues mes Realit të Madridit dhe Ajaksit. “Harkëtarët” fituan 4-1 në Spanjë, rrëzuan nga froni pas tre vitesh Realin dhe merituan kualifikimin në çerekfinale.

“Ajaksi luajti fiks si në ndeshjen e parë, por në Holandë bënë dy gabime, që u shfrytëzuan nga Reali. Ata nuk kishin asgjë për të humbur dhe e futën Realin në vështirësi me golin e parë. Presioni kaloi te vendasit, ndërsa miqtë shënuan edhe golin e dytë. Reali reagoi dhe goditi dy herë shtyllën. Nëse topi i Varan do futej në rrjetë, mendoj se do ndryshonte rrjedha e lojës dhe Ajaksi do të kishte një mal të madh për të ngjitur. Kjo nuk ndodhi, ata luajtën shumë mirë dhe nuk patën fare frikë. Janë një ekip me djem të rinj, me qëndrimin e duhur në fushë dhe i ngulën gjilpërën në plagë Realit të Madridit”, përfundon Zhoze Murinjo.

Për dy vite e gjysmë, trajneri i Mançester Junajtid ka jetuar në suitën luksoze të një hoteli shumë pranë qendrës së qytetit të Mançesterit. Suita ku jetoi portugezi ishte me sipërfaqe 90 metra katrorë dhe e kompletuar në çdo aspekt.

Së fundmi media britanike “The Daily Mirror” ka zbuluar se fatura totale e portugezit në hotelin luksoz i kalont 800 mijë paundë. Shumë e çmendur, por s’duhet të harrojmë se Murinjo paguhej 12 milionë euro në sezon nga “djajtë e kuq”.

Ai ka qenë edhe më parë në krye të madrilenëve dhe e di mirë se çfarë do të thotë t’i drejtosh ata. “A do rikthehesha në një klub ku kam qenë më parë? Nëse mendoj se është klubi i duhur, me strukturën e duhur dhe synimet e duhura, nuk e kam aspak problem”, shprehet Murino në “BeIN Sports”.

“Mendoj se është një arsye për të qenë krenar kur një klub ku keni punuar më parë ju kërkon të ktheheni. Reali është një klub ikonë, ju e dini, ata kanë fituar 13 herë trofeun e Champions League”, shtoi portugezi.

Murinjo thekson se keqardhje pas largimit ka ndjerë vetëm pasi iku nga Mançester Junajtid. Nga klubet e tjera ai ruan kujtime të mira dhe nuk i mbetet gjë peng. “I vetmi klub ku jam larguar me pengje është Mançester Junajtid. Kur ika, mendoj se kisha ende gjëra për të arritur, ndryshe nga klubet e tjerë, ku dhashë gjithçka dhe jam larguar me ndjesi të shkëlqyera”.

Zhoze Murinjo nuk i ka kursyer elozhet për mesfushorin kroat në prononcimin e dhënë për “beIN Sports”. Rakitiç është një futbollist i madh, por shumë i nënvlerësuar sipas portugezit, i cili ka një këshillë për 30-vjeçarin e Barcelonës.

“Ivan Rakitiç është një nga lojtarët më të nënvlerësuar në botë. Ai është fantastik në gjithçka. Ivan bën një punë të madhe mbrojtëse në krahun e djathtë për të kompensuar Mesin, luan thjeshtë dhe është shumë efikas. Shpeshherë flasim për futbollistë të mëdhenj, por emrin e tij nuk e përmendim kurrë… Rakitiç ka vetëm një ‘defekt’. Duhet të përmirësohet në rrjetet sociale, pasi janë shumë të rëndësishme në këto kohë. Ai nuk është shumë i aftë në përdorimin e tyre, por është shumë i aftë në fushën e blertë”, thekson Zhoze Murinjo.

Në krahun tjetër, Reali ishte mediokër në aspektin sulmues, duke mos konkretizuar rastet e krijuara dhe duke konfirmuar se largimi i Kristiano Ronaldos ishte një gabim i rëndë. Nuk është vetëm çështja Ronaldo, sepse gjithçka është bërë gabim këtë sezon dhe tashmë tifozët e kanë humbur durimin.

