Klubi ka nisur negociatat edhe për rinovimin e Kajehon, ndërsa është pranë blerjes së De Paul. Argjentinasi i Udinezes është një nga emrat më të kërkuar në merkato. 9 gola ka shënuar sivjet fantazisti friulan, i cili bën mirë edhe krahët e sulmit.

Shumë klube interesohen për shërbimet e 25-vjeçarit. Interi dhe Milani janë midis tyre, por Napoli ka arritur t’i parakalojë të gjithë. Udineze kërkon 35 milionë euro, ndërsa De Laurentis mund të përfshijë në tratativë dhe njërin mes Ounas dhe Verdit.

Ky i fundit festoi ndeshjen e 300-të me bluzën e Napolit transfertën e kaluar kundër Frozinones. Në fund të saj hodhi bluzën drejt tifozëve, por një prej tyre e ktheu mbrapsht. Befasi, hutim i madh dhe kritika pafund.

Gjesti i turpshëm, por që tifozët e cilësuan kundër klubit dhe presidencës e jo lojtarit. Në mbështetje të këtij të fundit kanë dalë shumë persona, madje edhe tifozët e pranishëm në stërvitje kanë patur këtë qëllim.

Ata ia kanë bërë të qartë spanjollit se mënjanohen nga ai veprim dhe se lojtari dhe i gjithë ekipi do të kenë mbështetjen e tyre gjithmonë. Një pjesë e tifozërisë së Napolit ndodhet në një “armiqësi” me presidentin De Laurentis, ndërsa kohët e fundit është kritikuar edhe Karlo Ançeloti.

Reagimi i klubit? Presidenti ka vendosur të rrisë çmimet e biletave për ndeshjen e radhës kundër Kaljarit.