“Qytetarët” ofrojnë Danilon dhe para për kartonin e Kanselos. Gianluca di Marzio raporton se Siti e vlerëson kartonin e Kanselos 60 milionë euro dhe 30 milionë atë të brazilianit, ndërsa Juventusi mendon ndryshe.

“Zonja” vlerëson 70 milionë euro kartonin e lojtarit luzitan dhe 25 atë të 28-vjeçarit të Sitit. Negociatat do të rinisin ditën e sotme, klubet mund të arrijnë një akord, ndërsa Juventusit i duhet të gjejë edhe akordin me mbrojtësin e djathtë të ekipit të Guardiolës.

Me valixhe gati është edhe Paulo Dibala, edhe pse tifozët janë kundër largimit të fantazistit argjentinas, aq më pak shkëmbimit të tij me Lukakun e Junajtid.

Fabio Paratiçi ka udhëtuar drejt Londrës dhe po tenton të arrijë disa marrëveshje. Drejtori sportiv i bardhezinjve ka rinisur kontaktet edhe me Mançester Sitin. Kampionët e Anglisë duan Zhoao Kanselon dhe në shkëmbim të kartonit të portugezit ofrojnë Danilon.

Të dy luajnë në rolin e mbrojtësit të djathtë dhe Juventusi tundohet nga ide. Kanselo është një preferencë e Pep Guardiolës, ndërsa 28-vjeçari brazilian shihet i duhuri për krahun e djathtë nga kampionët e Italisë.

Sipas “Corriere dello Sport”, klubi katalanas po kërkon një mbrojtës të djathtë dhe ka piketuar portugezin e Juventusit. 25-vjeçari është një fiksim i Pep Guardiolës, por “Zonja” e ka refuzuar ofertën e Sitit.

Kampionët e Anglisë ofrojnë një shkëmbim kokë me kokë me Danilon, por italianët janë kundër këtij propozimi dhe negociatat janë bllokuar për momentin. Futja e Bajernit dhe Barcelonës në garë i intereson Juves, pasi çmimi i lojtarit luzitan mund të rritet.

Kieran Tripier është lojtari që mendohet se do marrë përgjegjësinë e krahut të djathtë të mbrojtjes bardhezi. Napoli ishte mjaft pranë tij, pot të kaltrit hoqën dorë në momentin e fundit. Drejtuesit e nënkampionëve zgjodhën të marrin dikë që kushton më pak dhe bënë pazar te Empoli për Xhovani Di Lorenzon.

Kjo lëvizje i hap rrugën drejtorit Paratiçi të prezantojë ofertën e tij te klubi londinez për të sjellë në Torino 28-vjeçarin anglez. Tripier ja ka bërë të qartë Totenhemit se dëshiron të largohet në fund të sezonit dhe Juventusi do të ishte destinacioni perfekt. Ndërkohë te skuadra bardhezi as Manxhukiç nuk e ka vendin të sigurt. Sulmuesi mund të largohet drejt Dortmundit, edhe pse së fundmi rinovoi deri në 2021.

25-vjeçari (i mbush me 27 maj), i cili bën mirë të gjitha rolet e krahut të djathtë, mund t’i japë lamtumirën bardhezinjve në verë. Cilësitë e tij pëlqehen shumë nga Pep Guardiola.

Spanjolli e dëshiron Kanselon te Siti i tij dhe është gati të paguajë 60 milionë euro për kartonin e lojtarit. Dakord është edhe Juventusi, që do të dilte 28 milionë euro fitim. Alegri ka dhënë lejë për largimin e mbrojtësit dhe tani mbetet të arrihet marrëveshja përfundimtare.

Matijs De Ligt është objektivi më i vështirë për t’u arritur. Ylli holandez kërkohet me shumë ngulm nga Barcelona, që deri pak ditë më parë ishin shumë afër tij. Megjithatë situata ka ndryshuar dhe katalanasit janë zbehur si alternativë. Nga kjo mund të përfitojë Anjeli e Paratiçi për të bërë ofertën e duhur dhe për ta bërë të tyrin 20-vjeçarin.

