Sipas raportimeve të “AS”, verdhekuqtë pëlqejnë Zhan-Kler Todibo dhe Tomas Parti. I pari është pjesë e Barcelonës dhe luan në rolin e mbrojtësit dhe mesfushorit defensiv, ndërsa i dyti aktivizohet me Atletikon e Madridit dhe bën rolin e mesfushorit.

19-vjeçari francez u transferua në Katalunjë gjatë merkatos së janarit nga Tuluza, por nuk ka arritur ende të debutojë me ekipin e ri. Roma dëshiron të blejë kartonin e tij, ose ta marrë në huazim. Barcelona pret mbylljen e akordit me Matijs De Ligt dhe diçka e tillë do të lironte Todibon.

Sa i përket ganezit, kartoni i vlerësohet të paktën 35 milionë euro, por Diego Simeone nuk dëshiron që të heqë dorë nga shërbimet e tij. Në garë për të janë edhe Interi me Mançester Sitin, kështu që Roma nuk do ta ketë aspak të thjeshtë që të sigurojë shërbimet e 25-vjeçarit.

Lojtari i lindur në Guianën Franceze do të zbarkojë në ekipin e Valverdes në fundin e këtij sezoni, atëherë kur i mbaron dhe kontrata me klubin francez.

Kampionët e Spanjës kanë zyrtarizuar marrëveshjen në një komunikatë në rrjetet sociale. Përveç qendërmbrojtësit, Todibo bën mirë dhe rolin e mesfushorit difensiv.

Ai ka zhvilluar dhjetë ndeshje dhe shënuar një gol gjatë këtij sezoni me Tuluzën, ka zhvilluar dy ndeshje me ekipin U20 të Francës, ndërsa pikat e tij më të forta janë: forca fizike, loja e mirë me top dhe aftësia në lojën në ajër.

Agreement with Jean-Clair Todibo (@jctodibo) for him to join the Club next season. ??https://t.co/L1Ejgvhg1f

— FC Barcelona (@FCBarcelona) January 8, 2019

Megjithatë, për ta parë talentin francez të veshur me fanellën “Blaugrana” , tifozët e Barcelonës do të duhet të presin deri sezonin tjetër, pasi klubi spanjoll dhe lojtari kanë rënë dakord që të mos i prishin punë klubit të Tuluzës

Todibo do t’i bashkohet kampionëve të Spanjës me kosto 0, pasi kontrata e 19-vjeçarit mbaron në fund të këtij sezoni. Për futbollistin shtatlartë, katalanasve iu desh të mposhtnin konkurrencën e Bajernit dhe Juventusit. Todibo e çon në tre numrin e qendërmbrojtësve francez te Barcelona, krahas Umtitit dhe Longle.

Siç raportohet në mediat italiane, mesfushori është pothuajse një lojtar i Juventusit. Ramsej ka arritur në parim akordin, ndërsa pritet përgjigja zyrtare e lojtarit. Mesfushori do të nënshkruajë një kontratë 4-vjeçare me klubin torinez me një rrogë prej 6.5 milionë eurosh në sezon.

Rroga e Ramsejt shkon në 7 milionë euro, nëse ai zhvillon më shumë se gjysmën e ndeshjeve, ndërsa nëse luan mbi 70% të ndeshjeve, rroga bëhet 8 milionë. Juventus do të paguajë dhe 9 milionë euro për agjentët e lojtarit dhe agjencinë që zotëron të drejtat e mesfushorit të “topçinjve”.

Nga ana tjetër, Juventus është pranë një tjetër goditje me parametër zero. Drejtuesit e klubit pëlqejnë shumë Zhan-Kler Tobido, mbrojtësin të Tuluzës. 19-vjeçari luan në rolin e qendërmbrojtësit, ndërsa bën mirë dhe atë të mesfushorit difensiv. Kontrata e tij skadon në verë, por “zonja e vjetër” duhet të fitojë konkurrencën e Dortmundit, Leverkuzenit dhe Laipcigut për shërbimet e Tobido.