Në shënjestër është presidenti Florentino Perez, që ka shpenzuar miliona për të rinj që nuk dihet a do bëhen ndonjëherë yje të denjë për Realin, por nuk erdhi askush për të zëvendësuar Ronaldon. “Perez fuera” gjëmonte jashtë Bernabeut, por nuk mbaron me kaq, sepse tashmë tifozët i kanë bërë dalje edhe Geret Bejlit, objekt misterioz dhe kurrë pjesë e vërtetë e Realit.

Edhe trajneri Santiago Solari është tashmë një “ish” për tifozët, të tërbuar me trajtimin ndaj Iskos, ndërkohë që sa vijnë e shtohen zërat që duan rikthimin e Zhoze Murinjos në Madrid. Në një klub kaotik, vetëm një si ai mund të vendosë rregull.

Rafa Benitez e kishte me sy të mirë talentin e ri, por spanjolli u largua në fund të sezonit. Në vend të tij erdhi Zhoze Murinjo dhe aty nisën problemet për Aken. Portugezi e kaloi menjëherë në ekipin e dytë. Më pas disa huazime rresht dhe vetëm 7 ndeshje të zhvilluara me Çelsin në tre sezonet që Murinjo qëndroi në “Stamford Bridge”.

Mbrojtësi u shkatërrua dhe ishte pranë depresionit, por Burnemuthi vendosi të investonte 20 milionë euro në vitin 2017. 24-vjeçari ka kujtuar periudhën e vështirë në prononcimin e dhënë për “Daily Telegraph”, duke sulmuar ashpër trajnerin portugez.

“Mbërrita tek ekipi i parë i Çelsit dhe fillova të luaj me Benitezin. Sezonin e ardhshëm Rafa u largua dhe mendova se ishte momenti im, por erdhi Murinjo. Unë përfundova me ekipin e dytë dhe nuk stërvitesha më me ekipin e parë. Ishte një nga gjërat më të vështira për t’u pranuar nga ana psikologjike: isha totalisht i shkatërruar. Para se të vinte Murinjo, gjithçka po më shkonte mirë. Kisha luajtur disa ndeshje dhe isha shpallur lojtari i ri më i mirë i vitit, por përfundova të luaja me rezervat”, përfundon futbollisti holandez.

Në një prononcim për “Gazzetta dello Sport”, Murinjo flet për situatën që po kalon dhe ndalet te futbolli italian. Ai fitoi dy tituj kampionë gjatë eksperiencës së paharrueshme me Interin, që e dërgoi në majë të botës në vitin 2010. E paharrueshme tripleta për tifozët zikaltër, ndërsa Murinjo është një idhull absolut në ato anë.

Trajneri e sheh Serinë A në rrugën e duhur, e ndjen se kampionati italian po rikthehet si dikur e një kohë dhe e mbyll me Champions Ligën dhe favoritët e kompeticionit më të rëndësishme për klube.

SITUATA – “Kjo është një periudhë e jetës time ku po analizoj atë që shoh dhe lexoj. Tani po studioj dhe po zbavitem në televizor me bashkëpunimet e mia. Jam shumë i qetë, por në të njëjtën kohë kam një dëshirë të pabesueshme për t’u kthyer.”

JO MË SPECIAL? – ‘Unë jam gjithmonë i njëjti. Zona ime e rehatisë është fitimi i trofeve, ashtu siç bëj që nga viti 2003. Nuk kam dalë kurrë nga ky habitat natyral, ose lë të themi, për vetëm 18 muaj. Nuk kanë kaluar 18 vite nga fitimi i Ligës së Europës me Mançester Junajtid. Tani kam shumë dëshirë për t’u rikthyer. Jam në formë fantastike dhe shumë i karikuar si ditën e parë.”

SERIE A – “Gara është mbyllur shumë shpejt. Juventusi nuk po përballet me vështirësi të mëdha. Kjo është një gjë e mirë për ta, por diçka negative për futbollin italian. Për fat të mirë ka një garë të bukur për në Europë. Kjo krijon motivim dhe vëmendje. Jam i bindur që cilësia e përgjithshme po rritet. Trajnerët, për shembull, kanë vendosur t’u japin hapësira të mjaftueshme të rinjve, të cilët po paraqiten mirë.”

