Jiangsu Suning

Bejl qëndron, Reali ndryshon mendje dhe i mohon milionat e Kinës

Sport Ekspres — Sun, 28 Jul 2019 14:27:26 +0000

Garet Bejl ka gjatë gjithë kësaj kohe që tenton të qëndrojë te Reali, ndërsa klubi spanjoll ia ka bërë të qartë me çdo lloj mënyre se duhej të largohej. Trajneri Zidan e ka shprehur publikisht faktin që uellsiani nuk bën pjesë në planet e tij.

Presioni i madh i largimit e bindi më në fund 30-vjeçarin të studionte ofertat që i kishin ardhur. Më tunduesja (nga ana financiare) ishte ajo e Jiangsu Suning. 22 milionë euro në sezon ofronin kinezët dhe Bejl pranoi ofertën e tyre.

Pikërisht në momentin që akordi BCC raporton se Bejl nuk do të transferohet në vendin aziatik. Real Madrid ka bllokuar shitjen dhe ka vendosur të mbajë sulmuesin në Madrid. Situata për “Los Blancos” ka ndryshuar dhe ata nuk duan ta shesin uellsianin, të paktën për momentin.

S’ka më dilema, Bejl merr valixhet dhe niset drejt Kinës si milioner

Sport Ekspres — Fri, 26 Jul 2019 20:59:10 +0000

Zidan ja ka vënë vizën dhe Bejl do të largohet nga Reali. Klubet që interesohen për të nuk janë të shumtë, duke parë kërkesat e larta financiare të sulmuesit dhe klubit spanjoll. Mund të themi se të gjithë gjigantët evropianë janë dorëzuar dhe e vetmja mundësi e uellsianit është të pranojë milionat kinezë.

“As” raporton se agjenti i tij, Xhonatan Barnet ka rënë dakort mbi termat financiare me klubin e Jiangsu Suning. Aziatikët kanë ofruar kontratë trevjeçare me 22 milionë eurosh për britanikun. Mbetet mbyllja e marrëveshjes me Perez. Raportohet se gjithçka mund të mbyllet brenda kësaj fundjave.

Bejl në Kinë? Gafat në Instagram i “vënë kapakun”

Sport Ekspres — Tue, 23 Jul 2019 10:42:58 +0000

Gareth Bejl është pranë transferimit në kampionatin kinez. Sulmuesi uellsian kërkon largimin nga Real Madrid, por asnjë klub evropian nuk pranon të paguajë pagën e lartë prej 17 milionë eurosh në sezon që 30-vjeçari përfiton aktualisht.

Atë që nuk e bëjnë dot “gjigantët” e Europës mund ta bëjnë klubet kineze. Një ndër kandidatët favorit është Jiangsu Suning. Përveç raportimeve mediatike, një gjurmë që të çon drejt këtij transferimi janë disa veprime në rrjetin social “Instagram”.

Llogaria e klubit në “Instagram” ka vendosur në listën e ndjekësve lojtarin uellsian, sikur të mos mjaftonte llogaria e klubit të njëjtën gjë kanë bërë edhe disa futbollistë të ekipit kinez .

Nuk është në planet e Kontes, braziliani drejt milionave kineze

Sport Ekspres — Wed, 17 Jul 2019 18:26:49 +0000

Me ardhjen e tij Antonio Konte i ka idetë e qarta. Ka piketuar lojtarët që mund ta ndihmojnë Interin të evolojë dhe të tjerë që duhet të largohen. Sipas teknikut, Miranda duhet të kërkojë për një skuadër të re ose të zgjedhë stolin e rezervave.

Mediet italiane raportojnë se mbrojtësi është në bisedime me klubin kinez të Jiangsu Suning. Marrëveshja nuk është arritur akoma dhe po diskutohen termat financiare të kontratës.

Për 34-vjeçarin ka interes të shtuar edhe nga Monako. Zhardim e pëlqen shumë sigurinë e brazilianit. Edhe Lioni i kërkon shërbimet e tij. Ndërkohë, Interi ka në plan të shesë edhe Zhoao Mario dhe Dalbert.

Gjithçka për Interin, presidenti tundohet nga kjo ide!

Sport Ekspres — Thu, 14 Mar 2019 17:47:09 +0000

Stiven Zhang është vetëm 26 vjeç, por kinezi mban postin e rëndë të presidentit të Interit, një ndër klubet më të mëdha të Europës. Ekipi u rikthye këtë sezon pas shumë vitesh në Champions Ligë, aty ku e nisi mbarë, por djemtë e Spaletit nuk arritën të kualifikohen më tej, duke kaluar një kat më poshtë në Ligën e Europës.

Sonte është ndeshja e kthimit përballë Ajntrahtit të Frankfurtit. Dueli i zhvilluar në Gjermani u mbyll pa gola dhe të dy ekipet do të luftojnë fort për një vend në çerekfinale.

Rikthehemi te Zhang. Atij i ka lindur një ide. Siç raportojnë mediat italiane, në Kinë po flitet përditë e më shumë për dëshirën e presidentit të Interit. Familja Zhang zotëron dhe klubin kinez të Jinagsu Suning.

Ngjyrat e uniformës së këtyrë janë ndryshuar në zikaltër, ndërsa tashmë mund të ndryshojë edhe emri. Modifikim më saktë, pasi Zhang dëshiron ta quajë Jiangsu Inter, saktësisht: Jiansgu International Football Club. Diçka e tillë bëhet për të përhapur gjithnjë e më shumë markën e Interit dhe tregon lidhjen e madhe që Zhang ka me klubin e famshëm italian.