java e fundit

VIDEO | Torino nderon Moretin,e mbyll me fitore kundër Lacios

Sport Ekspres — Sun, 26 May 2019 14:54:09 +0000

Torino dhe Lacio i kishin ruajtur emocionet për pjesën e dytë në ndeshjen e fundit për këtë sezon. 3-1 fitoi ekipi i Maxarrit, duke mbyllur një kampionat shumë të mirë në kuotën e 63 pikëve. Ndeshje pa rëndësi për Lacion, që siguroi kualifikimin në Ligën e Europës pas fitimit të finales së Kupës së Italisë kundër Atalantës.

Pjesa e parë nuk dhuroi emocione, ndërsa në të dytën u shënuan katër gola. Iago Falke zhbllokoi shifrat me anë të një gjuajtje të bukur në zonë, ndërsa Lukiç dyfishoi pas dy minutash.

Kundërsulm perfekt i ekipit granata, që u konkretizua nga mesfushori. Lacio reagoi dhe shkurtoi diferencat me anë të Imobiles. Sulmuesi shënoi një gol të bukur pas asistit të marrë nga Parolo, ndërsa De Silvestri vulosi triumfin vendas me golin e shënuar 10 minuta para fundit të ndeshjes.

Kjo ishte ndeshja e fundit për Emiliano Moretin. Mbrojtësi 37-vjeçar i dha fund karrierës pas mbi 600 ndeshjeve si profesionist. Fitorja ishte për të, ndërsa tifozët i dhuruan emocione të forta.

Torino-Lacio 3-1
(Iago Falke 51’, Lukiç 53’, De Silvestri 80’ / Imobile 66’)

Java e fundit e Serie A, njoftohen ndryshime për ditën dhe orën e ndeshjeve

Sport Ekspres — Mon, 20 May 2019 12:07:57 +0000

Java e fundit e Serie A është padyshim e një rëndësie të veçantë, pasi kanë mbetur shumë enigma për t’u zbuluar, me katër ekipe që luftojnë për dy vende në Champions dhe pesë ekipe që rrezikojnë mbijetesën, ku në fund një do të bashkohet me Frozinonen dhe Kievon e rënë në Serie B.

Kalendari për këtë javë ishte lënë fillimisht që të gjithë takimet do të luheshin të dielën në orën 15:00, por me një lajmërim të dhënë së fundmi, federata italiane ka sqaruar se kalendari ka pasur një ndryshim.

Të shtunën do të luhet Frozinone-Kievo, një ndeshje që luhet vetëm për statistika. E diela do të nisë në orën 15:00 me Torino-Lacio dhe do të vijojë në orën 18:00 me Sampdoria-Juventus. Më pas, të gjithë takimet e tjera do të luhen në orën 20:30 në mbrëmje.

Java 38

E shtunë, 18:00 Frozinone – Kievo
E dielë, 15:00 Torino – Lacio
E dielë, 18:00 Sampdoria – Juventus

E dielë, 20:30

Atalanta – Sasuolo
Bolonja-Napoli
Kaliari-Udineze
Fiorentina-Xhenoa
Inter-Empoli
Roma-Parma
Spal-Milan

VIDEO | Më në fund mbaroi, Reali mbyll me humbje sezonin e tmerrshëm

Sport Ekspres — Sun, 19 May 2019 11:53:12 +0000

Reali nuk ia doli ta mbyllë me sukses kampionatin spanjoll. 0-2 u mposhtën djemtë e Zidan në shtëpi nga Betisi në ndeshjen e fundit të La Ligës për këtë sezon. Miqtë shënuan dy herë në pjesën e dytë.

Në fillim ishte Loren, i cili finalizoi një aksion të bukur të Betisit pas një ore lojë. Më pas ishte radha e një ish-i. Sërish kombinime të bukura të miqve dhe Hese Rodrigez vulosi ndeshjen me golin e shënuar 15 minuta nga fundi.

Reali i dha fund një sezoni tepër zhgënjyes dhe e mbylli kampionatin në vendin e tretë me 68 pikë, ku bien në sy 12 humbjet e pësuara. Mesi i tabelës për Betisin, që e mbyll i dhjeti me 50 pikë, duke humbur kualifikimin në Europë për vetëm 3 pikë.

