jordan veretout

Vetëm 5 milionë euro larg mesfushorit, Milani nis sprintin final

Sport Ekspres — Fri, 12 Jul 2019 14:40:36 +0000

Xhordan Veretu është objektivi i Milanit për mesin e fushës. Francezi i Fiorentinës pëlqehet shumë nga trajneri Xhampaolo, ndërsa drejtuesit e “djallit” po tentojnë marrëveshjen finale.

Mesfushori nuk është grumbulluar nga Vinçenzo Montela për fazën përgatitore që do të zhvillojë klubi nga Firence në Amerikë. Veprim që konfirmon largimin e Veretu, por Fiorentina kërkon 25 milionë euro.

Gjatë ditës së sotme do të ketë një takim midis zyrtarëve të Fiorentinës dhe Milanit. Oferta e kuqezinjve shkon deri në 20 milionë euro, 18 në dorë dhe 2 në formë bonusesh. Kuqezinjtë e dinë mirë se homologët vjollcë do të takohen edhe me drejtuesit e Romës, klubi tjetër që interesohet për shërbimet e 26-vjeçarit.

Diferenca mes kërkesës dhe ofertës është vetëm 5 milionë euro dhe Milani nuk dëshiron ta humbasë këtë mundësi. Maldini dëshiron që të arrijë akordin dhe ky takim do të jetë deçiziv për të ardhmen e Xhordan Veretu.

Maldini rrit presionin, ditë deçizive për objektivin e mesfushës

Sport Ekspres — Sun, 07 Jul 2019 11:36:44 +0000

Milani dhe Roma po garojnë mes tyre për shërbimet e Xhordan Veretu, mesfushorin e Fiorentinës. Drejtuesit e kuqezinjve kanë patur një takim gjatë ditës së djeshme me homologët viola, të cilët nuk heqin dorë nga kërkesa prej 25 milionë eurosh.

26-vjeçari francez është dëshira kryesore e trajnerit Xhampaolo. Milani është gati të fusë ndonjë lojtar në këtë tratativë, por Fiorentina kërkon vetëm para të thata.

Drejtuesit e “djallit” po i kërkojnë klubit nga Firence uljen e çmimit, ndërsa e ardhmja e Veretu do të përcaktohet ditën e martë ose të mërkurë. Dy klubet mund të arrijnë akordin në një nga këto ditë, përndryshe Milani do të braktiste përfundimisht pistën Veretu.

Roma “rrëmben” objektivin e Milanit, gati kontrata e re

Sport Ekspres — Sat, 06 Jul 2019 07:34:27 +0000

Gazetat italiane sot janë hapur me lajmin se Xhordan Veretut do të jetë lojtari më i ri klubit të Romës. Mesfushori prej kohësh është një nga synimet e Milanit. Megjithatë, problemet financiare të kuqezinjve i kanë hapur rrugë aksionit të kryeqytetasve.
“Il Messaggero” raporton se Veretut është i destinuar të vidhet verdhekuq sezonin e ardhshëm. Francezi do firmosë kontratë 5-vjeçare, që e mban të lidhur me Romën deri në vitin 2024. Në xhepat e Fiorentinës do të shkojnë 10 milionë euro bashkë me kartonin e sulmuesit Defrel. Në rast kualifikimi në Champions vihet në zbatim një bonus me 1 milion euro.

Objektivi tjetër i Romës, Xhanluka Mançini shihet çdo ditë e më larg. Italiani vlerësohet shumë nga Atalanta dhe klubin nga Bergano nuk e kënaq asnjë ofertë e ardhur deri tani. Roma jep 25 milionë plus bonuse, ndërkohë Atalanta kërkon shumë më tepër. Kryeqytetasit pritet të tërhiqen nga gara për 23-vjeçarin. Lianco është plani tjetër. Braziliani aktivizohet me Torinon dhe pritet të kushtojë më pak se Mançini.

Gjithçka për Veretut, Milani ka një propozim interesant

Sport Ekspres — Thu, 04 Jul 2019 20:14:45 +0000

Xhordan Veretut është objektivi i radhës në Milano dhe të gjitha organizmat e klubit janë përqëndruar për të bindur Fiorentinën të lërë të lirë francezin. Klubi nga Firence ka javë që bën rezistencë, duke mos pranuar asnjë ofertë.
Megjithatë, lëvizja e fundit e Milanit dhe lojtarit duket se do i japin goditjen përfundimtare kësaj lëvizje. Siç raportojnë mediet përtej Adriatikut, Veretut i ka shprehur drejtuesve të klubit dëshirën për t’u larguar. Ai gjitashtu i ka kërkuar atyre të shpejtojnë sa më shumë me marrëveshjen dhe të mos mundohen ta pengojnë.

Milani nga ana e tyre po bëjnë sa munden, duke nisur ofertën e radhës. Kuqezinjtë ofrojnë 13 milionë euro plus Lukas Bilia, për të bindur presidentin Komiso të lërë të lirë 26-vjeçarin. Si zakonisht, dëshira e lojtarit është më e rëndësishmja dhe duke parë situatën e këtij operacioni, mund të themi se Veretut te Milani është çështje ditësh.

