Java e trete

Bajerni fiton me tris golash, Mehmedi shpëton Volfsburgun nga humbja

Sport Ekspres — Sat, 15 Sep 2018 15:37:13 +0000

Mbyllen pesë ndeshjet e javës së tretë të Bundesligës gjermane, ku janë shënuar plot 19 gola. Bajerni i Mynihut mposhti Bajer Leverkusen me golat e Tolisos, Roben dhe Hames Rodrigez dhe renditen të vetëm në krye të renditjes. Miqtë e nisën sfidën me gol, duke shënuar që në minutën e pestë. Braziliani shënoi nga pika e penalltisë, duke mposhtur Nojerin, por avantazhi i miqve zgjati vetëm pesë minuta. Francezi Toliso barazoi rezultatin me një goditje brenda zonës, ndërsa Arjen Roben kaloi vendasit në avantazh në minutën e 19-të.

Holandezi përfitoi nga një top i kthyer nga mbrojtja e miqve dhe goditi fort brenda zonës, dukë shënuar një gol shumë të bukur. Leverkuzen mbeti me 10 lojtarë në minutat e fundit. Belarabi kreu një faull të rëndë dhe u ndëshkua me të kuqe në minutën e 80-të, ndërsa Xhejms Rodrigez vulosi fitoren një minutë para fundit, duke shënuar golin e tretë për ekipin bavarez.

Volfsburgu dhe Herta e Berlinit u ndanë në një barazim me gola. Pjesa e parë u mbyll pa gola, ndërsa në të dytën u shënuan katër të tillë. Miqtë shfrytëzuan një kundërsulm të shpejtë dhe holandezi Dilrosun shënoi një gol të bukur në minutën e 61’. Mali barazoi tre minuta para fundit me anë të një penalltie, ndërsa në minutë e parë shtesë, Duda shënoi një gol të bukur nga goditja e dënimit. Kur u mendua që Herta siguroi fitoren, Admir Mehmedi barazoi sfidën duke i dhënë një pikë skuadrës së tij.

Dyseldorfi arriti fitoren e parë në Bundesligë duke fituar përballë Hofenhajmit me rezultatin 2-1. Minutat e fundit të pjesëve ishin emocionuese me vendasit që kaluan në avantazh në limitet e pjesës së parë me anë të Morales, ndërsa miqtë barazuan me anë të anglezit Nelson katër minuta përpara fundit. Kur dukej se sfida po mbyllej në barazim, vendasit kaluan përpara me anë të një penalltie e kthyer në gol nga Lukebakio.

Fitoren e parë në këtë sezon arritën dhe Lajpcigu, që mposhti 3-2 Hanoverin dhe Mainci, që riktheu ndeshjen në fund, duke mposhtur Augsburgun në limitet e ndeshjes me rezultatin 2-1.

Bajern Mynih-Bajer Leverkuzen 3-1 (Toliso 10’, Roben 19’, Rodrigez 89’/ Uendel 5’)
Dyseldorf-Hofenhejm 2-1 (Morales 45’, Lukebakio 88’(pen)/ Nelson 86’)
Mainc-Augsburg 2-1 (Ujah 87’, Maksim 93’/ Ji Dong-Von 83’)
Laipcig-Hanover 3-2 (Poulsen 9’, Verner 40’, 63’/ Fullkrug 13’, Albornoz 65’)
Volfsburg-Herta 2-2 (Mali 88’, Mehmedi 93’/ Dilrosun 61’, Duda 91’)

Ndryshimi i fundit për Superioren, e diela me plan tjetër

Sport Ekspres — Tue, 28 Aug 2018 16:18:48 +0000

Java e tretë e Superiores do të zhvillohet në tre ditë, por ka ndryshim orari në dy sfidat e së dielës. Kukësi-Tirana do të zhvillohet tre orë më herët sesa ishte njoftuar më parë, ndërsa Teuta-Kamza do të jetë ndeshja e mbrëmjes. Spostim oraresh mes dy çifteve, ku Kukësi-Tirana do të zhvillohet në orën 16:4, ndërsa Teuta-Kamza do të zbresin në fushë në orën 19:45.

