19-vjeçari shënoi një gol në fitoren 7-3 kundër Realit. Ai ndihet i lumtur te “colchoneros”, ndalet te Diego Simeone dhe e mbyll me objektivat e tij personale dhe ato me ekipin spanjoll prononcimin për iberiken AS.

“Derbi im i parë shkoi si në ëndrra. Atletiko është një klub i madh dhe punon shumë mirë me formimin e lojtarëve. Më pas është edhe Simeone, i cili punon shumë mirë me sulmuesit. Bisedova vetëm njëherë me Diegon përpara se të firmosja, por ishte e mjaftueshme…

Shpresoj të jem ndër protagonistët e kampionatit spanjoll, por për momentin dua vetëm të punoj. Dua të bëhem ndër 3-4 lojtarët më të mirë të La Ligas dhe ëndërroj që fëmijë fitimin e Champions Ligës”, përfundon Zhoao Feliks.

Një ruletë brenda zonës që na kujtoi Zidanin e dikurshëm dhe një pasim ekzemplar për Lemar ishin vetëm 2 nga momentet e shumta brilante të mega-talentit portugez, i cili duket se ka një të ardhmne të ndritur përpara dhe së bashku me Mbape, mund të vendosin diktatin në botën e futbollit në vitet e ardhshme…

Edhe pse portugezi cilësohet një supertalent dhe shpesh herë është krahasuar edhe me Mesin e Ronaldon, duhet thënë se është një levizje e guximshme kjo nga ana e ekipit madrilen për një 19-vjeçar, akoma të pa provuar në nivelet më të larta.

Një lëvizje e guximshme dhe me shumë bujë, që nuk ka mbetur pa u komentuar nga personalitete të futbollit botëror. Këtë herë është David Vija ai që ka bërë komentin e tij për transferimin e Zhoao Feliks tek Atletiko.

37-vjeçari ka besimin e plotë, se adoleshenti I talentuar do të jetë ylli i ri i gjigandëve spanjoll. Ai deklaron: ‘’Me shumën e paguar dhe me mënyrën se si tek Atletiko i menaxhojnë gjërat, ata nuk do të nënshkruanin pa qenë të bindur plotësisht. Unë nuk e kam parë shumë atë duke luajtur, por tifozët e Atletikos do t’i jenë mirënjohës nëse punon‘’.

“Mund të dështoni, por nëse ju lini gjithçka keni në fushë, atëherë njerëzit janë të lumtur. Kam qenë një vit me Atletikon, ishte një sezon më ulje ngritje, shënova 15 gola dhe fituam titullin. Tifozët ende më falënderojnë”, përfundon Vija, i cili nuk ka ndërmend ta lërë futbollin për sa kohë trupi i përgjigjet dhe është mirë fizikisht.

“Simeone është një trajner që përçon shumë energji tek ekipi, është një motivues shumë i mirë,  i tillë ka qenë dhe si lojtarë. Atletiko ka pasur shumë futbollistë të njohur portugez dhe unë dua të ndjek hapat e tyre dhe pse jo t’i kaloj dhe arritjet e atyre”.

“Shpresoj që të kap formën më të mirë dhe më pas gjithçka të mecë mbarë. Jam njeri që mendoj pozitivisht. Dua të punoj në mënyrë që të bëhem një ndër yjet e kësaj skuadre. Shuma për të cilën u pagua për mua, natyrisht që ndikon në disa gjëra, por jam kam pjekurinë e duhur për të përballuar presionin që vjen me këtë situatë. S’besoj se mosha ime e re do të jetë problem”.

“Nuk premtoj numra, ata s’do i premtoj kurrë, por premtoj që do të jap gjithçka për ekipin, e do bëj gjithçka ç’mundem, më pas të shohim si do shkojnë gjërat. Kur ndryshon një vend, duhet të përballesh me situata të reja, disa gjëra besoj se do i kem të thjeshta, por do ketë dhe aspekte të vështira”.

Presidenti Hil Marin ka vendosur të gjitha fondet për të blerë yje dhe konkuruar Barcelonën dhe Realin e Madridit. Kjo blerje, ashtu si dhe të tjera më parë, ka krijuar debate. Feliks është një djalosh që ka shpërthyer në gjysmën e dytë të sezonit dhe shumë specialistë nuk janë dakort me blerjen e tij për një shifër aq të lartë.

Sigurisht ka dhe të tjerë, që shprehen se cilësia e të riut është e padiskutueshme dhe vlera e tij e blerjes përshtatet me cilësitë. Edhe Nuno Gomesh, një nga legjendat e Benfikës, me të cilën regjistron 293 ndeshje dhe 125 gola ka mendimin e tij në lidhje me Feliks.
Ish-sulmuesi shprehet se çmimi i paguar nga Atletiko për Feliks përputhet tërësisht me talentin e tij. Në një intervistë për spanjollen “Marca” ai tekstualisht u shpreh: “Zhoao Feliks vlen aq sa Atletiko pagoi për ta marrë”.

