Jorgji

Jorgji: Ky viti im më i mirë, suksesi im arritje për të gjithë

Sport Ekspres — Wed, 19 Dec 2018 20:17:02 +0000

Enea Jogji u bë arbitri i parë shqiptar që arbitron në një ndeshje të “Europa League”, kur më datë 25 tetor së bashku me asistentët Denis Rexha dhe Rejdi Avdo e gjyqtarin e katërt Ridiger Çokaj, arbitruan takimin midis AEK Larnakas dhe Ludogorecit.

Në ceremoninë gala të FSHF-së, Jorgji iu dha çmimi arbitri i vitit. Në intervistën e mëpasshme me “Supersport”, gjyqtari nga Elbasani u shpreh se 2018-ta ka qenë viti më i suksesshëm për të, por këtë sukses ai kërkon ta ndajë me kolegët e tij në të gjithë Shqipërinë.

VITI 2018 –“Faktet dhe arritjet e tregojnë se ishte viti më i mirë për mua dhe për të gjithë arbitrat shqiptarë. Them se arritja i takon të gjithë arbitrave, pasi unë mund të jem figura kryesore që shkoj, por jemi të gjithë një skuadër”.

DILEMAT –“Në futboll ka disa momente që janë me të vërteta të vështira për arbitrat, sidomos te kartonët e kuq dhe penalltitë. Ne si arbitra mundohemi të menaxhojmë lojën dhe këto situata na e bëjnë shumë të vështirë”.

VIDEO | Debutim i suksesshëm për Jorgjin në Europë, e nis me një penallti

Sport Ekspres — Thu, 25 Oct 2018 20:48:04 +0000

Enea Jorgji është i pari gjyqtar shqiptar që arrin të gjykojë një ndeshje në grupet e Europa League-s. Pa dyshim një sukses madhor për “bilbilin” nga Elbasani, i cili në aspektin personal regjistron një arritje madhore.

Jorgji vuri drejtësi në ndeshjen mes AEK Alarnakës dhe Ludogoretsit. Gjyqtari shqiptar u bë protagonist në minutën e 24-të, teksa akordoi një 11-metërsh në favor të vendasve. Një veprim i drejtë nga ana e 34-vjeçarit, pasi portieri mik bëri një ndërhyrje në dëm të një prej lojtarëve vendas. Ndeshja përfundoi 1-1.

Një debutim i suksesshëm, pasi nuk pati asnjë moment tjetër të vështirë kjo sfidë historike për vetë Jorgjin, por dhe për futbollin shqiptar.

https://twitter.com/shumansko/status/1055508428804767747

Jorgji, i padëshiruar në Korçë

Sport Ekspres — Fri, 08 Sep 2017 14:03:46 +0000

Në Korçë se kanë harruar ndeshjen e parafundit të sezonit të sezonit që kaloi në Kukës. Enea Jorgji vazhdon t’u dalë akoma në “ëndërr” korçarët janë në pritje të startit të sezonit të ri dhe kanë filluar humorin, teksa i kanë bërë thirrje edhe FShF-së që qysh ndeshjen e parë ndaj Flamurtarit të dërgojnë Enea Jorgjin në Korçë. Sigurisht që një gjë e tillë nuk ka për të ndodhur, por korçarët janë të bindur që me atë që ndodhi, Federata e Futbollit jo vetëm që nuk ka për ta dërguar asnjëherë në Korçë Jorgjin, por as në ndeshjet jashtë fushe nuk do t’i gjykojë ata. Në FSHF pritet të mbërrijë edhe shkresa zyrtare e Skënderbeut që arbitri nga Elbasani të mos i gjykojë më ata.

Jorgji problematik? UEFA i jep tjetër ndeshje në Europa League

Sport Ekspres — Mon, 24 Jul 2017 14:50:23 +0000

Tifozët e Skënderbeut, por jo vetëm ata, e kanë ende të gjallë kujtimin ndeshjes së parafundit të sezonit të shkuar, Kukësi-Skënderbeu. Aty Kukësi fitoi titullin, por Jorgji bëri aq shumë gabime, saqë në sytë e njerëzve ia errësoi suksesin klubit verilindor.

U mendua se ai gjykim skandaloz do të kishte pasoja, por jo, Enea Jorgji është më i fortë se kurrë.

Arbitrat e tjerë ndërkombëtarë janë fshirë nga lista, ndërsa Jorgji vazhdon të gjykojë pa asnjë problem në Europë. UEFA e ka me sy të mirë dhe tashmë i jep një ndeshje tjetër, atë mes Arka Gdinias dhe Mitjelandit, të enjten në Poloni.

Ndihmës të tij do të jenë Egin Doda e Ilir Tartaraj, ndërsa Juxhin Xhaja arbitër i katërt.

Më 12 korrik Jorgji gjykoi edhe ndeshjen kualifikuese në Champions League, BATE Borisov-Alashkert.

Pas “masakrës” në Kukës, Jorgji “dënohet” dhe shkon në Champions League

Sport Ekspres — Mon, 26 Jun 2017 13:22:52 +0000

Ka raste kur gabon dhe pezullohesh pak ndeshje, ka raste kur gabon dhe digjesh përfundimisht, por ka raste edhe kur gsbon dhe… nuk ndodh asgjë.

E mbani mend Kukësi-Skënderbeu? Pyetje retorike, natyrisht, sepse nuk mund të harrohet katrahura e gjykimit, me Enea Jorgjin që bëri gafa pa fund, aq sa nuk ndëshkoi as Salihin se i grisi kartonin e kuq!

Të gjithë menduan: ishte fundi i karrierës për arbitrin, ose të paktën heqja e stemës së ndërkombëtarit.

As që bëhet fjalë: Jorgji nuk është si arbitrat e tjerë, sepse ndryshe nga sa u ndodhi Lorenc Jeminit dhe Andi Koçit, atij nuk i është prekur stema e ndërkombëtarit.

UEFA e ka përfshirë gjyqtarin famëkeq në listën e arbitrave që do të drejtojnë në turin e dytë paraeliminator të Ligës së Kampioneve. Jorgji është zgjedhur të drejtojë sfidën në Bjellorusi mes BATE Borisov me fituesen e çiftit Alashkert-Santa Koloma. Ndihmësit e tij janë Ermal Barushi dhe Ridigert Çokaj, ndërsa Kridens Meta është caktuar gjyqtar i katërt.

Skënderbe, ke ndonjë vërejtje?