Real Madrid-Betis 0-2
(Loren 61’, Hese 75’)

VIDEO | Valencia në Champions, surpriza Getafe mjaftohet me Ligën e Europës

Sport Ekspres — Sat, 18 May 2019 16:08:56 +0000

Valencia ia ka dalë të sigurojë një kualifikim të madh në Champions. Deri para pak javësh renditej Getafe në vendin e katërt dhe garën e kishte me Sevijën. Megjithatë, Valencia shfrytëzoi gabimet e këtyre dy ekipeve dhe festoi ditën e sotme.

0-2 fituan djemtë e Marçelinos në transfertë kundër Vajadolidit, me nga një gol të shënuar për çdo pjesë. Soler dhe Rodrigo ishin heronjtë, të cilët ndëshkuan ekipi e Ronaldo fenomenit.

Getafes nuk i shërbeu pika e marrë në shtëpi kundër Vijarealit. Surpriza e madhe e këtij sezoni barazoi 2-2 dhe e mbylli kampionatin në kuotën e 59 pikëve, duke u kualifikuar në Europa League.

Sevija mposhti 2-0 Atletiko Bilbaon në shtëpi me golat e Ben Jeder dhe El Hadadit në limitet e çdo pjese. 59 pikë dhe vendi i gjashtë për ekipin andaluzian, që gjithashtu do të luajë sezonin e ardhshëm në Europa League.

Espanjol-Real Sociedad 2-0
(Rosales 58’, Vu Lei 65’)

Getafe-Vijareal 2-2
(Portijo 13’, Maksimoviç 76’ / Iborra 44’, Moreno 87’)

Sevija-Atletik Bilbao 2-0
(Ben Jeder 44’, El Hadadi 90+2’)

Vajadolid-Valencia 0-2
(Soler 36’, Rodrigo 52’)

VIDEO | “Diktatura” e Bajernit vazhdon, vjen titulli i shtatë radhazi

Sport Ekspres — Sat, 18 May 2019 15:26:37 +0000

Pasdite e mrekullueshme në Alianz Arena. Bajerni i Mynihut shkatërroi Ajntrahtin e Frankfurtit me rezultatin 5-1 dhe siguroi titullin e 29-të në histori. Festë golash dhe emocione në javën e fundit të kampionatit gjerman, ndërsa shënuan gol edhe dyshja Riberi-Roben.

7? pic.twitter.com/11YCgA5A1y

— #MEIS7ER (@FCBayern) May 18, 2019

Të dy lojtarët do të largohen nga ekipi dhe nuk mund ta mbyllnin aventurën e paharrueshme me gjigantin gjerman pa shënuar gol. Pavarësisht kritikave dhe një sezoni të vështirë, Niko Kovaç arriti të shkruante emrin në historinë e Bajernit me titullin e fituar.

Duartrokitje edhe për Dortmundin. Verdhezinjtë nuk treguan forcën e duhur në sprintin final, por zhvilluan një sezon fantastik. Fitorja 0-2 në fushën e Gladbahut nuk solli titullin, por rivaliteti me Bajernin ishte emocionues dhe gjithçka u zgjidh në javën e fundit.

Leverkuzeni siguroi tre pikë të arta në kryeqytet përballë Hertës vendase dhe sezonin e ardhshëm do të marrë pjesë në Champions Ligë. Në Ligën e Europës përfunduan Gladbahu, Volfsburgu dhe Ajntrahti i Frankfurtit, ndërsa humbja në Mainc ishte fatale për Hofenhejmin.

Me gol e mbyllën edhe dy lojtarët shqiptarë. Milot Rashica shënoi golin e nëntë në kampionat në fitoren 2-1 të Verderit kundër Laipcigut, ndërsa Elvis Rexhbecaj shënoi golin e dytë në Bundesligë këtë sezon në triumfin 8-1 të Volfsburgut.