Video e prezantimit të  Zhoao Feliks është krejt e veçantë. Talenti portugez shihet teksa ndodhet në muzeun kombëtar të Prados në Madrid, i rrethuar nga kryeveprat më të mëdha të artit botëror.

#PureTalent pic.twitter.com/6oQX8dAUA6

— Atlético de Madrid (@atletienglish) July 3, 2019

19-vjeçarit iu desh vetëm një sezon me ekipin e parë të Benfikës për të tërhequr vëmendjen e të gjithë klubeve elitare. Në 26 ndeshje të kampionatit portugez, Feliks regjistroi  15 gola.

Shifra e shpenzuar nga Atletiko u përfol jo pak, pasi Feliks është vetëm 19 vjeç dhe në Nations League me Portugalinë nuk është se bindi.

Së fundmi, një eurodeputete portugeze mendon t’i hedhë benzinë zjarrit, duke shkruar në Twitter, se shitja e Zhoao Feliks drejt Atletikos është veçse pastrim parash.

Um jogador de futebol com apenas 19 anos, que jogou meia época num campeonato de terceira categoria, e que aí se revelou, é vendido por 120 milhões de euros, naquela que é a quarta maior transferência de sempre. Ainda não li uma explicação racional, e fundamentada, para isto.

— Bruno Faria Lopes (@bfarialopes) 26 juin 2019

Një gazetar portugez kishte shkruar në Twitter se i dukej e çuditshme se si një lojtar që deri në dhjetor luante në kategorinë e tretë portugeze, u shit në qershor për 126 milionë euro. Këtu ka reaguar deputetja Ana Gomes, e cila ka shkruar: “Mos ndoshta është për pastrim parash?” Ky reagim ka shkaktuar jo pak polemika në Portugali…

Para 5 vitesh, Zhoao Feliks ishte vetëm 14-vjeç dhe përfaqësuesit e tij menduan ta dergonin te akademia e Portos. Pasi qëndroi rreth 2 javë te akademia e “Dragonjve”, vëzhguesit teknik i thanë të bënte gati valixhet dhe të largohej, pasi fiziku i tij ishte shumë i vogël.

Feliks vendosi që t’i bashkohej akademisë së Benfikës në moshën 15-vjeçare dhe aty e pranuan, duke e rritur si futbollist dhe duke i dhënë mundësinë që të luajë me ekipin B që në moshën 16-vjeçare. Vetëm 1 sezon e gjysmë me Benfikën B dhe Feliks kaloi te ekipi A, ku tregoi paraqitje të shkëlqyera. Sezoni i shkuar, ishte shpërthimi i yllit portugez, i cili shënoi 15 gola dhe siguroi një kalim te Atletiko Madrid… për plot 126 milionë euro. Një tjetër gabim trashanik i Portos.

Feliks, vetëm 19 vjeç, shpërtheu në sezonin që lamë pas, sepse shënoi 15 gola në kampionat dhe 3 në Europa League.

Lojtar me aftesi te shkëlqyera teknike, djaloshi zbulim krahasohet me Kaka dhe kërkohej nga shumë kube, por ka zgjedhur Atletiko Madridin, ndoshta edhe për shkak të lidhjes së shkëlqyer mes klubit spanjoll dhe agjentit të famshëm Zhorzh Mendesh.

Gjithsesi, ende pa u finalizuar transferimi, spanjollët e “AS” raportojnë se Atletiko i trembet një tjetër rasti “Grizman” dhe Zhoao Feliks do të ketë një klauzolë lirimi 350 milionë euro. Kjo është edhe klauzola më e lartë në historinë e klubit të Atletikos.

Zhoao Feliks do të përfitojë plot 6 milionë euro në sezon dhe kontrata pritet të jetë 5-vjeçare.

Megjithatë, surprizat në merkato nuk përjashtohen kurrë. Real Madrid ka një plan dhe synon t’i prishë punë klubit tjetër të qytetit.

Sipas raportimeve të “AS”, Reali i ka paraqitur Benfikës një ofertë prej 130 milionë eurosh për lojtarin ofensiv: 80 milionë në dorë dhe 50 të tjerat më vonë. Diçka e tillë i tundon “shqiponjat e Lisbonës”, por ata i kanë dhënë fjalën Atletikos.

Klubi i Diego Simeones nuk e ka paguar akoma shumën dhe tratativa mund të prishet. “Los Blancos” po e synojnë diçka të tillë dhe shpresojnë që të transferojnë një prej talenteve më premtues të futbollit luzitan në Madrid.

Diçka e ngjashme ndodhi verën e kaluar me Romën dhe Barcelonën. Verdhekuqtë arritën akordin me francezët e Bordo për kartonin e Malkolm. Braziliani ishte pranë nisjes për në kryeqytetin italian kur një ofertë e klubit katalanas ndryshoi gjithçka në sekondat e fundit. Tifozët e Romës po prisnin sulmuesin, ndërsa ai përfundoi në Barcelonë.

