Tratativat e drejtuesve të kuq shkuan “huq”, por e bukura tani është se futbollisti i Kosovës ka ndryshuar ambient dhe do të luajë në kampionatin rumun. Voluntari ka bindur lojtarin dhe Luganon, që deri në janar e ka dhënë Kransiqin në huazim.

Mësohet se mbrojtësi nesër do të shkojë në Rumani dhe fillimisht do të bëjë vizitat mjekësore. Më pas prezantimi dhe gati për aventurën e re. Ndërkohë Partizani mbetet ende në kërkim të një mbrojtësi të djathtë, pasi Gega ka në dispozicion vetëm Labinot Ibrahimin  në atë pozicion.