joao mario

Oferta nuk mjafton, nevoja për para fut Interin në dilema

Sport Ekspres — Wed, 10 Jul 2019 08:28:26 +0000

Interi po tenton të shesë disa lojtarë. Kontingjenti i madh i lojtarëve duhet reduktuar, por duhen mbushur edhe arkat për të nisur më pas ofensivën kundrejt objektivave kryesorë të Antonio Kontes.

Një prej lojtarëve që pritet të largohet është Zhoao Mario. Për mesfushorin portugez ka interesim nga Franca. Monako e kërkon dhe është gati të paguajë 15 milionë euro për kartonin e 26-vjeçarit.

Një shumë e vogël që nuk kënaq zikaltrit, të cilët kërkojnë 25 milionë euro. Klubi nga Principata është i prerë dhe nuk ofron asnjë cent më shumë. Zhoao Mario nuk arriti kurrë të justifikonte investimin e Interit, që pagoi 40 milionë euro në arkat e Sporting Lisbonës në vitin 2016. E ardhmja e tij mund të jetë kampionati francez, gjithmonë nëse Interi pranon ofertën e Monakos.

Inter nis “pastrimin” e mesfushës, largohet një luzitan

Sport Ekspres — Tue, 09 Jul 2019 12:58:58 +0000

Inter po punon për ta rinovuar repartin e mesfushës. Përveç ardhjeve priten edhe largime. Zhoao Mario është një prej të zgjedhurve në dalje. Mediet italiane raportojnë se ai është në negociata të avancuara mbi një transferim në Monako.
Interi e vlerëson 25 milionë euro mesfushorin. Ai nuk është pjesë e planeve të Antonio Conte dhe paga e tij është gjithashtu një peshë në financat e klubit. Agjenti i Zhoao Mario dhe ndërmjetësit e tij ishin në selinë e klubit zikaltër këtë mëngjes për të diskutuar transferimin në principatën franceze.

Ishte një takim i gjatë dhe besohet se Interi ka kërkuar 25 milionë euro, ndërsa Monako ka tentuar të negociojë rreth kësaj. 26-vjeçari është blerë nga Sportingu për 40 milionë euro në verën e vitit 2016 pas një dueli me rivalët e Milanit. Përtej kësaj shifre, luzitani nuk i plotësoi kurrë pritshmëritë klubit.

Plas tek Interi, Spaleti përzë mesfushorin dembel

Sport Ekspres — Thu, 16 May 2019 14:45:54 +0000

Edhe kjo i duhej Interit. Trajneri Luçiano Spalaeti nuk ka duruar dhe ka nxjerrë nga stërvitje një prej lojtarëve të mesfushws. Ka qenë Zhoao Mario ai që e ka tërbuar teknikun italian. Angazhimi i tij gjatë seancës stërvitore nuk ka qenë ai i duhuri dhe kreu i pankinës zikaltër e ka nxjerrë jashtë.

Brazilliani u pa i pa përqendruar dhe Spaleti ka qenë i qartë: “Ik dhe nesër të dua me mendje tjetër kwtu”. Zhoao Mario duhet të reagojë menjëherë, pasi Interi është në një moment delikat të sezonit dhe ngjarje të tilla nuk i shërbejnë atmosferës dhe rezultateve.

Mesfushori kohët e fundit ishte “harruar”, pasi nuk ka pasur shumë hapësira. Kjo sa duket ka bërë që edhe ai “t’ia varë” seancës së sotme stërvitje. Gjithsesi kjo nuk ka kaluar pa iu vënë re nga Spaleti që e ka ndëshkuar menjëherë.

Gabova rëndë, mesfushori i kërkon falje tifozëve “zikaltër”

Sport Ekspres — Wed, 06 Mar 2019 12:40:03 +0000

Zhoao Mario ka bërë një gabim ndaj tifozëve dhe skuadrës zikaltër dhe për këtë ai ka kërkuar falje publike. Portugezi qe transferuar nga Interi, tek skuadra e Uest Ham në merkaton e janarit të sezonit kaluar, ku kaloi edhe gjysmën e sëzonin tek skuadra londineze për t’u kthyer në verë përsëri në Milano.

Mesfushori pati shpërthyer kundrejt skuadrës italiane, duke deklaruar se s’do të kthehej më dhe se lojtarët që po largoheshin nga Sportingu duhej me patjetër t’a shmangnin futbollin Italian.

I intervistuar nga “Calcio 2000”, 26-vjeçari u shpreh i penduar për deklaratat e tij. Ai është kthyer në “San Siro”, ku ka bërë paraqitje relativisht të mira duke regjistruar 14 ndeshje, 1 gol dhe 2 asiste si “zikaltër” këtë sezon.

“Natyrisht më vjen keq. E kam kuptuar gabimin tim. Unë duhet ta respektoj një ekip si Interi,që ka shpenzuar aq shumë për të nënshkruar me mua, dhe jam shumë i lumtur që më është dhënë një shans i dytë këtu.”

“Tifozët e Interit ishin gjithashtu të rëndësishëm. Për ta unë isha një idhull,por dhe një lojtar i keq. Do të ishte mirë po të gjeja ekuilibrat e duhur. Në Angli tifozët janë shumë të qetë. Preferoj ngrohtësinë e tifozëve tanë.”,përfundoi Zhoao ndjesën e tij