Gjithsesi, duket se çdo gjë po shkon drejt fundit dhe siç raportojnë mediat në Spanjë, ylli portugez do të firmosë sot me ekipin e tij të ri, që do të jetë Atletiko Madrid.

Një lajm të tillë e konfirmojnë mediat më të mëdha në Spanjë, ku jepet e sigurt se portugezi do të jetë lojtari i ri i Atletikos. Nga kontrata e re, pritet që Zhoao Feliks të përfitojë 6 milionë euro në sezon, ndërsa madrilenët do të paguajnë 120 milionë euro te Benfika.

Sipas “Record”, 19-vjeçari ka mbërritur mbrëmjen e djeshme në Madrid dhe pritet që në ditët në vijim të firmosë me ekipin e ri. Atletiko do të paguajë klauzolën e lirimit, që është plot 120 milionë euro.

Nga kontrata e re, Zhoao Feliks pritet të përfitojë 6 milionë euro në sezon. Kujtojmë, në garë për portugezin ishin edhe Mançester Siti apo dhe Reali i Madridit.

“Shqiponjat e Lisbonës” janë të qartë që nuk mund ta mbajnë gjatë lojtarin ofensiv në skuadër. Presidenti u shpreh para disa ditësh se shpreson që klubi që do paguajë klauzolën për Zhoao Feliks, të lërë edhe një vit huazim në Portugali për të fituar më shumë eksperiencë.

U tha, u bë! Mediat angleze janë të bindura që Siti do të jetë ekipi i ardhshëm i portugezit, i cili pritet të transferohet në ishull verën e ardhshme. Atletiko Madrid është klub tjetër që është në garë për yllin e Benfikës. “Colchoneros” e shohin Feliks si zëvendësuesin perfekt të Antuan Grizman.

? El Atlético quiere que el futbolista sienta que el Atlético es un paso adelante
? Al futbolista le han hecho ver que estará a las órdenes del Cholohttps://t.co/TKUgt70t5i

— AS (@diarioas) June 11, 2019

Klubit spanjoll i duhet të ndërhyjë për ta bindur djaloshin se ata janë një skuadër e madhe, ku ja vlen të luash. Për ta bërë këtë është zgjedhur menaxheri i Feliks, Zhorzh Mendesh. Drejtuesit e klubit spanjoll i kanë bërë të qartë agjentit të njohur se nuk janë të gatshëm të futen në garë për një lojtar, që nuk e sheh si hap përpara veshjen e asaj fanelle.

Kështu Mendesh është takuar kokë më kokë dhe i ka shpjeguar 19-vjeçarit se Atletiko është një klub mes më të mëdhenjve dhe ka fuqinë të fitojë trofe. Prania e një trajneri i Simeone e ndihmon tej mase në rritjen e tij si futbollist dhe në ambicjet e tij për t’u bërë pjesë e më të mirëve. Sipas “AS”, talenti luzitan ka pranuar ofertën e drejtuesve të skuadrës nga kryeqyteti dhe pritet marrëveshja me klubin e Benfikës.

Klauzola e largimit të fantazistit është 120 milionë euro, por paratë nuk janë aspak problem për klubet angleze. Vetë “ylli” i Benfikës kërkon të largohet dhe presidenti e ka të qartë dëshirën e tij. Megjithatë, ekziston një mënyrë që Zhoao Feliks të luajë edhe një sezon me “Shqiponjat e Lisbonës”.

“Nëse dikush paguan 120 milionë euroshin e përcaktuar në klauzolë nuk ia vlen më të ëndërrojmë për qëndrimin e Zhoaos. Të ardhmen e vendosin ai dhe familja e tij. Po bëjmë të pamundurën për ta bindur për të qëndruar, por ka vetëm një mënyrë: shitja e tij dhe mbajtja për një vit huazim. Nëse jo, Zhoao do të largohet”, përfundon presidenti i Benfikës.

Lajmi i fundit ndez shpresat e tifozëve. Sipas mediave italiane, kreu i Napolit është takuar javën e kaluar në Romë me Luis Filipe Vieiran, homologun e Benfikës. Në takim kanë marrë pjesë edhe drejtori sportiv Xhuntoli, ai teknik Kiaveli dhe Horge Mendez, agjenti i famshëm që zotëron të drejtat e Zhoao Feliks.

19-vjeçari i talentuar është ëndrra e madhe e Napolit dhe palët kanë nisur negociatat. Spanjolli Grimaldo është një tjetër emër që i pëlqen Ançelotit. 23-vjeçari bën mirë të gjitha rolet e krahut të majtë dhe Napoli synon një ndërrim kokë me kokë me Mario Ruin.

