Zëvendës presidenti dhe ish-kapiteni legjendar i Interit ka folur në lidhje me këtë çështje, duke zbuluar të vërtetën në prononcimin e dhënë për “Corriere dello Sport”.

“Interi nuk ka marrë asnjë ofertë për Lautaro Martinez. Shpresoj që ai të vazhdojë me këto paraqitje. Lautaro është i rëndësishëm për ne dhe e shoh mirë me bluzën zikaltër mbi supe. Jam i kënaqur me të, në sezonin e parë shënoi 9 gola. Nuk është e thjeshtë dhe ka treguar personalitet, pavarësisht moshës 21-vjeçare. Mesi e ka kërkuar te Barça? Kam një raport shumë të mirë me Leon, më lejoni ta shijoj edhe pak”, përfundon Havier Zaneti duke buzëqeshur.

Argjentinasi zbulon disa detaje nga fëmijëria e tij dhe sakrificat e mëdha. Prindërit bënin të pamundurën që Havieri i vogël të studionte dhe luante futboll. E para ishte detyrim, ndërsa e dyta ishte ëndrra dhe pasioni i madh.

Një ditë tentoi të kalonte një provë tek Independiente, por skuadra e zemrës e cilësoi si shumë të brishtë dhe e refuzoi. Mërzia e madhe iu hoq nga babai i tij, i cili zgjodhi fjalët e duhura për ta motivuar.

DREJTUES APO TRAJNER – “Kam kaluar 23 vite në fushat e blerta dhe më pas zgjodha rolin e drejtuesit në vend të trajnerit. Bëra këtë zgjedhje, sepse doja të zbuloja se si funksiononte një klub dhe të vija aftësitë e mia në dobi të Interit. Po zbuloj shumë gjëra dhe kam mundësinë të jap kontributin tim e transmetoj kompetencat e mia”.

FËMIJËRIA – “Mezi prisja të mbaroja detyrat për të luajtur futboll me miqtë e mi. Një ditë bëra një provë tek Independiente, klub historik në Argjentinë dhe skuadra që bëja tifozllëk, por më refuzuan sepse isha i brishtë. Vendosa të punoja me babanë tim dhe ishte diçka fantastike. Zgjohesha në orën 5:30 të mëngjesit dhe nisesha për punë. Ishte e vështirë dhe tepër e lodhshme, sepse isha i vogël. Megjithatë, më ka ndihmuar për shumë gjëra”.

“Edhe mamaja bënte shumë sakrifica. Bënte të pamundurën që të mos mungonte gjë dhe unë të studioja dhe luaja futboll. Babai e dinte ëndrrën time të madhe për t’u bërë futbollist. Pas provës zhgënjyese me Independienten më tha: ‘Provo përsëri dhe do t’ia dalësh’. Ishin fjalët që më motivuan për të mos u dorëzuar”.

Ndryshova punë dhe fillova të punoj me qumësht. Tashmë zgjohesha në orën 4 të mëngjesit, punoja deri në orën 7:30 dhe më pas nisesha për shkollë. Unë kam qenë gjithmonë i mirë me mësime. Prindërit ma përsërisnin gjithmonë: ‘Ok futbolli, por duhet të studiosh në fillim.'”

Kapiteni legjendar i zikaltërve njihej për profesionalizmin e madh dhe faktin që nuk abuzonte kurrë. “Nuk kam pirë kurrë alkool. Makaronat dhe uji natyral më kanë shoqëruar gjithmonë”, shprehej Zaneti përpara disa vitesh, ndërsa Kivu nis e tregon.

“Pasi fituam kundër Bajernit në finalen e Madridit dhe ngritëm në qiell trofeun e Champions Ligës, iu drejtuam Havierit: nëse je një kapiten i vërtetë, duhet të festosh me ne dhe të pish të paktën një gotë verë. Ishte ndoshta hera e parë që e shijonte aq shumë triumfin, por nuk u tërhoq as atë rast. Ishte një natë speciale dhe bëri një përjashtim për të gjithë. Kemi qeshur dhe bërë shaka deri në agim”, përfundon ish-mbrojtësi i Interit.

Havier Zaneti ka komentuar shortin e sotëm, duke vlerësuar ekipin nga Frankfurti. Zëvendëspresidenti dhe ish-kapiteni legjendar i Interit ndalet dhe te çështja e Ikardit, për të cilin ka këshillat e duhura.

