Mbrojtësi, kushtëzuar dhe nga dëmtimet e shumta, nuk ka mundur të jetë këtë sezon protagonist me fanellën e Valencias. Ndërkohë, Barcelona nga ana tjetër,  duket se ka besuar në eksperiencën që ka kolumbiani në La Liga, ku më parë është aktivizuar dhe me Granadën, është bindur për ta afruar.
Murijo foli gjithashtu dhe për mediat për herë të parë si lojtar i Barcelonës, ku normalisht u shfaq shumë i lumtur. Kolumbiani u shpreh se prezantimi në “Camp Nou” zyrtarisht si lojtar i Barçës, është një ëndërr e kthyer realitet dhe se tani duhet të punojë fort për të dhënë më të mirën për fanellën blaugrana.

Lidhur nga këto fakte, ditën e sotme radioja katalanase “RAC1”, ka raportuar se Barcelona është në detajet e fundit për të firmosur me mbrojtësin e Valencias, Xhejson Murijo. Kolumbiani, shumë i kushtëzuar nga dëmtimet, pothuajse nuk ka gjetur hapësira te klubi nga “Mestalla”, duke luajtur vetëm 16 ndeshje në harkun e një viti.

Ekipi blaugrana është përfolur gjithashtu dhe për një interesim për ish-mbrojtësin e Çelsit, Branislav Ivanoviç, i cili aktualisht luan me Zenitin në Rusi. Martin Skrtel po ashtu është një ndër objektivat e katalanasve, por një zyrtarizim i Murijos, do të bënte që këto pista të hidheshin poshtë.