Joachim Andersen

Transferim rekord i Lionit, mund Milanin në garën për mbrojtësin

Sport Ekspres — Fri, 12 Jul 2019 12:08:16 +0000

Olimpiku i Lionit ka thyer rekordin e klubit duke transferuar nga Sampdoria mbrojtësin danez Joakim Andersen për shumën e 30 milionë eurove. Futbollisti 23-vjeçar u ble dy vite më parë nga Sampdoria nga holandezët e Tuentes për vetëm 1.5 milionë euro. Drejtuesit e klubit ligur i kanë dhënë të gjithëve një leksion biznesi me këtë transferim.

Velkommen Joachim Andersen ! ?? #UnispourRugir pic.twitter.com/fOj4zfzwjH

— Olympique Lyonnais (@OL) July 12, 2019

Investimi madhor i Lionit vjen pasi skuadra franceze shiti pak javë më parë mesfushorin Tangi N’dombele te Totenhemi për më shumë se 60 milionë euro. Andersen spikati gjatë sezonit të kaluar, ku u aktivizua në 32 takime me skuadrën nga qyteti i Xhenoas.

Për shërbimet e danezit ishte i interesuar edhe Milani, ku tani ndodhet ish-trajneri i tij Marko Xhampaolo, por si në fund oferta e francezëve ishte ajo që bindi lojtarin dhe drejtuesit e Sampdorias.

Arsenali zbraz xhepat për dy lojtarët e Serie A

Sport Ekspres — Fri, 07 Jun 2019 08:03:43 +0000

Arsenali nuk pritet të ketë shumë ndryshime për sezonin e ardhshëm. Topçinjtë kanë në dispozicion një buxhet shumë të cunguar. Emeri do i duhet të përforcojë skuadrën me më pak se 50 milionë paund. Kështu tekniku duhet të tregohet i zgjuar dhe të blejë lojtarë që nuk kanë shpërthyer ende, por që dallohet se kanë një potencial të lartë.
Denis Praet dhe Hoakim Andersen janë dyshja e Sampdorias që pëlqehet nga trajneri Emeri. Klubi londinez ka nisur ofertën e parë drejt italianëve me një çek prej 46 milionë eurosh. Praet është mesfushor dhe ka një vlerë prej 25 milionë eurosh në merkato. Belgu 25-vjeçar ka spikatur me aftësitë e tij këtë sezon.

Hoakim Andersen ka ardhur nga kampionati holandez, konkretisht nga klubi i Tuente. Për mbrojtësin Sampdoria ka shpenzuar vetëm 1.4 milionë euro për ta sjellë në Itali. Vlera aktuale e 23-vjeçarit danez në merkato është 20 milionë euro.

Tre objektiva për merkaton e verës, Junajtid nuk i ndahet Serisë A

Sport Ekspres — Fri, 08 Feb 2019 17:11:04 +0000

Mançester Junajtid është rikthyer te rezultatet pozitive me uljen e Solskjaerit në stol, ndërsa drejtuesit e klubit vazhdojnë të punojnë për të përforcuar ekipin për në merkaton e verës. Prioriteti mbetet reparti difensiv dhe dëshirat e “Djajve të Kuq” luajnë në Serie A.

Siç raporton “Daily Mail”, drejtuesit e Junajtid kanë tre objektiva të mëdha për në verë. Ata janë Kalidu Kulibali i Napolit, Milan Shkriniar i Interit dhe Hoakim Andersen i Sampdorias.

Senegalezi i Napolit është objektivi kryesor, por ai kushton shumë dhe do të jetë e vështirë për të bindur presidentin De Laurentis të heqë dorë nga shërbimet e lojtarit.

Sllovaku i Interi është një tjetër objektiv. 23-vjeçari është një nga më të mirët në rolin e tij dhe kontrata me zikaltrit i përfundon në verën e vitit 2022. Junajtid pëlqen shumë dhe 22-vjeçarin danez të klubit dorian. Andersen kushton më pak se dy të parët, por ai ka oferta të shumta dhe klubi anglez duhet të bindë presidentin Ferrero për të transferuar qendërmbrojtësin në Premier Ligë.

Jo vetëm Godin, Inter përgatit një tjetër goditje në mbrojtje

Sport Ekspres — Sat, 05 Jan 2019 10:39:59 +0000

Drejtuesit e Interit vazhdojnë punën për të përforcuar ekipin e Luçiano Spaletit. Objektivat kryesorë janë bazuar në repartin difensiv, ndërsa zikaltrit kanë arritur akordin me Diego Godin. Uruguaiani ka vendosur të largohet nga Atletiko e Madridit në fund të sezonit, atëherë kur i mbaron dhe kontrata. Një afrim fantastik për Interin, që do të sigurojë me parametra zero shërbimet e një prej mbrojtësve më të mirë në botë.

Zhoao Miranda

Por, rikthehemi në janar. Zhoao Miranda është pranë largimit nga ekipi. 34-vjeçari rinovoi përpara pak kohësh kontratën deri në verën e vitit 2020, por eliminimi nga Champions dhe fakti që nuk po merr shumë minuta, po shtyjnë brazilianin të ndërrojë ambient.

Hoakim Andersen

Interi nuk dëshiron të mbetet i papërgatitur dhe “Corriere dello Sport” raporton se zikaltrit kanë gati zëvendësuesin e Mirandës. Ai është Hoakim Andersen, është 22 vjeç, luan me Sampdorian dhe po bën paraqitje të mira. Danezi ka zhvilluar 19 ndeshje në total këtë sezon, ndërsa Interi është gati të sigurojë shërbimet e tij, nëse humbet ato të Mirandës.

Plani i Juventusit, dy mbrojtës për t’u “blinduar”

Sport Ekspres — Tue, 16 Oct 2018 08:03:09 +0000

Juventusi kërkon të përforcohet në mbrojtje dhe po sheh elementë të rinj që të ofrojnë garanci për të ardhmen. Tashmë ka edhe emra konkretë lojtarësh që bardhezinjtë i duan. Në Itali sigurisht kampionët janë zgjedhje e parë për shumë futbollistë.

Gjithsesi për më të mirët duhet paguar, sikurse duhet bërë për Nikola Milenkoviç të Fiorentinës dhe Joakim Andersen të Sampdorias. Të dy të rinjtë po paraqiten mirë dhe kanë gjithë kohën e nevojshme përpara për t’u rritur dhe për t’u bërë kampionë.

Matijas de Ligt është lojtari tjetër që kërkohet, por për lojtarin e Ajaksit minimalisht duhen paguar 55 milionë euro. Ndryshon puna me serbin Milinkoviç. Nga Fiorentina mund të merret për 35 milionë euro dhe 20-vjeçari është një element që luan në disa pozicione të mbrojtjes.

Klubi vjollcë e ka blerë atë te Partizani i Beogradit për shumën e 5 milionë eurove dhe do derdhë te klubi serb edhe 10% të shumës së transferimit të radhës. Gjithsesi për Milenkoviç duhet thënë se konkurrenca është e madhe.

Sa i takon Andersen, i blerë për më pak se 2 milionë euro, Juventusi do të paguante edhe më pak. Danezi 22-vjeçar ka edhe tre vite kontratë me Sampdorian.