SHORTI – “Ajntrahti është një kundërshtar i fortë, por është pozitive që do ta luajmë ndeshjen e kthimit në shtëpi. Duhet të përgatitemi mirë për dy ndeshjet kundër gjermanëve, sepse Interi duhet t’i shkojë deri në fund çdo kompeticioni ku merr pjesë. Mund të përmirësohemi akoma dhe kjo është mënyra e duhur për të tentuar kualifikimin kundër Ajntrahtit.”

IKARDI – “Mendoj që Ikardi vazhdon të jetë një lojtar shumë i rëndësishëm për Interin. Shpresoj të kthehet shpejt në fushë dhe të ndihmojë skuadrën. Kur ka probleme në dhomat e zhveshjes, duhet t’i zgjidhim të gjithë bashkë. Vetëm kështu mund të përforcohet grupi dhe të krijohen kushtet e duhura për të fituar. Nuk kam folur personalisht me Mauron dhe më vjen keq për situatën e krijuar. Askush nuk është më i rëndësishëm se skuadra dhe shiriti i kapitenit është i rëndësishëm e sinonim i shembullit perfekt. Këtë gjë e di shumë mirë Bergomi që e ka mbajtur në krah përpara meje dhe unë gjithmonë kam ndjekur shembullin e tij. Shokët e skuadrës të respektojnë për atë që je brenda dhe jashtë fushës.”

Ishte 13 janari i vitit 2013, kur Andrea Stramaçioni i dhuronte një vend në formacion 18-vjeçarit Benasi. Në një prononcim për “DAZN”, ai i rikthehet dhe njëherë atij momenti emocionues dhe zbulon lojtarin që ia bëri më të thjeshtë debutimin me ngjyrat zikaltër.

“Më kujtohet se tre ditë përpara ndeshjes Zaneti më thirri veç e më tha: ‘Trajneri po mendon të luajë bashkë me ty. Rri i qetë, sepse aty ku nuk do të mund të mbërrish ti, të ndihmoj unë’. Unë zbrita në fushë i qetë, duke u përpjekur për të dhënë më të mirën time, por isha vetëm një djalosh dhe nuk e kuptoja se ku isha dhe çfarë po bëja”, përfundon lojtari i Fiorentinës së Piolit.

Lidhur me këtë çështje foli legjenda interiste, Havier Zaneti, i cili ka dhe një rol drejtuesi në klub. Ish-kapiteni, pranoi se Ikardi është mjaft i lumtur tek Interi dhe se rinovimi do të vijë herët apo vonë. Gjithashtu Zaneti foli për trajnerin Luçiano Spaleti, pozitat e të cilit janë vënë në pikëpyetje pas eleminimit nga Champions.

IKARDI – “Mauro është shumë i lumtur tek Inter, po ashtu dhe ne jemi me të. Rinovimi do të vijë në kohën e duhur, pasi të gjithë po e presim. Është shumë i rëndësishëm për ne, si brenda edhe jashtë fushe. Është kapiteni ynë edhe pika jonë e referimit”.

SPALETI – “Nuk e vlerësojmë punën e tij nga një humbje apo një fitore, është një trajner i mirë dhe një profesionist i jashtëzakonshëm, i cili vendos të gjithë pasionin e tij në punë. Jemi të lumtur me të dhe do të bëjmë një analizë në fund të sezonit. Ai ka nevojë të punojë i qetë. Objektivi ynë është që të jemi në çdo kompeticion protagonistë”.

Ish-kapiteni legjendar i Interit ka thënë se shpreson që Mauro Ikardi të vijojë të jetë pjesë e klubit dhe të shndërrohet në një legjendë. Gjithashtu, Zaneti ka prekur dhe pjesën e eleminimit nga Championsit, ku ka theksuar se klubi ka objektiva dhe në Europa Ligë, apo Seria A dhe në kupën e Italisë.

IKARDI – “Kontributi i tij është gjithmonë shumë i rëndësishëm. Shpresoj që të qëndrojë për shumë vite dhe të bëhet një legjendë në historinë e klubit”.

ELEMINIMI NGA CHAMPIONSI – “Objektivi i sezoni të shkuar ishte që të kuaifikoheshim për në Champions, por fatkeqësisht rrugëtimi ynë në këtë kompeticion përfundoi në ndeshjen ndaj PSV. Kjo nuk do të thotë që ne nuk kemi objektiva të tjera. Seria A, Europa Liga dhe Kupa e Italisë, janë që të tre kompeticione mjaft të rëndësishme për ne dhe ne duhet të vazhojmë të japim paraqitje të mira”.