Pavarësisht se gjithçka mbetet në kuadër të bisedimeve, Napoli dhe Benfika mund të realizojnë një operacion gjigant. Zhoao Feliks dhe Grimaldo mund të përfundojnë në Serie A, ndërsa Mario Rui dhe shumë para do të transferoheshin te “Shqiponjat e Lisbonës”.

Pas përfundimit të ndeshjes ndaj Zvicrës, e cila u fitua 3-1, ishte vetë Zhoao Feliks, i cili foli mbi të ardhmen e tij dhe qartësoi gjithçka. “Për momentin jam i fokusuar në Kombëtare dhe në ‘Nations League’. Kur ky kompeticion të mbarojë, atëherë do të flas mbi zgjedhjen time”.

Zhoao Feliks kërkohet nga Mançester Siti, Mançester Junajtid si dhe Juventusi. Klauzola e lirimit nga Benfika është plot 120 milionë euro, me të tre këto klube që janë të gatshëm ta paguajnë.

Mançester Siti, Juventus apo dhe Mançester Junajtid janë përmendur si ekipet më të interesuara. Gjithsesi, së fundmi duket se në garë është futur dhe Reali i Madridit. Madje, “Los Blancos” janë prezantuar menjëherë më ofertë te drejtuesit portugezë.

? El Benfica ya tiene cuatro ofertas de 120 millones
? Han rechazado la propuesta blanca https://t.co/LEcTA2aikA

— AS (@diarioas) June 3, 2019

Oferta e madrilenëve ka qenë 80 milionë euro plus bonuset, një shifër relativisht e ulët, duke ditur se klauzola e talentit 19-vjeçar është 120 milionë euro dhe Benfika nuk ka ndërmend ta shesë për më pak. Gjithsesi, mbetet për t’u parë nëse klubi i Florentino Perez do të bëjë një tjetër ofertë.

Klubi portugez dëshiron të përfitojë sa më shumë nga ylli i saj. Ata janë të gatshëm ta lënë të lirë 19-vjeçarin vetëm nëse paguhet shifra e klauzolës së lirimit prej 120 milionë eurosh. Shumë që Junajtid she Siti nuk do e kishin problem për ta derdhur në arkat e klubit portugez.

Përtej zërave të shumtë që e lidhin atë me ekipe gjigante, Feliks shfaqet i qetë. Në një intervistë për mediat vendase, ai shprehet se ndihet mjaft komod te Benfika. Mundësia e transferimit egziston. Gjithsesi, talenti shprehet se do i lërë gjërat të rrjedhin normalisht.

“Koha do të tregojë gjithçka. Për momentin jam mirë këtu. Ndihem i lumtur. E dua klubin dhe tifozët. Mendoj të shijoj momentin, të luaj futboll. Gjërat ndodhin natyrshëm me kalimin e kohës. Klubi më ka ndihmuar shumë të rritem si lojtar. Janë sjellë në mënyrë perfekte me mua”, u shpreh Feliks.

120 milionë euro kërkojnë “Shqiponjat e Lisbonës” për të lënë të lirë mesfushorin e avancuar, i cili bën mirë çdo rol të repartit ofensiv. Mançester Junajtid është një prej klubeve të interesuara dhe anglezët duan ta fitojnë rivalitetin për Zhoao Feliks.

Sipas raportimeve që vijnë nga vendi luzitan, “Djajtë e Kuq” janë gati të paguajnë klauzolën e lojtarit të talentuar. Drejtuesit e klubit anglez e shohin lojtarin si një investim fantastik për të tashmen dhe të ardhmen dhe paratë nuk janë aspak problem për ta.

Ylli i ekipit do ta festojë 20-vjetorin e lindjes me datë 10 nëntor, por mosha e tij e vogël nuk e pengon për të luajtur futbollin e tij, për të dribluar, dhuruar asiste dhe shënuar.

Zhoao Feliks ka regjistruar shifra fantastike këtë sezon. 43 ndeshje ka zhvilluar fantazisti i talentuar, në të cilat ka shënuar 20 gola dhe ka dhuruar 11 asiste.

Feliks ka një mesatare prej 1 goli çdo 143 minuta, edhe pse vetëm 19 vjeç. Shumë klube të mëdha janë gati për të investuar për të, por presidenti i Benfikës dëshiron ta mbajë edhe një sezon në kampionatin luzitan.

Talenti dhe personaliteti nuk i mungojnë. E ardhmja është e tij, ndërsa gjiganti portugez fërkon duart. Nga shitja e tij do të fitojnë shumë para, por deri atëherë, Zhoao do të vazhdojë të dhurojë magji për tifozët e Benfikës.

?? 43 appearances
? 20 goals
? 11 assists
? 143 mins per goal
? Primeira Liga champion

Only 19, João Félix has an unbelievable future ahead of him! pic.twitter.com/h2s3D8rwdz

— ICC Futures (@ICCFutures) May 19, 2019

Autor i një sezoni spektakolar, sulmuesi i ri mahniti sidomos në sfidën e Europa League kundër Frankfurtit, ku shënoi 3 gola e dha një asist.