E ARDHMJA – “Klubet e mëdha po punojnë për të ‘sulmuar’ dominimin e Juventusit. Kam ndjesinë se për një kohë të shkurtër do të kthehemi të shohim një Serie A zbavitëse dhe me një nivel më të lartë. Konkurrenca do të shtohet, ashtu si dhe investimet. Kampionët do të kenë më shumë shkaqe për të zgjedhur Italinë.”

RIKTHIMI TEK INTERI – “Preferoj të mos i përgjigjem kësaj pyetje. Unë po kërkoj për një klub ku ka lidhje të fortë që në konktakin e parë, përfshirje dhe njerëz të lumtur për të punuar. Në Milano ekzistonte e gjithë kjo.”

CHAMPIONS – “Është herët për të folur për favoritë. Në çerekfinale do të jetë ndryshe, pasi çdo ekip do të ketë 12.5% mundësi për të fituar. Dy ekipe të mëdha do të eliminohen shpejt (një mes Atletiko-Juventus dhe Liverpul-Bajern), por jam i bindur që do të shohim çerekfinale të luftuara dhe shumë të bukura. Shumë ekipe po bazohen te disiplina taktike dhe organizimi defensiv. Të gjithë e dinë se një detaj i vogël ndryshon historinë. Natyrisht që ka dhe fenomene në gjendje për të vendosur ndeshjen me anë të një magjie.”

Në një intervistë për “The Telegraph”, trajneri portugez ka folur për të ardhmen e tij dhe për gabimet e së shkuarës.

“Në futboll thuhet shpesh se nga humbjet mund të mësosh shumë. Ndoshta kjo shprehje mund të jetë disi e vërtetë. Megjithatë, unë jam ndër ata që mësoj më shumë nga fitoret. Kjo është hera e parë që nuk fitova trofe gjatë një viti e gjysmë. Tani kam kohë për të menduar e reflektuar për të kuptuar se gjithçka që ndodhi dhe për të qenë gati për sfidën tjetër. Kam pasur oferta, por i kam refuzuar”.

“Kur të vijë oferta e duhur do jem i mbushur me energji dhe gëzim. Kam pasur së fundmi një ofertë shumë tunduese nga ana financiare (nga një klub nga Katari), por e refuzova. Do më vinte turp t’ua thosha se sa para më ofruan, pasi e refuzova”.

“Në klubin tim të ardhshëm nuk dua problem të brendshme, dua që konflikti të jetë vetëm në fushën e lojës, pasi aty merren tri pikët. Në klubin tim të ardshëm do të punoj me njerëz që ndajnë të njëjtat filozofi si unë”, tha Murinjo.

E imagjinoni një eksperiencë si trajner në Francë ? –  “Po mund ta imagjinoj. Kam punuar në katër vende të ndryshme, dhe më pëlqen kjo gjë. Dua të njoh kultura të reja dhe të mësoj në çdo moment. Të punoja një kampionat tjetër do të ishte një eksperiencë fantastike”.

E patë ndeshjen midis PSG-së dhe Mançester Junajtid ? – “Jo. Nuk e pashë atë ndeshje. Tani i shikoj rrallë ndeshjet e Mançester Junajtid. Preferoj të shikoj ndeshje të tjera, pasi të gjithë kampionatin anglez e njoh shumë mirë, madje njoh çdo lojtar”, përfundoi Murinjo.

Shifra, e listuar nën zërin “shpenzime të jashtëzakonshme” në rezultatet financiare të tremujorit të dytë të sezonit, përfshin pagat për 5 anëtarëve të stafit të trajnerit portugez, i pushuar nga puna në 18 dhjetor, pas startit më të dobët të kampionatit prej 28 vitesh.

Shifra është më e ulët nga sa përflitej në media, por është 4 herë më e lartë se shifra që “Djajtë e Kuq” paguan kur pushuan nga puna David Mojes në 2014 dhe Luis van Gal në 2016.

REKORD TË ARDHURASH – Klubi anglez ka publikuar një shifër rekord të ardhurash për tre-mujorin e fundit të vitit të shkuar, 208.6 milionë sterlina (236.6 milionë euro), që përkthehet në 2014 milionë sterlina pas interesave, taksave, zhvlerësimit dhe amortizimit, ndërsa fitimi final është 44 milionë sterlina (rreth 50 milionë euro). Klubi anglez parashikon që të ardhurat vjetore për 2019 të jenë mes 615 dhe 630 milionë sterlina.