VIDEO | Spektakël për kreun, Alkaser nderon Dortmundin

Sport Ekspres — Sat, 06 Oct 2018 15:33:06 +0000

Dortmundi ka arritur të fitojë ndeshjen e katërt rresht në shtëpi dhe të katërtën rresht përfshirë kampionatin dhe Champions Ligën. Festival golash në “Signal Iduna Park” me verdhezinjtë, të cilët mposhtën Augsburgun me rezultatin 4-3. Kjo fitore i ngjit vendasit në vendin e parë në kuotën e 17 pikëve pas javës së shtatë.

Dy zëvendësuesit Pako Alakser me një tripletë dhe Mario Gëce ishin autorët e golave të Dortmund, të cilët u gjenden dy herë në dizavantazh pas golave të Fingobason dhe mbrojtësit Maks. Pjesa e parë dhuroi vetëm një gol të miqve, ndërsa pjesa e dytë ishte plot emocione.

Alkaser barazoi dy herë avantazhin e Augsburg, ndërsa goli i Gëces në minutën e 84 u duk se i dha fitoren vendasve, por Augsburg barazoi tre minuta më vonë me anë të austriakut Gregorish. Kur dukej se ndeshja po mbyllej në barazim, Pako Alkaser shënoi një eurogol, të tretin personal dhe të katërtin për ekipin në minutën e gjashtë shtesë, duke çuar në ekstazë ekipin e tij.

Fitorja përballë Lokomotivës në Champions i ka bërë mirë Shalkes, që fitoi një tjetër transfertë. Ekipi i Tedeskos fitoi 0-2 kundër Duseldorfit me dy gola të shpejtë në fillimin e pjesës së dytë. Amerikani Mek’Keni dhe austriaku Burgstaler i dhuruan fitoren Shalkes, që ngjitet në kuotën e shtatë pikëve pas po kaq javësh.

Hanover ka marrë fitoren e parë në këtë sezon pas fitores me rezultatin 3-1 kundër Shtutgartit. Amerikani Bobi Vud ishte heroi i vendasve me dygolëshin e shënuar, ndërsa miqtë Mario Gomez shënoi golin e vetëm të Shtutgartit. Në fund Bebu shënoi golin e tretë, duke vulosur fitoren e Hanoverit.

Pa gola është mbyllur dhe ndeshja midis Maincit dhe Hertës së Berlinit. Me këtë pikë, miqtë ngjiten në vendin e tretë me 14 pikë, ndërsa Mainc mban vendin e tetë.

Java e shtatë e Bundesligës

Dortmund – Augsburg 4-3
(Alkaser 62’, 80’, 96’ Gëce 84’ / Fingobason 22’, Maks 71’, Gregorish 87’)

Duseldorf – Shalke 0-2
(Mek’Keni 48’, Burgstaler 53’)

Hanover – Shtutgart 3-1
(Vud 30’, 45+1’, Bebu 91’ / Gomez 50’)

Mainz – Herta Berlin 0-0

VIDEO | Ajntrahti shkatërron Hanoverin, Florent Muslija shënon në debutim

Sport Ekspres — Sun, 30 Sep 2018 16:21:22 +0000

Ajntrahti i Frankfurtit ka fituar përballë Hanoverit me rezultatin e thellë 4-1. Ndika dhe kroati Rebiç i dhanë vendasve avantazhin e dyfishtë në 10-të minutat e fundit të pjesës së parë, ndërsa De Guzman shënoi golin e tretë në minutën e 59-të. Rebiç bëri gjithçka mirë në krahun e majtë, duke shmangur dy mbrojtës dhe pasoi për holandezin, i cili nuk e pati të vështirë të shënonte me portën bosh.

Hanover shkurtoi diferencën katër minuta nga fundi. Florent Muslija, i cili debutoi në Bundesligë në minutën e 69-të, shfrytëzoi një pasim të Vud dhe gjeti golin e parë me Hanoverin.

Një kënaqësi e madhe për 19-vjeçarin, i cili luan në krahun e majtë të sulmit. 17 minuta iu deshën 20-vjeçarit, i cili ka luajtur 1 ndeshje me U20 të Gjermanisë, të shijonte golin e parë në kampionatin gjerman.

Joviç shënoi një tjetër gol në minutën e 89-të, duke vulosur përfundimisht fitoren e Ajntrahtit, që arrin fitoren e dytë në kampionat, ndërsa Hanover mban vendin e fundit në renditje me vetëm dy pikë, pas javës së gjashtë.

Ajntraht Frankfurt – Hanover 4-1
(N’Dika 36’, Rebiç 45+1’, De Guzman 59’, Joviç 89’/ Muslija 86’)