Vlera e tij në treg ka pasur rritje të frikshme dhe tashmë klube si Juventusi, Reali dhe anglezët e kanë në shënjestër.

Gjithsesi, duket se Benfika e ka kuptuar se mund ta çojë çmimin mbi 130 milionë euro dhe ka nisur bisedimet me talentin e vet për të rinovuar.

Bëhet fjalë për një kontratë me 2.5 milionë euro në sezon, që duket se ka kënaqur sulmuesin dhe agjentin e tij Zhorzh Mendesh. Gjithsesi, të jesh më i paguari te Benfika nuk është ndonjë arritje e madhe, sepse oferta për 19-vjeçarin pritet të jetë 2-3 herë më e lartë nga klubet e tjera.

Reagimi ishte perfekt, sukses 6-0 pa asnjë sforcim. Dominim, 3 pikë dhe kryesim, edhe pse vetëm takimet direkte vendosin me Porton.

Spektakolar Zhoao Feliks, autor i një goli f a ntatik në minutën e tretë, por edhe një goli tjetër dhe një asisti. 13 gola e 7 asiste në kampionat, rendiment i pabesueshëm për 19-vjeçarin që e duan gjithë klubet e mëdhenj.

Mançester Siti, PSG dhe Juventus janë futur seriozisht në garë për të siguruar shërbimet e tij. Bardhezinjtë shihen më afër djaloshit. Fakti që Kristiano Ronaldo është atje e tundon Feliksin të veshë fanellën e Juves. Së fundmi lajmet nga Italia thonë se Ronaldo ka dhënë aprovimin e tij mbi blerjen e talentit.

Ylli juventin e pëlqen shumë 19-vjeçarin dhe e sheh si partnerin ideal për ta shoqëruar në sulm. Ai i ka thënë drejtuesve të përqëndrohen te Feliks. Çmimi i tij është një pëngesë e madhe pasi klauzola e largimit nga Benfika është 120 milionë euro. Megjithatë këto para Juventusi mund t’i sigurojë nga shitja e Paulo Dibalas, i cili shihet gjithnjë e më larg Torinos.

Atletiko nuk dëshiron të mbetet e papërgatitur dhe ka zgjedhur zëvendësuesin. Sipas raportimeve të portugezes “Record”, Zhoao Feliks është objektivi i madh. Klubi “colchoneros” është futur në garë për shërbimet e yllit të Benfikës.

Klauzola e largimit të 19-vjeçarit është 120 milionë euro dhe Atletiko është gati ta paguajë atë. Zhoao Feliks është një nga surprizat më të bukura të futbollit portugez dhe Diego Simeone e sheh atë si lojtarin e duhur për të zëvëndësuar një emër të madh si Grizman.

Bardhezinjtë duket se kanë nisur të lëvizin menjëherë për të siguruar shërbimet e talentit dhe ka një avantazh të madh. Ai quhet Horge Mendes, agjenti i njohur, i cili ka si klient edhe Zhoao Feliks.

Juventusi njihet për marrëdhëniet e mira që ka me agjentin, i cili solli në Torino në verë edhe Kristiano Ronaldon e Zhoao Kanselon. Drejtori i “Zonjës së vjetër”, Fabio Paratiçi raportohet se do të ketë një takim me drejtuesit e Benfikës, me portugezët që kërkojnë 120 milionë euro për xhevahirin e tyre.

Një tjetër avantazh për Juven pritet të jetë edhe Kristiano Ronaldo, pasi Feliks do ta pëlqente shumë një ide për të luajtur përkrah bashkombasit të tij.

Feliks la shenjë në çdo gol të skuadrës së tij duke dhënë tre asiste dhe një gol.  Me kalimin e ditëve klauzola e tij prej 100 milionë eurosh po fillon të tundojë disa nga klubet elitare të Europës.

E veçanta e golit të sotëm të Feliks ishte festimi i golit. Futbollisti i Benfikës ka përjetuar një eksperiencë të veçantë, pasi ka zgjedhur ta festojë me vëllain e tij Hugo, i cili po priste më padurim një gol prej tij.

#SLBVFC | 3-1 | ? Mais um momento emocionante com João Félix. Desta feita marca e abraça o irmão Hugo Félix. pic.twitter.com/DUI8UhcC1F

— SL Benfica (@SLBenfica) April 14, 2019

Lojtari ofensiv ka folur për kanalin zyrtar të klubit, aty ku ka zbuluar një detaj interesant jashtë fushave të blerta. Futbollistët janë të famshëm dhe “gjahu i preferuar” i vajzave. Këto të fundit ia kanë “bombarduar” telefonin Zhoaos me foto nudo.

