Dy penallti vendosën sfidën e drekës në La Liga. Stuani kaloi Zhironën në avantazh në minutën e 37-të dhe sulmuesi uruguaian ngjitet në kuotën e gjashtë golave, vetëm një më pak se Andre Silva i Seviljes, i cili kryeson renditjen e golashënuesve me shtatë gola.

Vendasit reaguan dhe arritën të gjenin golin e barazimit në pjesën e dytë. Kapiteni Merelo u tregua i saktë nga pika e penalltisë dhe barazoi rezultatin në minutën e 72-të. Ndeshja nuk pati më gola dhe të dy ekipet ndanë nga një pikë.

Hueska renditet në vendin e tretë nga fundi me pesë pikë pas javës së shtatë, ndërsa Zhirona ngjitet në kuotën e nëntë pikëve, duke u renditur përkohësisht në vendin e nëntë.

Hueska – Zhirona 1-1
(Merelo (pen) 72′ / Stuani (pen) 37′)

Sulmuesi shënoi në minutën e 36-të, pas një pasimi të bukur të Çerishev, duke mposhtur portierin Moja. Vendasit kishin mundësinë të barazonin rezultatin në minutën e 67-të të pjesës së dytë, por humbën një penallti.

Uillian Hoze dështoi të shënonte nga pika e bardhë dhe gjuajtja e sulmuesit brazilian u prit nga bashkëpatrioti i tij Neto. Ndeshja nuk pati më gola dhe gjithçka përfundoi me fitoren e miqve.

Valencia ngjitet në kuotën e tetë pikëve pas javës së shtatë, në kuotë të barabartë më Sociedadin, që pëson humbjen e dytë në shtëpi pas asaj kundër Barcelonës.

Real Sociedad – Valencia 0-1
(Gameiro 36′)