Synime të tjera të Juves janë Hames Rodriges, Pol Pogba apo Federiko Kieza. Kolumbiani do të ktheht të Reali në fund të sezonit, pasi Bajerni nuk do e paguajë shifrën e lirimit të tij nga Madridi. Mbetet për t’u parë se ç’do të ndodhë me 26-vjeçarin dhe Juventusi është gati për të përfituar. Pogba duket shumë i vështirë për t’u arritur, pasi duhet të konkurohet me Real Madridin. Kieza është më i arritshëm, por Fiorentina do betëm para në dorë, diçka që në Torino nuk mund t’ja mundësojnë.

Që të arrihen kaq shumë hyrje, duhen edhe disa shitje për të qenë në balancë me rregullat strikte të vendosura nga UEFA mbi ndershmërinë financiare. Zhoao Kanselo është në dyshin për të ardhmen e tij në Torino. Qëndrimi i tij lidhet me trajnerin Alegri. Nëse italiani largohet te PSG apo një klub tjetër, portugezi do të qëndrojë. Në rast të kundërt Juventusi do e nxjerrë në treg për rreth 60 milionë euro, pasi atij dhe trajnerit nuk i përputhen personalitetet dhe ky i fundit nuk e aktivizon shumë.

Miralem Pjaniç ka kohë që lidhet më një largim drejt Madridit apo Mançester Sitit. Ndërkohë që shpresohet që Higuain të blihet nga Çelsi dhe të mos bëhet një barrë më shumë në “Allianz Stadium”. Edhe Dibala e Manzukiç janë në ajër.

Në një prenoncim për mediat, së fundmi Kanselo ka folur mbi kalimin te Juventusi, si dhe për periudhën që kaloi te Interi. Portugezi ka falenderuar Interin, pasi prej eksperiencës që kaloi te zikaltrit, portugezit iu krijua mundësia të kalonte në Torino.
“Më duhet të falenderoj Interin. Gjashtë muajt që kalova atje ishin shumë të rëndësishëm, pasi ishte një eksperiencë që më ndihmoi të bashkohem me Juventusin, klubin më të mirë në Itali dhe me Alegrin, një prej trajnerëve më të mirë në botë”, përfundoi mbrojtësi.

Gjatë një interviste për mediat vendase para kësaj sfide të veçantë për të, Kanselo thumboi Interin. Ai u shpreh se i falenderon zikaltrit, pasi falë tyre tashmë është te Juventusi dhe luan me më të mirët në Botë.

“Kur erdha te Interi nuk ishte e lehtë. Në Spanjë përqëndrohen te teknika, ndërsa në Itali i kushtojnë rëndësi taktikës. Trajneri Spaleti më ndihmoi shumë. Ato gjashtë muaj në Milano ishin ishin shumë të rëndësishme, pasi më ndihmuan të arrija Juventusin. Jemi ekipi më i mirë në Itali dhe kemi një nga trajnerët më të mirë në Botë. Këtë sezon jam përmirësuar shumë sepse po stërvitem me disa nga lojtarët më të mirë në qarkullim”, përfundoi ylli portugez.

Së fundmi një veprim i futbollistit portugez në rrjetin social “Instagram” lë pak vend për dyshime për situatën e tensionuar midis palëve.

Kanselo ka pëlqyer një koment të bërë nga një përdorues, i cili shkruante “Alegri Out” (Alegri jashtë). Lajmi ka bërë bujë në mediet italiane, ndërsa ende nuk ka një reagim nga ana e lojtarit.

Mbrojtësi bardhezi, ka folur për mediat në Portugali, duke rrëfyer aventurën e tij te “Zonja e vjetër”, si dhe ka zbuluar pengun e tij më të madh në karrierë.

JUVENTUSI – “Ndihem lojtar më i kompletuar dhe po mësoj shumë te Juventusi. Është e pabesueshme, pasi Ronaldo stërvitet dhe luan sikur të ishte në moshën time.”

PENGU MË I MADH – “Kam një peng të madh në karrierën time, i cili është që nuk luajta rregullisht në kohën kur isha pjesë e Benfikës. Kur luan me dëshirë për klubin tënd, atëherë shndërrohesh në lojtar akoma më të fortë.”