“Që kur jam bërë titullar i ekipit të parë, më është mbushur telefoni plot me foto nudo të vajzave. Më dërgojnë foto lakuriq për t’u lidhur me mua, por unë refuzoj gjithmonë. Nuk më interesojnë fare”, thekson Zhoao Feliks.

Juventusi është mahnitur nga Zhoao Feliks, talenti potugez, i cili po i magjeps të gjithë. Sipas asaj që ka raportuar “Tuttosport”, drejtuesit bardhezi po mendojnë seriozisht shitjen e Dibalës, në mënyrë që të siguronin paratë e mjaftueshme për një ofertë bindëse në drejtim të Benfikës.

Dibala do të shitet së paku 100 milionë euro, shifër që pritet të shkojë drejt “Da Luz”, për të bindur Benfikën që të lirojë “xhevahirin” e saj. Zhoao Feliks ka një klauzolë 120 milionë euro dhe kërkohet nga klubet më të mëdha të Europës.

Portugezi i talentuar po dhuron paraqitje fantastike, ka shënuar 14 gola në sezonin debutues me ekipin e parë dhe shumë klube të mëdha po e ndjekin nga afër. Në “Estadio Da Luz” ekziston një vend që i përket skautëve të klubeve të ndryshme.

Në ndeshjen e 29 janarit kundër Boavistës kishte shumë mysafirë. Përfaqësues të Barcelonës, Mançester Junajtid, Çelsit, Bajernit të Mynihut dhe Fejnordit shijuan nga tribunat trigolëshin e Feliks në fitoren 5-1 të vendasve.

Lojtari ka një kontratë me Benfikën deri në vitin 2023. Klubi i famshëm portugez do e ketë të pamundur ta mbajë “yllin” e ri deri atëherë, por drejtuesit kanë zgjidhur gjithçka. Klauzola e largimit të lojtarit ofensiv është 120 milionë euro.

Feliks është i papërmbajtshëm me topin në këmbë, ka vetëbesim dhe përjeton një ndjesi të veçantë kur e sheh duke luajtur. Eleganca dhe personaliteti nuk i mungojnë, ndërsa luan në të gjitha rolet e repartit ofensiv, madje i bën të gjitha shumë mirë.

Në Portugali janë të bindur për diçka. Zhoao është më i zhvilluar si lojtar sesa ishte Kristiano Ronaldo në moshën 19-vjeçare. Sulmuesi i Juventusit përfitoi gjatë muajit shkurt për të ndjekur në stadiumin e Sportingut të tij derbin kundër Benfikës.

Miqtë fituan 2-4, Feliks shënoi një gol, fitoi penalltinë e golit të katërt dhe u shpall lojtari i ndeshjes. “Futbollisti më i mirë portugez po luante në ‘Alvalade’. Ishte diçka e këndshme që Ronaldo kishte ardhur për ta parë nga afër”, bënte shaka pas ndeshjes Rui Gomes Da Silva, zv presidenti i Benfikës.

19-vjeçari luajti për herë të parë me ekipin e dytë të Benfikës në divizionin e dytë në moshën 16-vjeçare, duke u bërë kështu lojtari më i ri në historinë e futbollit luzitan që debuton dhe shënon gol.

Me ekipin U21 të Portugalisë debutoi pa i mbushur akoma 18 vjeç. Deri tani numëron 10 ndeshje, ndërsa ka shënuar katër gola. Fillimet si futbollist i pati te Porto, por shpërthimi i tij ndodhi te Benfika, aty ku u transferua në moshën 15-vjeçare. “Do doja të merrja një shkop prej druri dhe t’i godisja të gjithë ata, të cilët e lejuan të largohej”, është shprehur kohë më parë Rodolfo Reis, ish-kapiten i Portos.

Në vendin luzitan kanë shijuar shumë futbollistë të mëdhenj, por djaloshi i Benfikës është ndryshe. Të gjithë janë të bindur për potencialin e madh të lojtarit dhe ndihen të lumtur për rritjen dhe përmirësimin e tij të pabesueshëm. Tashmë ka mbetur debutimi me kombëtaren dhe transferimi në një klub të madh europian.

Tifozët e Benfikës e kanë të qartë se do i shijojnë edhe pak kohë nga afër magjitë e 19-vjeçarit. Megjithatë, ata kanë një ëndërr: duan të rikthehen te fitimi i trofeve në Europë dhe t’i japin fund mallkimit të Bela Gutman.

Kur u largua në vitin 1962 nga ekipi, pasi i kishte dhuruar 2 Liga Kampionesh, trajneri hungarez deklaroi: “Për plot 100 vite, duke filluar që tani, Benfika nuk do fitojë kurrë një trofe në Europë!”.