Gladbah-Dortmund 0-2
(Sanço 45’, Rojs 54’)

Bajern Mynih-Ajntraht Frabkfurt 5-1
(Koman 4’, Alaba 53’, Sançes 58’, Riberi 72’, Roben 78’ / Haler 50’)

Dyseldorf-Hanover 2-1
(Henings 56’, Karaman 61’ / Myler 78’)

Fraiburg-Nuremberg 5-1
(Terraxino 7’, Ualdshmid 34’, Petersen 54’, 56’, Grifo 61’ / Louen 69’)

Herta Berlin-Leverkuzen 1-5
(Lazaro 34’ / Haverc 28’, Alario 38’, 72’, 88’, Brandt 54’)

Mainc-Hofenhajm 4-2
(Brosinski (pen) 66’, Boetius 83’, 90’, Mateta 90+3’ / Belfodil 12’, Kramariç 34’)

Shalke-Shtutgart 0-0

Verder Bremen-Laipcig 2-1
(Rashica (pen) 35’, Pixarro 88’ / Mukiele 86’)

Volfsburg-Augsburg 8-1
(Vergost 21’, 37’, 55’, Knoçe 41’, Ginçzek 57’, Rexhbecaj 60’, Brekalo 85’, Danso (aut) 89’ / Shiber 81’)

VIDEO | Mallkimi i kuq vazhdon, Siti fiton titullin me përmbysje

Sport Ekspres — Sun, 12 May 2019 15:54:55 +0000

Tifozët e Liverpulit filluan të besonin se mrekullia mund të ndodhte pas avantazhit të Brajtonit, por goli i Mërrej ishte vetëm një iluzion. Mançester Siti reagoi shpejt, përmbysi rezultatin, triumfoi me “poker” golash dhe fitoi titullin kampion.

Liverpulit i duhet të presë akoma, ndërsa trofeu i madh i futbollit anglez mungon që nga viti 1990 në qytetin e “Beatles”. Djemtë e Klop bënë detyrën dhe mposhtën në shtëpi ekipin e Ulvërhempton me rezultatin 2-0.

Dygolëshi i Sadio Mane, i cili u shpall golashënuesi më i mirë bashkë me Salah dhe Obamejang (me nga 22 gola) i dha fitoren vendasve, të cilët e mbyllën kampionatin fantastik me 97 pikë, por që fatkeqësisht nuk mjaftuan për fitimin e titullit.

Pep Guardiola dhe tifozët e “Citizens” u trishtuan shumë kur Glen Mërrej kaloi Brajtonin në avantazh në minutën e 27-të. Ekipit nga Mançester i bënte punë vetëm fitorja dhe Sergio Aguero riktheu qetësinë pas vetëm një minutë.

Francezi Laporte kaloi ekipin e tij në avantazh pa u mbyllur pjesa e parë dhe tashmë Siti ishte kampion i Anglisë. Golat e Mahrez dhe Gyndogan në pjesën e dytë vulosën gjithçka dhe festa nisi, pasi Siti e mbylli sezonin me 98 pikë!

72. We’re nearly there, guys!

What a stunning freekick from @IlkayGuendogan that was! ?

?? 1-4 ? #BHAMCI #mancity pic.twitter.com/vpkRLbxkhg

— Manchester City (@ManCity) May 12, 2019

Ky ishte titulli i dytë rresht me Guardiolën në stol dhe i gjashti në historinë e klubit. Llogaritë e tjera ishin mbyllur prej kohësh dhe java e fundit e Premier Ligës u mbyll me plot 36 gola të shënuar.

Brajton-Mançester Siti 1-4
(Mërrej 27’ / Aguero 28’, Laport 38’, Mahrez 63’, Gyndogan 72’)

Bërnlej-Arsenal 1-3
(Barnes 65’ / Obamejang 52’, 63’, Nketiah 90+4’)

Kristal Palas-Bornmuth 5-3
(Batshuaj 24’, 32’, Simpson (aut) 37’, Van Anholt 65’, Tounsend 80’ / Lerma 45’, Ibe 56’, King 73’)

Fulhem-Njukasëll 0-4
(Shelvi 9’, Perez 11’, Shar 61’, Rondon 90’)

Leister-Çelsi 0-0

Liverpul-Ulvërhempton 2-0
(Mane 17’, 81’)

Mançester Junajtid-Kardif 0-2
(Mendez-Laing (pen) 23’, 54’)

Sauthempton-Hadërsfilld 1-1
(Redmond 41’ / Pritçard 55’)

Totenhem-Everton 2-2
(Dajwr 3’, Eriksen 75’ / Uollkot 69’, Tosun 72’)

Uotford-Uest Hem 1-4|
(Delofeu 46’ / Nobwll 15’, 78’, Lanzini 39’, Arnautoviç 71’)