Jon Mersinaj

Lokomotiva bëhet kuqezi, gjashtë shqiptarë në “bord”

Sport Ekspres — Mon, 01 Jul 2019 09:04:07 +0000

Lokomotiva e Zagrebit është zhvendosur në Holandë, aty ku do të zhvillojë fazën përgatitore në prag të sezonit të ri. Klubi kroat ka në përbërje disa shqiptarë dhe të tjerë pritet të bashkohen me ekipin e të rinjve këtë verë.

Momentalisht jashtë gjashtë futbollistë që janë nën urdhrat e stafit teknik. Myrto Uzuni dhe Lirim Kastrati vjet ishin ndër më të spikaturit, ndërkohë që tanimë i janë bashkuar edhe dyshja e huazuar te Laçi, Jon Mersinaj dhe Enis Çokaj.

Qendërmbrojtësi dhe mesfushori do të duhet të tregojnë vlerat e tyre në fazë, në mënyrë që të mbeten në ekip. Ndryshe do të huazoheshin sërish. Një tjetër lojtar që i është bashkuar ekipit të parë është Indrit Tuci.

Trekuartisti provoi të debutonte në ndeshjen e fundit të kampionatit dhe tanimë është marrë në fazë. Risia është sulmuesi Albion Marku, i cili prej disa kohësh po testohet dhe do të jetë edhe në fazë me Lokomotivë. Ai është produkt i Shkëndijës së Tiranës, sikurse Kastrati, Mersinaj dhe Çokaj.

Osmani takon “armikun”, Mersinaj bën lektorin

Sport Ekspres — Tue, 20 Nov 2018 18:32:54 +0000

Tefik Osmani njihet për batutat e tij. Shpesh ngacmon me deklarata, ndërkohë që në raste të tjera zgjedh rrjetet sociale për të bërë “zhurmë”. Së fundmi ka postuar një foto me Erjon Braçen, deputetin e Partisë Socialiste që njihet edhe si një mbështetës “i thekur” i Partizanit.

Por çfarë shkuan korçari? “Asgjë nuk është ashtu siç duket, asnjëherë”. Kuptimi? Osmani e di më së miri. Si zakonisht është i padeshifrueshëm. Me siguri Braçe e sheh me sy tjetër tani që shtatlarti është pjesë e Teutës.

Por nuk është i vetmi që përcjell mesazhe përmes rrjeteve sociale. Një tjetër qendërmbrojtës, i ri në moshë, si Jon Mersinaj, “ngacmon” sulmuesit. Futbollisti i Laçit, i marrë në huazim nga Lokomotiva e Zagrebit, shkuan: “Sulmet shesin biletat, mbrojtjet fitojnë kampionatet”. Diçka të tillë në fakt e thonë shpesh edhe trajnerët.

Toro me probleme, Mersinaj i jep garanci Laçit

Sport Ekspres — Sat, 17 Nov 2018 13:18:15 +0000

Laçi do të ketë disa mungesa në ndeshjen me Kastriotin. Mbrojtësi Taulant Sefgini ka plotësuar numrin e kartonëve të verdhë dhe do të mungojë ndaj krutanëve, kurse Elvi Berisha ndaj Partizanit u ndëshkua me karton të kuq dhe normalisht nuk mund të luajë këtë javë.

Veç këtyre dy lojtarëve, trajneri Migen Memelli me shumë mundësi për këtë ndeshje nuk do të ketë as shërbimet e mbrojtësit Sebastian Toro. Kileni u dëmtua në ndeshjen me të kuqtë dhe la fushën e blertë që në minutat e para, ndërkohë që gjatë këtyre ditëve nuk është stërvitur me ekipin.

Gjithsesi nuk mungojnë alternativat. Jon Mersinaj është rikthyer dhe me Partizanin ishte ai që e zëvendësoi Toron. Futbollisti 19-vjeçar, i cili është huazuar nga Lokomotiva e Zagrebit, ka luajtur disa ndeshje nga fillimi dhe ka dhënë garanci.

Mersinaj (3) para ndeshjes Shqipëri-Maltë 2-0

Së fundmi ai fitoi edhe një vend te Shqipëria U21 dhe në miqësoren me Maltën luajti nga fillimi. Mbrojtësi pritet që të jetë titullar ndaj Kastriotit, ndërkohë që nuk duhet harruar se edhe Denis Pjeshka po rifiton formën sportive pas fazës rikuperuese.

Me shumë mundësi edhe shkodrani do të mund të luajë ndaj Kastriotit. Në mungesë të Sefgjinit, ai pritet të debutojë me fanellën bardhezi. Gjithsesi ende nuk është vendosur asgjë dhe pritet të shihen seancat stërvitore të kësaj jave për të mësuar më shumë mbi lëvizjen në kampin bardhezi.