Francezja “soccerlink.fr” raporton interesimin e kuqezinjve. Frederik Masara, drejtori sportiv i “djallit”, insiston për realizimin e këtij operacioni. Kualiteti i lojtarit latin nuk vihet në diskutim. Ai mund të luajë në rolin e mesfushorit ofensiv, ndërsa bën edhe sulmuesin e majtë.

Një përforcim interesant për trajnerin Xhampaolo, i cili preferon lojtarë teknikë dhe mund t’i besojë Pastores organizimin e manovrës ofensive. Masara po punon fort dhe ka nisur negociatat e para me Romën, që nga ana e saj është e zhgënjyer me ish-lojtarin e PSG-së dhe do ishte dakord ta shiste te Milani.

Argjentinasi la PSG në verë për t’u transferuar te Roma. Aventura me verdhekuqtë nuk po shkon në mënyrën më të mirë, pasi Pastore ka shënuar vetëm 3 gola dhe nuk po arrin të shprehë gjithë potencialin e tij.

“Rendimenti i Pastores më vë në siklet të madh, sepse kam patur fatin ta shoh duke dominuar në fushë. Kam parë stadiume ku të gjithë qëndronin në këmbë për të shijuar lojën e tij dhe nëpër transferta. Nuk e harroj kur në Firence e duartrokiti i gjithë stadiumi. Ndihem shumë keq kur e shoh duke luajtur kështu. Ia kam thënë dhe atij, i duhet të nxjerrë në pah krenarinë argjentinase për t’u kthyer në nivelin e tij.”

“Askush nuk mund ta ndihmojë dot, thjeshtë duhet të japë më shumë për të zhvilluar futbollin që di të bëjë. Ai është një fantazist ofensiv, një ‘playmaker’ në të gjithë fushën. Ka një nivel të jashtëzakonshëm vrapimi, por i duhet të qëndrojë gjithmonë afër topit”, përfundon drejtuesi i Interit.