Luhet në aksin Kamzë-Laç, rreshtimet, gjyqtarët dhe situata në katër skuadrat

Sport Ekspres — Sun, 03 Feb 2019 08:22:34 +0000

Në mesditë do të luhen dhe dy ndeshjet e fundit të javës së 20-të, teksa katër skuadra do të zbresin në fushë në orën 14:00 në Gjirokastër dhe Kamzë.

Mund të konsiderohet një derbi i vogël përballja mes Partizanit dhe Kamzës në fushën e këtyre të fundit. Skuadra. Gjokës ndodhet në vendin e fundit pas suksesit të Kastriotit dhe do me çdo kusht të mos dalë duarbosh, aq më tepër që luan në shtëpi.

Në dy fazat e para Partizani ka fituar minimalisht ndaj kamzalinjve, duke hasur jo pak vështirësi. Suksesi i Kukësit i ka vënë nën presion kryeqytetasit, të cilët i shohin verilindorët vetëm 2 pikë larg.

KATEGORIA SUPERIORE – JAVA 20
E shtunë, më 3 shkurt, ora 14:00
Stadiumi i Kamzës

KAMZA – PARTIZANI

Kamza: Avdyli, Gjeorgievski, Qaqi, Arrabal, Bonani, Malaj, Mehmeti, Rezi, Plaku, Fukui, Martinena. Trajner: Ernest Gjoka.

Partizani: Hoxha, Ibrahimi, Belica, Rexhepi, Idrizaj, Atanda, Telushi, Mala, Bardhi, Asani, Hebaj. Trajner: Skënder Gega.

Gjyqtarë: Klajdi Kola, Rejdi Avdo, Mario Shazivari, Enea Jorgji

Delegat: Marjus Sulejmani; Vëzhgues: Pajtim Aliko.

Në Laç luhet një përballje po aq interesante, teksa pritet të shihet si do të reagojnë miqtë pas humbjes së thellë 5-1 një javë më parë ndaj Kastriotit, por edhe pas ndryshimeve në stafin teknik.

Julian Ahmataj ka marrë drejtimin e Luftëtarit pas largimit të Gentian Mezanit. Jugorët kanë pësuar shumë ndryshime dhe humbja e fundit me Kastriotin i ka turbulluat dukshëm ujërat.

Laçi do të kërkojë maksimumin në shtëpi, pas serisë së barazimeve radhazi. Tekniku Prenga ka një armë më shumë në arsenalin e tij, pasi me ekipin është bashkuar dhe sulmuesi Malik Mane, i cili me shumë mundësi do të jetë titullar sot.

KATEGORIA SUPERIORE – JAVA 20
E shtunë, më 3 shkurt, ora 14:00
Stadiumi i Laçit

LAÇI – LUFTËTARI

Laçi: Selmani, Fangaj, Gjoni, Mersinaj, Sefgjinaj, Eler, Jonuzi, Çokaj, Shtubina, Xhixha, Berisha (Mane). Trajner: Besnik Prenga.

Luftëtari: Ruçi, Rrapa, Hoxha, Koconis, Xhekson, Ramadani, Aleksi, Demo, Açka, Dunga, Fili. Trajner: Julian Ahmataj.

Gjyqtarë: Indrit Myrtja, Melis Dervishi, Fisnik Thorja, Hermal Llapra

Delegat: Besnik Çela; Vëzhgues: Idriz Gashi

Java e 20-të e Superiores do të luhet në tri ditë, ja kalendari

Sport Ekspres — Mon, 28 Jan 2019 08:40:57 +0000

Menjëherë pasi është mbyllur java e 19-të, në FSHF kanë përcaktuar kalendarin e zhvillimit të ndeshjeve për javën e 20-të të Kategorisë Superiore. Edhe kjo javë është menduar të luhet në tri ditë, duke e nisur ditën e premte me sfidën Tirana-Teuta, e cila është përcaktuar për orën 18:00, në të cilën të dyja skuadrat vijnë me rezultate ndryshe nga java e kaluar.

Të shtunën më 2 shkurt do të luhen dy ndeshje të tjera, të cilat nisin në orën 14:00 me sfidën Kastrioti-Skënderbeu, ndërkohë që në orën 17:00 në stadiumin “Flamurtari” të Vlorës, Kukësi do të matë forcën me Flamurtarin vendas. Ditën e dielë të dyja ndeshjet do të nisin në orën 14:00, dhe veçohet ajo mes Kamzës e Partizanit, ndërsa në Laç, vendasit presin Luftëtarin.

Partizani kryeson renditjen e 19 javëve me 40 pikë, i ndjekur nga Kukësi me 35 pikë, ndërkohë që Kastrioti mbyll renditjen me 13 pikë.

Ndeshjet-Java e 20-të

E premte, 1 shkurt 2019
Tirana-Teuta 18:00

E shtunë, 2 shkurt 2019
Kastrioti-Skënderbeu 14:00
Flamurtari-Kukësi 17:00

E dielë, 3 shkurt 2019
Kamza-Partizani 14:00
Laçi-Luftëtari 14:00

java e 20-të

Luhet në aksin Kamzë-Laç, rreshtimet, gjyqtarët dhe situata në katër skuadrat

Java e 20-të e Superiores do të luhet në tri ditë, ja kalendari