Nuk heq dorë nga francezi, Milani “sakrifikon” dy lojtarë

Sport Ekspres — Tue, 02 Jul 2019 18:30:27 +0000

Milani po kërkon një mesfushor kualitativ dhe i është rikthyer pistës Zhordan Veretu. Francezi i Fiorentinës pëlqehet shumë nga kuqezinjtë, por duhet fituar rivaliteti me Napolin dhe Romën.

Sot është programuar në Milano një takim i Maldinit dhe Masarës me Daniele Praden, drejtorin sportiv të Fiorentinës. Dyshja kuqezi kërkon të mbyllë këtë marrëveshje dhe janë gati t’i ofrojnë klubit viola Lukas Biljan dhe Patrik Kutronen.

Të dy pëlqehen shumë nga trajneri Montela. 26-vjeçari vlerësohet 30 milionë euro nga klubi nga Firence dhe takimi i sotëm do të zbardhë shumë të vërteta në lidhje me të ardhmen e tij, por edhe atë të Biljas dhe sulmuesit Kutrone.

Milani bën “boom”, goditje dyshe e Maldinit!

Sport Ekspres — Mon, 17 Jun 2019 11:52:43 +0000

Milani duket se ka nisur të lëvizë me shpejtësi në merkato dhe të jetë aktive. Pas arritjes së marrëveshjes me Rade Kruniç, duket se Paolo Maldini është shumë pranë dy goditjeve të tjera.

Bëhet fjalë për Mario Ruin dhe Zhordan Veretu. Për të dy lojtarët Maldini ka caktuar një takim ditën e sotme, gjithmonë sipas asaj që raporton “Gazzetta dello Sport”. Për mbrojtësin e Napolit, pritet që gjithçka të mbyllet për 13 milionë euro.

Nga ana tjetër, për mesfushorin e Fiorentinës pritet që kuqezinjtë të paguajnë 25 milionë euro. Në rast se dy transferimet finalizohen, do të ishin përforcime mjaft me rëndësi për Milanin.

Maldini nuk ndalet, synon dy përforcime të tjera

Sport Ekspres — Thu, 13 Jun 2019 12:53:34 +0000

Rade Kruniç është goditja e parë e Milanit për sezonin e ardhshëm. Pesë gola dhe gjashtë asiste regjistroi mesfushori boshnjak gjatë sezonit të kaluar me Empolin dhe kuqezinjtë paguan 8 milionë euro për kartonin e tij.

Paolo Maldini nuk dëshiron të ndalet dhe synon të tjera afrime. Emrat e rinj që kanë dalë në skenë janë Xhordan Veretu i Fiorentinës dhe Mario Rui i Napolit. Rivaliteti për mesfushorin francez është i madh.

Kuqezinjtë kanë bërë ofertën e parë në drejtim të klubit viola. 16 milionë euro për kartonin e 26-vjeçarin, një shumë që do të refuzohet nga Fiorentina, e cila bëri të njëjtën gjë me 27 milionë eurot e ofruara nga Napoli.

Milani e di mirë, por të njëjtën shumë i ofroi edhe Sasuolos për kartonin e Sensit. Më shumë një sondazh i Maldinit për të kuptuar më shumë qëllimet e Fiorentinës dhe dëshirën e Veretu.

Interesim ka edhe për Mario Ruin. Raportet me Napolin janë pozitive. Ançeloti ka ndikimin e vet në këtë aspekt dhe presidenti De Laurentis është gati të diskutojë për mbrojtësin portugez.

28-vjeçari aktivizohet në linjën e majtë dhe trajneri Xhampaolo ka dhënë konfirmimin e tij për realizimin e kësaj blerje.

Leonardo me sytë nga Fiorentina, piketon “regjizorin” viola

Sport Ekspres — Thu, 21 Mar 2019 14:57:02 +0000

Milani ka qenë një ndër klubet më aktivë në dy merkatot e fundit, me dyshen Leonardo-Maldini që kanë bërë një punë të kënaqshme. Puna për merkaton e ardhshme, ka nisur që tani, teksa braziliani dhe italiani po përcaktojnë objektivat.

Sipas raportimeve të fundit nga mediat italiane, duket se Leonardo ka pasur një takim ditën e djeshme me Mario Xhiufredin. Një emër mjaft i dëgjuar, sidomos për ne, pasi është edhe menaxher i lojtarit tonë të kombëtares, Elseid Hysajt. Gjithsesi, nuk bëhet fjalë për shkodranin, por për Xhordan Veretu.
Mesfushori francez, i cili luan për Fiorentinën, është një ndër lojtarët më të rëndësishëm të vjollcëve dhe verën e kaluar ishte objektivi kryesor i Napolit, me të kaltrit që nuk arritën të kënaqnin pretendimet e drejtuesve nga Firence.

Tashmë, duket se Veretu është kthyer në objektiv kryesor për Milanin dhe Leonardo e sheh si një kanditat potencial për të udhëhequr mesfushën e kuqezinjve sezonin e ardhshëm. Drejtuesit nga Milano, thuhet të kenë gati një ofertë prej 20 milionë eurosh, teksa mbetet për t’u parë përgjigja e Fiorentinës.