Diçka e tillë ka funksionuar deri më tani për fat të keq. Benfika ka arritur të dalë 8 herë në finale dhe i ka humbur të teta. Në finalen e Kupës së Kampioneve të vitit 1990 kundër Milanit, Eusebio shkoi te varri i trajnerit dhe iu lut që ta hiqte mallkimin. Kokëforti Gutman nuk ndryshoi mendje, Rajkard shënoi golin e fitores në finalen e Vienës dhe kuqezinjtë e Sakit festuan kupën me tifozët e tyre…

Thuajse e kualifikuar edhe Valencia, që me një cinizëm të jashtëzakonshëm ka fituar 3-1 në transfertë, në derbin kundër Vilarealit. Një sezon i zi për Vilarealin, që rrezikon rënien nga La Liga dhe nuk ka fat në asnjë drejtim.

Valencia fitoi një penallti në minutën e gjashtë, por edhe pse Fernandez e grushtoi gjuajtjen e Parehos, Guedesh u tregua i shkathët dhe shënoi.

Në minutën e 36-të penallti për Vilarealin dhe Kazorla këtë radhë nuk gaboi, pas lotëve të fundjavës së shkuar, për shkak të penalltisë së humbur në fundin e ndeshjes ndaj Betisit.

Në pjesën e dytë Vilareali e rriti ndjeshëm presionin, por nuk diti të shënonte, ndërsa në shtesë Vas dhe Guedesh fundosën “Nëndetësen e verdhë”.

Ndërkaq, në Lisbonë Benfika mundi 4-2 Aintrahtin e Frankfurtit, në një ndeshje spektakolare, që do të mbahet mend mbi të gjitha për paraqitjen madhështore të Zhoao Feliks, sulmuesit 19-vjeçar që vlen 120 milionë euro, e pakta.

Talenti i madh i Benfikës shënoi 3 gola, dha një asist dhe ishte mbreti i ditës në Europa League, ndaj tashmë Reali, Barcelona, PSG, Juventusi dhe klubet angleze janë gati për ankandin e çmendur.

Sulmuesi 19-vjeçar ka mahnitur te Benfika dhe ka shënuar mesatarisht një gol për çdo dy ndeshje këtë sezon, ndërkohë që të gjithë po e krahasojnë me legjenda si Kaka apo Rui Kosta, duke parë teknikën dhe lëvizjet e tij.

Kohët e fundit është raportuar se Mançester Junajtid është gati të ofrojë shifra të çmendura për djaloshin e thirrur së fundi nga kombëtarja portugeze.

Megjithatë, The Sun raporton se tashmë në lojë është futur edhe Mançester Siti, sepse Pep Guardiola e pëlqen shumë lojtarin. Drejtori sportiv Çiki Begirishtain ka qenë në Lisbonë në ndeshjen Benfika-Dinamo Zagreb, pikërisht për Feliks, ndërsa tashmë derbi ka nisur.

Kush paguan klauzolën e prishjes së kontratës, e merr lojtarin pa nevojën e negociatave me Benfikës, por natyrisht bëhet fjalë për shifra kolosale dhe nuk duhet harruar se edhe Feliks me përfaqësuesit e tij kanë kërkesa mjaft të larta ekonomike.

ZHOAO FELIKS – Vetëm 19 vjeç, Zhoao Feliks krahasohet që tani me emra si Kakà e vetë Rui Kosta, aq sa disa klube po mendohen dhe janë gati të paguajnë 120 milionë eurot e klauzolës së prishjes së kontratës. Rui Kosta mundohet të ulë euforinë rreth djaloshit: “Nuk është as pasuesi im e as Kakà i ri. E vërteta është se Feliks është vetëm Feliks. Është i jashtëzakonshëm, e nuhat gjithnjë çfarë do ndodhë para porte. Është një numër 10 modern, një sulmues i dytë me aftësi të shkëlqyera para portës kundërshtare, ka shënuar 10 gola në kampionat këtë sezon.

“Klauzola 120 milionë euro? Do të mundohemi ta mbajmë sa më gjatë, kjo vlen për Feliks dhe për të tjerët. Kjo është politika e klubit, por më pas do të shohim, sepse klauzolat për këtë punë janë dhe disa lojtarë nuk i mban dot pafundësisht në Portugali”.

RUBEN DIAS – Qendërmbrojtësi 21-vjeçar i Portugalisë është një tjetër lojtar nga i cili Benfika do të arkëtojë shumë miliona dhe Rui Kosta thotë: “Nuk e di a do largohet: ne duam ta mbajmë dhe Ruben e di mirë se duke vazhduar me ne do ketë oferta gjithnjë e më të rëndësishme. Benfika në këtë moment nuk ka nevojë të shesë për të mbushur arkën, por të shohim në verë“.

Në një intervistë për medien portugeze “Record”, 19-vjeçari pranoi se shpërthimi i muajve të fundit te Benfika e ka ndihmuar shumë në raportin që ka me lidhjet romantike. Ndër të tjera Feliks zbuloi dhe një detaj, ndoshta të tepërt.

“Disa fanse më dërgojnë foto nudo në llogarinë timë ne “Instagram”, por i refuzoj çdo herë”, tha Feliks dukje qeshur”.