Skënderbeu dhe Laçi hapin siparin e kësaj jave në ndeshjen që do të zhvillohet në stadiumin e Korçës. Stadiumi do të jetë bosh si pasojë e dënimit të tifozëve vendas. Kampionët kërkojnë fitoren për të vazhduar kryesimin, ndërsa bardhezinjtë duan të hakmerren për humbjen e Superkupës dhe do luftojnë për pikë për të vazhduar të qëndrojnë në vendet e sipërme të tabelës.

Të shtunën zbresin në fushë Flamurtari dhe Partizani. Djemtë e Dajës do të kërkojnë vazhdimësinë në transfertën gjirokastrite në një përballje të vështirë, pasi vendasit janë të etur për të marrë pikët e para mbas dy humbjeve. Partizani pret Kastriotin në kryeqytet në ndeshjen e mbrëmjes. Të kuqtë vijnë nga fitorja me Kamzën dhe morali i djemve të Gegës është i lartë, ndërsa krutanët do të tentojnë të reagojnë mbas humbjes me Skënderbeun.

Dy sfidat e fundit zhvillohen ditën e dielë. Kukësi pret Tiranën dhe të dyja ekipet janë në kërkim të pikëve maksimale. Teuta pret Kamzën në darkë në një ndeshje të fortë dhe interesante. Durrsakët duan të shënojnë golin e parë dhe të fitojnë, ndërsa djemtë e Devollit do të luftojnë për të marrë pikët e radhës në transfertë.

Kategoria Superiore – Java 3

E premte, 31 gusht 2018
Skënderbeu-Laçi, ora 19:45

E shtunë, më 1 shtator
Luftëtari-Flamurtari 16:45
Partizani-Kastrioti 19:45

E diel, më 2 shtator
Kukësi-Tirana 16:45
Teuta-Kamza 19:45

Tashmë është modë, tre ditë kampionat edhe këtë javë

Sport Ekspres — Mon, 27 Aug 2018 09:53:07 +0000

Superiorja la pas javën e dytë dhe të premten ekipet zbresin menjëherë në fushë. Dy ekipet e kreut, Skënderbeu e Laçi, përballen mes tyre në Korçë. Pa praninë e tifozëve, dy ekipet do tentojnë maksimumin në këtë përballje. Superkupa ishte edhe një barometër për të dyja ekipet. Korçarët sigurisht që synojnë pikët e plota. Edhe pse pa tifozë, ndeshja luhet me ndriçim, prej orës 19:45. Orari mund edhe të pësojë ndonjë ndryshim.

Të shtunën luhen dy takimet e tjera. Në Gjirokastër Luftëtari pret Flamurtarin. Për bluzinjtë ka vetëm një rezultat që pranohet dhe është fitorja. Deri më tani bluzinjtë njohin vetëm humbje. Por kundër vlonjatëve kurrsesi nuk do të jetë e lehtë. Ky takim zhvillohet prej orës 16:45.

Tri orë më vonë Partizani do të luajë ndeshjen e parë në shtëpi. Përballë të kuqtë do të kenë Kastriotin e ngjitur në elitë. Me siguri skuadrës kryeqytetase u kujtohet ai barazim pa gola me Lushnjën, ndaj edhe nuk mund të ketë nënvlerësim për kundërshtarin. Për t’u theksuar është fakti se ndeshja luhet pa tifozë.

Java e tretë mbyllet me dy takimet e së dielës. Teuta-Kamza është sfida e parë. Në “Niko Dovana” ekipet zbresin në fushë prej orës 16:45. Në mbrëmje Kukësi pret Tiranën në “Elbasan Arena”. Dy ekipet do kërkojnë të lënë pas krizën dhe fundin e tabelës.

Kategoria Superiore – Java 3

E premte, 31 gusht 2018
Skënderbeu-Laçi, ora 19:45

E shtunë, më 1 shtator
Luftëtari-Flamurtari 16:45
Partizani-Kastrioti 19:45

E diel, më 2 shtator
Teuta-Kamza 16:45
Kukësi-Tirana 19:45