Prej disa javës Feliks përflitet si lojtari që do thyejë rekordin e transfertës më të shtrenjtë në kampionatin me një çmim diku 120 milionë euro, por këto lajme cilësohen si krejt të papërfytyrueshme nga vetë lojtari.

Man Utd and Arsenal transfer blow as Juve meet Benfica over £105m wonderkid Joao Felix https://t.co/DgfuXWoz1U

— The Sun – Arsenal (@SunArsenal) February 28, 2019

“Nuk kuptoj se si dalin këto shifra për mua. Nuk marr vesh fare nga merkato ose shpenzimet që bëjnë klubet. Unë jam thjesht një futbollist, paguhem për të luajtur futboll, vetëm kaq. Po të më pyesësh sa e vlerësoj veten, do të thoja 2 milionë euro, ky çmim më duket i mirë”, tha Feliks

Agjent i Zhoao Feliks është “përbindëshi” Zhorzh Mendesh, një gjeni për zbulimin e talenteve dhe për shitjen e tyre me shifra të çmendura, duke arkëtuar edhe vetë miliona euro.

Prokuratori i famshëm portugez mbulon edhe Kristiano Ronaldon dhe ka një marrëdhënie të shkëlqyer me Juventusin, ku ka sistemuar edhe mbrojtësin Kanselo, ndaj udhëton shpesh për në Torino.

Të premten në mbrëmje Mendesh ishte në Juventus Stadium për sfidën kundër Udinese-s dhe ka përfituar për t’u takuar me drejtorin sportiv bardhezi Fabio Paratiçi. Udhëtimi i Mendesh me siguri nuk ka pasur lidhje me Ronaldo e Kanselo, sepse asnjëri nuk luajti dhe dihet që Mendesh nuk do shkonte kot në Torino.

Në Itali raportojnë se takimi me Paratiçin ka qenë për Zhoao Feliks, i cili i intereson shumë Juves dhe jo rastësisht javën e shkuar në Torino shkoi edhe presidenti i Benfikës. Verën e ardhshme do të nisë ankandi, por Juve po mundohet të mbyllë gjithçka pa zhurmë, ndoshta duke shpresuar që Mendesh të ndërhyjë për të ulur disi klauzolën për prishjen e kontratës, që është 120 milionë euro.

Objektivi i parë i Junajtid është sulmuesi 19-vjeçar Zhoao Feliks, i cili është kthyer në harkun e pak muajve në lojtarin më premtues të shtetit iberik. Për të marrë shërbimet e talentit portugez Benfika kërkon 90 milionë, një shifër kjo që sipas “Record”, Junajtid është i gatshëm ta paguajë.
Objektivi tjetër i anglezëve është qendërmbrojtësi Ruben Dias. I riu portugez është vetëm 21 vjeç, por mosha nuk e ndaluar që të sigurojë një vend në formacionin titullar të Benfikës dhe kombëtares luzitane.

Për të sjellë dy yjet në “Old trafford”, Junajtid do të duhet të shpenzojë 150 milionë euro, shumë jashtëzakonisht e madhe, por bëhet fjalë për dy lojtarë me potencial të pamasë.

 Gjatë këtij sezoni ai ka zhvilluar 12 ndeshje me “Shqiponjat e Lisbonës”, ku ka shënuar 6 gola dhe dhuruar 3 asiste. Siç raporton “Mundo Deportivo”, Barcelona e pëlqen shumë lojtarin dhe është gati të sigurojë shërbimet e tij për në verë.

 Benfika nuk ka qëndruar pasive dhe në ditët e para të nëntorit të kaluar ka rinovuar kontratën me Feliks deri në vitin 2023. Klauzola e shitjes së tij është 120 milionë euro, por Barcelona nuk e ka problem çmimin e lartë.

 Drejtuesit e klubit katalanas janë gati të nisin negociatat dhe duan të arrijnë një akord sa më shpejt të jetë e mundur për t’i dhuruar Ernesto Valverdes një lojtar të talentuar që mund të jetë e ardhmja e repartit ofensiv të Barcelonës.

Ofertat për të janë të shumta, por Benfika nuk ka ndërmend të heqë dorë nga shërbimet e tij. Liverpuli është ndër klubet më të interesuara për të, ndërsa Klop ka ofruar 70 milionë euro për kartonin e Feliks.

Lajmi zbulohet nga portugezja “Correio De Manha”, ndërsa “Shqiponja e Lisbonës” kanë refuzuar milionat e shumtë. Feliks ka shënuar 5 gola në këtë sezon me Benfikën, ndërsa numëron dhe 4 gola të shënuar me Portugalinë U21.

Klop e pëlqen shumë lojtarin luzitan, ndërsa tashmë nevojitet një tjetër ofertë për të bindur klubin portugez të heqë dorë nga shërbimet e lojtarit të talentuar.